ਭਾਰਤ ਅਤੇ ਪਾਕਿਸਤਾਨ ਲਈ ਅੱਜ ਵੱਡਾ ਦਿਨ, ਦੋਵੇਂ ਟੀਮਾਂ ਆਪਣੀ ਇੱਜ਼ਤ ਬਚਾਉਣ ਦੀ ਕਰਨਗੀਆਂ ਕੋਸ਼ਿਸ਼ !

Photo Credit: PTI

ਭਾਰਤ ਅਤੇ ਪਾਕਿਸਤਾਨ ਲਈ ਬੁੱਧਵਾਰ ਦਾ ਦਿਨ ਵੱਡਾ ਹੋਣ ਵਾਲਾ ਹੈ। ਦੋਵੇਂ ਟੀਮਾਂ ਇਸ ਦਿਨ ਆਪਣੇ-ਆਪਣੇ ਟੈਸਟ ਮੈਚਾਂ ‘ਚ ਆਪਣੀ ਇੱਜ਼ਤ ਬਚਾਉਣ ਲਈ ਮੈਦਾਨ ‘ਚ ਉਤਰਨਗੀਆਂ। ਇੱਕ ਪਾਸੇ ਟੀਮ ਇੰਡੀਆ ਦੱਖਣੀ ਅਫਰੀਕਾ ਖਿਲਾਫ ਸੀਰੀਜ਼ ਦਾ ਦੂਜਾ ਟੈਸਟ ਮੈਚ ਖੇਡਣ ਉਤਰੇਗੀ ਤਾਂ ਦੂਜੇ ਪਾਸੇ ਪਾਕਿਸਤਾਨੀ ਟੀਮ ਆਸਟ੍ਰੇਲੀਆ ਖਿਲਾਫ ਤੀਜਾ ਟੈਸਟ ਮੈਚ ਖੇਡਣ ਉਤਰੇਗੀ। ਦੋਵੇਂ ਟੀਮਾਂ ਇੱਥੇ ਆਪਣੇ ਆਪ ਨੂੰ ਕਲੀਨ ਸਵੀਪ ਤੋਂ ਬਚਾਉਣ ਲਈ ਖੇਡ ਰਹੀਆਂ ਹਨ। ਟੀਮ ਇੰਡੀਆ ਨੂੰ ਦੱਖਣੀ ਅਫਰੀਕਾ ਤੋਂ ਪਹਿਲਾ ਟੈਸਟ ਪਾਰੀ ਅਤੇ 32 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਹੁਣ ਜੇਕਰ ਟੀਮ ਇੰਡੀਆ ਸੀਰੀਜ਼ ਬਰਾਬਰ ਕਰਨਾ ਚਾਹੁੰਦੀ ਹੈ ਤਾਂ ਉਸ ਨੂੰ ਕੇਪਟਾਊਨ ਦੇ ਨਿਊਲੈਂਡਸ ਮੈਦਾਨ ‘ਤੇ ਜਿੱਤ ਦਰਜ ਕਰਨੀ ਹੋਵੇਗੀ। ਭਾਰਤੀ ਟੀਮ ਅਜੇ ਤੱਕ ਦੱਖਣੀ ਅਫਰੀਕਾ ‘ਚ ਟੈਸਟ ਸੀਰੀਜ਼ ਜਿੱਤਣ ‘ਚ ਕਾਮਯਾਬ ਨਹੀਂ ਹੋ ਸਕੀ ਹੈ ਅਤੇ ਹੁਣ ਉਸ ਦੇ ਸਾਹਮਣੇ ਸੀਰੀਜ਼ ਬਚਾਉਣ ਦਾ ਇੱਕੋ ਇੱਕ ਮੌਕਾ ਹੈ।

ਟੀਮ ਇੰਡੀਆ ਇਸ ਮੈਚ ‘ਚ ਦੋ ਵੱਡੇ ਬਦਲਾਅ

ਮੈਚ 3 ਜਨਵਰੀ ਨੂੰ ਭਾਰਤੀ ਸਮੇਂ ਮੁਤਾਬਕ ਦੁਪਹਿਰ 1.30 ਵਜੇ ਸ਼ੁਰੂ ਹੋਣਾ ਹੈ। ਟੀਮ ਇੰਡੀਆ ਇਸ ਮੈਚ ‘ਚ ਦੋ ਵੱਡੇ ਬਦਲਾਅ ਕਰ ਸਕਦੀ ਹੈ। ਟੀਮ ਇੰਡੀਆ ਦੇ ਸਾਹਮਣੇ ਪ੍ਰਸਿਧ ਕ੍ਰਿਸ਼ਨਾ ਦੀ ਜਗ੍ਹਾ ਮੁਕੇਸ਼ ਕੁਮਾਰ ਨੂੰ ਮੌਕਾ ਮਿਲ ਸਕਦਾ ਹੈ, ਜਦਕਿ ਰਵੀਚੰਦਰਨ ਅਸ਼ਵਿਨ ਦੀ ਜਗ੍ਹਾ ਪਲੇਇੰਗ-11 ‘ਚ ਰਵਿੰਦਰ ਜਡੇਜਾ ਆ ਸਕਦੇ ਹਨ।

ਪਾਕਿਸਤਾਨ ਦਾ ਵੀ ਬੁਰਾ ਹਾਲ !

ਟੀਮ ਇੰਡੀਆ ਤੋਂ ਇਲਾਵਾ ਜੇਕਰ ਪਾਕਿਸਤਾਨ ਦੀ ਗੱਲ ਕਰੀਏ ਤਾਂ ਪਾਕਿਸਤਾਨ ਵੀ ਇੱਥੇ ਸਿਡਨੀ ‘ਚ ਆਪਣੇ ਆਪ ਨੂੰ ਕਲੀਨ ਸਵੀਪ ਤੋਂ ਬਚਾਉਣ ਲਈ ਉਤਰੇਗਾ। ਪਾਕਿਸਤਾਨ ਪਹਿਲਾਂ ਹੀ 2 ਮੈਚ ਹਾਰ ਚੁੱਕਾ ਹੈ ਅਤੇ ਸੀਰੀਜ਼ ਵੀ ਹਾਰ ਚੁੱਕਾ ਹੈ, ਇਸ ਲਈ ਹੁਣ ਉਸ ਦੀ ਕੋਸ਼ਿਸ਼ ਆਸਟ੍ਰੇਲੀਆ ‘ਚ ਘੱਟੋ-ਘੱਟ ਇੱਕ ਮੈਚ ਡਰਾਅ ਕਰਨ ਦੀ ਹੋਵੇਗੀ। ਇਸ ਦੌਰੇ ‘ਤੇ ਪਾਕਿਸਤਾਨ ਦੇ ਬਾਬਰ ਆਜ਼ਮ ਦੌੜਾਂ ਨਹੀਂ ਬਣਾ ਰਹੇ ਹਨ ਅਤੇ ਪਾਕਿਸਤਾਨੀ ਕਪਤਾਨ ਸ਼ਾਨ ਮਸੂਦ ਵੀ ਕੋਈ ਵੱਡੀ ਪਾਰੀ ਨਹੀਂ ਖੇਡ ਸਕੇ ਹਨ। ਇੱਕ ਤਰ੍ਹਾਂ ਨਾਲ ਭਾਰਤ ਅਤੇ ਪਾਕਿਸਤਾਨ ਦੋਵੇਂ ਹੀ 3 ਜਨਵਰੀ ਤੋਂ ਆਪਣੇ ਆਪ ਨੂੰ ਕਲੀਨ ਸਵੀਪ ਤੋਂ ਬਚਾਉਣ ਦੀ ਕੋਸ਼ਿਸ਼ ਕਰਨਗੇ। ਪਾਕਿਸਤਾਨ-ਆਸਟ੍ਰੇਲੀਆ ਦਾ ਤੀਜਾ ਟੈਸਟ ਭਾਰਤੀ ਸਮੇਂ ਅਨੁਸਾਰ ਸਵੇਰੇ 5 ਵਜੇ ਸ਼ੁਰੂ ਹੋ ਗਿਆ ਹੈ ।