Ajab Gajab: ਜਿਸ ਨੂੰ ਸਮਝਿਆ ਪੇਟ ਦਾ ਇਨਫੈਕਸ਼ਨ, ਉਹ ਨਿਕਲਿਆ ਕੁੱਝ ਹੋਰ; ਜਾਣੋ
Ajab Gajab: ਕੀ ਅਜਿਹਾ ਸੰਭਵ ਹੈ ਕਿ ਕਿਸੇ ਔਰਤ ਨੂੰ ਪੂਰੇ 9 ਮਹੀਨੇ ਤੱਕ ਆਪਣੀ ਪ੍ਰੈਗਨੈਂਸੀ ਬਾਰੇ ਪਤਾ ਹੀ ਨਾ ਲੱਗੇ? ਸ਼ਾਇਦ ਸੁਣਨ ਵਿੱਚ ਇਹ ਅਸੰਭਵ ਲੱਗੇ, ਪਰ ਆਸਟ੍ਰੇਲੀਆ ਘੁੰਮਣ ਗਈ ਇੱਕ ਬ੍ਰਿਟਿਸ਼ ਮੁਟਿਆਰ ਨਾਲ ਅਜਿਹੀ ਹੀ ਇੱਕ ਅਜੀਬੋ-ਗਰੀਬ ਘਟਨਾ ਵਾਪਰੀ ਹੈ, ਜਿਸ ਨੇ ਡਾਕਟਰਾਂ ਸਮੇਤ ਪੂਰੀ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ ਹੈ।
ਕੀ ਅਜਿਹਾ ਸੰਭਵ ਹੈ ਕਿ ਕਿਸੇ ਔਰਤ ਨੂੰ ਪੂਰੇ 9 ਮਹੀਨੇ ਤੱਕ ਆਪਣੀ ਪ੍ਰੈਗਨੈਂਸੀ ਬਾਰੇ ਪਤਾ ਹੀ ਨਾ ਲੱਗੇ? ਸ਼ਾਇਦ ਸੁਣਨ ਵਿੱਚ ਇਹ ਅਸੰਭਵ ਲੱਗੇ, ਪਰ ਆਸਟ੍ਰੇਲੀਆ ਘੁੰਮਣ ਗਈ ਇੱਕ ਬ੍ਰਿਟਿਸ਼ ਮੁਟਿਆਰ ਨਾਲ ਅਜਿਹੀ ਹੀ ਇੱਕ ਅਜੀਬੋ-ਗਰੀਬ ਘਟਨਾ ਵਾਪਰੀ ਹੈ, ਜਿਸ ਨੇ ਡਾਕਟਰਾਂ ਸਮੇਤ ਪੂਰੀ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ ਹੈ। ਜਿਸ ਲੜਕੀ ਨੂੰ ਲੱਗ ਰਿਹਾ ਸੀ ਕਿ ਉਸ ਦੇ ਪੇਟ ਵਿੱਚ ਕੋਈ ਇਨਫੈਕਸ਼ਨ ਹੋ ਗਈ ਹੈ, ਉਸ ਨੇ ਹਸਪਤਾਲ ਪਹੁੰਚ ਕੇ ਇੱਕ ਸਿਹਤਮੰਦ ਬੱਚੀ ਨੂੰ ਜਨਮ ਦਿੱਤਾ।
ਪੇਟ ਦਰਦ ਨੂੰ ਸਮਝਿਆ ਇਨਫੈਕਸ਼ਨ, ਨਿਕਲਿਆ ਕੁੱਝ ਹੋਰ
‘ਨਿਊਯਾਰਕ ਪੋਸਟ’ ਦੀ ਰਿਪੋਰਟ ਮੁਤਾਬਕ 21 ਸਾਲਾ ਹੈਟੀ ਸ਼ੇਪਰਡ ਆਪਣੇ 22 ਸਾਲਾ ਬੁਆਏਫ੍ਰੈਂਡ ਬੇਲੀ ਚੀਡਲ ਨਾਲ ਆਸਟ੍ਰੇਲੀਆ ਦੇ ਪੂਰਬੀ ਤੱਟ ‘ਤੇ ਛੇ ਮਹੀਨਿਆਂ ਦੇ ਐਡਵੈਂਚਰ ਟੂਰ ‘ਤੇ ਸੀ। ਇਸ ਦੌਰਾਨ ਦੋਵਾਂ ਨੇ ਖੂਬ ਮੌਜ-ਮਸਤੀ ਕੀਤੀ ਅਤੇ ਬੀਚ ਪਾਰਟੀਆਂ ਦਾ ਆਨੰਦ ਲਿਆ। ਇੱਕ ਦਿਨ ਅਚਾਨਕ ਹੈਟੀ ਦੀ ਤਬੀਅਤ ਵਿਗੜ ਗਈ।
ਸ਼ੁਰੂ ਵਿੱਚ ਉਸ ਨੂੰ ਲੱਗਿਆ ਕਿ ਪੇਟ ਵਿੱਚ ਹੋ ਰਹੀ ਮਰੋੜ ਸ਼ਾਇਦ ਕਿਸੇ ਇਨਫੈਕਸ਼ਨ ਕਾਰਨ ਹੈ, ਜਿਸ ਲਈ ਉਸ ਨੇ ਪੈਰਾਸੀਟਾਮੋਲ ਦੀਆਂ ਦੋ ਗੋਲੀਆਂ ਵੀ ਖਾ ਲਈਆਂ। ਪਰ ਦਰਦ ਘਟਣ ਦੀ ਬਜਾਏ ਵਧਦਾ ਗਿਆ ਅਤੇ ਪੇਟ ਦੇ ਸੱਜੇ ਪਾਸੇ ਤੇਜ਼ ਚੀਸਾਂ ਪੈਣ ਲੱਗੀਆਂ। ਹੈਟੀ ਨੂੰ ਲੱਗਿਆ ਕਿ ਸ਼ਾਇਦ ਉਸ ਨੂੰ ਐਪੈਂਡੀਸਾਈਟਸ ਹੋ ਗਿਆ ਹੈ, ਜਿਸ ਤੋਂ ਬਾਅਦ ਉਹ ਤੁਰੰਤ ਕਵੀਂਸਲੈਂਡ ਦੇ ਗੋਲਡ ਕੋਸਟ ਯੂਨੀਵਰਸਿਟੀ ਹਸਪਤਾਲ ਪਹੁੰਚੀ।
ਅਲਟਰਾਸਾਊਂਡ ਰਿਪੋਰਟ ਦੇਖ ਕੇ ਡਾਕਟਰਾਂ ਦੇ ਉੱਡੇ ਹੋਸ਼
ਹਸਪਤਾਲ ਪਹੁੰਚਣ ‘ਤੇ ਜਦੋਂ ਡਾਕਟਰਾਂ ਨੇ ਹੈਟੀ ਦਾ ਅਲਟਰਾਸਾਊਂਡ ਕੀਤਾ ਤਾਂ ਰਿਪੋਰਟ ਦੇਖ ਕੇ ਉਹ ਵੀ ਦੰਗ ਰਹਿ ਗਏ। ਡਾਕਟਰਾਂ ਨੇ ਦੱਸਿਆ ਕਿ ਹੈਟੀ ਨੂੰ ਪੇਟ ਦੀ ਇਨਫੈਕਸ਼ਨ ਨਹੀਂ, ਸਗੋਂ ‘ਲੇਬਰ ਪੇਨ’ (ਪ੍ਰਸਵ ਪੀੜ) ਹੋ ਰਹੀ ਹੈ। ਹੈਟੀ ਨੇ ਦੱਸਿਆ, “ਮੈਨੂੰ ਯਾਦ ਹੈ ਜਦੋਂ ਡਾਕਟਰ ਅਲਟਰਾਸਾਊਂਡ ਕਰ ਰਹੇ ਸਨ, ਉਨ੍ਹਾਂ ਦੇ ਚਿਹਰੇ ਦੇ ਹਾਵ-ਭਾਵ ਬਿਲਕੁਲ ਬਦਲ ਗਏ ਸਨ। ਜਦੋਂ ਮੈਂ ਪੁੱਛਿਆ ਕਿ ਕੀ ਹੋਇਆ ਹੈ, ਤਾਂ ਉਨ੍ਹਾਂ ਨੇ ਕਿਹਾ ਕਿ ਪੇਟ ਵਿੱਚ ਬੱਚਾ ਹੈ। ਮੈਨੂੰ ਯਕੀਨ ਨਹੀਂ ਆਇਆ ਕਿਉਂਕਿ ਮੈਂ ਗਰਭ ਨਿਰੋਧਕ ਗੋਲੀਆਂ ਦੀ ਵਰਤੋਂ ਕਰ ਰਹੀ ਸੀ।”
ਆਖਰ 9 ਮਹੀਨੇ ਤੱਕ ਕਿਉਂ ਨਹੀਂ ਲੱਗਿਆ ਪਤਾ?
ਇਸ ਘਟਨਾ ਨੇ ਸਭ ਤੋਂ ਵੱਡਾ ਸਵਾਲ ਇਹ ਖੜ੍ਹਾ ਕੀਤਾ ਕਿ 9 ਮਹੀਨੇ ਤੱਕ ਬੱਚੇ ਦੀ ਹਲਚਲ ਮਹਿਸੂਸ ਕਿਉਂ ਨਹੀਂ ਹੋਈ? ਡਾਕਟਰਾਂ ਅਨੁਸਾਰ, ਹੈਟੀ ਦੀ ‘ਨਾਲ’ (Placenta) ਪੇਟ ਦੇ ਅਗਲੇ ਹਿੱਸੇ ਵੱਲ ਖਿਸਕ ਗਈ ਸੀ, ਜਿਸ ਕਾਰਨ ਉਸ ਨੂੰ ਬੱਚੇ ਦੀ ਮਾਮੂਲੀ ਹਲਚਲ ਦਾ ਪਤਾ ਨਹੀਂ ਲੱਗ ਸਕਿਆ। ‘ਦ ਸਨ’ ਦੀ ਰਿਪੋਰਟ ਮੁਤਾਬਕ, ਬੱਚੀ ਦਾ ਵਿਕਾਸ ਹੈਟੀ ਦੀ ਰੀੜ੍ਹ ਦੀ ਹੱਡੀ ਦੇ ਨੇੜੇ ਪਿੱਠ ਵਾਲੇ ਪਾਸੇ ਹੋ ਰਿਹਾ ਸੀ। ਇਹੀ ਕਾਰਨ ਸੀ ਕਿ ਹੈਟੀ ਦਾ ਪੇਟ ਬਾਹਰ ਵੱਲ ਨਹੀਂ ਨਿਕਲਿਆ ਅਤੇ ਉਹ ਆਪਣੀ ਪ੍ਰੈਗਨੈਂਸੀ ਤੋਂ ਬਿਲਕੁਲ ਅਣਜਾਣ ਰਹੀ।
ਇਹ ਵੀ ਪੜ੍ਹੋ
ਹੈਟੀ ਨੇ ਹਸਪਤਾਲ ਵਿੱਚ 6.4 ਪੌਂਡ ਦੀ ਇੱਕ ਸਿਹਤਮੰਦ ਬੱਚੀ ਨੂੰ ਜਨਮ ਦਿੱਤਾ ਹੈ। ਹੈਟੀ ਨੇ ਇਸ ਪੂਰੀ ਘਟਨਾ ਨੂੰ ਆਪਣੇ ਜੀਵਨ ਦਾ ਸਭ ਤੋਂ ‘ਭਿਆਨਕ ਪਰ ਹੈਰਾਨੀਜਨਕ ਅਨੁਭਵ’ ਦੱਸਿਆ ਹੈ। ਫਿਲਹਾਲ ਇਹ ਮਾਮਲਾ ਪੂਰੀ ਦੁਨੀਆ ਵਿੱਚ ਚਰਚਾ ਦਾ ਵਿਸ਼ੇ ਬਣਿਆ ਹੋਇਆ ਹੈ।
