IND vs AUS 1st ODI Playing 11: ਟੀਮ ਆਉਂਦੇ ਹੀ ਰਵਿੰਚੰਦਰਨ ਆਸ਼ਵਨੀ ਦੀ ਪਲੇਇੰਗ-11 ਚ ਐਂਟਰੀ ਪੱਕੀ ਜਾਂ ਕਰਨਾ ਪਵੇਗਾ ਇੰਤਜ਼ਾਰ

Follow Us On

ਸਪੋਰਟਸ ਨਿਊਜ। ਭਾਰਤ ਨੇ ਸ਼ਾਨਦਾਰ ਖੇਡ ਕੇ ਏਸ਼ੀਆ ਕੱਪ-2023 ਜਿੱਤਿਆ। ਹੁਣ ਟੀਮ ਇੰਡੀਆ ਦੇ ਸਾਹਮਣੇ ਸਖ਼ਤ ਚੁਣੌਤੀ ਹੈ। ਟੀਮ ਇੰਡੀਆ ਨੂੰ ਹੁਣ ਆਸਟ੍ਰੇਲੀਆ (Australia) ਦਾ ਸਾਹਮਣਾ ਕਰਨਾ ਪਵੇਗਾ। ਆਸਟ੍ਰੇਲੀਆਈ ਟੀਮ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਲਈ ਭਾਰਤ ਆਈ ਹੈ। ਸੀਰੀਜ਼ ਦਾ ਪਹਿਲਾ ਮੈਚ ਸ਼ੁੱਕਰਵਾਰ ਨੂੰ ਮੋਹਾਲੀ ਦੇ ਆਈਐੱਸ ਬਿੰਦਰਾ ਸਟੇਡੀਅਮ ‘ਚ ਖੇਡਿਆ ਜਾਣਾ ਹੈ। ਵਿਸ਼ਵ ਕੱਪ ਦੇ ਨਜ਼ਰੀਏ ਤੋਂ ਇਹ ਸੀਰੀਜ਼ ਦੋਵਾਂ ਟੀਮਾਂ ਲਈ ਬਹੁਤ ਮਹੱਤਵਪੂਰਨ ਹੈ।

ਭਾਰਤ ਅਤੇ ਆਸਟ੍ਰੇਲੀਆ ਨੂੰ ਮੌਜੂਦਾ ਸਮੇਂ ਦੀਆਂ ਬਿਹਤਰੀਨ ਟੀਮਾਂ ‘ਚ ਗਿਣਿਆ ਜਾਂਦਾ ਹੈ। ਅਜਿਹੇ ‘ਚ ਜੇਕਰ ਉਹ ਕਿਸੇ ਵੱਡੇ ਟੂਰਨਾਮੈਂਟ ਤੋਂ ਪਹਿਲਾਂ ਇਕ-ਦੂਜੇ ਖਿਲਾਫ ਖੇਡਦੇ ਹਨ ਤਾਂ ਤਿਆਰੀ ਬਿਹਤਰ ਹੋਵੇਗੀ। ਭਾਰਤ (India) ਨੇ ਇਸ ਸੀਰੀਜ਼ ਦੇ ਪਹਿਲੇ ਦੋ ਮੈਚਾਂ ਲਈ ਆਪਣੇ ਕਪਤਾਨ ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ, ਹਾਰਦਿਕ ਪੰਡਯਾ, ਕੁਲਦੀਪ ਯਾਦਵ ਨੂੰ ਆਰਾਮ ਦਿੱਤਾ ਹੈ। ਅਜਿਹੇ ‘ਚ ਟੀਮ ਦੀ ਕਮਾਨ ਕੇਐੱਲ ਰਾਹੁਲ ਦੇ ਹੱਥਾਂ ‘ਚ ਹੈ ਅਤੇ ਰਾਹੁਲ ਦੇ ਸਾਹਮਣੇ ਸਰਵੋਤਮ ਪਲੇਇੰਗ-11 ਨੂੰ ਚੁਣਨ ਦੀ ਚੁਣੌਤੀ ਹੈ।

ਰਵਿੰਦਰ ਜਡੇਜਾ ਟੀਮ ਦੇ ਉਪ ਕਪਤਾਨ

ਰਾਹੁਲ ਨੂੰ ਪਹਿਲੇ ਦੋ ਮੈਚਾਂ ਲਈ ਟੀਮ ਦਾ ਕਪਤਾਨ ਬਣਾਇਆ ਗਿਆ ਹੈ, ਜਦਕਿ ਰਵਿੰਦਰ ਜਡੇਜਾ ਨੂੰ ਟੀਮ ਦਾ ਉਪ ਕਪਤਾਨ ਨਿਯੁਕਤ ਕੀਤਾ ਗਿਆ ਹੈ। ਹਾਲਾਂਕਿ ਤੀਜੇ ਮੈਚ ਤੋਂ ਰੋਹਿਤ, ਕੋਹਲੀ, ਪੰਡਯਾ ਅਤੇ ਕੁਲਦੀਪ ਦੀ ਵਾਪਸੀ ਹੋਵੇਗੀ ਅਤੇ ਕਪਤਾਨੀ ਦੀ ਜ਼ਿੰਮੇਵਾਰੀ ਫਿਰ ਤੋਂ ਰੋਹਿਤ ਦੀ ਹੋਵੇਗੀ।

ਭਾਰਤ ਦੀ ਸਲਾਮੀ ਜੋੜੀ ਆ ਰਹੀ ਫਿਕਸ ਨਜ਼ਰ

ਇਸ ਮੈਚ ‘ਚ ਭਾਰਤ ਦੀ ਸਲਾਮੀ ਜੋੜੀ ਫਿਕਸ ਹੁੰਦੀ ਨਜ਼ਰ ਆ ਰਹੀ ਹੈ। ਈਸ਼ਾਨ ਕਿਸ਼ਨ ਸ਼ੁਭਮਨ ਗਿੱਲ ਨਾਲ ਪਾਰੀ ਦੀ ਸ਼ੁਰੂਆਤ ਕਰਨਗੇ। ਤੀਜੇ ਨੰਬਰ ‘ਤੇ ਤਿਲਕ ਵਰਮਾ ਜਾਂ ਸੂਰਿਆਕੁਮਾਰ ਯਾਦਵ ਨੂੰ ਮੌਕਾ ਮਿਲ ਸਕਦਾ ਹੈ। ਜਦਕਿ ਕਪਤਾਨ ਕੇਐੱਲ ਰਾਹੁਲ ਦਾ ਚੌਥੇ ਨੰਬਰ ‘ਤੇ ਅਤੇ ਸ਼੍ਰੇਅਸ ਅਈਅਰ ਦਾ ਪੰਜਵੇਂ ਨੰਬਰ ‘ਤੇ ਆਉਣਾ ਯਕੀਨੀ ਹੈ। ਇਸ ਤੋਂ ਬਾਅਦ ਰਵਿੰਦਰ ਜਡੇਜਾ ਬੱਲੇਬਾਜ਼ੀ ਨੂੰ ਡੂੰਘਾਈ ਦੇਣਗੇ। ਲੰਬੇ ਸਮੇਂ ਬਾਅਦ ਵਨਡੇ ਟੀਮ ‘ਚ ਵਾਪਸੀ ਕਰ ਰਹੇ ਰਵੀਚੰਦਰਨ ਅਸ਼ਵਿਨ ਦਾ ਵੀ ਇਸ ਮੈਚ ‘ਚ ਖੇਡਣਾ ਤੈਅ ਹੈ।

ਭਾਰਤ ਕਿੰਨੇ ਗੇਂਦਬਾਜ਼ਾਂ ਨਾਲ ਮੈਦਾਨ ‘ਚ ਉਤਰੇਗਾ?

ਇਸ ਮੈਚ ‘ਚ ਦੇਖਣਾ ਇਹ ਹੋਵੇਗਾ ਕਿ ਭਾਰਤ ਕਿੰਨੇ ਗੇਂਦਬਾਜ਼ਾਂ ਨੂੰ ਮੈਦਾਨ ‘ਚ ਉਤਾਰੇਗਾ। ਜੇਕਰ ਭਾਰਤ ਪੰਜ ਗੇਂਦਬਾਜ਼ਾਂ ਨਾਲ ਜਾਣ ਦਾ ਫੈਸਲਾ ਕਰਦਾ ਹੈ ਤਾਂ ਤਿਲਕ ਵਰਮਾ ਅਤੇ ਸੂਰਿਆਕੁਮਾਰ ਯਾਦਵ ਦੋਵਾਂ ਨੂੰ ਪਲੇਇੰਗ ਇਲੈਵਨ ਵਿੱਚ ਮੌਕਾ ਮਿਲ ਸਕਦਾ ਹੈ। ਅਤੇ ਫਿਰ ਟੀਮ ਇੰਡੀਆ ਜਡੇਜਾ ਅਤੇ ਅਸ਼ਵਿਨ ਵਰਗੇ ਦੋ ਸਪਿਨਰਾਂ ਦੇ ਨਾਲ ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸਿਰਾਜ ਅਤੇ ਸ਼ਾਰਦੁਲ ਠਾਕੁਰ ਦੇ ਰੂਪ ਵਿੱਚ ਤਿੰਨ ਤੇਜ਼ ਗੇਂਦਬਾਜ਼ਾਂ ਦੀ ਚੋਣ ਕਰ ਸਕਦੀ ਹੈ।

ਪਰ ਜੇਕਰ ਟੀਮ ਵਾਧੂ ਗੇਂਦਬਾਜ਼ ਨਾਲ ਜਾਣਾ ਚਾਹੁੰਦੀ ਹੈ ਤਾਂ ਤਿਲਕ ਜਾਂ ਸੂਰਿਆ ਜਾਂ ਤਾਂ ਖੇਡਣਗੇ ਅਤੇ ਫਿਰ ਵਾਸ਼ਿੰਗਟਨ ਸੁੰਦਰ ਨੂੰ ਪਲੇਇੰਗ-11 ‘ਚ ਸ਼ਾਮਲ ਕੀਤਾ ਜਾਵੇਗਾ। ਜੇਕਰ ਵਿਕਟ ਤੇਜ਼ ਗੇਂਦਬਾਜ਼ਾਂ ਦਾ ਸਾਥ ਦਿੰਦੀ ਹੈ ਤਾਂ ਸੁੰਦਰ ਦੀ ਥਾਂ ਮੁਹੰਮਦ ਸ਼ਮੀ ਟੀਮ ‘ਚ ਆ ਸਕਦੇ ਹਨ। ਮੋਹਾਲੀ ਦੀ ਪਿੱਚ ਨੂੰ ਦੇਖਦੇ ਹੋਏ ਟੀਮ ਇੰਡੀਆ ਵਾਧੂ ਤੇਜ਼ ਗੇਂਦਬਾਜ਼ ਦੇ ਨਾਲ ਜਾ ਸਕਦੀ ਹੈ।

ਆਸਟ੍ਰੇਲੀਆ ਖਿਲਾਫ ਭਾਰਤ ਦੀ ਸੰਭਾਵਿਤ ਪਲੇਇੰਗ 11

ਕੇਐਲ ਰਾਹੁਲ (ਕਪਤਾਨ/ਵਿਕਟਕੀਪਰ), ਸ਼ੁਭਮਨ ਗਿੱਲ, ਈਸ਼ਾਨ ਕਿਸ਼ਨ, ਤਿਲਕ ਵਰਮਾ/ਸੂਰਿਆਕੁਮਾਰ ਯਾਦਵ, ਸ਼੍ਰੇਅਸ ਅਈਅਰ, ਰਵਿੰਦਰ ਜਡੇਜਾ, ਰਵੀਚੰਦਰਨ ਅਸ਼ਵਿਨ, ਸ਼ਾਰਦੁਲ ਠਾਕੁਰ, ਮੁਹੰਮਦ ਸਿਰਾਜ, ਜਸਪ੍ਰੀਤ ਬੁਮਰਾਹ ਅਤੇ ਮੁਹੰਮਦ ਸ਼ਮੀ ਨੂੰ ਸ਼ਾਮਿਲ ਕੀਤਾ ਗਿਆ ਹੈ।