Viral Video ਸ਼ਿਕਾਰ ਦੇ ਚੱਕਰ ‘ਚ ਤੇਂਦੂਏ ਨੇ ਫੜ ਲਈ ਆਪਣੀ ਹੀ ਪੂਛ, ਫਿਰ ਦੇਖੋ ਕੀ ਹੋਇਆ; ਮਜ਼ੇਦਾਰ VIDEO ਵਾਇਰਲ

Image Credit source: X/@buitengebieden

ਜੰਗਲੀ ਜਾਨਵਰਾਂ ਦੀਆਂ ਵੀਡੀਓ ਅਕਸਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੁੰਦੀਆਂ ਹਨ, ਜਿਸ ਵਿੱਚ ਕੁਝ ਸ਼ਿਕਾਰ ਕਰਦੇ ਹੋਏ ਦਿਖਾਈ ਦਿੰਦੇ ਹਨ, ਜਦੋਂ ਕਿ ਕੁਝ ਸ਼ਿਕਾਰ ਹੋਣ ਤੋਂ ਬਚਣ ਲਈ ਭੱਜਦੇ ਹਨ। ਕੁਝ ਅਜਿਹੇ ਵੀਡੀਓ ਵੀ ਹਨ ਜਿਨ੍ਹਾਂ ਵਿੱਚ ਜਾਨਵਰ ਅਜਿਹੀਆਂ ਹਰਕਤਾਂ ਕਰਦੇ ਨਜਰ ਆਉਂਦੇ ਹਨ ਕਿ ਜਿਨ੍ਹਾਂ ਨੂੰ ਦੇਖਦਿਆਂ ਹੀ ਹਾਸਾ ਕੰਟ੍ਰੋਲ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ। ਅਜਿਹੀ ਹੀ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ, ਜਿਸ ਨਾਲ ਲੋਕ ਆਪਣਾ ਹਾਸਾ ਨਹੀਂ ਰੋਕ ਪਾ ਰਹੇ ਹਨ। ਆਮ ਤੌਰ ‘ਤੇ ਤੇਂਦੂਆ ਆਪਣੀ ਚੁਸਤੀ ਅਤੇ ਸ਼ਿਕਾਰ ਕਰਨ ਦੇ ਹੁਨਰ ਲਈ ਜਾਣੇ ਜਾਂਦੇ ਹਨ, ਪਰ ਇਸ ਵੀਡੀਓ ਵਿੱਚ, ਤੇਂਦੂਆ ਆਪਣੀ ਹੀ ਨਾਦਾਨੀ ਦਾ ਸ਼ਿਕਾਰ ਬਣਦਾ ਦਿਖਾਈ ਦੇ ਰਿਹਾ ਹੈ।

ਦਰਅਸਲ, ਇੱਕ ਤੇਂਦੂਆ ਸ਼ਿਕਾਰ ਦੀ ਭਾਲ ਵਿੱਚ ਜੰਗਲ ਵਿੱਚ ਘੁੰਮਦੇ ਹੋਏ ਅਚਾਨਕ ਕੁਝ ਅਜਿਹਾ ਕਰ ਬੈਠਦਾ ਹੈ, ਜਿਸਦੀ ਕਿਸੇ ਨੇ ਉਮੀਦ ਵੀ ਨਹੀਂ ਕੀਤੀ ਹੁੰਦੀ। ਵੀਡੀਓ ਵਿੱਚ, ਤੁਸੀਂ ਚਿੱਕੜ ਵਾਲੇ ਪਾਣੀ ਵਿੱਚ ਇੱਕ ਤੇਂਦੂਆ ਨੂੰ ਸ਼ਿਕਾਰ ਦੀ ਭਾਲ ਕਰਦਿਆਂ ਦੇਖ ਸਕਦੇ ਹੋ। ਫਿਰ, ਇਹ ਆਪਣੇ ਮੂੰਹ ਵਿੱਚ ਕੁਝ ਲੈ ਕੇ ਪਾਣੀ ਵਿੱਚੋਂ ਬਾਹਰ ਨਿਕਲਦਾ ਹੈ। ਇਸ ਤਰ੍ਹਾਂ ਲੱਗਦਾ ਹੈ ਜਿਵੇਂ ਇਸਨੇ ਮੱਛੀ ਫੜ ਲਈ ਹੋਵੇ, ਪਰ ਜਦੋਂ ਸੱਚਾਈ ਸਾਹਮਣੇ ਆਉਂਦੀ ਹੈ, ਤਾਂ ਲੋਕ ਹੈਰਾਨ ਰਹਿ ਜਾਂਦੇ ਹਨ। ਦਰਅਸਲ, ਤੇਂਦੁਏ ਨੇ ਸ਼ਿਕਾਰ ਕਰਦੇ ਸਮੇਂ ਆਪਣੀ ਹੀ ਪੂਛ ਖੁਦ ਫੜ ਲਈ ਸੀ, ਅਤੇ ਮਜੇਦਾਰ ਗੱਲ ਇਹ ਹੈ ਕਿ ਉਸਨੂੰ ਵੀ ਪਤਾ ਚੱਲ ਪਾ ਰਿਹਾ ਕਿ ਉਸਨੇ ਸ਼ਿਕਾਰ ਫੜਿਆ ਹੈ ਜਾਂ ਆਪਣੀ ਪੂਛ।

ਤੇਂਦੁਏ ਦੀਆਂ ਮਜੇਦਾਰ ਹਰਕਤਾਂ ਕੈਮਰੇ ‘ਤੇ ਕੈਦ

ਇਸ ਮਜੇਦਾਰ ਵਾਈਲਡਲਾਈਫ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @buitengebieden ਅਕਾਊਂਟ ਦੁਆਰਾ ਮਜਾਕੀਆ ਕੈਪਸ਼ਨ ਨਾਲ ਸ਼ੇਅਰ ਕੀਤਾ ਗਿਆ ਸੀ, “ਆਖਿਰਕਾਰ, ਮੈਂ ਆਪਣਾ ਪਹਿਲਾ ਸ਼ਿਕਾਰ ਫੜ ਲਿਆ। ਮਾਂ ਬਹੁਤ ਖੁਸ਼ ਹੋਵੇਗੀ।” ਇਸ 18-ਸਕਿੰਟ ਦੇ ਵੀਡੀਓ ਨੂੰ 246,000 ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਜਿਸ ਵਿੱਚ 8,000 ਤੋਂ ਵੱਧ ਲੋਕਾਂ ਨੇ ਇਸਨੂੰ ਪਸੰਦ ਕੀਤਾ ਹੈ ਅਤੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ।

ਵੀਡੀਓ ਦੇਖ ਕੇ, ਕਿਸੇ ਨੇ ਟਿੱਪਣੀ ਕੀਤੀ, “ਇਹ ਅਵਿਸ਼ਵਾਸਯੋਗ ਸੀ,” ਜਦੋਂ ਕਿ ਕਿਸੇ ਹੋਰ ਨੇ ਟਿੱਪਣੀ ਕੀਤੀ, “ਬਿੱਲੀਆਂ ਕਈ ਵਾਰ ਇਸ ਤਰ੍ਹਾਂ ਕਿਉਂ ਕਰਦੀਆਂ ਹਨ ਜਿਵੇਂ ਉਨ੍ਹਾਂ ਨੂੰ ਪਤਾ ਹੀ ਨਗੀਂ ਕਿ ਉਨ੍ਹਾਂ ਦੀ ਪੂਛ ਉਨ੍ਹਾਂ ਦੇ ਸਰੀਰ ਦਾ ਹਿੱਸਾ ਹਨ? ਭਾਵੇਂ ਇਹ ਬਿੱਗ ਕੈਟ ਹੋਵੇ ਜਾਂ ਛੋਟੀ ਬਿੱਲੀ, ਇਹ ਸਾਰਿਆਂ ਲਈ ਇੱਕੋ ਜਿਹਾ ਹੀ ਹੁੰਦਾ ਹੈ।” ਇਸੇ ਤਰ੍ਹਾਂ, ਇੱਕ ਹੋਰ ਯੂਜ਼ਰ ਨੇ ਲਿਖਿਆ, “ਕੁਝ ਚੀਜ਼ਾਂ ਸਿਰਫ਼ ਅਨੁਭਵ ਰਾਹੀਂ ਹੀ ਸਿੱਖੀਆਂ ਜਾ ਸਕਦੀਆਂ ਹਨ,” ਜਦੋਂ ਕਿ ਇੱਕ ਹੋਰ ਯੂਜ਼ਰ ਨੇ ਲਿਖਿਆ, “ਤੇਂਦੁਆ ਪੂਰਾ ਕਨਫਿਊਜਡ ਸੀ।”

ਇੱਥੇ ਦੇਖੋ ਵੀਡੀਓ