IPL 2023: ਨਿਕੋਲਸ ਪੂਰਨ ਨੇ ਇਸ ਤਰ੍ਹਾਂ ਮਾਰੀ ਗੇਂਦ, ਹਵਾ ‘ਚ ਛਾਲ ਮਾਰ ਕੇ ਹੇਠਾਂ ਡਿੱਗੇ ਕਰੁਣਾਲ ਪੰਡਯਾ

IPL 2023 LSG vs DC: ਲਖਨਊ ਸੁਪਰ ਜਾਇੰਟਸ ਨੇ ਦਿੱਲੀ ਕੈਪੀਟਲਸ (Delhi Capitals) ਨੂੰ ਹਰਾ ਕੇ India Premier League 2023 ਵਿੱਚ ਆਪਣੀ ਮੁਹਿੰਮ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਕੇਐੱਲ ਰਾਹੁਲ ਦੀ ਲਖਨਊ ਨੇ 6 ਵਿਕਟਾਂ ‘ਤੇ 193 ਦੌੜਾਂ ਬਣਾਈਆਂ। ਕਾਇਲ ਮੇਅਰਜ਼ ਨੇ ਸਭ ਤੋਂ ਵੱਧ 73 ਦੌੜਾਂ ਬਣਾਈਆਂ, ਜਦਕਿ ਨਿਕੋਲਸ ਪੂਰਨ ਨੇ 36 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਉਤਰੀ ਦਿੱਲੀ ਦੀ ਟੀਮ 20 ਓਵਰਾਂ ਵਿੱਚ ਸਿਰਫ਼ 143 ਦੌੜਾਂ ਹੀ ਬਣਾ ਸਕੀ। ਦਿੱਲੀ ਲਈ ਕਪਤਾਨ ਡੇਵਿਡ ਵਾਰਨਰ ਨੇ ਸਭ ਤੋਂ ਵੱਧ 56 ਦੌੜਾਂ ਬਣਾਈਆਂ। ਲਖਨਊ ਦੇ ਆਲਰਾਊਂਡਰ ਕਰੁਣਾਲ ਪੰਡਯਾ ( Krunal Pandya) ਇਸ ਮੈਚ ‘ਚ ਵੱਡੇ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਵਾਲ-ਵਾਲ ਬਚ ਗਏ। ਦਰਅਸਲ 18ਵੇਂ ਓਵਰ ‘ਚ ਪੰਡਯਾ ਨਾਨ-ਸਟ੍ਰਾਈਕ ਐਂਡ ‘ਤੇ ਖੜ੍ਹੇ ਸਨ। ਜਦਕਿ ਪੂਰਨ ਸਟ੍ਰਾਈਕ ‘ਤੇ ਸੀ। ਮੁਕੇਸ਼ ਕੁਮਾਰ ‘ਤੇ ਸੀ. ਪੂਰਨ ਨੇ ਪੂਰੇ ਜ਼ੋਰ ਨਾਲ ਓਵਰ ਦੀ ਚੌਥੀ ਗੇਂਦ ‘ਤੇ ਸਿੱਧਾ ਛੱਕਾ ਲਗਾਇਆ।

ਪੈਡ ‘ਤੇ ਲਗਣ ਕਾਰਨ ਬਚੇ

ਗੇਂਦ ਦੂਜੇ ਸਿਰੇ ‘ਤੇ ਖੜ੍ਹੇ ਪੰਡਯਾ ਦੇ ਗੋਡੇ ਤੋਂ ਥੋੜ੍ਹੀ ਹੇਠਾਂ ਜਾ ਲੱਗੀ। ਗੇਂਦ ਦੇ ਲਗਣ ਕਾਰਨ ਪੰਡਯਾ ਨੇ ਤੇਜ਼ੀ ਨਾਲ ਹਵਾ ਵਿੱਚ ਛਾਲ ਮਾਰੀ ਅਤੇ ਫਿਰ ਸਿੱਧਾ ਹੇਠਾਂ ਡਿੱਗ ਗਏ। ਲਖਨਊ ਨੂੰ ਉਦੋਂ ਰਾਹਤ ਮਿਲੀ ਜਦੋਂ ਪੰਡਯਾ ਸੱਟ ਤੋਂ ਬਚ ਗਿਆ ਕਿਉਂਕਿ ਗੇਂਦ ਉਸ ਦੇ ਪੈਡ ‘ਤੇ ਲੱਗੀ। ਪੂਰਨ ਦੇ ਇਸ ਖਤਰਨਾਕ ਸ਼ਾਟ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

pic.twitter.com/5RkiZCrUbD

ਇਹ ਵੀ ਪੜ੍ਹੋ

ਲਿਓਨਲ ਮੇਸੀ ਨੇ ਰਾਹੁਲ ਗਾਂਧੀ ਨੂੰ ਦਿੱਤੀ ਜਰਸੀ

ਕੋਲਕਾਤਾ 'ਚ ਲਿਓਨਲ ਮੇਸੀ ਦੇ ਫੈਨਸ ਵੱਲੋਂ ਹੰਗਾਮਾ, ਸਟੇਡੀਅਮ ਵਿੱਚ ਭੜਕੇ ਲੋਕ

ਟੀਮ ਇੰਡੀਆ ਦੀ ਹਾਰ ਤੋਂ ਬਾਅਦ ਗੌਤਮ ਗੰਭੀਰ ਨਾਲ ਭਿੜੇ ਹਾਰਦਿਕ ਪੰਡਯਾ?

— CricDekho (@Hanji_CricDekho) April 1, 2023

ਨਾਬਾਦ ਰਹੇ ਪੰਡਯਾ

ਪੰਡਯਾ ਇਸ ਮੈਚ ‘ਚ 15 ਦੌੜਾਂ ਬਣਾ ਕੇ ਨਾਬਾਦ ਰਹੇ। ਮੈਚ ਦੀ ਗੱਲ ਕਰੀਏ ਤਾਂ ਲਖਨਊ ਦੀ ਜਿੱਤ ਦੇ ਹੀਰੋ ਮਾਰਕ ਵੁੱਡ ਸਨ, ਜਿਨ੍ਹਾਂ ਦੇ ਸਾਹਮਣੇ ਦਿੱਲੀ ਦੀ ਟੀਮ ਨੇ ਦਮ ਤੋੜ ਦਿੱਤਾ। ਵੁੱਡ ਨੇ 14 ਦੌੜਾਂ ਦੇ ਕੇ 5 ਵੱਡੀਆਂ ਵਿਕਟਾਂ ਲਈਆਂ। ਪ੍ਰਿਥਵੀ ਸ਼ਾਅ, ਮਿਸ਼ੇਲ ਮਾਰਸ਼, ਸਰਫਰਾਜ਼ ਖਾਨ, ਅਕਸ਼ਰ ਪਟੇਲ, ਚੇਤਨ ਸਾਕਾਰੀਆ ਵੁੱਡ ਦਾ ਸ਼ਿਕਾਰ ਹੋਏ। ਦਿੱਲੀ ਦੇ ਸਿਰਫ 4 ਬੱਲੇਬਾਜ਼ ਹੀ ਦੋਹਰਾ ਅੰਕੜਾ ਪਾਰ ਕਰ ਸਕੇ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ‘ਤੇ ਜਾਓ