Viral News: ‘ਵਰਕ ਫੋਰ ਹੋਮ’ ਔਰਤ ਨੂੰ ਨੌਕਰੀ ਤੋਂ ਕੱਢਿਆ, ਹੁਣ ਦੇਣ ਪਏਗੀ ਸਾਰੀ ਉਮਰ ਦੀ ਤਨਖਾਹ

ਦੁਨੀਆ ਵਿੱਚ ਬਹੁਤ ਸਾਰੀਆਂ ਕੰਪਨੀਆਂ ਹਨ ਜੋ ਕੋਵਿਡ ਮਹਾਂਮਾਰੀ ਦੇ ਆਉਣ ਤੋਂ ਪਹਿਲਾਂ ਹੀ ਆਪਣੇ ਕਰਮਚਾਰੀਆਂ ਨੂੰ ‘ਵਰਕ ਫੋਰ ਹੋਮ’ ਦੀ ਸਹੂਲਤ ਪ੍ਰਦਾਨ ਕਰ ਰਹੀਆਂ ਹਨ, ਪਰ ਜਦੋਂ ਮਹਾਂਮਾਰੀ ਆਈ ਤਾਂ ਕਈ ਹੋਰ ਕੰਪਨੀਆਂ ਨੇ ਵੀ ਆਪਣੇ ਕਰਮਚਾਰੀਆਂ ਨੂੰ ਘਰ ਤੋਂ ਕੰਮ ਕਰਨ ਦੀ ਸਹੂਲਤ ਪ੍ਰਦਾਨ ਕੀਤੀ। ਕਈ ਕੰਪਨੀਆਂ ‘ਚ ਕੰਮ ਕਰਨ ਵਾਲੇ ਕਰਮਚਾਰੀ ਇਸ ਸਹੂਲਤ ਦਾ ਅਜੇ ਵੀ ਖੁਸ਼ੀ-ਖੁਸ਼ੀ ਫਾਇਦਾ ਉਠਾ ਰਹੇ ਹਨ ਪਰ ਅੱਜਕਲ ‘ਵਰਕ ਫਰਾਮ ਹੋਮ’ ਨਾਲ ਜੁੜਿਆ ਇੱਕ ਅਜਿਹਾ ਮਾਮਲਾ ਵਾਇਰਲ ਹੋ ਰਿਹਾ ਹੈ, ਜਿਸ ਨੇ ਨਾ ਸਿਰਫ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ ਸਗੋਂ ਕੁਝ ਲੋਕਾਂ ਨੂੰ ਗੁੱਸਾ ਵੀ ਆਇਆ ਹੈ। ਇਹ ਮਾਮਲਾ ਅਮਰੀਕਾ ਦੇ ਟੈਕਸਾਸ ਦਾ ਹੈ।

ਦਰਅਸਲ ਹੋਇਆ ਇਹ ਕਿ ਇਕ ਮਹਿਲਾ ਕਰਮਚਾਰੀ ਨੇ ਆਪਣੇ ਬੌਸ ਨੂੰ ਕੁਝ ਦਿਨਾਂ ਲਈ ‘ਵਰਕ ਫਰਾਮ ਹੋਮ’ ਲਈ ਕਿਹਾ ਸੀ ਪਰ ਕੰਪਨੀ ਨੇ ਉਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ। ਔਰਤ ਦਾ ਨਾਂਅ ਮਾਰੀਸਾ ਹਿਊਜ ਹੈ। ਉਹ Kayte Baby ਨਾਮ ਦੀ ਇੱਕ ਕੰਪਨੀ ਵਿੱਚ ਕੰਮ ਕਰਦੀ ਸੀ, ਜੋ ਇੱਕ ਕੱਪੜੇ ਵੇਚਣ ਵਾਲੀ ਕੰਪਨੀ ਹੈ। ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ ਮੈਰੀਸਾ ਦਾ ਵਿਆਹ ਹੋ ਚੁੱਕਾ ਹੈ, ਪਰ ਉਸ ਦੇ ਕੋਈ ਬੱਚੇ ਨਹੀਂ ਹਨ। ਅਜਿਹੇ ‘ਚ ਉਨ੍ਹਾਂ ਨੇ ਇੱਕ ਬੱਚਾ ਗੋਦ ਲਿਆ ਸੀ। ਪਰ ਕੁਝ ਦਿਨਾਂ ‘ਚ ਹੀ ਬੱਚੇ ਦੀ ਸਿਹਤ ਅਚਾਨਕ ਵਿਗੜ ਗਈ, ਜਿਸ ਤੋਂ ਬਾਅਦ ਉਸ ਨੂੰ ਆਈਸੀਯੂ ‘ਚ ਭਰਤੀ ਕਰਵਾਉਣਾ ਪਿਆ, ਕਿਉਂਕਿ ਬੱਚੇ ਦੇ ਦਿਲ ਤੇ ਫੇਫੜਿਆਂ ‘ਚ ਛੇਕ ਸਨ।

‘ਵਰਕ ਫੋਰ ਹੋਮ’ ਨਹੀਂ ਵਧਾਇਆ

ਹੁਣ ਬੱਚੇ ਦੀ ਸਿਹਤ ਖ਼ਰਾਬ ਹੋਣ ਕਾਰਨ ਮੈਰੀਸਾ ਨੇ ਆਪਣੇ ਬੌਸ ਨੂੰ ‘ਵਰਕ ਫੋਰ ਹੋਮ’ ਲਈ ਕਿਹਾ। ਫਿਰ ਬੌਸ ਨੇ ਉਸ ਨੂੰ ਇਸ ਸ਼ਰਤ ‘ਤੇ ਦੋ ਹਫ਼ਤਿਆਂ ਲਈ ‘ਵਰਕ ਫੋਰ ਹੋਮ’ ਦਿੱਤਾ ਕਿ ਜੇਕਰ ਉਹ ਦਫ਼ਤਰ ਵਾਪਸ ਨਾ ਆਈ ਤਾਂ ਉਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਜਾਵੇਗਾ। ਹੁਣ ਬੱਚੇ ਦੀ ਹਾਲਤ ਨਾਜ਼ੁਕ ਹੋਣ ਕਰਕੇ ਮੈਰੀਸਾ ਲਈ ਉਸ ਨੂੰ ਘਰ ਵਿਚ ਇਕੱਲਾ ਛੱਡਣਾ ਸੰਭਵ ਨਹੀਂ ਸੀ, ਇਸ ਲਈ ਉਸ ਨੇ ਫਿਰ ਆਪਣੇ ਬੌਸ ਨੂੰ ਕੁਝ ਦਿਨਾਂ ਲਈ ‘ਵਰਕ ਫੋਰ ਹੋਮ’ ਕਰਨ ਲਈ ਕਿਹਾ, ਪਰ ਬੌਸ ਨੇ ਉਸ ਨੂੰ ‘ਘਰ ਤੋਂ ਕੰਮ’ ਵਧਾਉਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਦੀ ਬਜਾਏ ਉਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ।

ਜੀਵਨ ਭਰ ਤਨਖਾਹ ਦੇਵੇਗੀ ਕੰਪਨੀ

ਹੁਣ ਜਦੋਂ ਮਾਰੀਸਾ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੀ ਦੁੱਖ ਭਰੀ ਕਹਾਣੀ ਸੁਣਾਈ ਅਤੇ ਲੋਕਾਂ ਨੇ ਹੰਗਾਮਾ ਮਚਾ ਦਿੱਤਾ ਤਾਂ ਕੰਪਨੀ ਦੇ ਸੀਈਓ ਯਿੰਗ ਲਿਊ ਨੂੰ ਉਸ ਤੋਂ ਮੁਆਫੀ ਮੰਗਣੀ ਪਈ। ਸੀਈਓ ਨੇ ਮਾਰੀਸਾ ਨੂੰ ਇੱਕ ਸ਼ਾਨਦਾਰ ਔਰਤ ਦੱਸਿਆ ਹੈ ਕਿਉਂਕਿ ਉਸਨੇ ਇੱਕ ਬੱਚਾ ਗੋਦ ਲਿਆ ਹੈ। ਸੀਈਓ ਨੇ ਇਹ ਵੀ ਕਿਹਾ ਕਿ ਮੈਰੀਸਾ ਜਦੋਂ ਤੱਕ ਚਾਹੇ ਘਰ ਵਿੱਚ ਰਹਿ ਸਕਦੀ ਹੈ ਅਤੇ ਕੰਪਨੀ ਉਸ ਨੂੰ ਤਨਖਾਹ ਦਿੰਦੀ ਰਹੇਗੀ ਅਤੇ ਉਸ ਨੂੰ ਸਾਰੀ ਉਮਰ ਇਹ ਤਨਖਾਹ ਮਿਲਦੀ ਰਹੇਗੀ।