ICC Ranking: ਜਿਸ ਨੂੰ ਰੋਹਿਤ-ਕੋਹਲੀ ਨਹੀਂ ਦਿੰਦੇ ਅਹਿਮੀਅਤ, ਟੀਮ ਇੰਡੀਆ ਦਾ ਉਹੀ ਖਿਡਾਰੀ ਬਣਿਆ ਰੈਂਕਿੰਗ ‘ਚ ਨੰਬਰ-1

ਆਸਟ੍ਰੇਲੀਆ ਖਿਲਾਫ ਹਾਲ ਹੀ ‘ਚ ਖਤਮ ਹੋਈ ਟੀ-20 ਸੀਰੀਜ਼ ਤੋਂ ਬਾਅਦ ਆਈਸੀਸੀ ਨੇ ਹੁਣ ਤਾਜ਼ਾ ਰੈਂਕਿੰਗ ਜਾਰੀ ਕਰ ਦਿੱਤੀ ਹੈ। ਇਸ ਸੀਰੀਜ਼ ‘ਚ ਸਟਾਰ ਰਹੇ 23 ਸਾਲ ਦੇ ਰਵੀ ਬਿਸ਼ਨੋਈ ਨੂੰ ਇਸ ਰੈਂਕਿੰਗ ‘ਚ ਬੰਪਰ ਫਾਇਦਾ ਹੋਇਆ ਹੈ ਅਤੇ ਉਹ ਦੁਨੀਆ ਦੇ ਨੰਬਰ-1 ਟੀ-20 ਗੇਂਦਬਾਜ਼ ਬਣ ਗਿਆ ਹੈ। ਬੁੱਧਵਾਰ ਨੂੰ ਜਾਰੀ ਕੀਤੀ ਗਈ ਰੈਂਕਿੰਗ ‘ਚ ਰਵੀ ਬਿਸ਼ਨੋਈ ਦੇ 699 ਅੰਕ ਹਨ ਅਤੇ ਉਨ੍ਹਾਂ ਨੇ ਰਾਸ਼ਿਦ ਖਾਨ ਨੂੰ ਪਛਾੜ ਦਿੱਤਾ ਹੈ। ਆਸਟ੍ਰੇਲੀਆ ਦੇ ਖਿਲਾਫ 5 ਮੈਚਾਂ ਦੀ ਸੀਰੀਜ਼ ‘ਚ ਰਵੀ ਬਿਸ਼ਨੋਈ ਨੇ ਕੁਲ 9 ਵਿਕਟਾਂ ਲਈਆਂ, ਜਿਸ ‘ਚ 32 ਦੌੜਾਂ ‘ਤੇ 3 ਵਿਕਟਾਂ ਉਨ੍ਹਾਂ ਦਾ ਬੈਸਟ ਰਿਹਾ। ਇਸ ਪ੍ਰਦਰਸ਼ਨ ਦੇ ਆਧਾਰ ‘ਤੇ ਉਨ੍ਹਾਂ ਨੇ ਰੈਂਕਿੰਗ ‘ਚ ਵਾਧਾ ਕੀਤਾ ਅਤੇ ਸਿਰਫ 23 ਸਾਲ ਦੀ ਉਮਰ ‘ਚ ਉਹ ਦੁਨੀਆ ਦਾ ਨੰਬਰ 1 ਗੇਂਦਬਾਜ਼ ਬਣ ਗਏ ਹਨ। ਉਹ ਰਾਸ਼ਿਦ ਖਾਨ ਤੋਂ 7 ਅੰਕ ਅੱਗੇ ਹਨ। ਜੇਕਰ ਇਸ ਸਾਲ ਦੀ ਗੱਲ ਕਰੀਏ ਤਾਂ ਰਵੀ ਬਿਸ਼ਨੋਈ ਨੇ ਟੀ-20 ‘ਚ ਭਾਰਤ ਲਈ 11 ਮੈਚਾਂ ‘ਚ 18 ਵਿਕਟਾਂ ਲਈਆਂ ਹਨ। ਆਈਸੀਸੀ ਦੀ ਤਾਜ਼ਾ ਰੈਂਕਿੰਗ ਵਿੱਚ ਸਿਰਫ਼ ਰਵੀ ਬਿਸ਼ਨੋਈ ਹੀ ਨਹੀਂ ਬਲਕਿ ਕੁਝ ਹੋਰ ਭਾਰਤੀ ਖਿਡਾਰੀਆਂ ਨੂੰ ਵੀ ਫਾਇਦਾ ਹੋਇਆ ਹੈ। ਸਲਾਮੀ ਬੱਲੇਬਾਜ਼ ਰੁਤੁਰਾਜ ਗਾਇਕਵਾੜ ਨੇ ਵੀ ਬੱਲੇਬਾਜ਼ਾਂ ਦੀ ਸੂਚੀ ‘ਚ ਟਾਪ-10 ‘ਚ ਪ੍ਰਵੇਸ਼ ਕਰ ਲਿਆ ਹੈ ਅਤੇ ਹੁਣ ਉਹ ਸੱਤਵੇਂ ਨੰਬਰ ‘ਤੇ ਹਨ। ਜੇਕਰ ਬੱਲੇਬਾਜ਼ਾਂ ਦੀ ਗੱਲ ਕਰੀਏ ਤਾਂ ਕਪਤਾਨ ਸੂਰਿਆਕੁਮਾਰ ਯਾਦਵ ਨੰਬਰ-1 ਬੱਲੇਬਾਜ਼ ਹਨ ਅਤੇ ਉਨ੍ਹਾਂ ਤੋਂ ਇਲਾਵਾ ਸੂਰਿਆਕੁਮਾਰ ਯਾਦਵ ਵੀ ਇਸ ਸੂਚੀ ‘ਚ ਹਨ।

A rising 🇮🇳 star is crowned the new No.1 T20I bowler!

ਇਹ ਵੀ ਪੜ੍ਹੋ

ਮਹਿਲਾ ਹਾਕੀ ਟੀਮ ਨੇ 44 ਸਾਲਾਂ ਦਾ ਸੋਕਾ ਕੀਤਾ ਖਤਮ, ਜਿੱਤਿਆ ਇਤਿਹਾਸਕ ਗੋਲਡ

ਮੁੱਕੇਬਾਜ਼ ਪਰਵੀਨ ਹੁੱਡਾ ਨੇ ਜਿੱਤਿਆ ਗੋਲਡ, ਖੋਹ ਲਿਆ ਸੀ ਕਾਂਸੀ ਦਾ ਤਗਮਾ

ਬਰਨਾਲਾ ਕ੍ਰਿਕਟ ਚੈਂਪੀਅਨਸ਼ਿਪ ਲੀਗ ਦਾ ਐਲਾਨ, 9 OCT ਤੋਂ ਸ਼ੁਰੂ ਟੂਰਨਾਮੈਂਟ

More on the latest @MRFWorldwide ICC Men’s Player Rankings 👇https://t.co/jt2tgtr6bD — ICC (@ICC) December 6, 2023

ਗੇਂਦਬਾਜ਼ਾਂ ‘ਚ ਸਿਰਫ ਰਵੀ ਬਿਸ਼ਨੋਈ ਟਾਪ-10 ‘ਚ ਹਨ, ਜੋ ਨੰਬਰ-1 ਹੈ, ਆਲਰਾਊਂਡਰਸ ‘ਚ ਹਾਰਦਿਕ ਪੰਡਯਾ ਦੂਜੇ ਨੰਬਰ ‘ਤੇ ਹਨ। ਜੇਕਰ ਟੀਮ ਦੀ ਗੱਲ ਕਰੀਏ ਤਾਂ ਟੀਮ ਇੰਡੀਆ ਟੀ-20 ‘ਚ ਨੰਬਰ-1 ਟੀਮ ਬਣੀ ਹੋਈ ਹੈ। ਟੀ-20 ਵਿੱਚ ਹੀ ਨਹੀਂ ਸਗੋਂ ਵਨਡੇ ਅਤੇ ਟੈਸਟ ਵਿੱਚ ਵੀ ਭਾਰਤੀ ਟੀਮ ਨੰਬਰ-1 ਬਣੀ ਹੋਈ ਹੈ। ਭਾਵ ਭਾਰਤੀ ਟੀਮ ਕ੍ਰਿਕਟ ਦਾ ਹਰ ਫਾਰਮੈਟ ਵਿੱਚ ਦਬਦਬਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਰਵੀ ਬਿਸ਼ਨੋਈ ਫਿਲਹਾਲ ਟੀ-20 ਟੀਮ ‘ਚ ਪਰਮਾਨੈਂਟ ਨਹੀਂ ਹਨ, ਸਗੋਂ ਉਨ੍ਹਾਂ ਨੂੰ ਉਦੋਂ ਹੀ ਮੌਕਾ ਦਿੱਤਾ ਜਾਂਦਾ ਹੈ ਜਦੋਂ ਯੁਜਵੇਂਦਰ ਚਾਹਲ, ਕੁਲਦੀਪ ਯਾਦਵ ਵਰਗੇ ਸੀਨੀਅਰ ਖਿਡਾਰੀਆਂ ਨੂੰ ਆਰਾਮ ਮਿਲਦਾ ਹੈ। ਪਰ ਹੁਣ ਰਵੀ ਬਿਸ਼ਨੋਈ ਦਾ ਪ੍ਰਦਰਸ਼ਨ ਅਜਿਹਾ ਹੋ ਗਿਆ ਹੈ ਕਿ ਉਨ੍ਹਾਂ ਨੂੰ ਨਜ਼ਰਅੰਦਾਜ਼ ਕਰਨਾ ਆਸਾਨ ਨਹੀਂ ਹੋਵੇਗਾ। ਇਹੀ ਕਾਰਨ ਹੈ ਕਿ ਅਗਲੇ ਸਾਲ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਲਈ ਉਨ੍ਹਾਂ ਦਾ ਦਾਅਵਾ ਮਜ਼ਬੂਤ ​​ਮੰਨਿਆ ਜਾ ਰਿਹਾ ਹੈ।