200MP ਕੈਮਰੇ ਨਾਲ Xiaomi 17 Ultra ਨੇ ਮਚਾਈ ਹਲਚਲ! ਜਾਣੋ ਕੀਮਤ ਤੇ ਦਮਦਾਰ ਫੀਚਰਸ
ਚੀਨੀ ਦਿੱਗਜ ਸਮਾਰਟਫੋਨ ਨਿਰਮਾਤਾ ਕੰਪਨੀ ਸ਼ਾਓਮੀ (Xiaomi) ਨੇ ਆਪਣੀ ਸਭ ਤੋਂ ਉਡੀਕੀ ਜਾਣ ਵਾਲੀ ਫਲੈਗਸ਼ਿਪ ਸੀਰੀਜ਼ Xiaomi 17 ਨੂੰ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਲਾਂਚ ਕਰ ਦਿੱਤਾ ਹੈ। ਇਸ ਨਵੀਂ ਲਾਈਨਅੱਪ ਵਿੱਚ ਕੰਪਨੀ ਨੇ ਦੋ ਸ਼ਕਤੀਸ਼ਾਲੀ ਮਾਡਲ Xiaomi 17 ਅਤੇ Xiaomi 17 Ultra ਪੇਸ਼ ਕੀਤੇ ਹਨ।
ਚੀਨੀ ਦਿੱਗਜ ਸਮਾਰਟਫੋਨ ਨਿਰਮਾਤਾ ਕੰਪਨੀ ਸ਼ਾਓਮੀ (Xiaomi) ਨੇ ਆਪਣੀ ਸਭ ਤੋਂ ਉਡੀਕੀ ਜਾਣ ਵਾਲੀ ਫਲੈਗਸ਼ਿਪ ਸੀਰੀਜ਼ Xiaomi 17 ਨੂੰ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਲਾਂਚ ਕਰ ਦਿੱਤਾ ਹੈ। ਇਸ ਨਵੀਂ ਲਾਈਨਅੱਪ ਵਿੱਚ ਕੰਪਨੀ ਨੇ ਦੋ ਸ਼ਕਤੀਸ਼ਾਲੀ ਮਾਡਲ Xiaomi 17 ਅਤੇ Xiaomi 17 Ultra ਪੇਸ਼ ਕੀਤੇ ਹਨ।
ਇਸ ਸੀਰੀਜ਼ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦਾ ਅਲਟਰਾ ਵੇਰੀਐਂਟ ਹੈ, ਜਿਸ ਵਿੱਚ 200MP ਦਾ ਪੇਰੀਸਕੋਪ ਕੈਮਰਾ ਦਿੱਤਾ ਗਿਆ ਹੈ, ਜੋ ਫੋਟੋਗ੍ਰਾਫੀ ਦੇ ਸ਼ੌਕੀਨਾਂ ਲਈ ਇੱਕ ਨਵਾਂ ਤਜ਼ਰਬਾ ਸਾਬਤ ਹੋਵੇਗਾ। ਇਹ ਦੋਵੇਂ ਫੋਨ ਲੇਟੈਸਟ Snapdragon 8 Elite Gen 5 ਚਿੱਪਸੈੱਟ ਨਾਲ ਲੈਸ ਹਨ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਕੁਝ ਹੀ ਦਿਨਾਂ ਵਿੱਚ ਇਸ ਸੀਰੀਜ਼ ਨੂੰ ਭਾਰਤ ਵਿੱਚ ਵੀ ਲਾਂਚ ਕਰ ਦਿੱਤਾ ਜਾਵੇਗਾ।
ਕੀਮਤ ਅਤੇ ਉਪਲਬਧਤਾ
ਗਲੋਬਲ ਮਾਰਕੀਟ ਵਿੱਚ Xiaomi 17 ਦੀ ਸ਼ੁਰੂਆਤੀ ਕੀਮਤ EUR 999 (ਲਗਭਗ 1.07 ਲੱਖ ਰੁਪਏ) ਰੱਖੀ ਗਈ ਹੈ। ਇਹ ਫੋਨ ਐਲਪਾਈਨ ਪਿੰਕ, ਬਲੈਕ, ਆਈਸ ਬਲੂ ਅਤੇ ਵੈਂਚਰ ਗ੍ਰੀਨ ਵਰਗੇ ਚਾਰ ਆਕਰਸ਼ਕ ਰੰਗਾਂ ਵਿੱਚ ਉਪਲਬਧ ਹੋਵੇਗਾ। ਦੂਜੇ ਪਾਸੇ, Xiaomi 17 Ultra ਦੀ ਕੀਮਤ EUR 1,499 (ਲਗਭਗ 1.61 ਲੱਖ ਰੁਪਏ) ਤੈਅ ਕੀਤੀ ਗਈ ਹੈ, ਜੋ ਬਲੈਕ, ਸਟਾਰਲਿਟ ਗ੍ਰੀਨ ਅਤੇ ਵ੍ਹਾਈਟ ਕਲਰ ਆਪਸ਼ਨ ਵਿੱਚ ਮਿਲੇਗਾ। ਕੰਪਨੀ ਨੇ ਮੋਬਾਈਲ ਫੋਟੋਗ੍ਰਾਫੀ ਨੂੰ ਬਿਹਤਰ ਬਣਾਉਣ ਲਈ ਇੱਕ ਵਿਸ਼ੇਸ਼ ਫੋਟੋਗ੍ਰਾਫੀ ਕਿੱਟ ਵੀ ਪੇਸ਼ ਕੀਤੀ ਹੈ।
ਡਿਸਪਲੇਅ ਅਤੇ ਪ੍ਰਦਰਸ਼ਨ
ਅਲਟਰਾ ਮਾਡਲ ਵਿੱਚ 6.9 ਇੰਚ ਦੀ 1.5K LTPO AMOLED ਡਿਸਪਲੇਅ ਦਿੱਤੀ ਗਈ ਹੈ, ਜੋ 120Hz ਰਿਫ੍ਰੈਸ਼ ਰੇਟ ਅਤੇ ਡਰੈਗਨ ਕ੍ਰਿਸਟਲ ਗਲਾਸ 3 ਦੀ ਸੁਰੱਖਿਆ ਨਾਲ ਆਉਂਦੀ ਹੈ। ਬਿਹਤਰੀਨ ਪਰਫਾਰਮੈਂਸ ਲਈ ਇਸ ਵਿੱਚ 3nm ਸਨੈਪਡ੍ਰੈਗਨ 8 ਐਲੀਟ ਜੈਨ 5 ਪ੍ਰੋਸੈਸਰ, 16GB LPDDR5x ਅਲਟਰਾ ਰੈਮ ਅਤੇ 512GB UFS 4.1 ਸਟੋਰੇਜ ਮਿਲਦੀ ਹੈ। ਇਹ ਸਮਾਰਟਫੋਨ ਐਂਡਰਾਇਡ 16 ‘ਤੇ ਅਧਾਰਤ HyperOS 3 ‘ਤੇ ਚੱਲਦਾ ਹੈ ਅਤੇ ਇਸ ਨੂੰ ਪਾਣੀ ਤੇ ਧੂੜ ਤੋਂ ਬਚਾਉਣ ਲਈ IP66, IP68 ਅਤੇ IP69 ਰੇਟਿੰਗ ਦਿੱਤੀ ਗਈ ਹੈ।
ਕੈਮਰਾ ਅਤੇ ਬੈਟਰੀ
ਫੋਨ ਵਿੱਚ Leica ਟਿਊਨਡ ਟ੍ਰਿਪਲ ਕੈਮਰਾ ਸੈੱਟਅੱਪ ਹੈ, ਜਿਸ ਵਿੱਚ 50MP ਦਾ 1-ਇੰਚ ਪ੍ਰਾਇਮਰੀ ਸੈਂਸਰ, 50MP ਅਲਟਰਾ-ਵਾਈਡ ਅਤੇ 200MP ਪੇਰੀਸਕੋਪ ਟੈਲੀਫੋਟੋ ਕੈਮਰਾ ਸ਼ਾਮਲ ਹੈ। ਸੈਲਫੀ ਲਈ 50MP ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਪਾਵਰ ਲਈ ਇਸ ਵਿੱਚ 6,000mAh ਦੀ ਵੱਡੀ ਬੈਟਰੀ ਹੈ, ਜੋ 90W ਵਾਇਰਡ ਅਤੇ 50W ਵਾਇਰਲੈੱਸ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।
ਇਹ ਵੀ ਪੜ੍ਹੋ
ਸਪੈਸੀਫਿਕੇਸ਼ਨ
ਸਟੈਂਡਰਡ Xiaomi 17 ਵਿੱਚ 6.3 ਇੰਚ ਦੀ 1.5K OLED ਡਿਸਪਲੇਅ ਹੈ, ਜੋ 3,500 ਨਿਟਸ ਦੀ ਪੀਕ ਬ੍ਰਾਈਟਨੈੱਸ ਸਪੋਰਟ ਕਰਦੀ ਹੈ। ਇਸ ਵਿੱਚ 12GB ਰੈਮ ਅਤੇ 256GB ਸਟੋਰੇਜ ਦੇ ਨਾਲ Snapdragon 8 Elite Gen 5 ਚਿੱਪਸੈੱਟ ਮਿਲਦਾ ਹੈ। ਕੈਮਰਾ ਸੈੱਟਅੱਪ ਵਿੱਚ 50MP ਪ੍ਰਾਇਮਰੀ, 50MP ਟੈਲੀਫੋਟੋ ਅਤੇ 50MP ਅਲਟਰਾ-ਵਾਈਡ ਸੈਂਸਰ ਦਿੱਤੇ ਗਏ ਹਨ। ਇਸ ਫੋਨ ਵਿੱਚ 6,330mAh ਦੀ ਬੈਟਰੀ ਅਤੇ 100W ਵਾਇਰਡ ਫਾਸਟ ਚਾਰਜਿੰਗ ਦੀ ਸਹੂਲਤ ਹੈ।
