Zomato ਦੇ CEO ਨੇ ਨਵੇਂ ਸਾਲ ਦੀ ਸ਼ਾਮ ‘ਤੇ ਕੀ ਕੀਤਾ? ਜੋ ਬੁਰੀ ਤਰ੍ਹਾਂ ਹੋਏ ਟ੍ਰੋਲ
ਨਵੇਂ ਸਾਲ ਦੇ ਮੌਕੇ 'ਤੇ ਆਨਲਾਈਨ ਫੂਡ ਕੰਪਨੀ ਜ਼ੋਮੈਟੋ ਦੇ CEO ਦੀਪਇੰਦਰ ਗੋਇਲ ਨੇ ਸੋਸ਼ਲ ਮੀਡੀਆ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਪਰ ਲੋਕਾਂ ਨੇ ਉਨ੍ਹਾਂ ਨੂੰ ਬੁਰੀ ਤਰ੍ਹਾਂ ਟ੍ਰੋਲ ਕੀਤਾ। ਉਨ੍ਹਾਂ ਨੇ 31 ਦਸੰਬਰ ਦੀ ਸ਼ਾਮ ਨੂੰ ਕੰਮ ਕਰ ਰਹੇ ਮੁਲਾਜ਼ਮਾਂ ਦੇ ਕੈਬਿਨ ਨੂੰ ਵਾਰ ਰੂਮ ਦੱਸ ਦਿੱਤਾ ਸੀ, ਜਿਸ ਕਾਰਨ ਲੋਕਾਂ ਵਿੱਚ ਭਾਰੀ ਰੋਸ ਦੇਖਣ ਨੂੰ ਮਿਲਿਆ।
ਨਵੇਂ ਸਾਲ ਦੀ ਸ਼ਾਮ ਯਾਨੀ 2023 ਦਾ ਆਖਰੀ ਦਿਨ ਲੋਕਾਂ ਲਈ ਯਾਦਗਾਰ ਬਣ ਗਿਆ। ਦੁਨੀਆ ਭਰ ਦੇ ਲੋਕਾਂ ਨੇ ਪਾਰਟੀ ਕੀਤੀ ਅਤੇ ਫਿਰ ਰਾਤ ਦੇ 12 ਵਜੇ ਉਨ੍ਹਾਂ ਨੇ ਪਟਾਕੇ ਚਲਾਉਣੇ ਸ਼ੁਰੂ ਕਰ ਦਿੱਤੇ। 31 ਦਸੰਬਰ ਦੀ ਰਾਤ ਨੂੰ ਦੇਸ਼ ਭਰ ਦੇ ਸ਼ਹਿਰਾਂ ਦੇ ਰੈਸਟੋਰੈਂਟ ਅਤੇ ਹੋਟਲ ਭਰੇ ਹੋਏ ਨਜ਼ਰ ਆਏ। ਇਸ ਦੌਰਾਨ ਫੂਡ ਡਿਲੀਵਰੀ ਕੰਪਨੀਆਂ ਨੂੰ ਕਾਫੀ ਮੁਨਾਫਾ ਹੋਇਆ। ਅਜਿਹੇ ‘ਚ ਕੰਪਨੀ ਦੇ ਕਈ ਕਰਮਚਾਰੀ ਸ਼ਾਮ ਤੋਂ ਰਾਤ ਤੱਕ ਵੀ ਕੰਮ ਕਰਦੇ ਨਜ਼ਰ ਆਏ। ਅਜਿਹਾ ਹੀ ਕੁਝ ਜ਼ੋਮੈਟੋ ਦੇ ਦਫਤਰ ‘ਚ ਦੇਖਣ ਨੂੰ ਮਿਲਿਆ, ਜਿਸ ਦੀਆਂ ਤਸਵੀਰਾਂ ਕੰਪਨੀ ਦੇ ਸੀਈਓ ਦੀਪਇੰਦਰ ਗੋਇਲ ਨੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਪਰ ਜਿਵੇਂ ਹੀ ਉਨ੍ਹਾਂ ਨੇ ਅਜਿਹਾ ਕੀਤਾ ਤਾਂ ਉਹ ਬੁਰੀ ਤਰ੍ਹਾਂ ਟ੍ਰੋਲ ਹੋ ਗਏ। ਲੋਕਾਂ ਨੇ ਉਨ੍ਹਾਂ ਨੂੰ ਬਹੁਤ ਖਰੀਆਂ-ਖਰੀਆਂ ਸੁਣਾਈਆਂ।
ਦਰਅਸਲ, ਦੀਪਇੰਦਰ ਗੋਇਲ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ ਚਾਰ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ ‘ਚ ਕਰਮਚਾਰੀ ਪੂਰੇ ਦਿਲ ਨਾਲ ਕੰਮ ਕਰਦੇ ਨਜ਼ਰ ਆ ਰਹੇ ਹਨ। ਤਸਵੀਰਾਂ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਜਿਸ ਜਗ੍ਹਾ ‘ਤੇ ਕਰਮਚਾਰੀ ਬੈਠ ਕੇ ਕੰਮ ਕਰ ਰਹੇ ਹਨ, ਉਸ ਦੇ ਬਾਹਰ ਸ਼ੀਸ਼ੇ ‘ਤੇ ਇੱਕ ਕਾਗਜ਼ ਚਿਪਕਿਆ ਹੋਇਆ ਹੈ, ਜਿਸ ‘ਤੇ ਲਿਖਿਆ ਹੈ ’31 ਦਸੰਬਰ ਵਾਰ ਰੂਮ’। ਇਸ ਨੂੰ ਦੇਖ ਕੇ ਲੋਕ ਗੁੱਸੇ ‘ਚ ਆ ਗਏ ਅਤੇ ਜ਼ੋਮੈਟੋ ਦੇ CEO ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ। ਕਿਸੇ ਨੇ ਕਿਹਾ, ‘ਜਿੱਥੇ ਪੂਰੀ ਦੁਨੀਆ ਨਵੇਂ ਸਾਲ ਦੇ ਮੌਕੇ ‘ਤੇ ਮੌਜ-ਮਸਤੀ ‘ਚ ਰੁੱਝੀ ਹੋਈ ਹੈ, ਤੁਸੀਂ ਆਪਣੇ ਕਰਮਚਾਰੀਆਂ ਨੂੰ ਕੰਮ ਕਰਵਾ ਰਹੇ ਹੋ’ ਤਾਂ ਕਿਸੇ ਹੋਰ ਨੇ ਕਿਹਾ, ‘ਮੈਂ ਘਰ ਦਾ ਬਣਿਆ ਖਾਣਾ ਖਾ ਰਿਹਾ ਹਾਂ ਤਾਂ ਜੋ ਇਨ੍ਹਾਂ ਲੋਕਾਂ ਨੂੰ ਵਾਧੂ ਕੰਮ ਨਾ ਕਰਨਾ ਪਵੇ’।
ਤਸਵੀਰਾਂ ਨੂੰ ਦੇਖਣ ਤੋਂ ਬਾਅਦ ਇੱਕ ਯੂਜ਼ਰ ਨੇ ਜ਼ੋਮੈਟੋ ਦੇ ਸੀਈਓ ਨੂੰ ਟ੍ਰੋਲ ਕੀਤਾ ਅਤੇ ਲਿਖਿਆ, ‘ਇਹ ਕੋਈ ਪ੍ਰਾਪਤੀ ਨਹੀਂ ਹੈ। ਇਹ ਦਰਸਾਉਂਦਾ ਹੈ ਕਿ ਤੁਹਾਡਾ ਉਤਪਾਦ ਦੂਜੀਆਂ ਕੰਪਨੀਆਂ ਦੇ ਬਰਾਬਰ ਨਹੀਂ ਹੈ ਅਤੇ ਤੁਸੀਂ ਵੀਕਐਂਡ ‘ਤੇ ਵੀ ਲੋਕਾਂ ਨੂੰ ਕੰਮ ਕਰਵਾ ਰਹੇ ਹੋ’, ਜਦਕਿ ਇੱਕ ਹੋਰ ਉਪਭੋਗਤਾ ਨੇ ਲਿਖਿਆ, ‘ਪ੍ਰੋਜੈਕਟ ਦੀ ਯੋਜਨਾਬੰਦੀ ਅਤੇ ਲਾਗੂ ਕਰਨਾ ਬਹੁਤ ਖਰਾਬ ਲੱਗ ਰਿਹਾ ਹੈ’।
Ready to get (Indias) party started 🤞 pic.twitter.com/iDfCc8bECz
— Deepinder Goyal (@deepigoyal) December 31, 2023
ਇਸੇ ਤਰ੍ਹਾਂ ਇੱਕ ਹੋਰ ਯੂਜ਼ਰ ਨੇ CEO ਦੀ ਆਲੋਚਨਾ ਕਰਦੇ ਹੋਏ ਲਿਖਿਆ, ‘ਇਸ ਵਿਵਹਾਰ ਨੂੰ ਸਨਸਨੀਖੇਜ਼ ਅਤੇ ਨਾਟਕੀ ਬਣਾ ਕੇ, ਤੁਸੀਂ ਭਾਰਤ ਦੇ ਬਾਕੀ ਕਾਰੋਬਾਰੀਆਂ ਅਤੇ ਆਗੂਆਂ ਲਈ ਬੁਰੀ ਮਿਸਾਲ ਪੇਸ਼ ਕਰ ਰਹੇ ਹੋ। ਇੱਕ ਅਜਿਹਾ ਦੇਸ਼ ਜਿੱਥੇ ਪਹਿਲਾਂ ਹੀ ਬਹੁਤ ਸਾਰੇ ਟੇਕ ਵਰਕਰਸ ਲਾਇਫ ਬੈਲੇਂਸ ਦੀ ਕਮੀ ਦੇ ਕਾਰਨ ਤਣਾਅ ਵਰਗੀਆਂ ਸਿਹਤ ਸਮੱਸਿਆਵਾਂ ਤੋਂ ਪੀੜਤ ਹਨ।
ਇਸ ਦੇ ਨਾਲ ਹੀ ਇਕ ਹੋਰ ਯੂਜ਼ਰ ਨੇ ਲਿਖਿਆ ਹੈ ਕਿ ‘ਮੇਰਾ ਮੰਨਣਾ ਹੈ ਕਿ ਇਨ੍ਹਾਂ ਸਾਰੇ ਲੋਕਾਂ ਦੇ ਪਰਿਵਾਰ ਨਵੇਂ ਸਾਲ ਦਾ ਜਸ਼ਨ ਮਨਾਉਣ ਲਈ ਘਰ ‘ਤੇ ਉਡੀਕ ਕਰ ਰਹੇ ਹਨ। ਭਾਵੇਂ ਮੈਂ ਕੱਲ੍ਹ ਕੰਮ ਕੀਤਾ, ਪਰ ਅੱਧੀ ਰਾਤ ਦੇ 12 ਵਜੇ ਤੱਕ ਨਹੀਂ, ਤੁਸੀਂ ਇਹ ਕਿਵੇਂ ਯਕੀਨੀ ਬਣਾਓਗੇ ਕਿ ਉਨ੍ਹਾਂ ਦੇ ਪਰਿਵਾਰ ਵੀ ਪਾਰਟੀ ਨੂੰ Miss ਨਹੀਂ ਕਰ ਰਹੇ ਹਨ? ਕਿਸੇ ਹੋਰ ਦੀ ਪਾਰਟੀ ਲਈ ਕੰਮ ਕਰਨਾ ਬਹੁਤ ਦੁਖਦਾਈ ਹੈ ਜਦੋਂ ਅਸੀਂ ਇਸ ਨੂੰ Enjoy ਨਹੀਂ ਕਰ ਸਕਦੇ।
