Viral Video: ਗਰਮੀ ਤੋਂ ਬਚਣ ਲਈ ਆਦਮੀ ਨੇ ਲਾਇਆ ਜਬਰਦਸਤ ਜੁਗਾੜ, Video ਦੇਖ ਲੋਕ ਹੈਰਾਨ

ਜੁਗਾੜ ਨਾਲ ਤਿਆਰ ਕੀਤਾ ਗਿਆ AC

ਭਿਆਨਕ ਗਰਮੀ ਨੇ ਇਸ ਵਾਰ ਲੋਕਾਂ ਦਾ ਜੀਣਾ ਮੁਸ਼ਕਲ ਕਰ ਦਿੱਤਾ ਹੈ। ਕਈ ਸ਼ਹਿਰਾਂ ਵਿੱਚ ਤਾਪਮਾਨ 45 ਤੋਂ 46 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਚੁੱਕਾ ਹੈ। ਅਜਿਹੇ ਹਾਲਾਤਾਂ ਵਿੱਚ ਬਿਨਾਂ AC ਅਤੇ ਕੂਲਰ ਦੇ ਰਹਿਣਾ ਕਿਸੇ ਚੁਣੌਤੀ ਤੋਂ ਘੱਟ ਨਹੀਂ ਲੱਗ ਰਿਹਾ। ਦਿਨ ਹੋਵੇ ਜਾਂ ਰਾਤ, ਲੋਕ ਗਰਮੀ ਤੋਂ ਰਾਹਤ ਪਾਉਣ ਲਈ ਵੱਖ-ਵੱਖ ਤਰੀਕੇ ਲੱਭ ਰਹੇ ਹਨ। ਇਸ ਵਿਚਕਾਰ ਸੋਸ਼ਲ ਮੀਡੀਆ ਤੇ ਇੱਕ ਅਜਿਹਾ ਦੇਸੀ ਜੁਗਾੜ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸਨੂੰ ਦੇਖ ਕੇ ਲੋਕ ਹੈਰਾਨ ਵੀ ਹਨ ਅਤੇ ਖੂਬ ਮਜ਼ੇ ਵੀ ਲੈ ਰਹੇ ਹਨ।

ਦਰਅਸਲ, ਵਾਇਰਲ ਵੀਡੀਓ ਵਿੱਚ ਇੱਕ ਸ਼ਖ਼ਸ ਨੇ ਆਮ ਪੱਖੇ ਨੂੰ ਹੀ ਦੇਸੀ ਏਅਰ ਕੰਡੀਸ਼ਨਰ ਵਿੱਚ ਬਦਲਣ ਦੀ ਕੋਸ਼ਿਸ਼ ਕੀਤੀ ਹੈ। ਉਸਦਾ ਇਹ ਅਨੋਖਾ ਤਰੀਕਾ ਇੰਟਰਨੈੱਟ ਤੇ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਪੱਖੇ ਦੇ ਉੱਪਰ ਇੱਕ ਗਿੱਲਾ ਕੱਪੜਾ ਰੱਖਿਆ ਗਿਆ ਹੈ, ਜਦਕਿ ਹੇਠਾਂ ਪਾਣੀ ਨਾਲ ਭਰਿਆ ਵੱਡਾ ਭਾਂਡਾ ਰੱਖਿਆ ਹੋਇਆ ਹੈ। ਪੱਖਾ ਚੱਲਦੇ ਹੀ ਕੱਪੜੇ ਤੋਂ ਪਾਣੀ ਟਪਕਦਾ ਰਹਿੰਦਾ ਹੈ ਅਤੇ ਉਸੇ ਰਾਹੀਂ ਠੰਡੀ ਹਵਾ ਦੇਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।

ਕੀ ਕਿਹਾ ਲੋਕਾਂ ਨੇ?

ਇਸ ਅਨੋਖੇ ਪ੍ਰਯੋਗ ਨੂੰ ਦੇਖ ਕੇ ਲੋਕ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਕੁਝ ਲੋਕ ਇਸਨੂੰ ਗਰਮੀ ਤੋਂ ਬਚਣ ਦਾ ਸਸਤਾ ਅਤੇ ਦੇਸੀ ਉਪਾਅ ਦੱਸ ਰਹੇ ਹਨ, ਤਾਂ ਕੁਝ ਇਸਨੂੰ ਮਜ਼ੇਦਾਰ ਆਵਿਸ਼ਕਾਰ ਕਹਿ ਰਹੇ ਹਨ। ਇੰਟਰਨੈੱਟ ਯੂਜ਼ਰਾਂ ਦਾ ਕਹਿਣਾ ਹੈ ਕਿ ਜਦੋਂ ਮਹਿੰਗੇ AC ਅਤੇ ਕੂਲਰ ਖਰੀਦਣਾ ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ ਹੁੰਦੀ, ਤਾਂ ਅਜਿਹੇ ਦੇਸੀ ਜੁਗਾੜ ਲੋਕਾਂ ਦਾ ਧਿਆਨ ਖਿੱਚ ਹੀ ਲੈਂਦੇ ਹਨ।

ਇਹ ਵੀਡੀਓ ਸੋਸ਼ਲ ਮੀਡੀਆ ਪਲੇਟਫਾਰਮ X ਤੇ ਸ਼ੇਅਰ ਕੀਤਾ ਗਿਆ ਹੈ। ਪੋਸਟ ਸ਼ੇਅਰ ਕਰਦੇ ਹੋਏ ਯੂਜ਼ਰ ਨੇ ਮਜ਼ਾਕੀਆ ਅੰਦਾਜ਼ ਵਿੱਚ ਲਿਖਿਆ ਕਿ ਹੁਣ ਕੂਲਰ ਖਰੀਦਣ ਦੀ ਲੋੜ ਹੀ ਨਹੀਂ ਪਵੇਗੀ, ਮੇਰੇ 5000 ਰੁਪਏ ਬਚ ਗਏ। ਹੁਣ ਮੈਂ ਵੀ ਇਹੀ ਜੁਗਾੜ ਬਣਾਉਣ ਜਾ ਰਿਹਾ ਹਾਂ। ਬੱਸ ਫਿਰ ਕੀ ਸੀ, ਦੇਖਦੇ ਹੀ ਦੇਖਦੇ ਇਹ ਵੀਡੀਓ ਇੰਟਰਨੈੱਟ ਤੇ ਵਾਇਰਲ ਹੋ ਗਿਆ। ਹਜ਼ਾਰਾਂ ਲੋਕ ਇਸਨੂੰ ਦੇਖ ਚੁੱਕੇ ਹਨ ਅਤੇ ਲਗਾਤਾਰ ਮਜ਼ੇਦਾਰ ਕਮੈਂਟ ਕਰ ਰਹੇ ਹਨ।

ਹਾਲਾਂਕਿ, ਕੁਝ ਲੋਕਾਂ ਨੇ ਇਸ ਜੁਗਾੜ ਦੇ ਪਿੱਛੇ ਦੇ ਵਿਗਿਆਨ ਨੂੰ ਵੀ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਗਿੱਲੇ ਕੱਪੜੇ ਅਤੇ ਪਾਣੀ ਦੀ ਵਜ੍ਹਾ ਨਾਲ ਹਵਾ ਕੁਝ ਠੰਡੀ ਮਹਿਸੂਸ ਹੋ ਸਕਦੀ ਹੈ। ਇਹੀ ਸਿਧਾਂਤ ਕੂਲਰ ਵਿੱਚ ਵੀ ਕੰਮ ਕਰਦਾ ਹੈ, ਜਿੱਥੇ ਪਾਣੀ ਦੀ ਮਦਦ ਨਾਲ ਹਵਾ ਨੂੰ ਠੰਢਾ ਕੀਤਾ ਜਾਂਦਾ ਹੈ। ਹਾਲਾਂਕਿ ਮਾਹਰ ਮੰਨਦੇ ਹਨ ਕਿ ਇਸ ਤਰ੍ਹਾਂ ਦਾ ਦੇਸੀ ਉਪਾਅ ਅਸਲੀ AC ਵਰਗੀ ਠੰਢਕ ਤਾਂ ਨਹੀਂ ਦੇ ਸਕਦਾ, ਪਰ ਕੁਝ ਹੱਦ ਤੱਕ ਰਾਹਤ ਜ਼ਰੂਰ ਪਹੁੰਚਾ ਸਕਦਾ ਹੈ।

ਇੱਥੇ ਦੇਖੋ ਵੀਡੀਓ