ਮੰਗਣੀ ਲਈ ਜੋੜੇ ਨੇ ਆਨਲਾਈਨ ਮੰਗਵਾਇਆ ਸਾਰਾ ਖਾਣਾ, Swiggy ਦਾ ਰਿਪਲਾਈ ਹੋ ਰਿਹਾ ਵਾਇਰਲ
Couple Engagement Video Viral: ਹਾਲ ਹੀ 'ਚ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਅਤੇ ਉਸ ਪੋਸਟ 'ਤੇ ਸਵਿਗੀ ਦਾ ਜਵਾਬ ਵਾਇਰਲ ਹੋ ਰਿਹਾ ਹੈ। ਵਾਇਰਲ ਪੋਸਟ ਵਿੱਚ ਇੱਕ ਅਜਿਹੀ ਗੱਲ ਦਾ ਜ਼ਿਕਰ ਕੀਤਾ ਗਿਆ ਹੈ ਜਿਸ ਨੂੰ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਇਸ ਪੋਸਟ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਨੇ ਆਪਣੇ ਕੁਮੈਂਟਸ ਵੀ ਦਿੱਤੇ ਹਨ।
ਅੱਜ ਦੇ ਸਮੇਂ ਵਿੱਚ ਆਨਲਾਈਨ ਫੂਡ ਡਿਲੀਵਰੀ ਦਾ ਰੁਝਾਨ ਬਹੁਤ ਵਧ ਗਿਆ ਹੈ। ਚਾਹੇ ਲੋਕ ਕਿਤੇ ਘੁੰਮ ਕੇ ਆਏ ਹੋਣ ਜਾਂ ਖਾਣਾ ਪਕਾਉਣ ਦਾ ਮਨ ਨਾ ਹੋਵੇ ਜਾਂ ਬਾਹਰ ਖਾਣ ਦਾ ਦਿਲ ਕਰ ਰਿਹਾ ਹੋਵੇ, ਜ਼ਿਆਦਾਤਰ ਲੋਕ ਆਨਲਾਈਨ ਖਾਣਾ ਆਰਡਰ ਕਰਦੇ ਹਨ ਅਤੇ ਫਿਰ ਘਰ ਬੈਠੇ ਹੀ ਇਸ ਦਾ ਆਨੰਦ ਲੈਂਦੇ ਹਨ। ਤੁਸੀਂ ਵੀ ਕਿਸੇ ਨਾ ਕਿਸੇ ਸਮੇਂ ਔਨਲਾਈਨ ਖਾਣਾ ਆਰਡਰ ਕਰਦੇ ਹੋਵੋਗੇ। ਪਰ ਕੀ ਤੁਸੀਂ ਕਦੇ ਕਿਸੇ ਵੱਡੇ ਫੰਕਸ਼ਨ ਲਈ ਖਾਣੇ ਦਾ ਔਨਲਾਈਨ ਆਰਡਰ ਕੀਤਾ ਹੈ? ਹੈਰਾਨ ਹੋ ਗਏ ਨਾ, ਬੇਸ਼ੱਕ ਤੁਸੀਂ ਅਜਿਹਾ ਨਹੀਂ ਕੀਤਾ ਹੋਵੇਗਾ, ਪਰ ਇਕ ਜੋੜੇ ਨੇ ਅਜਿਹਾ ਕੀਤਾ ਹੈ। ਅਤੇ ਇਹੀ ਕਾਰਨ ਹੈ ਕਿ ਇਸ ਨਾਲ ਜੁੜੀ ਪੋਸਟ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਪੋਸਟ
ਇਸ ਸਮੇਂ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਦੇਖ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਵਾਇਰਲ ਪੋਸਟ ਵਿੱਚ ਇੱਕ ਤਸਵੀਰ ਹੈ, ਪਹਿਲਾਂ ਅਸੀਂ ਤੁਹਾਨੂੰ ਇਸ ਬਾਰੇ ਦੱਸਦੇ ਹਾਂ। ਇਹ ਫੋਟੋ ਇੱਕ ਫੰਕਸ਼ਨ ਦੀ ਹੈ ਜਿੱਥੇ ਇੱਕ ਪਾਸੇ ਖਾਣ ਦੇ ਕਈ ਡੱਬੇ ਰੱਖੇ ਹੋਏ ਹਨ। ਕੋਲ ਹੀ ਇੱਕ ਵਿਅਕਤੀ ਸਵਿੱਗੀ ਦੀ ਟੀ-ਸ਼ਰਟ ਪਹਿਨ ਕੇ ਖੜ੍ਹਾ ਹੈ। ਇਸ ਫੋਟੋ ਨੂੰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ‘ਚ ਲਿਖਿਆ ਹੈ, ‘ਇਨ੍ਹਾਂ ਨੇ ਮੰਗਣੀ ਲਈ ਆਨਲਾਈਨ ਖਾਣਾ ਮੰਗਵਾਇਆ। ਭਾਈ, ਮੈਂ ਸਭ ਕੁਝ ਦੇਖ ਲਿਆ।
ਸਵਿਗੀ ਨੇ ਦਿੱਤਾ ਇਹ ਰਿਪਲਾਈ
ਇਸ ਪੋਸਟ ‘ਤੇ Swiggy ਨੇ ਵੀ ਆਪਣਾ ਜਵਾਬ ਦਿੱਤਾ ਹੈ। ਇਸ ਪੋਸਟ ਦਾ ਜਵਾਬ ਦਿੰਦੇ ਹੋਏ ਸਵਿਗੀ ਨੇ ਲਿਖਿਆ, ‘ਸਾਡੇ ਕ੍ਰੇਜ਼ੀ ਡੀਲਜ਼ ਨੂੰ ਇਨ੍ਹਾਂ ਲੋਕਾਂ ਤੋਂ ਬਿਹਤਰ ਕਿਸੇ ਨੇ ਨਹੀਂ ਵਰਤਿਆ ਹੈ। ਵਿਆਹ ਦਾ ਖਾਣਾ ਵੀ ਸਾਡੇ ਤੋਂ ਮੰਗਵਾ ਲੈਣਾ।
ਇੱਥੇ ਵੇਖੋ ਪੋਸਟ
no one has used our Crazy Deals better than these guys 😭😭 shaadi ka khana bhi humse mangwa lena 🥰 https://t.co/XIo2z2TnYX
— Swiggy Food (@Swiggy) August 4, 2024
ਇਸ ਪੋਸਟ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਨੇ ਆਪਣੇ ਕੁਮੈਂਟਸ ਵੀ ਦਿੱਤੇ ਹਨ। ਇਕ ਯੂਜ਼ਰ ਨੇ ਲਿਖਿਆ- ਕਿੰਨਾ ਡਿਸਕਾਊਂਟ ਦਿੱਤਾ? ਇਕ ਹੋਰ ਯੂਜ਼ਰ ਨੇ ਲਿਖਿਆ- ਇੰਨੀ ਜ਼ਿਆਦਾ ਸੇਲ ਹੋਈ ਹੈ, ਕੁਝ ਮੈਨੂੰ ਵੀ ਦੇ ਦਿਓ, ਸਵਿਗੀ ਭਾਈ। ਤੀਜੇ ਯੂਜ਼ਰ ਨੇ ਲਿਖਿਆ- ਵਿਆਹ ਲਈ ਲੜਕਾ ਲੱਭੋ ਫਿਰ ਅਸੀਂ ਤੁਹਾਡੇ ਕੋਲੋਂ ਖਾਣਾ ਮੰਗਵਾਵਾਂਗੇ। ਇੱਕ ਯੂਜ਼ਰ ਨੇ ਲਿਖਿਆ- ਬਹੁਤ ਜ਼ਿਆਦਾ ਓਵਰਐਕਟਿੰਗ ਹੋ ਗਈ।
