Viral: ਪਹਾੜਾਂ ‘ਚ ਸਫਰ ਬਣਿਆ ਖਤਰਾ, ਸੜਕ ਧੱਸਦੇ ਹੀ ਟਰੱਕ ਫਸਿਆ, ਦੇਖੋ ਇਹ VIDEO
Viral Video: ਮਨਾਲੀ-ਲੇਹ ਹਾਈਵੇ 'ਤੇ ਅਚਾਨਕ ਸੜਕ ਧੱਸਣ ਕਾਰਨ ਇੱਕ ਭਰੇ ਹੋਏ ਟਰੱਕ ਦਾ ਪਿੱਛਲਾ ਹਿੱਸਾ ਜ਼ਮੀਨ ਵਿੱਚ ਧੱਸ ਗਿਆ। ਪਿੱਛੇ ਆ ਰਹੇ ਕਾਰ ਚਾਲਕ ਨੇ ਸਮੇਂ ਸਿਰ ਸਾਵਧਾਨੀ ਦਿਖਾਉਂਦੇ ਹੋਏ ਆਪਣੀ ਗੱਡੀ ਰੋਕ ਲਈ, ਜਿਸ ਨਾਲ ਇੱਕ ਵੱਡਾ ਹਾਦਸਾ ਹੋਣ ਤੋਂ ਟਲ ਗਿਆ। ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਿਹਾ ਹੈ।
ਘੁੰਮਦੀਆਂ ਪਹਾੜੀ ਸੜਕਾਂ ‘ਤੇ ਯਾਤਰਾ ਕਰਨਾ ਇੱਕ ਵਿਲੱਖਣ ਅਨੁਭਵ ਹੁੰਦਾ ਹੈ। ਹਰਿਆਲੀ, ਠੰਢੀਆਂ ਹਵਾਵਾਂ ਅਤੇ ਉਚਾਈ ਤੋਂ ਸੁੰਦਰ ਦ੍ਰਿਸ਼ ਇੱਕ ਆਰਾਮਦਾਇਕ ਅਨੁਭਵ ਪ੍ਰਦਾਨ ਕਰਦੇ ਹਨ। ਪਰ ਇਸ ਖੂਬਸੂਰਤੀ ਦੇ ਪਿੱਛੇ ਇੱਕ ਸੱਚਾਈ ਇਹ ਵੀ ਹੈ ਕਿ ਅਜਿਹੇ ਰਸਤੇ ਜਿੰਨੇ ਆਕਰਸ਼ਕ ਹੁੰਦੇ ਹਨ, ਉਨ੍ਹੇ ਹੀ ਖਤਰਨਾਕ ਵੀ ਸਾਬਤ ਹੋ ਸਕਦੇ ਹਨ। ਹਾਲ ਹੀ ਵਿੱਚ ਮਨਾਲੀ-ਲੇਹ ਰਾਸ਼ਟਰੀ ਰਾਜਮਾਰਗ ‘ਤੇ ਇੱਕ ਘਟਨਾ ਨੇ ਇਸ ਤੱਥ ਨੂੰ ਇੱਕ ਵਾਰ ਫਿਰ ਉਜਾਗਰ ਕੀਤਾ।
ਇਸ ਹਾਦਸੇ ਵਿੱਚ ਇੱਕ ਭਾਰੀ-ਭਰਕਮ ਟਰੱਕ ਸੜਕ ‘ਤੇ ਅੱਗੇ ਵੱਧ ਰਿਹਾ ਸੀ। ਸਭ ਕੁਝ ਆਮ ਲੱਗ ਰਿਹਾ ਸੀ, ਪਰ ਅਚਾਨਕ ਹੀ ਸੜਕ ਦਾ ਇੱਕ ਹਿੱਸਾ ਧੱਸ ਗਿਆ। ਦੇਖਦੇ ਹੀ ਦੇਖਦੇ ਟਰੱਕ ਦਾ ਪਿੱਛਲਾ ਹਿੱਸਾ ਜ਼ਮੀਨ ਵਿੱਚ ਧਸਣ ਲੱਗ ਪਿਆ। ਅਜਿਹਾ ਲੱਗ ਰਿਹਾ ਸੀ ਜਿਵੇਂ ਧਰਤੀ ਨੇ ਅਚਾਨਕ ਆਪਣਾ ਮੂੰਹ ਖੋਲ੍ਹ ਲਿੱਤਾ ਹੋਵੇ ਅਤੇ ਵਾਹਨ ਨੂੰ ਨਿਗਲਣ ਦੀ ਕੋਸ਼ਿਸ਼ ਕਰ ਰਹੀ ਹੋਵੇ। ਇਹ ਦ੍ਰਿਸ਼ ਇੰਨਾ ਡਰਾਉਣਾ ਸੀ ਕਿ ਉੱਥੇ ਮੌਜੂਦ ਲੋਕ ਡਰ ਗਏ।
ਬਣ ਗਿਆ ਹਫੜਾ-ਦਫੜੀ ਦਾ ਮਾਹੌਲ
ਖਾਸ ਗੱਲ ਇਹ ਰਹੀ ਕਿ ਟਰੱਕ ਦੇ ਪਿੱਛੇ ਆ ਰਹੀ ਇੱਕ ਕਾਰ ਦੇ ਡਰਾਈਵਰ ਨੂੰ ਤੁਰੰਤ ਸਥਿਤੀ ਦਾ ਅਹਿਸਾਸ ਹੋ ਗਿਆ। ਜਿਵੇਂ ਹੀ ਉਸਨੇ ਸੜਕ ਨੂੰ ਧੱਸਦੇ ਦੇਖਿਆ, ਉਸਨੇ ਬਿਨਾਂ ਦੇਰ ਕੀਤੇ ਜ਼ੋਰ ਨਾਲ ਬ੍ਰੇਕ ਲਗਾਈ ਅਤੇ ਗੱਡੀ ਨੂੰ ਪਿੱਛੇ ਵੱਲ ਮੋੜ ਲਿਆ। ਉਸ ਦੀ ਸਾਵਧਾਨੀ ਅਤੇ ਸਮੇਂ ਤੇ ਲੀਤਾ ਗਿਆ ਫੈਸਲਾ ਇੱਕ ਵੱਡੇ ਹਾਦਸੇ ਨੂੰ ਟਾਲਣ ਵਿੱਚ ਅਹਿਮ ਸਾਬਤ ਹੋਇਆ। ਜੇਕਰ ਉਹ ਇੱਕ ਪਲ ਲਈ ਵੀ ਝਿਜਕਦਾ, ਤਾਂ ਉਸਦੀ ਕਾਰ ਵੀ ਉਸੇ ਟੋਏ ਵਿੱਚ ਫਸ ਸਕਦੀ ਸੀ।
ਇਸ ਪੂਰੀ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ ਤੇ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਟਰੱਕ ਦਾ ਪਿੱਛਲਾ ਹਿੱਸਾ ਪੂਰੀ ਤਰ੍ਹਾਂ ਜ਼ਮੀਨ ਵਿੱਚ ਧੱਸ ਚੁੱਕਾ ਹੈ, ਜਦਕਿ ਅੱਗਲਾ ਹਿੱਸਾ ਕਿਸੇ ਤਰ੍ਹਾਂ ਸੰਤੁਲਨ ਬਣਾਈ ਰੱਖਦਾ ਦਿਖਾਈ ਦੇ ਰਿਹਾ ਹੈ। ਆਸ-ਪਾਸ ਮੌਜੂਦ ਲੋਕਾਂ ਦੀ ਘਬਰਾਹਟ ਅਤੇ ਸਥਿਤੀ ਦੀ ਗੰਭੀਰਤਾ ਵੀਡੀਓ ਵਿੱਚ ਸਾਫ਼ ਦਿਖਾਈ ਦੇ ਰਹੀ ਹੈ।
ਉੱਥੇ ਮੌਜੂਦ ਲੋਕਾਂ ਦੇ ਮੁਤਾਬਕ ਟਰੱਕ ਵਿੱਚ ਕਾਫ਼ੀ ਭਾਰੀ ਸਮਾਨ ਲੱਦਾ ਹੋਇਆ ਸੀ। ਪਹਾੜੀ ਇਲਾਕਿਆਂ ਵਿੱਚ ਸੜਕਾਂ ਅਕਸਰ ਮਿੱਟੀ ਅਤੇ ਢਿੱਲੀਆਂ ਚੱਟਾਨਾਂ ‘ਤੇ ਬਣੀਆਂ ਹੁੰਦੀਆਂ ਹਨ, ਜੋ ਸਮੇਂ-ਸਮੇਂ ਤੇ ਖਿਸਕਦੀਆਂ ਰਹਿੰਦੀਆਂ ਹਨ। ਅਜਿਹੇ ਵਿੱਚ ਭਾਰੀ ਵਜ਼ਨ ਦਾ ਦਬਾਅ ਸੜਕ ਦੀ ਮਜ਼ਬੂਤੀ ਨੂੰ ਕਮਜ਼ੋਰ ਕਰ ਦਿੰਦਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸੇ ਕਾਰਨ ਸੜਕ ਅਚਾਨਕ ਧੱਸ ਗਈ ਅਤੇ ਇਹ ਹਾਦਸਾ ਵਾਪਰਿਆ। ਘਟਨਾ ਤੋਂ ਬਾਅਦ ਮੌਕੇ ਤੇ ਹਫੜਾ-ਦਫੜੀ ਦਾ ਮਾਹੌਲ ਬਣ ਗਿਆ।
ਇਹ ਵੀ ਪੜ੍ਹੋ
ਸਥਾਨਕ ਲੋਕਾਂ ਅਤੇ ਰਾਹਗੀਰਾਂ ਨੇ ਤੁਰੰਤ ਪ੍ਰਸ਼ਾਸਨ ਨੂੰ ਸੂਚਿਤ ਕੀਤਾ। ਬਚਾਅ ਅਤੇ ਰਾਹਤ ਟੀਮਾਂ ਥੋੜ੍ਹੀ ਦੇਰ ਬਾਅਦ ਪਹੁੰਚੀਆਂ। ਟਰੱਕ ਨੂੰ ਖੱਡੇ ਵਿੱਚੋਂ ਕੱਢਣ ਲਈ ਵੱਡੀਆਂ ਜੇਸੀਬੀ ਮਸ਼ੀਨਾਂ ਦੀ ਵਰਤੋਂ ਕੀਤੀ ਗਈ। ਕਾਫ਼ੀ ਕੋਸ਼ਿਸ਼ ਅਤੇ ਸਾਵਧਾਨੀ ਤੋਂ ਬਾਅਦ, ਟਰੱਕ ਨੂੰ ਆਖਰਕਾਰ ਸੁਰੱਖਿਅਤ ਢੰਗ ਨਾਲ ਬਾਹਰ ਕੱਢ ਦਿੱਤਾ ਗਿਆ। ਫਿਲਹਾਲ ਉਸ ਜਗ੍ਹਾ ‘ਤੇ ਸੜਕ ਦੀ ਮੁਰੰਮਤ ਦਾ ਕੰਮ ਚੱਲ ਰਿਹਾ ਹੈ। ਸੁਰੱਖਿਆ ਕਾਰਨਾਂ ਕਰਕੇ, ਪ੍ਰਸ਼ਾਸਨ ਨੇ ਉਸ ਰਸਤੇ ‘ਤੇ ਆਵਾਜਾਈ ਨੂੰ ਅਸਥਾਈ ਤੌਰ ‘ਤੇ ਸੀਮਤ ਕਰ ਦਿੱਤਾ ਹੈ। ਯਾਤਰੀਆਂ ਨੂੰ ਵੀ ਸਾਵਧਾਨੀ ਵਰਤਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ।
ਇੱਥੇ ਦੇਖੋ ਵੀਡੀਓ
View this post on Instagram
Source ਟੀਵੀ9 ਭਾਰਤਵਰਸ਼
