Prank Video: ਸਵਾਲ ਦਾ ਟੀਚਰ ਨੇ ਦਿੱਤਾ ਅਜਿਹਾ ਜਵਾਬ, ਸੁਣ ਕੇ ਸੌਂ ਗਏ ਵਿਦਿਆਰਥੀ, Viral ਹੋ ਗਿਆ ਵੀਡੀਓ

ਸੋਸ਼ਲ ਮੀਡੀਆ ਦੇ ਦੌਰ ਵਿੱਚ ਪ੍ਰੈਂਕ ਵੀਡੀਓਜ਼ ਵੀ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਸੋਸ਼ਲ ਮੀਡੀਆ Influencers ਕਈ ਵਾਰ ਅਜਨਬੀਆਂ ਨਾਲ ਅਤੇ ਕਦੇ ਦੋਸਤਾਂ ਨਾਲ ਮਜ਼ਾਕ ਕਰਦੇ ਹਨ, ਪਰ ਬਹੁਤ ਘੱਟ ਲੋਕ ਹਨ ਜੋ ਆਪਣੇ ਅਧਿਆਪਕਾਂ ਨਾਲ ਪ੍ਰੈਂਕ ਕਰਦੇ ਹਨ। ਡਰ ਹੈ ਕਿ ਜੇਕਰ ਅਧਿਆਪਕ ਉਸ ਮਜ਼ਾਕ ‘ਤੇ ਗੁੱਸੇ ‘ਚ ਆ ਗਏ ਤਾਂ ਉਨ੍ਹਾਂ ਨੂੰ ਜੁਰਮਾਨਾ ਭਰਨਾ ਪੈ ਸਕਦਾ ਹੈ ਅਤੇ ਛੋਟੇ ਜਿਹੇ ਮਜ਼ਾਕ ਲਈ ਵੀ ਉਨ੍ਹਾਂ ਨੂੰ ਵੱਡੀ ਸਜ਼ਾ ਭੁਗਤਣੀ ਪੈ ਸਕਦੀ ਹੈ। ਪਰ ਇਕ ਅਧਿਆਪਕ ਇਸ ਮਾਮਲੇ ਵਿੱਚ ਐਕਸੈਪਸ਼ਨਲ ਸਾਬਤ ਹੋਏ। ਜਿਸ ਨਾਲ ਵਿਦਿਆਰਥੀਆਂ ਨੇ ਪ੍ਰੈਂਕ ਕੀਤਾ। ਗੁੱਸੇ ‘ਚ ਆਉਣ ਦੀ ਬਜਾਏ ਟੀਚਰ ਨੇ ਇਸ ਤਰ੍ਹਾਂ ਪ੍ਰਤੀਕਿਰਿਆ ਦਿੱਤੀ ਕਿ ਹੁਣ ਲੋਕ ਸੋਸ਼ਲ ਮੀਡੀਆ ‘ਤੇ ਉਸ ਦੀ ਕਾਫੀ ਤਾਰੀਫ ਕਰ ਰਹੇ ਹਨ।

ਇਸ ਵੀਡੀਓ ਨੂੰ Scroll Drool ਨਾਮ ਦੇ ਇੰਸਟਾਗ੍ਰਾਮ ਹੈਂਡਲ ਨੇ ਸ਼ੇਅਰ ਕੀਤਾ ਹੈ। ਇਹ ਵੀਡੀਓ ਬੈਂਗਲੁਰੂ ਦੀ ਕ੍ਰਾਈਸਟ ਯੂਨੀਵਰਸਿਟੀ ਦਾ ਦੱਸਿਆ ਜਾ ਰਿਹਾ ਹੈ। ਵੀਡੀਓ ਵਿੱਚ ਇਕ ਕਲਾਸਰੂਮ ਦਿਖਾਈ ਦੇ ਰਿਹਾ ਹੈ। ਜਿਸ ਵਿੱਚ ਕਈ ਕੁੜੀਆਂ ਬੈਠੀਆਂ ਹਨ। ਜਿਨ੍ਹਾਂ ਚੋਂ ਦੋ ਕੁੜੀਆਂ ਵਿਚਕਾਰ ਲਗਾਤਾਰ ਬਹਿਸ ਜਾਰੀ ਹੈ। ਜਿਸ ਨੂੰ ਸੁਣ ਕੇ, ਕਲਾਸ ਵਿਚ ਮੌਜੂਦ ਸਰ ਉਨ੍ਹਾਂ ਕੋਲ ਆ ਕੇ ਪੁੱਛਦਾ ਹੈ ਕਿ ਕੀ ਹੋਇਆ? ਇਕ ਵਿਦਿਆਰਥੀ ਇਸ ‘ਤੇ ਅਧਿਆਪਕ ਨੂੰ ਪੁੱਛਦੀ ਹੈ ਕਿ ਯੂ ਇਜ਼ ਸਲੀਪ ਅਤੇ ਯੂ ਕੈਨ ਸਲੀਪ ਵਿਚਕਾਰ ਕਿਹੜਾ ਵਾਕ ਜ਼ਿਆਦਾ ਸਹੀ ਹੈ। ਜਿਸ ਦੇ ਜਵਾਬ ਵਿੱਚ ਅਧਿਆਪਕ ਕਹਿੰਦੇ ਹਨ ਕਿ ਸਹੀ ਵਾਕ ਹੈ You can sleep। ਇਹ ਕਹਿੰਦੇ ਹੀ ਸਾਰੇ ਵਿਦਿਆਰਥੀ ਸਿਰ ਝੁਕਾ ਕੇ ਸੌਣ ਲੱਗ ਜਾਂਦੇ ਹਨ।

ਇਹ ਵੀ ਪੜ੍ਹੋ- ਸਹਿਮ-ਸਹਿਮ ਕੇ ਸ਼ੇਰਾਂ ਦੇ ਗਰੂਪ ਨੇ ਕੀਤੀ ਨਦੀ ਪਾਰ, ਵੀਡੀਓ

ਇਕ ਪਲ ਲਈ ਉਹ ਟੀਚਰ ਵੀ ਹੈਰਾਨ ਰਹਿ ਜਾਂਦੇ ਹਨ। ਪਰ ਫਿਰ ਉਨ੍ਹਾਂ ਨੂੰ ਅਹਿਸਾਸ ਹੁੰਦਾ ਹੈ ਕਿ ਉਹ ਪ੍ਰੈਂਕ ਦਾ ਸ਼ਿਕਾਰ ਹੋ ਗਏ ਹਨ। ਫਿਰ ਉਹ ਹੱਸ ਕੇ ਪੁੱਛਦੇ ਹਨ ਕਿ ਕੀ ਇਹ ਰਿਕਾਰਡ ਕੀਤਾ ਗਿਆ ਹੈ? ਹਾਂ ਦਾ ਜਵਾਬ ਮਿਲਣ ‘ਤੇ ਉਹ ਕੈਮਰੇ ਦੇ ਸਾਹਮਣੇ ਜਾ ਕੇ ਵੇਵ ਕਰ ਕੇ ਹੱਸਦੇ ਹਨ। ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ 11 ਲੱਖ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ। ਅਧਿਆਪਕ ਦੇ ਇਸ Gesture ਦੀ ਲੋਕ ਕਾਫੀ ਤਾਰੀਫ ਕਰ ਰਹੇ ਹਨ।