IIT ਮਦਰਾਸ ਦੇ ਡਾਇਰੈਕਟਰ ਨੇ ਦੱਸੇ ਗਊ ਮੂਤਰ ਦੇ ਫਾਇਦੇ, video ਵਾਇਰਲ ਹੁੰਦੀਆ ਹੀ ਬਹਿਸ ਸ਼ੁਰੂ
ਆਈਆਈਟੀ ਮਦਰਾਸ ਦੇ ਡਾਇਰੈਕਟਰ ਵੀ ਕਾਮਾਕੋਟੀ ਦਾ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਲੋਕਾਂ ਵਿੱਚ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਜਿੱਥੇ ਉਹਨਾਂ ਨੇ ਗਊ ਮੂਤਰ ਦੇ ਐਂਟੀ-ਬੈਕਟੀਰੀਅਲ, ਐਂਟੀ-ਫੰਗਲ ਅਤੇ ਪਾਚਨ ਗੁਣਾਂ ਬਾਰੇ ਦੱਸਿਆ ਹੈ। ਜਿਸ ਕਾਰਨ ਰਾਜਨੀਤਿਕ ਅਤੇ ਅਕਾਦਮਿਕ ਹਲਕਿਆਂ ਵਿੱਚ ਤਿੱਖੀ ਪ੍ਰਤੀਕਿਰਿਆ ਦੇਖਣ ਨੂੰ ਮਿਲ ਰਹੀ ਹੈ।
ਵੈਸੇ, ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਗਊ ਮੂਤਰ ਕਦੇ ਆਯੁਰਵੈਦਿਕ ਦਵਾਈਆਂ ਦਾ ਹਿੱਸਾ ਹੁੰਦਾ ਸੀ। ਅੱਜ ਵੀ ਇਸਦੀ ਵਰਤੋਂ ਕਈ ਹੋਰ ਪ੍ਰਣਾਲੀਆਂ ਦੀਆਂ ਦਵਾਈਆਂ ਵਿੱਚ ਕੀਤੀ ਜਾਂਦੀ ਹੈ। ਹੁਣ ਇਸ ਨਾਲ ਸਬੰਧਤ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸਾਹਮਣੇ ਆਇਆ ਹੈ। ਜਿੱਥੇ ਆਈਆਈਟੀ ਮਦਰਾਸ ਦੇ ਡਾਇਰੈਕਟਰ ਵੀ. ਕਾਮਾਕੋਟੀ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਗਊ ਮੂਤਰ ਦੇ ਔਸ਼ਧੀ ਗੁਣਾਂ ਬਾਰੇ ਗੱਲ ਕੀਤੀ ਹੈ।
ਕਾਮਕੋਟੀ ਨੇ ਇਹ ਗੱਲ ਮੱਟੂ ਪੋਂਗਲ (15 ਜਨਵਰੀ, 2025) ਦੇ ਦਿਨ ਇੱਥੇ ਗੋ ਸੰਰਕਸ਼ਣ ਸ਼ਾਲਾ ਵਿਖੇ ਆਯੋਜਿਤ ਇੱਕ ਪ੍ਰੋਗਰਾਮ ਦੌਰਾਨ ਕਹੀ, ਜਿਸ ਦੌਰਾਨ ਉਨ੍ਹਾਂ ਨੇ ਇੱਕ ਕਿੱਸਾ ਸੁਣਾਇਆ ਅਤੇ ਕਿਹਾ ਕਿ ਉਨ੍ਹਾਂ ਨੇ ਇਸਦੀ ਸ਼ੁਰੂਆਤ ਇੱਕ ਭਿਕਸ਼ੂ ਦੇ ਜੀਵਨ ਨਾਲ ਸਬੰਧਤ ਇੱਕ ਘਟਨਾ ਸੁਣਾ ਕੇ ਕੀਤੀ, ਜਿਸਨੇ ਤੇਜ਼ ਬੁਖਾਰ ਹੋਣ ਤੇ ਗਊ ਮੂਤਰ ਪੀਤਾ ਅਤੇ ਠੀਕ ਹੋ ਗਿਆ। ਇਸ ਤੋਂ ਇਲਾਵਾ, ਆਈਆਈਟੀ ਮਦਰਾਸ ਦੇ ਡਾਇਰੈਕਟਰ ਵੀ. ਕਾਮਾਕੋਟੀ ਨੇ ਕਿਹਾ ਕਿ ਇਸ ਵਿੱਚ ‘ਐਂਟੀ-ਬੈਕਟੀਰੀਅਲ, ਐਂਟੀ-ਫੰਗਲ ਅਤੇ ਪਾਚਨ ਕਿਰਿਆ ਨੂੰ ਸੁਧਾਰਨ ਵਾਲੇ ਗੁਣ’ ਹਨ, ਜੋ ਕਿਸੇ ਵੀ ਵਿਅਕਤੀ ਲਈ ਫਾਇਦੇਮੰਦ ਹਨ।
மூளை வலிமை அதிகம் கொண்ட கும்பல் ஆட்சியில் ஐஐடி இயக்குநர் லட்சணத்தை பாருங்கள்.. கோமியம் காய்ச்சல் மருந்தாம்😅 pic.twitter.com/3StltuzStU
— Subathra Devi (@SubathraDevi_) January 18, 2025
ਇਹ ਵੀ ਪੜ੍ਹੋ
ਇਸ ਵੀਡੀਓ ਵਿੱਚ, ਉਨ੍ਹਾਂ ਨੇ ਨਾ ਸਿਰਫ਼ ਗਊ ਮੂਤਰ ਦੇ ਫਾਇਦਿਆਂ ਬਾਰੇ ਦੱਸਿਆ, ਸਗੋਂ ਜੈਵਿਕ ਖੇਤੀ ਦੀ ਮਹੱਤਤਾ ਅਤੇ ਖੇਤੀਬਾੜੀ ਅਤੇ ਸਮੁੱਚੀ ਆਰਥਿਕਤਾ ਵਿੱਚ ਦੇਸੀ ਪਸ਼ੂਆਂ ਦੀਆਂ ਨਸਲਾਂ ਦੀ ਮਹੱਤਵਪੂਰਨ ਭੂਮਿਕਾ ਨੂੰ ਉਜਾਗਰ ਕਰਦੇ ਹੋਏ ਇਹ ਟਿੱਪਣੀ ਵੀ ਕੀਤੀ। ਕਾਮਕੋਟੀ ਨੇ ਕਿਹਾ, ਜੇ ਅਸੀਂ ਖਾਦਾਂ ਦੀ ਵਰਤੋਂ ਕਰਦੇ ਹਾਂ ਤਾਂ ਅਸੀਂ ਮਾਂ ਭੂਮੀ (ਧਰਤੀ) ਨੂੰ ਭੁੱਲ ਸਕਦੇ ਹਾਂ। ਜਿੰਨੀ ਜਲਦੀ ਅਸੀਂ ਜੈਵਿਕ, ਕੁਦਰਤੀ ਖੇਤੀ ਅਪਣਾਵਾਂਗੇ, ਇਹ ਸਾਡੇ ਲਈ ਓਨਾ ਹੀ ਬਿਹਤਰ ਹੋਵੇਗਾ।
ਇਹ ਵੀ ਪੜ੍ਹੋ- Viral Video: ਸਿਰ ਤੇ ਸਿਲੰਡਰ ਰੱਖ ਕੇ ਸਾਈਕਲ ਚਲਾਉਣ ਵਾਲੇ ਵਿਦਿਆਰਥੀ ਦਾ Video ਵਾਇਰਲ
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ, ਕਾਮਕੋਟੀ ਦੀਆਂ ਟਿੱਪਣੀਆਂ ‘ਤੇ ਰਾਜਨੀਤਿਕ ਅਤੇ ਅਕਾਦਮਿਕ ਹਲਕਿਆਂ ਵੱਲੋਂ ਤਿੱਖੀ ਪ੍ਰਤੀਕਿਰਿਆ ਆਈ। ਜਿੱਥੇ ਕਾਂਗਰਸ ਨੇਤਾ ਕਾਰਤੀ ਪੀ ਚਿਦੰਬਰਮ ਨੇ ਉਨ੍ਹਾਂ ‘ਤੇ ਸੂਡੋਸਾਇੰਸ ਨੂੰ ਉਤਸ਼ਾਹਿਤ ਕਰਨ ਦਾ ਦੋਸ਼ ਲਗਾਇਆ, ਉੱਥੇ ਹੀ ਡੀਐਮਕੇ ਨੇਤਾ ਟੀਕੇਐਸ ਏਲਾਂਗੋਵਨ ਨੇ ਡਾਇਰੈਕਟਰ ਦੇ ਤਬਾਦਲੇ ਦੀ ਮੰਗ ਕੀਤੀ ਅਤੇ ਕਿਹਾ ਕਿ ਅਜਿਹੇ ਵਿਚਾਰ ਮੈਡੀਕਲ ਕਾਲਜ ਲਈ ਬਿਹਤਰ ਨਹੀਂ ਹਨ।
