ਬਾਥਰੂਮ ਜਿਨ੍ਹਾਂ ਘਰ ਅਤੇ ਕਿਰਾਇਆ 68,000 ਰੁਪਏ, ਪਹੁੰਚਣ ਲਈ ਚੜ੍ਹਣੀਆਂ ਪੈਂਦੀਆਂ ਹਨ 134 ਪੌੜੀਆਂ ; ਇਹ ਹੋਮ ਟੂਰ ਵੀਡੀਓ ਉਡਾ ਦੇਵੇਗਾ ਹੋਸ਼!
Smallest Apartment In Paris: ਜਦੋਂ ਕੰਟੈਂਟ ਕ੍ਰਿਏਟਰ ਸੇਬੇਸਟੀਅਨ ਹੇਡਬਰਗ ਪੈਰਿਸ ਦੇ ਸਭ ਤੋਂ ਛੋਟੇ ਅਪਾਰਟਮੈਂਟ ਨੂੰ ਦੇਖਣ ਲਈ ਪਹੁੰਚੇ ਤਾਂ ਪਤਾ ਲੱਗਾ ਕਿ ਉਹ 7ਵੀਂ ਮੰਜ਼ਿਲ 'ਤੇ ਹੈ। ਇਸ ਤੋਂ ਇਲਾਵਾ, ਪੂਰੀ ਇਮਾਰਤ ਵਿੱਚ ਕੋਈ ਲਿਫਟ ਨਹੀਂ ਹੈ। ਮਤਲਬ, ਕਿਰਾਏਦਾਰ ਨੂੰ ਉੱਪਰਲੀ ਮੰਜ਼ਿਲ ਤੱਕ ਪਹੁੰਚਣ ਲਈ ਹਰ ਰੋਜ਼ 134 ਪੌੜੀਆਂ ਚੜ੍ਹਨੀਆਂ ਪੈਂਦੀਆਂ ਹਨ।
Smallest Apartment In Paris: ਜੇਕਰ ਅਸੀਂ ਤੁਹਾਨੂੰ ਕਹੀਏ ਕਿ ਇੱਕ ਵਿਅਕਤੀ ਪ੍ਰਤੀ ਮਹੀਨਾ ਲਗਭਗ 68,000 ਰੁਪਏ ਕਿਰਾਇਆ ਦੇ ਰਿਹਾ ਹੈ, ਅਪਾਰਟਮੈਂਟ ਵਿੱਚ ਲਿਫਟ ਨਾ ਹੋਣ ਕਾਰਨ ਹਰ ਰੋਜ਼ 134 ਪੌੜੀਆਂ ਚੜ੍ਹ ਰਿਹਾ ਹੈ, ਅਤੇ ਜਿਸ ਅਪਾਰਟਮੈਂਟ ਵਿੱਚ ਉਹ ਰਹਿੰਦਾ ਹੈ ਉਹ ਸ਼ਾਇਦ ਤੁਹਾਡੇ ਬਾਥਰੂਮ ਨਾਲੋਂ ਵੀ ਛੋਟਾ ਹੈ, ਤਾਂ ਤੁਹਾਡੀ ਪਹਿਲੀ ਪ੍ਰਤੀਕਿਰਿਆ ਕੀ ਹੋਵੇਗੀ? ਸਪੱਸ਼ਟ ਤੌਰ ‘ਤੇ, ਇਹ ਪੜ੍ਹ ਕੇ ਤੁਸੀਂ ਹੈਰਾਨ ਰਹਿ ਗਏ ਹੋਵੋਗੇ ਤੇ ਨਾਲ ਹੀ ਸੋਚਾਂ ਵਿੱਚ ਵੀ ਪੈ ਗਏ ਹੋਵੇਗੇ। ਪੈਰਿਸ ਦੇ ਸਭ ਤੋਂ ਛੋਟੇ ਅਪਾਰਟਮੈਂਟ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਨੇਟੀਜ਼ਨ ਹੈਰਾਨ ਰਹਿ ਗਏ ਹਨ। ਕੰਟੈਂਟ ਕ੍ਰਿਏਟਰ ਸੇਬੇਸਟੀਅਨ ਹੇਡਬਰਗ ਨੇ ਇਹ ਵੀਡੀਓ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਹ ਇਸ ਅਣੋਖੇ ਫਲੈਟ ਦੇ ਕਿਰਾਏਦਾਰ ਨਾਲ ਗੱਲ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ।
ਵਾਇਰਲ ਵੀਡੀਓ ਵਿੱਚ, ਸੇਬੇਸਟੀਅਨ ਉਸ ਆਦਮੀ ਤੋਂ ਉਸਦੇ ਫਲੈਟ ਅਤੇ ਕਿਰਾਏ ਬਾਰੇ ਪੁੱਛਦੇ ਹਨ। ਉਹ ਦੱਸਦਾ ਹੈ ਕਿ ਉਹ ਪੈਰਿਸ ਦੇ ਸਭ ਤੋਂ ਛੋਟੇ ਅਪਾਰਟਮੈਂਟਾਂ ਵਿੱਚੋਂ ਇੱਕ ਵਿੱਚ ਰਹਿੰਦਾ ਹੈ, 600 ਯੂਰੋ (ਲਗਭਗ 68,000 ਰੁਪਏ) ਪ੍ਰਤੀ ਮਹੀਨਾ ਅਦਾ ਕਰਦਾ ਹੈ। ਉਹ ਦੱਸਦਾ ਹੈ ਕਿ ਉਸਨੂੰ ਇਹ ਵਿਲੱਖਣ ਫਲੈਟ Leboncoin ਨਾਮ ਦੀ ਇੱਕ ਵੈਬਸਾਈਟ ਰਾਹੀਂ ਮਿਲਿਆ।
ਜਦੋਂ ਸੇਬੇਸਟੀਅਨ ਉਸਦੇ ਨਾਲ ਫਲੈਟ ਦੇਖਣ ਗਏ, ਤਾਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਇਹ 7ਵੀਂ ਮੰਜ਼ਿਲ ‘ਤੇ ਹੈ। ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਸੀ ਕਿ ਪੂਰੀ ਇਮਾਰਤ ਵਿੱਚ ਕੋਈ ਲਿਫਟ ਨਹੀਂ ਸੀ। ਇਸਦਾ ਮਤਲਬ ਸੀ ਕਿ ਇੱਕ ਵਿਅਕਤੀ ਨੂੰ ਉੱਤੇ ਪਹੁੰਚਣ ਲਈ ਲਈ ਹਰ ਰੋਜ਼ 134 ਪੌੜੀਆਂ ਚੜ੍ਹਨੀਆਂ ਪੈਂਦੀਆਂ ਸਨ। ਕੰਟੈਂਟ ਕ੍ਰਿਏਟਰ ਨੇ ਮਜ਼ਾਕ ਵਿੱਚ ਟਿੱਪਣੀ ਕੀਤੀ, “ਇਹ ਦਿਨ ਦਾ ਸਭ ਤੋਂ ਰੋਮਾਂਚਕ ਸਪੋਰਟਸ ਹੋਣ ਜਾ ਰਿਹਾ ਹੈ।”
ਜਿੱਥੇ ਖੜ੍ਹੇ ਹੋ ਉੱਥੇ ਹੀ ਸ਼ਾਵਰ ਹੈ!
ਪਰ ਜਿਵੇਂ ਹੀ ਸੇਬੇਸਟੀਅਨ ਫਲੈਟ ਵਿੱਚ ਦਾਖਲ ਹੋਏ ਉਹ ਅੰਦਰ ਦਾ ਦ੍ਰਿਸ਼ ਦੇਖ ਕੇ ਹੈਰਾਨ ਰਹਿ ਦਏ। ਕਿਉਂਕਿ ਫਲੈਟ ਸ਼ੁਰੂ ਹੁੰਦੇ ਹੀ ਖਤਮ ਹੋ ਗਿਆ। ਉਨ੍ਹਾਂ ਨੇ ਹੈਰਾਨ ਹੋ ਕੇ ਕਿਹਾ, “ਇਹ ਸੱਚਮੁੱਚ ਅਜੀਬ ਹੈ”। “ਇੱਥੇ ਪੈਰਾਂ ਦੀ ਜਗ੍ਹਾ ਵੀ ਨਾਪ ਤੌਲ ਕੇ ਬਣੀ ਹੈ।” ਇਸ ਦੌਰਾਨ, ਕਿਰਾਏਦਾਰ ਨੇ ਦਿਖਾਇਆ ਕਿ ਉਸਨੇ ਕਿਵੇਂ ਕਿਸੇ ਤਰ੍ਹਾਂ ਆਪਣੇ ਕੱਪੜੇ ਤੰਗ ਜਗ੍ਹਾ ਵਿੱਚ ਫਿੱਟ ਕਰਨ ਵਿੱਚ ਕਾਮਯਾਬੀ ਹਾਸਲ ਕੀਤੀ। ਫਲੈਟ ਇੰਨਾ ਤੰਗ ਹੈ ਕਿ ਸ਼ਾਵਰ ਐਂਟਰੀ ਗੇਟ ਦੇ ਬਿਲਕੁਲ ਸਾਹਮਣੇ ਲਗਾਇਆ ਗਿਆ ਹੈ।
ਇਹ ਵੀ ਪੜ੍ਹੋ: IIT ਦਿੱਲੀ ਵਾਲਿਆਂ ਨੇ ਕੈਮਰੇ ਤੇ ਦੱਸੇ ਆਪਣੇ ਪੈਕੇਜ, ਸੁਣ ਕੇ ਕਿਸਮਤ ਨੂੰ ਕੋਸਣ ਲੱਗੇ ਲੋਕ, ! VIDEO ਵਾਇਰਲ
ਇਹ ਵੀ ਪੜ੍ਹੋ
…ਪਰ ਬਾਲਕੋਨੀ ਨੇ ਜਿੱਤ ਲਿਆ ਦਿਲ!
ਹਾਲਾਂਕਿ ਫਲੈਟ ਦਾ ਸਾਈਜ ਕਿਸੇ ਘਰ ਦੇ ਇੱਕ ਬਾਥਰੂਮ ਜਿਨ੍ਹਾਂ ਹੈ, ਪਰ ਇਸਦੀ ਬਾਲਕੋਨੀ ਦੇ ਅੱਗੇ ਸਭ ਤੋਂ ਵੱਡੇ ਬੰਗਲੇ ਵੀ ਫਿੱਕੇ ਪੈ ਗਏ। ਕਿਰਾਏਦਾਰ ਨੇ ਕਿਹਾ, “ਨਜ਼ਾਰਾ ਸ਼ਾਨਦਾਰ ਹੈ। ਇੱਥੇ ਖੜ੍ਹੇ ਹੋ ਕੇ ਅਜਿਹਾ ਲੱਗਦਾ ਹੈ ਜਿਵੇਂ ਪੂਰਾ ਪੈਰਿਸ ਸ਼ਹਿਰ ਤੁਹਾਡੇ ਪੈਰਾਂ ਵਿੱਚ ਹੈ।”
ਇਹ ਵੀ ਪੜ੍ਹੋ: Viral Video: ਕੂੜੇ ਦੇ ਢੇਰ ਚ ਮਿਲਿਆ 14 ਕੈਰਟ ਸੋਨੇ ਦਾ ਕੰਗਣ, ਨੌਜਵਾਨ ਦੀ ਚਮਕੀ ਕਿਸਮਤ
ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਨੇਟੀਜ਼ਨ ਹੈਰਾਨ ਹਨ ਕਿ ਪੈਰਿਸ ਵਰਗੇ ਮਹਿੰਗੇ ਸ਼ਹਿਰ ਵਿੱਚ, ਲੋਕ ਇੰਨੀ ਛੋਟੀ ਜਗ੍ਹਾ ਲਈ ਇੰਨਾ ਜ਼ਿਆਦਾ ਭੁਗਤਾਨ ਕਰਨ ਲਈ ਤਿਆਰ ਹਨ। ਕੁਝ ਕਹਿੰਦੇ ਹਨ ਕਿ ਬਾਲਕੋਨੀ ਤੋਂ ਦ੍ਰਿਸ਼ ਕਿੰਨਾ ਵੀ ਵਧੀਆ ਕਿਉਂ ਨਾ ਹੋਵੇ, ਉਹ ਹਰ ਰੋਜ਼ ਇੰਨੀਆਂ ਪੌੜੀਆਂ ਨਹੀਂ ਚੜ੍ਹ ਸਕਣਗੇ।
ਹੁਣ ਦੇਖੋ ਵੀਡੀਓ
View this post on Instagram
