Emotional Video: ਰਾਤ ਤੋਂ ਨਹੀਂ ਖਾਧਾ ਖਾਣਾ… ਖਤਮ ਹੋ ਗਿਆ ਸੀ ਘਰ ਵਿੱਚ ਆਟਾ ; ਬੱਚੇ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਮਿਲਣੀ ਸ਼ੁਰੂ ਹੋਈ ਮਦਦ
Ferozepur Child Video Viral: ਪੰਜਾਬ ਦੇ ਫ਼ਿਰੋਜ਼ਪੁਰ ਦੇ ਇੱਕ ਪਿੰਡ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਵਿਚ ਜਦੋਂ ਇਕ ਬੱਚੇ ਨੂੰ ਉਸ ਦੇ ਅਧਿਆਪਕ ਨੇ ਹੋਮਵਰਕ ਲਈ ਪੁੱਛਿਆ ਤਾਂ ਉਹ ਦੱਸਦਾ ਹੈ ਕਿ ਘਰ ਵਿਚ ਖਾਣ ਲਈ ਕੁਝ ਨਹੀਂ ਸੀ, ਜਿਸ ਕਾਰਨ ਉਹ ਖਾਲੀ ਪੇਟ ਪੜ੍ਹਾਈ ਨਹੀਂ ਸਕਿਆ। ਇਹ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਹੁਣ ਬੱਚੇ ਦੇ ਮਾਪਿਆਂ ਨੂੰ ਮਦਦ ਮਿਲਣੀ ਸ਼ੁਰੂ ਹੋ ਗਈ ਹੈ।
ਕਈ ਲੋਕ ਪਸੰਦ ਦਾ ਖਾਣਾ ਨਾ ਬਣਨ ਤੇ ਖਾਣਾ ਥਾਲੀ ਵਿੱਚ ਹੀ ਛੱਡ ਕੇ ਉੱਠ ਜਾਂਦੇ ਹਨ। ਅਕਸਰ ਤੁਸੀਂ ਕਿਸੇ ਢਾਬੇ ਜਾਂ ਰੈਸਟੋਰੈਂਟ ‘ਚ ਦੇਖਿਆ ਹੋਵੇਗਾ ਕਿ ਲੋਕ ਖਾਣ-ਪੀਣ ਦੀ ਬਹੁਤ ਬਰਬਾਦੀ ਕਰਦੇ ਹਨ ਪਰ ਇਕ ਰੋਟੀ ਦਾ ਕੀ ਮੁੱਲ ਹੈ। ਇਹ ਗੱਲ ਉਸ ਸ਼ਖਸ ਤੋਂ ਪੁੱਛੋ ਜੋ ਖਾਲੀ ਪੇਟ ਸੌਂਦਾ ਹੈ। ਜਿਸ ਕੋਲ ਖਾਣ ਲਈ ਕੁਝ ਨਹੀਂ ਹੈ ਉਹ ਆਪਣੀ ਪਸੰਦ ਦਾ ਭੋਜਨ ਛੱਡ ਦਿੰਦਾ ਹੈ।
View this post on Instagram
ਅਜਿਹਾ ਹੀ ਇਕ ਮਾਮਲਾ ਪੰਜਾਬ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇਕ ਬੱਚੇ ਦੇ ਘਰ ‘ਚ ਖਾਣ ਲਈ ਕੁਝ ਨਹੀਂ ਸੀ, ਇਸ ਲਈ ਉਹ ਬਿਨਾਂ ਕੁਝ ਖਾਧੇ ਸਕੂਲ ਚਲਾ ਆ ਗਿਆ।
ਦਰਅਸਲ, ਇਹ ਮਾਮਲਾ ਪੰਜਾਬ ਦੇ ਫ਼ਿਰੋਜ਼ਪੁਰ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਪਿੰਡ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਵਿੱਚ ਨਰਸਰੀ ਵਿੱਚ ਪੜ੍ਹਦੇ ਇੱਕ ਬੱਚੇ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਵਿੱਚ ਜਦੋਂ ਅਧਿਆਪਕ ਬੱਚੇ ਨੂੰ ਉਸ ਦੇ ਹੋਮਵਰਕ ਬਾਰੇ ਪੁੱਛਦਾ ਹੈ ਤਾਂ ਉਹ ਦੱਸਦਾ ਹੈ ਕਿ ਘਰ ਵਿੱਚ ਖਾਣ ਲਈ ਕੁਝ ਨਹੀਂ ਸੀ। ਭੁੱਖ ਕਾਰਨ ਉਹ ਪੜ੍ਹਾਈ ਨਹੀਂ ਕਰ ਸਕਿਆ। ਬੱਚੇ ਨੇ ਦੱਸਿਆ ਕਿ ਉਹ ਰਾਤ ਨੂੰ ਭੁੱਖਾ ਸੌਂ ਗਿਆ ਸੀ ਅਤੇ ਸਵੇਰੇ ਬਿਨਾਂ ਕੁਝ ਖਾਧੇ ਸਕੂਲ ਆਇਆ ਸੀ।
ਇਹ ਵੀ ਪੜ੍ਹੋ
ਬੱਚੇ ਦੇ ਘਰ ਪੁੱਜੇ ਸਮਾਜ ਸੇਵੀ
ਬੱਚੇ ਦੀ ਗੱਲ ਸੁਣ ਕੇ ਅਧਿਆਪਕ ਭਾਵੁਕ ਹੋ ਜਾਂਦਾ ਹੈ। ਉਹ ਬੱਚੇ ਕੋਲੋਂ ਸਾਰੀ ਗੱਲ ਪੁੱਛਦਾ ਹੈ। ਇਸ ਤੋਂ ਬਾਅਦ ਅਧਿਆਪਕ ਬੱਚੇ ਨੂੰ ਖਾਣਾ ਖੁਆਂਦਾ ਹੈ। ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਆਉਂਦੇ ਹੀ ਵਾਇਰਲ ਹੋ ਗਿਆ। ਵੀਡੀਓ ਦੇ ਕਮੈਂਟਸ ‘ਚ ਲੋਕ ਬੱਚੇ ਦਾ ਪਤਾ ਪੁੱਛ ਰਹੇ ਹਨ ਅਤੇ ਮਦਦ ਕਰਨ ਦੀ ਗੱਲ ਕਹਿ ਰਹੇ ਹਨ। ਇਸ ਤੋਂ ਬਾਅਦ ਕਈ ਸਮਾਜ ਸੇਵੀ ਮਦਦ ਲਈ ਬੱਚੇ ਦੇ ਘਰ ਪਹੁੰਚੇ। ਅਤੇ ਬੱਚੇ ਦੇ ਮਾਪਿਆਂ ਨੂੰ ਮਦਦ ਦੀ ਪੇਸ਼ਕਸ਼ ਕਰ ਰਹੇ ਹਨ।
ਵੀਡੀਓ ਬਣਾਉਣ ਦਾ ਮਕਸਦ
ਨਾਲ ਹੀ ਮਾਂ ਨੇ ਇਹ ਵੀ ਦੱਸਿਆ ਕਿ ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਕੰਮ ਨਹੀਂ ਮਿਲਦਾ। ਉਦੋਂ ਵੀ ਉਨ੍ਹਾਂ ਅਤੇ ਉਨ੍ਹਾਂ ਦੇ ਬੱਚਿਆਂ ਨੂੰ ਖਾਲੀ ਪੇਟ ਸੌਣਾ ਪੈਂਦਾ ਹੈ। ਵਾਇਰਲ ਵੀਡੀਓ ਵਾਲੇ ਦਿਨ ਉਨ੍ਹਾਂ ਨੇ ਆਪਣੇ ਗੁਆਂਢੀਆਂ ਤੋਂ ਵੀ ਆਟਾ ਮੰਗਿਆ, ਪਰ ਨਹੀਂ ਮਿਲਿਆ। ਬੱਚੇ ਦੇ ਅਧਿਆਪਕ ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਸਵੇਰੇ ਬੱਚਿਆਂ ਦਾ ਹੋਮਵਰਕ ਚੈੱਕ ਕਰ ਰਹੇ ਸਨ ਤਾਂ ਬੱਚੇ ਨੇ ਇਹ ਸਭ ਕੁਝ ਉਨ੍ਹਾਂ ਨੂੰ ਦੱਸਿਆ। ਵੀਡੀਓ ਰਿਕਾਰਡ ਕਰਨ ਦਾ ਮਕਸਦ ਇਹ ਸੀ ਕਿ ਕੋਈ ਵੀਡੀਓ ਦੇਖ ਕੇ ਬੱਚੇ ਦੀ ਮਦਦ ਕਰ ਸਕੇ।
