81 ਕਰੋੜ ਭਾਰਤੀਆਂ ਦਾ ਡਾਟਾ ਲੀਕ, ਆਨਲਾਈਨ ਫਰਾਡ ਤੋਂ ਬਚਣ ਦਾ ਇਹ ਹੈ ਤਰੀਕਾ

ਡਾਟਾ ਲੀਕ ਨੂੰ ਲੈ ਕੇ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ। ਰਿਪੋਰਟਾਂ ਦੀ ਮੰਨੀਏ ਤਾਂ 81.5 ਕਰੋੜ ਭਾਰਤੀਆਂ ਦਾ ਨਿੱਜੀ ਡਾਟਾ ਲੀਕ (Data Leak) ਹੋਇਆ ਹੈ। ਡਾਰਕ ਵੈੱਬ ‘ਤੇ ਲੋਕਾਂ ਦੇ ਨਾਂਅ, ਫ਼ੋਨ ਨੰਬਰ, ਆਧਾਰ, ਪਾਸਪੋਰਟ ਵਰਗੇ ਵੇਰਵੇ ਲੀਕ ਹੋ ਗਏ ਹਨ। ਸਾਈਬਰ ਹੈਕਰ ਚੋਰੀ ਕੀਤੇ ਡੇਟਾ ਨੂੰ ਡਾਰਕ ਵੈੱਬ ‘ਤੇ ਆਨਲਾਈਨ ਵੇਚਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਕੋਈ ਵੀ ਤੁਹਾਡੇ ਆਧਾਰ ਕਾਰਡ ਦੇ ਵੇਰਵੇ ਚੋਰੀ ਨਾ ਕਰ ਸਕੇ, ਤਾਂ ਤੁਹਾਨੂੰ ਕੁਝ ਟਿਪਸ ‘ਤੇ ਨੂੰ ਮੰਨਣਾ ਹੋਵੇਗਾ। ਇਹ ਤੁਹਾਡੇ ਆਧਾਰ ਡਾਟਾ ਨੂੰ ਸੁਰੱਖਿਅਤ ਰੱਖੇਗਾ ਅਤੇ ਲੀਕ ਹੋਣ ਤੋਂ ਰੋਕੇਗਾ।

ਅਮਰੀਕੀ ਸਾਈਬਰ ਸੁਰੱਖਿਆ ਫਰਮ ਰਿਸਕਿਊਰਿਟੀ ਨੇ ਦਾਅਵਾ ਕੀਤਾ ਹੈ ਕਿ ਕਰੀਬ 81.5 ਕਰੋੜ ਲੋਕਾਂ ਦੀ ਨਿੱਜੀ ਜਾਣਕਾਰੀ ਲੀਕ ਹੋਈ ਹੈ। pwn0001 ਨਾਂਅ ਦੀ ਇੱਕ ਥ੍ਰੈਟ ਅਕਟਰ ਨੇ ਬ੍ਰੀਚ ਫੋਰਮ ‘ਤੇ ਇੱਕ ਥ੍ਰੈਡ ਪੋਸਟ ਕੀਤਾ ਜਿਸ ਵਿੱਚ 81.5 ਕਰੋੜ ਭਾਰਤੀ ਨਾਗਰਿਕਾਂ ਦੇ ਆਧਾਰ (Aadhar) ਅਤੇ ਪਾਸਪੋਰਟਾਂ ਤੱਕ ਪਹੁੰਚ ਕੀਤੀ ਗਈ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਦੀ ਆਬਾਦੀ 1.48 ਅਰਬ ਤੋਂ ਵੱਧ ਹੈ। ਇਸ ਦਾ ਮਤਲਬ ਹੈ ਅੱਧੇ ਤੋਂ ਵੱਧ ਲੋਕਾਂ ਦਾ ਡਾਟਾ ਚੋਰੀ ਹੋਇਆ ਹੈ।

ਡਾਰਕ ਵੈੱਬ ‘ਤੇ ਵੇਚਿਆ ਜਾ ਡਾਟਾ

ਕੰਪਨੀ ਨੇ ਅੱਗੇ ਕਿਹਾ ਕਿ ਉਸ ਦੀ HUNTER (HUMINT) ਯੂਨਿਟ ਇਨਵੈਸਟੀਗੇਟਰ ਨੇ ਥ੍ਰੈਟ ਅਕਟਰ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ। ਇਨ੍ਹਾਂ ਅਕਟਰਸ ਨੇ ਆਧਾਰ ਅਤੇ ਪਾਸਪੋਰਟ ਦੀ ਜਾਣਕਾਰੀ ਨੂੰ 80,000 ਡਾਲਰ ਭਾਵ ਲਗਭਗ 66.60 ਲੱਖ ਰੁਪਏ ਵਿੱਚ ਵੇਚਣ ਦੀ ਪੇਸ਼ਕਸ਼ ਕੀਤੀ। ਇੱਕ ਹੈਕਰ ਨੇ ਇਸ ਬਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) ‘ਤੇ ਵੀ ਪੋਸਟ ਕੀਤਾ ਹੈ।

ਆਧਾਰ ਬਹੁਤ ਮਹੱਤਵਪੂਰਨ ਦਸਤਾਵੇਜ਼ ਹੈ ਕਿਉਂਕਿ ਇਹ ਬੈਂਕ ਖਾਤੇ, ਪੈਨ ਕਾਰਡ ਵਰਗੀਆਂ ਚੀਜ਼ਾਂ ਨਾਲ ਜੁੜਿਆ ਹੋਇਆ ਹੈ। ਇਸ ਤੋਂ ਇਲਾਵਾ ਫੋਨ ਨੰਬਰ ਨੂੰ ਵੀ ਆਧਾਰ ਨਾਲ ਲਿੰਕ ਕੀਤਾ ਗਿਆ ਹੈ। ਅਜਿਹੇ ‘ਚ ਆਧਾਰ ਦੇ ਵੇਰਵਿਆਂ ਨੂੰ ਸੁਰੱਖਿਅਤ ਰੱਖਣਾ ਬਹੁਤ ਜ਼ਰੂਰੀ ਹੈ। ਇੱਥੇ ਤੁਸੀਂ ਦੇਖ ਸਕਦੇ ਹੋ ਕਿ ਆਧਾਰ ਵੇਰਵਿਆਂ ਨੂੰ ਕਿਵੇਂ ਸੁਰੱਖਿਅਤ ਰੱਖਿਆ ਜਾ ਸਕਦਾ ਹੈ।

ਆਧਾਰ ਲਾਕ ਦਾ ਆਨਲਾਈਨ ਤਰੀਕਾ

• UIDAI ਦੀ ਅਧਿਕਾਰਤ ਵੈੱਬਸਾਈਟ (https://uidai.gov.in/) ‘ਤੇ ਜਾਓ।
• My Aadhaar ਟੈਬ ‘ਤੇ ਜਾਓ ਅਤੇ Aadhaar Services ਸੈਕਸ਼ਨ ‘ਤੇ ਕਲਿੱਕ ਕਰੋ
• ਆਧਾਰ ਲਾਕ/ਅਨਲਾਕ ਵਿਕਲਪ ਇੱਥੇ ਉਪਲਬਧ ਹੋਵੇਗਾ, ਇਸ ‘ਤੇ ਕਲਿੱਕ ਕਰੋ
• ਹੁਣ ਅਨਲੌਕ UID ਵਿਕਲਪ ਚੁਣੋ।
• ਇੱਥੇ ਤੁਹਾਨੂੰ 16 ਅੰਕਾਂ ਦੀ ਵਰਚੁਅਲ ਆਈਡੀ ਐਂਟਰ ਕਰਨੀ ਹੋਵੇਗੀ।
• Send OTP ਬਟਨ ‘ਤੇ ਕਲਿੱਕ ਕਰਕੇ OTP ਦਰਜ ਕਰੋ।

SMS ਰਾਹੀਂ ਆਧਾਰ ਨੂੰ ਕਰੋ ਲਾਕ

• ਸਭ ਤੋਂ ਪਹਿਲਾਂ, ਰਜਿਸਟਰਡ ਮੋਬਾਈਲ ਨੰਬਰ ਤੋਂ ‘GETOTP (ਆਧਾਰ ਦੇ ਆਖਰੀ 4 ਅੰਕ)’ ਲਿਖ ਕੇ 1947 ‘ਤੇ SMS ਭੇਜੋ।
• ਜਦੋਂ OTP ਆਉਂਦਾ ਹੈ, ਇੱਕ ਹੋਰ SMS ਭੇਜੋ
• ‘LOCKUID (ਆਧਾਰ ਦੇ ਆਖਰੀ 4 ਅੰਕ) (ਪ੍ਰਾਪਤ OTP ਲਿਖੋ)’ ਟਾਈਪ ਕਰੋ ਅਤੇ ਇਸਨੂੰ 1947 ‘ਤੇ SMS ਭੇਜੋ।
• ਇਸ ਤੋਂ ਬਾਅਦ UIDAI ਇੱਕ ਪੁਸ਼ਟੀ ਸੰਦੇਸ਼ ਭੇਜੇਗਾ।