Thar ਦਾ ਨਸ਼ਾ! ਟ੍ਰੈਫਿਕ ਤੋਂ ਬਚਣ ਲਈ ਫੁੱਟਪਾਥ ‘ਤੇ ਚਲਾਈ SUV, ਮਾਂ ਨੂੰ ਬੋਲਿਆ- ਇਹੀ ਤਾਂ ਫਾਇਦਾ ਹੈ
Thar Viral Video: ਉੱਤਰ ਪ੍ਰਦੇਸ਼ ਵਿੱਚ ਟ੍ਰੈਫਿਕ ਜਾਮ ਤੋਂ ਨਿਕਲਣ ਲਈ ਇੱਕ ਸ਼ਖ਼ਸ ਨੇ ਆਪਣੀ ਮਹਿੰਦਰਾ ਥਾਰ ਫੁੱਟਪਾਥ 'ਤੇ ਚੜ੍ਹਾ ਦਿੱਤੀ ਅਤੇ ਮਾਂ ਦੇ ਸਾਹਮਣੇ ਹੀ ਵੀਡੀਓ ਬਣਾਈ। ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਇਸ ਲਾਪਰਵਾਹੀ ਦੀ ਜ਼ੋਰਦਾਰ ਆਲੋਚਨਾ ਕੀਤੀ ਹੈ।
ਮਾਂ ਨੂੰ ਗਿਣਾਏ ਥਾਰ ਦੇ ਫਾਇਦੇ
UP Thar Viral Video: ਟ੍ਰੈਫਿਕ ਜਾਮ ਤੋਂ ਤੰਗ ਆ ਕੇ ਲੋਕ ਅਕਸਰ ਸ਼ਾਰਟਕੱਟ ਲੱਭਦੇ ਹਨ, ਪਰ ਉੱਤਰ ਪ੍ਰਦੇਸ਼ ਦੇ ਇੱਕ ਡਰਾਈਵਰ ਨੇ ਅਜਿਹਾ ਜੁਗਾੜ ਲਗਾਇਆ ਕਿ ਸੋਸ਼ਲ ਮੀਡੀਆ ‘ਤੇ ਹੰਗਾਮਾ ਮਚ ਗਿਆ। ਸ਼ਖ਼ਸ ਨੇ ਆਪਣੀ ਮਹਿੰਦਰਾ ਥਾਰ ਨੂੰ ਸਿੱਧਾ ਪੈਦਲ ਚੱਲਣ ਵਾਲਿਆਂ ਲਈ ਬਣੇ ਫੁੱਟਪਾਥ ‘ਤੇ ਹੀ ਚੜ੍ਹਾ ਦਿੱਤਾ। ਇੰਨਾ ਹੀ ਨਹੀਂ, ਨਾਲ ਬੈਠੀ ਆਪਣੀ ਮਾਂ ਨੂੰ ਇਸ ਦੇ ਫਾਇਦੇ ਵੀ ਗਿਣਾਉਣ ਲੱਗ ਪਿਆ। ਇਸ ਅਜੀਬੋ-ਗਰੀਬ ਹਰਕਤ ਦਾ ਵੀਡੀਓ ਹੁਣ ਇੰਟਰਨੈੱਟ ‘ਤੇ ਅੱਗ ਵਾਂਗ ਫੈਲ ਰਿਹਾ ਹੈ।
ਫੁੱਟਪਾਥ ‘ਤੇ ਥਾਰ ਚਲਾ ਕੇ ਮਾਂ ਨੂੰ ਗਿਣਾਏ ਫਾਇਦੇ
ਸਾਹਮਣੇ ਆਈ ਵੀਡੀਓ ਵਿੱਚ ਸਾਫ਼ ਦਿਖਾਈ ਦੇ ਰਿਹਾ ਹੈ ਕਿ ਭਾਰੀ ਟ੍ਰੈਫਿਕ ਵਿੱਚ ਫਸਣ ਤੋਂ ਬਾਅਦ ਡਰਾਈਵਰ ਨੇ ਹੌਸਲਾ ਰੱਖਣ ਦੀ ਬਜਾਏ ਆਪਣੀ SUV ਨੂੰ ਸੜਕ ਕਿਨਾਰੇ ਬਣੇ ਉੱਚੇ ਫੁੱਟਪਾਥ ‘ਤੇ ਚੜ੍ਹਾ ਦਿੱਤਾ। ਮਜ਼ੇ ਦੀ ਗੱਲ ਇਹ ਹੈ ਕਿ ਇਸ ਦੌਰਾਨ ਉਸ ਨੇ ਖੁਦ ਆਪਣੇ ਫੋਨ ਨਾਲ ਵੀਡੀਓ ਬਣਾਈ ਅਤੇ ਕੈਮਰਾ ਆਪਣੀ ਮਾਂ ਵੱਲ ਘੁਮਾਉਂਦੇ ਹੋਏ ਮਾਣ ਨਾਲ ਕਿਹਾ, ਥਾਰ ਹੋਣ ਦਾ ਇਹੀ ਫਾਇਦਾ ਹੈ, ਤੁਸੀਂ ਇਸ ਨੂੰ ਕਿਤੇ ਵੀ ਚੜ੍ਹਾ ਸਕਦੇ ਹੋ।
ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਪੁੱਤਰ ਦੀ ਇਸ ਗੈਰ-ਕਾਨੂੰਨੀ ਹਰਕਤ ‘ਤੇ ਮਾਂ ਮੁਸਕਰਾਉਂਦੀ ਹੋਈ ਨਜ਼ਰ ਆਈ। ਕੁਝ ਦੂਰ ਜਾਣ ਤੋਂ ਬਾਅਦ ਉਸ ਨੇ ਗੱਡੀ ਮੁੜ ਸੜਕ ‘ਤੇ ਉਤਾਰ ਲਈ ਅਤੇ ਰਸਤੇ ਵਿੱਚ ਇੱਕ ਬਾਈਕ ਸਵਾਰ ਨੂੰ ਵੀ ਅੱਗੇ ਵਧਣ ਦਾ ਇਸ਼ਾਰਾ ਕੀਤਾ।
ਸੋਸ਼ਲ ਮੀਡੀਆ ‘ਤੇ ਫੁੱਟਿਆ ਲੋਕਾਂ ਦਾ ਗੁੱਸਾ
ਇੰਟਰਨੈੱਟ ਯੂਜ਼ਰਜ਼ ਨੇ ਇਸ ਵੀਡੀਓ ‘ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਇੱਕ ਯੂਜ਼ਰ ਨੇ ਤੰਜ ਕੱਸਦਿਆਂ ਲਿਖਿਆ ਕਿ ਅਜਿਹੀਆਂ ਗੱਡੀਆਂ ਵੇਚਣ ਤੋਂ ਪਹਿਲਾਂ ਖਰੀਦਦਾਰ ਦਾ ਮਾਨਸਿਕ ਟੈਸਟ ਲਾਜ਼ਮੀ ਕੀਤਾ ਜਾਣਾ ਚਾਹੀਦਾ ਹੈ। ਉੱਥੇ ਹੀ, ਦੂਜੇ ਯੂਜ਼ਰ ਨੇ ਯਾਦ ਦਿਵਾਇਆ ਕਿ ਗੱਡੀ ਵੱਡੀ ਹੋਣ ਨਾਲ ਤੁਹਾਨੂੰ ਸੜਕ ਜਾਂ ਫੁੱਟਪਾਥ ‘ਤੇ ਚੱਲਣ ਵਾਲੇ ਆਮ ਲੋਕਾਂ ਦੀ ਜਾਨ ਨੂੰ ਖ਼ਤਰੇ ਵਿੱਚ ਪਾਉਣ ਦਾ ਲਾਇਸੈਂਸ ਨਹੀਂ ਮਿਲ ਜਾਂਦਾ। ਕਈ ਲੋਕਾਂ ਨੇ ਮਾਂ ਦੇ ਰਵੱਈਏ ‘ਤੇ ਵੀ ਸਵਾਲ ਚੁੱਕੇ ਅਤੇ ਕਿਹਾ ਕਿ ਜੇਕਰ ਉਨ੍ਹਾਂ ਨੇ ਅਜਿਹਾ ਕੀਤਾ ਹੁੰਦਾ ਤਾਂ ਘਰ ‘ਚ ਡਾਂਟ ਦੇ ਨਾਲ ਮਾਂ ਤੋਂ ਥੱਪੜ ਵੀ ਪੈਂਦਾ।
ਇੱਥੇ ਦੇਖੋ ਵਾਇਰਲ ਵੀਡੀਓ
This Thar owner was driving on the road with his mother, who was also sitting inside the car. When he encountered traffic and vehicles were stopped ahead, he drove his Thar up onto the raised pavement beside the road just to get ahead of the traffic. He then said that this is pic.twitter.com/IyHdoCY1Ea
— Saffron Chargers (@SaffronChargers) September 8, 2026ਇਹ ਵੀ ਪੜ੍ਹੋ