YouTube Down: ਕਾਫੀ ਦੇਰ ਤੱਕ ਠੱਪ ਰਿਹਾ ਯੂਟਿਊਬ , ਦੁਨੀਆ ਭਰ ‘ਚ ਆਈ ਸਮੱਸਿਆ; ਹੁਣ ਕਰ ਰਿਹਾ ਕੰਮ
Youtube Outage: ਬੁੱਧਵਾਰ ਸਵੇਰੇ ਯੂਟਿਊਬ ਦੀ ਸਰਵਿਸ ਅਚਾਨਕ ਕਾਫੀ ਦੇਰ ਲਈ ਬੰਦ ਹੋ ਗਈ, ਜਿਸ ਕਾਰਨ ਵੀਡੀਓ ਦੇਖਣ ਵਾਲੇ ਲੱਖਾਂ ਯੂਜ਼ਰਸ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਭਾਰਤ ਸਮੇਤ ਦੁਨੀਆ ਭਰ 'ਚ Something Went Wrong ਐਰਰ ਮੈਸੇਜ ਦਿਖਾਈ ਦਿੱਤਾ। ਸੋਸ਼ਲ ਮੀਡੀਆ 'ਤੇ ਸ਼ਿਕਾਇਤਾਂ ਤੋਂ ਬਾਅਦ, ਕੰਪਨੀ ਨੇ ਤੁਰੰਤ ਕਾਰਵਾਈ ਕੀਤੀ ਤੇ ਸੇਵਾ ਨੂੰ ਬਹਾਲ ਕੀਤਾ। ਯੂਟਿਊਬ ਹੁਣ ਆਮ ਵਾਂਗ ਕੰਮ ਕਰ ਰਿਹਾ ਹੈ, ਪਰ ਵਿਸ਼ਵ ਪੱਧਰ 'ਤੇ ਬੰਦ ਹੋਣ ਨਾਲ ਲੱਖਾਂ ਲੋਕਾਂ ਨੂੰ ਪ੍ਰਭਾਵਿਤ ਕੀਤਾ।
ਗੂਗਲ ਦਾ ਪ੍ਰਸਿੱਧ ਵੀਡੀਓ ਪਲੇਟਫਾਰਮ, ਯੂਟਿਊਬ, ਬੁੱਧਵਾਰ (18 ਫਰਵਰੀ) ਸਵੇਰੇ ਕਈ ਘੰਟਿਆਂ ਲਈ ਅਚਾਨਕ ਬੰਦ ਹੋਣ ਤੋਂ ਬਾਅਦ ਬਹਾਲ ਕਰ ਦਿੱਤਾ ਗਿਆ ਹੈ। ਬੁੱਧਵਾਰ ਸਵੇਰੇ ਅਚਾਨਕ ਯੂਟਿਊਬ ਆਊਟੇਜ ਕਾਰਨ ਲੱਖਾਂ ਉਪਭੋਗਤਾਵਾਂ ਨੂੰ ਵੀਡੀਓ ਦੇਖਣ ਵਿੱਚ ਮੁਸ਼ਕਲ ਆਈ। ਯੂਟਿਊਬ ਦੇ ਬੰਦ ਹੁੰਦੇ ਹੀ ਲੋਕਾਂ ਨੇ ਸੋਸ਼ਲ ਮੀਡੀਆ ‘ਤੇ ਸ਼ਿਕਾਇਤਾਂ ਸ਼ੁਰੂ ਕਰ ਦਿੱਤੀਆਂ, ਤੇ ਜਿਵੇਂ ਹੀ ਕੰਪਨੀ ਨੂੰ ਸਥਿਤੀ ਦਾ ਪਤਾ ਲੱਗਾ, ਉਸ ਨੇ ਤੁਰੰਤ ਸਮੱਸਿਆ ਦਾ ਹੱਲ ਕੀਤਾ ਤੇ ਯੂਟਿਊਬ ਸੇਵਾ ਨੂੰ ਬਹਾਲ ਕਰ ਦਿੱਤਾ।
ਯੂਟਿਊਬ ਟੀਮ ਨੇ X ‘ਤੇ ਪੋਸਟ ਕੀਤਾ, ਜਿਸ ‘ਚ ਕਿਹਾ ਗਿਆ ਹੈ ਕਿ ਜੇਕਰ ਤੁਹਾਨੂੰ ਇਸ ਸਮੇਂ ਯੂਟਿਊਬ ਤੱਕ ਪਹੁੰਚ ਕਰਨ ‘ਚ ਮੁਸ਼ਕਲ ਆ ਰਹੀ ਹੈ, ਤਾਂ ਤੁਸੀਂ ਇਕੱਲੇ ਨਹੀਂ ਹੋ। ਸਾਡੀ ਟੀਮ ਇਸ ‘ਤੇ ਕੰਮ ਕਰ ਰਹੀ ਹੈ ਤੇ ਅਪਡੇਟਸ ਨਾਲ ਅੱਗੇ ਵਧੇਗੀ।
ਯੂਜ਼ਰਸ ਨੇ ਰਿਪੋਰਟ ਕੀਤੀ ਕਿ ਸਾਈਟ ਡਾਊਨ ਸੀ, ਜਿਸ ਕਾਰਨ ਹੋਮਪੇਜ ‘ਤੇ ਇੱਕ ਐਰਰ ਮੈਸੇਜ ਆਇਆ, ਜਿਸ ਨਾਲ ਵੀਡੀਓ ਦੇਖਣਾ ਮੁਸ਼ਕਲ ਹੋ ਗਿਆ। ਐਪ ਤੇ ਵੈੱਬਸਾਈਟ ਦੋਵੇਂ ਪ੍ਰਭਾਵਿਤ ਹੋਏ। ਮਾਈਕ੍ਰੋ-ਬਲੌਗਿੰਗ ਪਲੇਟਫਾਰਮ ਟਵਿੱਟਰ ‘ਤੇ ਲੋਕਾਂ ਦੀਆਂ ਸ਼ਿਕਾਇਤਾਂ ਦੇ ਹੜ੍ਹ ਕਾਰਨ X ‘ਤੇ #YouTubeDown ਟ੍ਰੈਂਡਿੰਗ ਹੋਣ ਲੱਗ ਪਿਆ। YouTube ਖੋਲ੍ਹਣ ‘ਤੇ, ਉਪਭੋਗਤਾਵਾਂ ਨੂੰS omething went wrong ਵਾਲਾ ਸੁਨੇਹਾ ਦਿਖਾਈ ਦਿੰਦਾ ਸੀ, ਪਰ ਹੁਣ YouTube ਆਮ ਵਾਂਗ ਕੰਮ ਕਰ ਰਿਹਾ ਹੈ।
If youre having trouble accessing YouTube right now, youre not alone — our teams are looking into this and will follow up here with updates: https://t.co/7iTU5S9AgT
— TeamYouTube (@TeamYouTube) February 18, 2026
ਭਾਰਤ ‘ਚ ਬਹੁਤ ਸਾਰੇ ਲੋਕ ਪਰੇਸ਼ਾਨ
ਅਮਰੀਕਾ ‘ਚ, 283,490 ਲੋਕਾਂ ਨੇ DownDetector ਨੂੰ ਰਿਪੋਰਟ ਕੀਤੀ, ਜਦੋਂ ਕਿ ਭਾਰਤ ‘ਚ, 18,000 ਤੋਂ ਵੱਧ ਲੋਕ ਪਹਿਲਾਂ ਹੀ DownDetector ਨੂੰ ਰਿਪੋਰਟ ਕਰ ਚੁੱਕੇ ਹਨ। YouTube ਸੇਵਾ ਬੰਦ ਹੋਣ ਦਾ ਮਾਮਲਾ ਕਿਸੇ ਇੱਕ ਦੇਸ਼ ਤੱਕ ਸੀਮਿਤ ਨਹੀਂ ਸੀ, ਸਗੋਂ ਵਿਆਪਕ ਸੀ, ਜਿਸ ਨਾਲ ਲੱਖਾਂ ਲੋਕ ਪ੍ਰਭਾਵਿਤ ਹੋਏ।
ਇਹ ਵੀ ਪੜ੍ਹੋ
ਭਾਰਤ ‘ਚ, 74 ਪ੍ਰਤੀਸ਼ਤ ਯੂਜ਼ਰਸ ਨੂੰ YouTube ਐਪ ਦੀ ਵਰਤੋਂ ਕਰਨ ‘ਚ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ, 16 ਪ੍ਰਤੀਸ਼ਤ ਨੂੰ ਵੀਡੀਓ ਸਟ੍ਰੀਮਿੰਗ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ ਤੇ 10 ਪ੍ਰਤੀਸ਼ਤ ਨੂੰ YouTube ਸਾਈਟ ਖੋਲ੍ਹਣ ‘ਚ ਮੁਸ਼ਕਲ ਆਈ।
