ਵਿਸ਼ਵ ਕੱਪ ਤੋਂ ਪਹਿਲਾਂ ਵਿਰਾਟ ਕੋਹਲੀ ਨੂੰ ਮਿਲੇਗਾ ਹੀਰੇ ਦਾ ਬੱਲਾ, ਕੀਮਤ ਜਾਣ ਕੇ ਰਹਿ ਜਾਓਗੇ ਹੈਰਾਨ

ਵਿਰਾਟ ਕੋਹਲੀ ਮੌਜੂਦਾ ਸਮੇਂ ਦੇ ਸਭ ਤੋਂ ਵਧੀਆ ਬੱਲੇਬਾਜ਼ ਹਨ। ਉਨ੍ਹਾਂ ਦੀ ਫੈਨ ਫਾਲੋਇੰਗ ਵੀ ਕਾਫੀ ਹੈ। ਵਿਰਾਟ ਕੋਹਲੀ ਨੂੰ ਲੈ ਕੇ ਲੋਕਾਂ ਦਾ ਕ੍ਰੇਜ਼ ਬਹੁਤ ਜ਼ਿਆਦਾ ਹੈ ਅਤੇ ਹਾਲ ਹੀ ‘ਚ ਇਕ ਹੋਰ ਉਦਾਹਰਣ ਸਾਹਮਣੇ ਆਈ ਹੈ। ਸੂਰਤ ਦੇ ਇੱਕ ਕਾਰੋਬਾਰੀ ਨੇ ਕੋਹਲੀ ਨੂੰ ਬੱਲਾ ਗਿਫਟ ਕਰਨ ਦਾ ਫੈਸਲਾ ਕੀਤਾ ਹੈ। ਪਰ ਇਹ ਕੋਈ ਆਮ ਬੱਲਾ ਨਹੀਂ ਬਲਕਿ ਲੱਖਾਂ ਰੁਪਏ ਦਾ ਬੱਲਾ ਹੈ। ਇੰਡੀਆ ਟੂਡੇ ਦੀ ਰਿਪੋਰਟ ਮੁਤਾਬਕ ਇਹ ਬੱਲਾ ਹੀਰਿਆਂ ਦਾ ਹੈ। ਸੂਰਤ ਦੇ ਕਾਰੋਬਾਰੀ ਨੇ ਕੋਹਲੀ ਨੂੰ ਹੀਰੇ ਦਾ ਬੱਲਾ ਤੋਹਫੇ ‘ਚ ਦੇਣ ਦਾ ਫੈਸਲਾ ਕੀਤਾ ਹੈ। ਕੋਹਲੀ ਨੂੰ ਮਿਲਣ ਵਾਲਾ ਇਹ ਬੱਲਾ 1.04 ਕੈਰੇਟ ਅਸਲੀ ਹੀਰੇ ਦਾ ਹੋਵੇਗਾ। ਇਹ ਬੱਲਾ 15 ਮੀਟਰ ਲੰਬਾ ਅਤੇ ਪੰਜ ਮੀਟਰ ਚੌੜਾ ਹੋਵੇਗਾ, ਜਿਸ ਦੀ ਕੀਮਤ 10 ਲੱਖ ਰੁਪਏ ਦੱਸੀ ਜਾ ਰਹੀ ਹੈ। ਡਾਇਮੰਡ ਟੈਕਨਾਲੋਜੀ ਮਾਹਿਰ ਅਤੇ ਲੈਕਸਸ ਸਾਫਟਮੈਕ ਕੰਪਨੀ ਦੇ ਡਾਇਰੈਕਟਰ ਉਤਪਲ ਮਿਸਤਰੀ ਇਸ ਬੱਲੇ ਨੂੰ ਬਣਾਉਣ ਦੀ ਪ੍ਰਕਿਰਿਆ ਦੀ ਨਿਗਰਾਨੀ ਕਰਨਗੇ।

ਇਹ ਹਨ ਇੱਛਾਵਾਂ

ਉੱਪਲ ਨੇ ਇੰਡੀਆ ਟੂਡੇ ਨੂੰ ਦੱਸਿਆ ਕਿ ਜੋ ਵਿਅਕਤੀ ਕੋਹਲੀ ਨੂੰ ਇਹ ਬੱਲਾ ਤੋਹਫ਼ੇ ਵਿੱਚ ਦੇਣਾ ਚਾਹੁੰਦਾ ਹੈ, ਉਹ ਉਨ੍ਹਾਂ ਨੂੰ ਕੁਦਰਤੀ ਹੀਰੇ ਦਾ ਬਣਿਆ ਬੱਲਾ ਦੇਣਾ ਚਾਹੁੰਦਾ ਹੈ ਨਾ ਕਿ ਲੈਬ ਵਿੱਚ ਬਣਿਆ ਹੀਰਾ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਉਨ੍ਹਾਂ ਨੂੰ ਸਖ਼ਤ ਹਦਾਇਤਾਂ ਦਿੱਤੀਆਂ ਗਈਆਂ ਹਨ। ਕੋਹਲੀ ਨੂੰ ਕਈ ਤਰ੍ਹਾਂ ਦੇ ਤੋਹਫੇ ਜ਼ਰੂਰ ਮਿਲੇ ਹੋਣਗੇ ਪਰ ਯਕੀਨਨ ਇਹ ਤੋਹਫਾ ਉਸ ਲਈ ਬਹੁਤ ਵੱਖਰਾ ਅਤੇ ਖਾਸ ਹੋਵੇਗਾ। ਕੋਹਲੀ ਨੂੰ ਗਿਫਟ ਕਰਨ ਵਾਲਾ ਵਿਅਕਤੀ ਕੋਹਲੀ ਦਾ ਬਹੁਤ ਵੱਡਾ ਫੈਨ ਹੈ ਅਤੇ ਕਈ ਸਾਲਾਂ ਤੋਂ ਕੋਹਲੀ ਨੂੰ ਫਾਲੋ ਕਰ ਰਿਹਾ ਹੈ।

ਏਸ਼ੀਆ ਕੱਪ-ਵਿਸ਼ਵ ਕੱਪ ‘ਤੇ ਫੋਕਸ

ਵਿਰਾਟ ਕੋਹਲੀ ਇਸ ਸਮੇਂ ਆਰਾਮ ਕਰ ਰਹੇ ਹਨ। ਵੈਸਟਇੰਡੀਜ਼ ਦੌਰੇ ਤੋਂ ਬਾਅਦ ਕੋਹਲੀ ਹੁਣ 30 ਅਗਸਤ ਤੋਂ ਸ਼ੁਰੂ ਹੋ ਰਹੇ ਏਸ਼ੀਆ ਕੱਪ ‘ਚ ਸਿੱਧੇ ਨਜ਼ਰ ਆਉਣਗੇ। ਇਹ ਟੂਰਨਾਮੈਂਟ ਕੋਹਲੀ ਅਤੇ ਭਾਰਤ ਦੋਵਾਂ ਲਈ ਬਹੁਤ ਮਹੱਤਵਪੂਰਨ ਹੈ ਕਿਉਂਕਿ ਇਹ ਵਨਡੇ ਵਿਸ਼ਵ ਕੱਪ ਲਈ ਟੀਮ ਇੰਡੀਆ ਦੀ ਤਿਆਰੀ ਪ੍ਰਖੀ ਜਾਵੇਗੀ। ਭਾਰਤ ਨੂੰ ਏਸ਼ੀਆ ਕੱਪ-2023 ‘ਚ ਆਪਣਾ ਪਹਿਲਾ ਮੈਚ ਪਾਕਿਸਤਾਨ ਖਿਲਾਫ ਖੇਡਣਾ ਹੈ। ਇਹ ਮੈਚ 2 ਸਤੰਬਰ ਨੂੰ ਖੇਡਿਆ ਜਾਵੇਗਾ। ਇਸ ਤੋਂ ਬਾਅਦ ਵਿਸ਼ਵ ਕੱਪ ਹੈ ਅਤੇ ਕੋਹਲੀ ਭਾਰਤ ਵਿੱਚ ਖੇਡੇ ਜਾਣ ਵਾਲੇ ਇਸ ਵਿਸ਼ਵ ਕੱਪ ਵਿੱਚ ਹੀ ਚਮਕਣ ਦੀ ਕੋਸ਼ਿਸ਼ ਕਰਨਗੇ। ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ