ਮਨਦੀਪ ਸਿੰਘ: ਹਾਕੀ ਨਹੀਂ, ਕ੍ਰਿਕੇਟ ਖੇਡਣਾ ਚਾਹੁੰਦੇ ਸੀ ਭਾਰਤੀ ਫਾਰਵਰਡ, ਪਰਿਵਾਰ ਦੇ ਕਹਿਣ ਤੇ ਬਣ ਗਏ ਟੀਮ ਇੰਡੀਆ ਦਾ ਸਿਤਾਰਾ

ਮਨਦੀਪ ਸਿੰਘ: ਹਾਕੀ ਨਹੀਂ, ਕ੍ਰਿਕੇਟ ਖੇਡਣਾ ਚਾਹੁੰਦੇ ਸੀ ਭਾਰਤੀ ਫਾਰਵਰਡ, ਪਰਿਵਾਰ ਦੇ ਕਹਿਣ ਤੇ ਬਣ ਗਏ ਟੀਮ ਇੰਡੀਆ ਦਾ ਸਿਤਾਰਾ

ਮਨਦੀਪ ਸਿੰਘ ਨੇ ਭਾਰਤ ਲਈ 2013 ਵਿੱਚ ਡੈਬਿਊ ਕੀਤਾ ਸੀ। ਉਸ ਵੇਲੇ ਉਹਨਾਂ ਦੀ ਉਮਰ ਕੇਵਲ 17 ਸਾਲ ਸੀ।
ਭਾਰਤ ਵਿੱਚ ਕ੍ਰਿਕੇਟ ਨੂੰ ਲੈ ਕੇ ਦੀਵਾਨਗੀ ਕਿੰਨੀ ਹੈ, ਸਾਰੇ ਜਾਣਦੇ ਹਨ। ਇੱਥੇ ਕਰੀਬ ਕਰੀਬ ਹਰ ਗਲੀ ਨੁੱਕੜ ਵਿੱਚ ਕੋਈ ਨਾ ਕੋਈ ਬੱਚਾ ਕ੍ਰਿਕੇਟਰ ਬਣਨ ਦਾ ਹੀ ਸੁਪਨਾ ਵੇਖਦਾ ਹੈ। ਅੰਤਰਰਾਸ਼ਟਰੀ ਪੱਧਰ ਤੇ ਭਾਰਤੀ ਟੀਮ ਨੂੰ ਜੋ ਕਾਮਯਾਬੀ ਮਿਲੀ, ਉਸਦੀ ਵਜਾਹ ਇਹ ਹੈ ਕਿ ਦੇਸ਼ ਵਿੱਚ ਕ੍ਰਿਕੇਟ ਖੇਡਣ ਵਾਲਿਆਂ ਦਾ ਕੋਈ ਘਾਟਾ ਨਹੀਂ। ਅਜਿਹਾ ਸੁਪਨਾ ਪੰਜਾਬ ਦੇ ਰਹਿਣ ਵਾਲੇ ਮਨਦੀਪ ਸਿੰਘ ਨੇ ਵੀ ਵੇਖਿਆ ਸੀ। ਜੀ ਨਹੀਂ, ਏਥੇ ਅਸੀਂ ਗੱਲ ਕ੍ਰਿਕੇਟਰ ਮਨਦੀਪ ਸਿੰਘ ਦੀ ਨਹੀਂ ਕਰ ਰਹੇ। ਅਸੀਂ ਗੱਲ ਕਰ ਰਹੇ ਹਾਂ 17 ਸਾਲ ਦੀ ਉਮਰ ਵਿਚ ਭਾਰਤੀ ਹਾਕੀ ਟੀਮ ਵਿੱਚ ਅਪਣਾ ਡੈਬਿਊ ਕਰਨ ਵਾਲੇ ਫਾਰਵਰਡ ਹਾਕੀ ਖਿਲਾੜੀ ਮਨਦੀਪ ਸਿੰਘ ਦੀ।

ਮਨਦੀਪ ਸਿੰਘ ਭਾਰਤੀ ਟੀਮ ਦੇ ਨੌਜਵਾਨ ਖਿਲਾੜੀਆਂ ਵਿੱਚ ਸ਼ੁਮਾਰ ਹਨ। ਇਸ ਦੇ ਬਾਵਜੂਦ ਉਹ ਟੀਮ ਵਿੱਚ ਅਪਣੀ ਅਹਿਮ ਜਿੰਮੇਦਾਰੀ ਨਿਭਾਉਂਦੇ ਹਨ। ਭਾਰਤੀ ਟੀਮ ਨੂੰ ਟੋਕੀਓ ਓਲੰਪਿਕ ਦਾ ਟਿਕਟ ਦਿਵਾਉਣ ਵਿੱਚ ਵੀ ਉਹਨਾਂ ਦਾ ਰੋਲ ਅਹਿਮ ਰਿਹਾ ਸੀ। ਮਨਪ੍ਰੀਤ ਸਿੰਘ ਦੀ ਕਪਤਾਨੀ ਵਾਲੀ ਭਾਰਤੀ ਹਾਕੀ ਟੀਮ ਵਿੱਚ ਮਨਦੀਪ ਸਿੰਘ ਉਸ ਦਾ ਇਕ ਅਹਿਮ ਖਿਲਾੜੀ ਹੈ। ਆਪਣੇ 8 ਸਾਲ ਦੇ ਕੈਰੀਅਰ ਵਿੱਚ ਮਨਦੀਪ ਸਿੰਘ ਨੇ ਭਾਰਤੀ ਟੀਮ ਨੂੰ ਕੁੱਝ ਅਜਿਹੀਆਂ ਯਾਦਗਾਰ ਜੀਤਾਂ ਦਿਵਾਈਆਂ ਹਨ ਜਿਨ੍ਹਾਂ ਵਿੱਚ ਹੀਰੋ ਵਿਸ਼ਵ ਹਾਕੀ ਲੀਗ ਅਤੇ 2017 ਦੇ ਸੁਲਤਾਨ ਅਜ਼ਲਾਨ ਸ਼ਾਹ ਕੱਪ ਵਿੱਚ ਭਾਰਤੀ ਟੀਮ ਦੀ ਜਿੱਤ ਸ਼ਾਮਿਲ ਸੀ।

ਕ੍ਰਿਕੇਟ ਖੇਡਣਾ ਚਾਹੁੰਦੇ ਸੀ ਮਨਦੀਪ ਸਿੰਘ

ਮਨਦੀਪ ਸਿੰਘ ਦੇ ਪਰਿਵਾਰ ਵਿੱਚ ਉਹ ਪਹਿਲੇ ਅਜਿਹੇ ਵਿਅਕਤੀ ਹਨ ਜੋ ਹਾਕੀ ਖੇਡਦੇ ਹਨ। ਉਹਨਾਂ ਦੇ ਵੱਡੇ ਭਰਾ ਵੀ ਹਾਕੀ ਖੇਡਿਆ ਕਰਦੇ ਸੀ। ਭਾਵੇਂ ਮਨਦੀਪ ਸਿੰਘ ਨੇ ਇਸ ਕਰਕੇ ਹਾਕੀ ਖੇਡਣਾ ਸ਼ੁਰੂ ਨਹੀਂ ਸੀ ਕੀਤਾ। ਉਹ ਸ਼ੁਰੂਆਤ ਵਿੱਚ ਕ੍ਰਿਕੇਟ ਖੇਡਿਆ ਕਰਦੇ ਸਨ। ਉਸ ਵੇਲੇ ਉਹ ਕ੍ਰਿਕੇਟਰ ਹੀ ਬਣਨਾ ਚਾਹੁੰਦੇ ਸਨ। ਪਰ ਉਹਨਾਂ ਦਾ ਪਰਿਵਾਰ ਅਜਿਹਾ ਨਹੀਂ ਸੀ ਚਾਹੁੰਦਾ। ਪਰਿਵਾਰ ਦਾ ਕਹਿਣਾ ਸੀ ਕਿ ਮਨਦੀਪ ਹਾਕੀ ਵਿਚ ਅਪਣਾ ਨਾਂ ਕਮਕਾਏ। ਪਰਿਵਾਰ ਦਾ ਇਹ ਫੈਸਲਾ ਸਹੀ ਸਾਬਿਤ ਹੋਇਆ ਜਦੋਂ 17 ਸਾਲ ਦੀ ਉਮਰ ਵਿੱਚ ਮਨਦੀਪ ਸਿੰਘ ਨੇ ਸੀਨੀਅਰ ਹਾਕੀ ਟੀਮ ਵਿੱਚ ਅਪਣੀ ਥਾਂ ਬਣਾ ਲਈ। ਉਹਨਾਂ ਨੇ ਭਾਰਤੀ ਟੀਮ ਵਾਸਤੇ ਪਹਿਲਾ ਮੈਚ ਵਿਸ਼ਵ ਹਾਕੀ ਲੀਗ ਦਾ ਖੇਡਿਆ ਸੀ। ਹੁਣ ਤਕ ਮਨਦੀਪ ਸਿੰਘ 157 ਮੈਚ ਖੇਡ ਚੁੱਕੇ ਹਨ ਅਤੇ 82 ਗੋਲ ਕਰ ਚੁੱਕੇ ਹਨ।

ਕੋਰੋਨਾ ਤੋਂ ਤੰਗ ਆ ਗਏ ਸੀ ਮਨਦੀਪ ਸਿੰਘ

ਪਿਛਲੇ ਸਾਲ ਨੈਸ਼ਨਲ ਕੈਂਪ ਵਾਸਤੇ ਬੰਗਲੁਰੂ ਪਹੁੰਚੇ ਮਨਦੀਪ ਸਿੰਘ ਅਤੇ ਭਾਰਤੀ ਖਿਲਾੜੀਆਂ ਨੂੰ ਕੋਰੋਨਾ ਵਾਇਰਸ ਨੇ ਘੇਰ ਲਿਆ ਸੀ। ਇਹਨਾਂ 5 ਖਿਲਾੜੀਆਂ ਵਿੱਚ ਕਪਤਾਨ ਮਨਪ੍ਰੀਤ ਸਿੰਘ, ਸੁਰਿੰਦਰ ਕੁਮਾਰ ਅਤੇ ਜਸਕਰਨ ਸਿੰਘ ਤੋਂ ਇਲਾਵਾ ਡਰੈਗ ਫਲਿੱਕਰ ਵਰੁਣ ਕੁਮਾਰ ਅਤੇ ਗੋਲਕੀਪਰ ਕ੍ਰਿਸ਼ਨ ਬਹਾਦੁਰ ਪਾਠਕ ਸ਼ੁਮਾਰ ਸਨ। ਮਨਦੀਪ ਸਿੰਘ ਵਾਸਤੇ ਕੋਰੋਨਾ ਜ਼ਿਆਦਾ ਖਤਰਨਾਕ ਬਣ ਗਿਆ ਸੀ, ਕਿਉਂਕਿ ਉਹਨਾਂ ਦਾ ਆਕਸੀਜਨ ਲੈਵਲ ਥੱਲੇ ਆਉਣ ਲੱਗ ਗਿਆ ਸੀ। ਉਸ ਤੋਂ ਬਾਅਦ ਉਹਨਾਂ ਨੂੰ ਅਸਪਤਾਲ ਵਿੱਚ ਭਰਤੀ ਕਰਾਇਆ ਗਿਆ ਸੀ। ਮਨਦੀਪ ਸਿੰਘ ਨੇ ਇਸ ਸਮੇਂ ਨੂੰ ਅਪਣੀ ਜ਼ਿੰਦਗੀ ਦਾ ਸਭ ਤੋਂ ਜ਼ਿਆਦਾ ਡਰਾਉਣ ਵਾਲਾ ਦਸਿਆ ਸੀ। ਉਹਨਾਂ ਨੇ ਕਿਹਾ ਸੀ, ਮੈਨੂੰ ਅਪਣੀ ਫਿਟਨੈੱਸ ਨੂੰ ਲੈ ਕੇ ਕਦੀ ਵੀ ਕੋਈ ਪਰੇਸ਼ਾਨੀ ਨਹੀਂ ਸੀ ਆਈ। ਮੈਂ ਕਦੇ ਵੀ ਐਂਬੂਲੈਂਸ ਵਿੱਚ ਨਹੀਂ ਬੈਠਿਆ ਸੀ। ਜਦੋਂ ਮੈਨੂੰ ਹਸਪਤਾਲ ਲੈ ਕੇ ਜਾਇਆ ਜਾ ਰਿਹਾ ਸੀ, ਤਾਂ ਮੈਂ ਜ਼ਿੰਦਗੀ ਵਿੱਚ ਪਹਿਲੀ ਵਾਰ ਇੰਨਾ ਡਰ ਗਿਆ ਸੀ।