‘ਦਿਲ ਤੋਂ ਬੱਚਾ ਹੈ ਜੀ’, ਪਿਆਰ ਦੇ ਚੱਕਰ ਵਿੱਚ ਬਜ਼ੁਰਗ ਹੋਇਆ ਕੰਗਾਲ, ਅਣਜਾਣ ਕੁੜੀ ‘ਤੇ ਖਰਚੇ 22 ਲੱਖ

ਹਰ ਵਿਅਕਤੀ ਦੇ ਜੀਵਨ ਵਿੱਚ ਇੱਕ ਸਮਾਂ ਅਜਿਹਾ ਆਉਂਦਾ ਹੈ ਜਦੋਂ ਉਹ ਪੂਰੀ ਤਰ੍ਹਾਂ ਇਕੱਲਾ ਹੋ ਜਾਂਦਾ ਹੈ ਅਤੇ ਉਸਨੂੰ ਇੱਕ ਸਾਥੀ ਦੀ ਲੋੜ ਹੁੰਦੀ ਹੈ। ਇਹ ਜ਼ਿੰਦਗੀ ਦਾ ਉਹ ਪੜਾਅ ਹੈ ਜਦੋਂ ਉਸਨੂੰ ਕਿਸੇ ਅਜਿਹੇ ਵਿਅਕਤੀ ਦੀ ਜ਼ਰੂਰਤ ਹੁੰਦੀ ਹੈ ਜੋ ਉਸਦੀ ਕੇਅਰ ਕਰ ਸਕੇ। ਇਸ ਸਮੇਂ ਦੌਰਾਨ, ਅਮੀਰ ਲੋਕ ਸੱਚੇ ਪਿਆਰ ਦੀ ਭਾਲ ਵਿਚ ਸ਼ੂਗਰ ਡੈਡੀ ਬਣ ਜਾਂਦੇ ਹਨ। ਤਾਂ ਜੋ ਉਹ ਸੱਚਾ ਪਿਆਰ ਪਾ ਸਕਣ। ਇਸ ਮਾਮਲੇ ‘ਚ ਜਿੱਥੇ ਕਈ ਲੋਕ ਖੁਸ਼ਕਿਸਮਤ ਹਨ, ਉੱਥੇ ਹੀ ਕੁਝ ਲੋਕ ਅਜਿਹੇ ਵੀ ਹਨ, ਜਿਨ੍ਹਾਂ ਨਾਲ ਧੋਖਾ ਹੋ ਜਾਂਦਾ ਹੈ। ਅਜਿਹਾ ਹੀ ਕੁਝ ਹੁਣ ਆਸਟ੍ਰੇਲੀਆ ਤੋਂ ਸਾਹਮਣੇ ਆਇਆ ਹੈ। ਜਿੱਥੇ ਉਸ ਨੂੰ ਇੱਕ ਬਜ਼ੁਰਗ ਲੜਕੀ ਨਾਲ ਇੰਨਾ ਡੂੰਘਾ ਪਿਆਰ ਹੋ ਗਿਆ ਕਿ ਉਸ ਨੇ ਆਪਣੀ ਜ਼ਿੰਦਗੀ ਬਰਬਾਦ ਕਰ ਦਿੱਤੀ।

ਅੰਗਰੇਜ਼ੀ ਵੈੱਬਸਾਈਟ ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ 63 ਸਾਲ ਦੇ ਟਰੇਸੀ ਸਕੇਟਸ ਆਪਣੇ ਲਈ ਇਕ ਪਾਰਟਨਰ ਦੀ ਤਲਾਸ਼ ਕਰ ਰਹੇ ਸੀ ਕਿ ਉਨ੍ਹਾਂ ਦੀ ਮੁਲਾਕਾਤ ਇੰਸਟਾ ‘ਤੇ ਅਮਰੀਕਾ ਦੀ ਸ਼ਾਰਲੋਟ ਨਾਲ ਹੋਈ। ਦੋਹਾਂ ਵਿਚਕਾਰ ਗੱਲਬਾਤ ਅਤੇ ਪਿਆਰ ਤੇਜ਼ੀ ਨਾਲ ਵਧਣ ਲੱਗਾ। ਹਾਲਾਂਕਿ, ਇਸ ਕਹਾਣੀ ਦੇ ਅੰਤ ਵਿੱਚ, ਇੱਕ ਮੋੜ ਆਇਆ ਜਿਸਦੀ ਟਰੇਸੀ ਸਕੇਟਸ ਨੇ ਆਪਣੀ ਜ਼ਿੰਦਗੀ ਵਿੱਚ ਕਦੇ ਉਮੀਦ ਨਹੀਂ ਕੀਤੀ ਸੀ।

ਇਹ ਪਿਆਰ ਕਿਵੇਂ ਹੋਇਆ?

ਹਾਲਾਂਕਿ, ਆਪਣੇ ਰਿਸ਼ਤੇ ਦੌਰਾਨ ਸ਼ਾਰਲੋਟ ਨੇ ਕਈ ਵਾਰ ਟਰੇਸੀ ਤੋਂ ਪੈਸਿਆਂ ਦੀ ਮੰਗ ਕੀਤੀ ਅਤੇ ਉਸਨੇ ਇਸਨੂੰ ਸਵੀਕਾਰ ਕਰ ਲਿਆ। ਭਾਵੇਂ ਇਹ ਰਿਸ਼ਤਾ ਤੇਜ਼ੀ ਨਾਲ ਅੱਗੇ ਵਧਿਆ, ਟਰੇਸੀ ਸ਼ਾਰਲੋਟ ‘ਤੇ ਬਹੁਤ ਭਰੋਸਾ ਹੋ ਗਿਆ। ਅਜਿਹੇ ‘ਚ ਜਦੋਂ ਵੀ ਸ਼ਾਰਲੋਟ ਥੋੜ੍ਹੇ ਬਹੁਤ ਪੈਸੇ ਮੰਗਦੀ ਸੀ ਤਾਂ ਟਰੇਸੀ ਉਸ ਨੂੰ ਤੁਰੰਤ ਦੇ ਦਿੰਦਾ ਸੀ।

ਅਜਿਹੇ ‘ਚ ਇਕ ਮਹੀਨੇ ਦੀ ਗੱਲਬਾਤ ਦੌਰਾਨ ਸ਼ਾਰਲੋਟ ਨੇ ਟਰੇਸੀ ਨੂੰ ਕਿਹਾ ਕਿ ਉਹ ਆਸਟ੍ਰੇਲੀਆ ਆਉਣਾ ਚਾਹੁੰਦੀ ਹੈ। ਇਹ ਸੁਣ ਕੇ ਟਰੇਸੀ ਬਹੁਤ ਖੁਸ਼ ਹੋ ਗਿਆ ਅਤੇ ਉਸ ਨੂੰ 4,000 ਆਸਟ੍ਰੇਲੀਅਨ ਡਾਲਰ (2 ਲੱਖ ਰੁਪਏ ਤੋਂ ਵੱਧ) ਭੇਜੇ। ਜਿਸ ਤੋਂ ਬਾਅਦ ਸ਼ਾਰਲੋਟ ਨੇ ਟਰੇਸੀ ਨੂੰ ਕਿਹਾ ਕਿ ਉਹ ਆ ਹੀ ਰਹੀ ਸੀ ਪਰ ਉਸ ਦੇ ਨਾਲ ਲੋਕਾਂ ਨੇ ਮਾਰਪੀਟ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਪੈਸੇ ਖੋਹ ਲਏ।

ਹੁਣ ਪਤਾ ਲਈ ਇਹ ਸੱਚਾਈ?

ਜਿਸ ‘ਤੇ ਟਰੇਸੀ ਨੇ ਉਸ ਨੂੰ ਦੁਬਾਰਾ ਪੈਸੇ ਭੇਜੇ ਪਰ ਉਹ ਨਹੀਂ ਆਈ ਤਾਂ ਇਸ ਵਾਰ ਪੁੱਛਣ ‘ਤੇ ਉਸ ਨੇ ਦੱਸਿਆ ਕਿ ਉਸ ਦੇ ਸਾਮਾਨ ‘ਚ 2 ਗ੍ਰਾਮ ਹੈਰੋਇਨ ਰੱਖੀ ਹੋਈ ਸੀ, ਜਿਸ ਕਾਰਨ ਪੁਲਿਸ ਦਾ ਚੱਕਰ ਪੈ ਗਿਆ। ਇਸ ਤਰ੍ਹਾਂ ਟਰੇਸੀ ਕਈ ਵਾਰ ਪੈਸੇ ਭੇਜੇ ਅਤੇ ਸ਼ਾਰਲੋਟ ਬਹਾਨੇ ਬਣਾਉਂਦੀ ਰਹੀ।

ਇਹ ਵੀ ਪੜ੍ਹੋ- ਸੈਲਫੀ ਲੈਣ ਦੀ ਕੋਸ਼ਿਸ਼ ਚ ਰੇਲਗੱਡੀ ਦੀ ਲਪੇਟ ਚ ਆਈ ਔਰਤ, ਦਰਦਨਾਕ ਹਾਦਸੇ ਦੀ ਵੀਡੀਓ ਆਈ ਸਾਹਮਣੇ

ਇਕ ਸਮਾਂ ਅਜਿਹਾ ਵੀ ਆਇਆ ਜਦੋਂ ਟਰੇਸੀ ਦੀ ਹਾਲਤ ਅਜਿਹੀ ਹੋ ਗਈ ਕਿ ਉਹ ਖਾਣ-ਪੀਣ ਲਈ ਪੈਸੇ ਵੀ ਪੈਸੇ ਨਹੀਂ ਬਚਾ ਪਾ ਰਹੇ ਸੀ। ਫਿਰ ਇਕ ਦਿਨ ਉਸ ਦਾ ਸੱਚ ਸਾਹਮਣੇ ਆਇਆ ਕਿ ਜਿਸ ਖੂਬਸੂਰਤੀ ਦਾ ਉਸ ਨੇ ਸੁਪਨਾ ਦੇਖਿਆ ਸੀ, ਉਹ ਅਸਲ ਵਿਚ ਇਕ ਫਰਜ਼ੀ ਅਕਾਊਂਟ ਸੀ ਅਤੇ ਉਸ ‘ਤੇ ਲੱਗੀ ਫੋਟੋ ਇਕ ਕੋਲੰਬੀਆ ਦੀ ਬਿਕਨੀ ਮਾਡਲ ਦੀ ਸੀ, ਜਿਸ ਦੇ ਇੰਸਟਾਗ੍ਰਾਮ ‘ਤੇ ਲੱਖਾਂ ਫਾਲੋਅਰਜ਼ ਹਨ। ਹੁਣ ਟਰੇਸੀ ਦੀ ਹਾਲਤ ਅਜਿਹੀ ਹੈ ਕਿ ਉਹ ਤੰਬੂ ਵਿੱਚ ਰਹਿਣ ਲਈ ਮਜਬੂਰ ਹੈ।