ਥਕਾਵਟ ਦੂਰ ਕਰਨ ਲਈ ਖਰੀਦੀ ਠੰਡੀ ਬੀਅਰ, ਢੱਕਣ ਖੋਲ੍ਹਦੇ ਹੀ ਦਿਖਿਆ ਕੰਡੋਮ ਦਾ ਪੈਕਟ, ਵਾਇਰਲ ਹੋਇਆ ਤਸਵੀਰਾਂ

Telangana News: ਤੇਲੰਗਾਨਾ ਦੇ ਸਿੱਦੀਪੇਟ ਜ਼ਿਲ੍ਹੇ ਤੋਂ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜੋ ਤੁਹਾਨੂੰ ਹੈਰਾਨ ਕਰ ਦੇਵੇਗੀ। ਇੱਥੇ ਅਕਬਰਪੇਟ ਭੂਮਪੱਲੀ ਮੰਡਲ ਵਿੱਚ ਇੱਕ ਮਸ਼ਹੂਰ ਕੰਪਨੀ ਦੀ ਬੀਅਰ ਦੀ ਬੋਤਲ ਦੇ ਅੰਦਰ ਇੱਕ ਖਾਲੀ ਕੰਡੋਮ ਪੈਕੇਟ ਮਿਲਣ ਨਾਲ ਹਲਚਲ ਮਚ ਗਈ ਹੈ। ਇਸ ਘਟਨਾ ਨੇ ਸਥਾਨਕ ਲੋਕਾਂ ਅਤੇ ਦਾਰੂ ਦੇ ਸ਼ੋਕੀਨਾ ਵਿੱਚ ਵਿਆਪਕ ਰੋਸ ਪੈਦਾ ਕਰ ਦਿੱਤਾ ਹੈ। ਰਿਪੋਰਟਾਂ ਦੇ ਅਨੁਸਾਰ, ਇੱਕ ਸਥਾਨਕ ਨਿਵਾਸੀ ਦਿਨ ਭਰ ਦੀ ਮਿਹਨਤ ਤੋਂ ਬਾਅਦ ਆਰਾਮ ਕਰਨ ਲਈ ਸ਼ਾਮ ਨੂੰ ਇੱਕ ਵਾਈਨ ਦੀ ਦੁਕਾਨ ‘ਤੇ ਗਿਆ ਸੀ।

ਉਸ ਨੇ ਉੱਥੋਂ ਇੱਕ ਬਹੁਤ ਮਸ਼ਹੂਰ ਬ੍ਰਾਂਡ ਦੀ ਬੀਅਰ ਖਰੀਦੀ। ਉਹ ਘਰ ਜਾ ਕੇ ਆਰਾਮ ਨਾਲ ਬੀਅਰ ਪੀਣਾ ਚਾਹੁੰਦਾ ਸੀ, ਪਰ ਜਿਵੇਂ ਹੀ ਉਸ ਨੇ ਬੋਤਲ ਖੋਲ੍ਹ ਕੇ ਬੀਅਰ ਨੂੰ ਗਿਲਾਸ ਵਿੱਚ ਪਾਉਣਾ ਸ਼ੁਰੂ ਕੀਤਾ, ਉਸਦੇ ਹੋਸ਼ ਉੱਡ ਗਏ। ਬੋਤਲ ਦੇ ਅੰਦਰ ਬੀਅਰ ਦੇ ਨਾਲ ਇੱਕ ਖਾਲੀ ਕੰਡੋਮ ਦਾ ਪੈਕਟ ਸਾਫ਼ ਤੌਰ ਤੇ ਤੈਰਦਾ ਹੋਇਆ ਨਜ਼ਰ ਆ ਰਿਹਾ ਸੀ। ਇਹ ਘਿਨਾਉਣਾ ਦ੍ਰਿਸ਼ ਦੇਖ ਕੇ ਉਹ ਵਿਅਕਤੀ ਹੈਰਾਨ ਰਹਿ ਗਿਆ।

ਸ਼ਰਾਬ ਪ੍ਰੇਮੀਆਂ ਵਿੱਚ ਗੁੱਸਾ, ਆਬਕਾਰੀ ਵਿਭਾਗ ਤੋਂ ਕਾਰਵਾਈ ਦੀ ਮੰਗ

ਪੀੜਤ ਵਿਅਕਤੀ ਨੇ ਤੁਰੰਤ ਇਸ ਮਾਮਲੇ ਦੀ ਜਾਣਕਾਰੀ ਸੰਬੰਧਿਤ ਸ਼ਰਾਬ ਦੀ ਦੁਕਾਨ ਦੇ ਪ੍ਰਬੰਧਕਾਂ ਨੂੰ ਦਿੱਤੀ। ਦੇਖਦੇ ਹੀ ਦੇਖਦੇ ਇਹ ਖ਼ਬਰ ਪੂਰੇ ਇਲਾਕੇ ਵਿੱਚ ਅੱਗ ਵਾਂਗ ਫੈਲ ਗਈ। ਸ਼ਰਾਬ ਪ੍ਰੇਮੀਆਂ ਵਿੱਚ ਇਸ ਗੱਲ ਨੂੰ ਲੈ ਕੇ ਭਾਰੀ ਗੁੱਸਾ ਹੈ ਕਿ ਕਰੋੜਾਂ ਦਾ ਟਰਨਓਵਰ ਕਰਨ ਵਾਲੀਆਂ ਵੱਡੀਆਂ ਬ੍ਰਾਂਡਿਡ ਕੰਪਨੀਆਂ ਬੋਤਲਬੰਦੀ (ਪੈਕਿੰਗ) ਦੌਰਾਨ ਘੱਟੋ-ਘੱਟ ਸਫ਼ਾਈ ਅਤੇ ਗੁਣਵੱਤਾ ਮਿਆਰਾਂ ਦਾ ਵੀ ਧਿਆਨ ਨਹੀਂ ਰੱਖ ਰਹੀਆਂ।

ਲੋਕਾਂ ਦਾ ਕਹਿਣਾ ਹੈ ਕਿ ਸ਼ਰਾਬ ਦੇ ਨਿਰਮਾਣ ਅਤੇ ਪੈਕੇਜਿੰਗ ਵਿੱਚ ਇਸ ਤਰ੍ਹਾਂ ਦੀ ਘੋਰ ਲਾਪਰਵਾਹੀ ਕਿਸੇ ਦੀ ਜਾਨ ਲਈ ਵੀ ਖਤਰਾ ਬਣ ਸਕਦੀ ਹੈ। ਸਥਾਨਕ ਲੋਕਾਂ ਨੇ Excise Department ਦੇ ਅਧਿਕਾਰੀਆਂ ਤੋਂ ਇਸ ਮਾਮਲੇ ਵਿੱਚ ਤੁਰੰਤ ਦਖਲ ਦੇਣ ਅਤੇ ਸੰਬੰਧਿਤ ਕੰਪਨੀ ਦੀ ਮੈਨਿਊਫੈਕਚਰਿੰਗ ਯੂਨਿਟ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ।

Source:TV9 Hindi.com