Dark Patterns: ਕੀ ਹੈ ‘ਡਾਰਕ ਪੈਟਰਨ’, ਸਰਕਾਰ ਨੇ ਕਿਉਂ ਲਗਾਈ ਪਾਬੰਦੀ?
Dark Pattern Guidelines: ਸਰਕਾਰ ਨੇ ਗਾਹਕਾਂ ਦੇ ਹਿੱਤਾਂ ਦੀ ਰੱਖਿਆ ਲਈ ਡਾਰਕ ਪੈਟਰਨ 'ਤੇ ਪਾਬੰਦੀ ਲਗਾਉਣ ਦਾ ਫੈਸਲਾ ਕੀਤਾ ਹੈ। ਕੀ ਤੁਸੀਂ ਜਾਣਦੇ ਹੋ ਕਿ ਡਾਰਕ ਪੈਟਰਨ ਕੀ ਹੁੰਦਾ ਹੈ ਅਤੇ ਹੁਣ ਤੱਕ ਤੁਹਾਨੂੰ Dark Pattern ਕਿਸ ਤਰ੍ਹਾਂ ਨਾਲ ਉਲਝਾਉਂਦਾ ਰਿਹਾ ਹੈ? ਆਉ ਅਸੀਂ ਤੁਹਾਨੂੰ ਸਧਾਰਨ ਭਾਸ਼ਾ ਵਿੱਚ ਡਾਰਕ ਪੈਟਰਨ ਬਾਰੇ ਸਮਝਾਉਂਦੇ ਹਾਂ।
ਗਾਹਕਾਂ ਦੇ ਹਿੱਤਾਂ ਦੀ ਰੱਖਿਆ ਲਈ, ਸਰਕਾਰ ਨੇ ਈ-ਕਾਮਰਸ ਪਲੇਟਫਾਰਮਾਂ ਦੁਆਰਾ ਚਲਾਏ ਜਾ ਰਹੇ ਡਾਰਕ ਪੈਟਰਨਾਂ ਦੀ ਵਰਤੋਂ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਸਧਾਰਨ ਭਾਸ਼ਾ ਵਿੱਚ, ਗਾਹਕਾਂ ਨੂੰ ਗੁੰਮਰਾਹ ਕਰਨ ਦਾ ਕੰਮ Dark Pattern ਨਾਂ ਰਾਹੀਂ ਕੀਤਾ ਜਾਂਦਾ ਹੈ, ਜਿਵੇਂ ਕਿ ਤੁਸੀਂ ਖਰੀਦਦਾਰੀ ਕਰਦੇ ਸਮੇਂ ਈ-ਕਾਮਰਸ ਸਾਈਟਾਂ ‘ਤੇ ਇਹ ਲਿਖਿਆ ਦੇਖਿਆ ਹੋਵੇਗਾ ਕਿ ਸਟਾਕ ਖਤਮ ਹੋਣ ਵਾਲਾ ਹੈ ਜਾਂ ਕੋਈ ਪ੍ਰੋਡੇਕਟ ਦੇ ਸਿਰਫ 1 ਜਾਂ ਸਿਰਫ 2 ਪ੍ਰੇਡੇਕਟ ਬਚੇ ਹਨ। .
ਤੁਹਾਨੂੰ ਦੱਸ ਦੇਈਏ ਕਿ ਇਹ ਸਭ Dark Pattern ਦਾ ਹਿੱਸਾ ਹਨ, ਇਨ੍ਹਾਂ ਸਾਰੀਆਂ ਗੱਲਾਂ ਦੇ ਮੱਦੇਨਜ਼ਰ ਹੁਣ ਸਰਕਾਰ ਨੇ ਸਖਤ ਕਦਮ ਚੁੱਕਦੇ ਹੋਏ ਗਾਹਕਾਂ ਨੂੰ ਫੁਸਲਾਉਣ ਤੋਂ ਬਚਾਉਣ ਲਈ ਡਾਰਕ ਪੈਟਰਨ ‘ਤੇ ਪਾਬੰਦੀ ਲਗਾਉਣ ਦਾ ਫੈਸਲਾ ਕੀਤਾ ਹੈ।
CCPA ਯਾਨੀ ਕੇਂਦਰੀ ਖਪਤਕਾਰ ਸੁਰੱਖਿਆ ਅਥਾਰਟੀ ਨੇ ਵੀ ਹਾਲ ਹੀ ਵਿੱਚ ਇਸ ਮਾਮਲੇ ਵਿੱਚ ਇੱਕ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਇਹ ਨਿਯਮ ਗੁਡਸ ਅਤੇ ਸਰਵਸਿਸ ਪ੍ਰਦਾਨ ਕਰਨ ਵਾਲੇ ਸਾਰੇ ਪਲੇਟਫਾਰਮਾਂ ‘ਤੇ ਲਾਗੂ ਹੋਵੇਗਾ।
What is Dark Pattern: ਖਰੀਦਣ ਲਈ ਕੀਤਾ ਜਾਂਦਾ ਹੈ ਮਜਬੂਰ
ਆਓ ਹੁਣ ਸਮਝੀਏ ਕਿ ਕਿਵੇਂ ਕੰਪਨੀਆਂ ਹDark Pattern ਰਾਹੀਂ ਗਾਹਕਾਂ ਨੂੰ ਮਜਬੂਰ ਕਰਦੀਆਂ ਹਨ। Dark Pattern ਦੀ ਮਦਦ ਨਾਲ ਕੰਪਨੀਆਂ ਗਾਹਕਾਂ ਨੂੰ ਗੁੰਮਰਾਹ ਕਰਨ ਵਾਲੇ ਇਸ਼ਤਿਹਾਰ ਦਿਖਾਉਂਦੀਆਂ ਹਨ ਅਤੇ ਫਿਰ ਖਪਤਕਾਰਾਂ ਦੇ ਅਧਿਕਾਰਾਂ ਦੀ ਉਲੰਘਣਾ ਹੁੰਦੀ ਹੈ। ਪਰ ਹੋਰ ਨਹੀਂ, ਸਰਕਾਰ ਨੇ ਕਿਹਾ ਹੈ ਕਿ ਹੁਣ ਜੇਕਰ ਕੋਈ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਖਪਤਕਾਰ ਸੁਰੱਖਿਆ ਕਾਨੂੰਨ ਦੇ ਤਹਿਤ ਜੁਰਮਾਨਾ ਲਗਾਇਆ ਜਾਵੇਗਾ।
ਉਦਾਹਰਨ ਲਈ, ਤੁਸੀਂ ਵੀ ਨੋਟਿਸ ਕੀਤਾ ਹੋਵੇਗਾ ਕਿ ਜਦੋਂ ਵੀ ਤੁਸੀਂ ਆਨਲਾਈਨ ਫਲਾਈਟ ਟਿਕਟ ਬੁੱਕ ਕਰਵਾਉਣ ਜਾਂਦੇ ਹੋ, ਤਾਂ ਤੁਹਾਨੂੰ ਲਿਖਿਆ ਮਿਲਦਾ ਹੈ ਕਿ ਸਿਰਫ ਕੁਝ ਸੀਟਾਂ ਬਚੀਆਂ ਹਨ। ਇਹ ਦੇਖ ਕੇ ਵਿਅਕਤੀ ਘਬਰਾ ਕੇ ਤੁਰੰਤ ਸੀਟ ਬੁੱਕ ਕਰ ਲੈਂਦਾ ਹੈ।
ਇਹ ਵੀ ਪੜ੍ਹੋ
ਡਾਰਕ ਪੈਟਰਨ ਦੇ ਯੂਜ਼ਰ ਇੰਟਰਫੇਸ ਨੂੰ ਇਸ ਤਰੀਕੇ ਨਾਲ ਡਿਜ਼ਾਇਨ ਕੀਤਾ ਗਿਆ ਹੈ ਕਿ ਕੰਪਨੀ ਨੂੰ ਵੱਧ ਤੋਂ ਵੱਧ ਫਾਇਦਾ ਮਿਲੇ, ਗਾਹਕਾਂ ਨੂੰ ਉਲਝਾਉਣ ਦਾ ਇਹ ਕੰਮ ਸਿਰਫ ਆਨਲਾਈਨ ਹੀ ਨਹੀਂ ਸਗੋਂ ਆਫਲਾਈਨ ਵੀ ਕੀਤਾ ਜਾਂਦਾ ਹੈ।
ਆਖਿਰ Dark Pattern ਗਲਤ ਕਿਉਂ ਹੈ?
ਤੁਸੀਂ ਵੀ ਸੋਚ ਰਹੇ ਹੋਵੋਗੇ ਕਿ ਇਸ ਵਿੱਚ ਗਲਤ ਕੀ ਹੈ? ਗਾਹਕਾਂ ਨੂੰ ਮੈਨੁਪਲੇਟ ਕਰਨ ਲਈ ਡਾਰਕ ਪੈਟਰਨ ਦੀ ਵਰਤੋਂ ਕੀਤੀ ਜਾਂਦੀ ਹੈ ਤਾਂ ਜੋ ਉਹ ਕੰਪਨੀ ਦੇ ਉਤਪਾਦ ਨੂੰ ਖਰੀਦ ਸਕਣ।
