ਭਾਰਤ-ਪਾਕਿਸਤਾਨ ਮੈਚ ‘ਚ ਫਿਰ ਟੁੱਟਿਆ Viewership ਰਿਕਾਰਡ, 3.5 ਕਰੋੜ ਦਰਸ਼ਕਾਂ ਨੇ Disney+ Hotstar ‘ਤੇ ਦੇਖਿਆ ਮੈਚ

ਵਿਸ਼ਵ ਕੱਪ 2023 ਦਾ 12ਵਾਂ ਮੈਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਖੇਡਿਆ ਗਿਆ। ਪ੍ਰਸ਼ੰਸਕ ਇਸ ਮੈਚ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਮੈਚ ਦੌਰਾਨ ਪੂਰਾ ਸਟੇਡੀਅਮ ਦਰਸ਼ਕਾਂ ਨਾਲ ਖਚਾਖਚ ਭਰਿਆ ਹੋਇਆ ਸੀ। ਮੈਚ ਦੇਖਣ ਲਈ ਕਰੀਬ 1.30 ਲੱਖ ਦਰਸ਼ਕ ਨਰਿੰਦਰ ਮੋਦੀ ਸਟੇਡੀਅਮ ਪਹੁੰਚੇ ਸਨ। ਜਿੱਥੇ ਇਸ ਮੈਚ ਦਾ ਕ੍ਰੇਜ਼ ਮੈਦਾਨ ‘ਤੇ ਜਾਰੀ ਰਿਹਾ, ਉੱਥੇ ਹੀ ਰਿਕਾਰਡ ਗਿਣਤੀ ‘ਚ ਲੋਕਾਂ ਨੇ ਔਨਲਾਈਨ OTT ਪਲੇਟਫਾਰਮ ‘ਤੇ ਇਸ ਸ਼ਾਨਦਾਰ ਮੈਚ ਨੂੰ ਲਾਈਵ ਦੇਖਿਆ। ਵਿਸ਼ਵ ਕੱਪ ਦੇ ਇਸ ਮੈਚ ਨੇ ਦਰਸ਼ਕਾਂ ਦੀ ਗਿਣਤੀ ਦੇ ਸਾਰੇ ਪੁਰਾਣੇ ਰਿਕਾਰਡ ਤੋੜ ਦਿੱਤੇ ਹਨ। ਹਾਟਸਟਾਰ ‘ਤੇ ਤਿੰਨ ਕਰੋੜ ਤੋਂ ਵੱਧ ਲੋਕ ਭਾਰਤ-ਪਾਕਿਸਤਾਨ ਮੈਚ ਨੂੰ ਇੱਕੋ ਸਮੇਂ ਦੇਖ ਰਹੇ ਸਨ। ਹੌਟਸਟਾਰ ਨੇ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ। ਇਸ ਸਮੇਂ ਹੋਸਟਾਰ ‘ਤੇ 3.1 ਕਰੋੜ ਲੋਕ ਇਕੱਠੇ ਇਸ ਮੈਚ ਨੂੰ ਦੇਖ ਰਹੇ ਸਨ। ਹਾਲਾਂਕਿ ਬਾਅਦ ਵਿੱਚ ਇਹ ਅੰਕੜਾ ਹੋਰ ਵੀ ਵੱਧ ਗਿਆ।

Onwards and Upwards! 🚀#TeamIndia #WorldCupOnHotstar #CWC23 pic.twitter.com/LbI3zXqQSQ

— Disney+ Hotstar (@DisneyPlusHS) October 14, 2023

ਭਾਰਤ-ਪਾਕਿਸਤਾਨ ਨੇ ਆਪਣਾ ਹੀ ਪੁਰਾਣਾ ਰਿਕਾਰਡ ਤੋੜ ਦਿੱਤਾ, ਜੋ ਉਨ੍ਹਾਂ ਨੇ ਇੱਕ ਮਹੀਨਾ ਪਹਿਲਾਂ ਏਸ਼ੀਆ ਕੱਪ 2023 ਦੌਰਾਨ ਕਾਇਮ ਕੀਤਾ ਸੀ। ਦਰਅਸਲ, ਵਿਸ਼ਵ ਮੈਚਾਂ ਦੇ ਪ੍ਰਸਾਰਣ ਅਧਿਕਾਰ ਸਟਾਰ ਸਪੋਰਟਸ ਨੈੱਟਵਰਕ ਦੇ ਕੋਲ ਹਨ। ਇਸ ਤੋਂ ਇਲਾਵਾ ਪ੍ਰਸ਼ੰਸਕ Disney Plus Hotstar ‘ਤੇ ਲਾਈਵ ਸਟ੍ਰੀਮਿੰਗ ਦੇਖ ਸਕਦੇ ਹਨ। ਭਾਰਤ-ਪਾਕਿਸਤਾਨ ਮੈਚ ਨੂੰ ਰਿਕਾਰਡ 3.5 ਕਰੋੜ ਲੋਕਾਂ ਨੇ ਡਿਜ਼ਨੀ ਪਲੱਸ ਹਾਟਸਟਾਰ ਯਾਨੀ OTT ‘ਤੇ ਲਾਈਵ ਦੇਖਿਆ। ਇਹ ਹੁਣ ਤੱਕ ਦਾ ਰਿਕਾਰਡ ਹੈ। ਹੁਣ ਤੱਕ ਇੰਨੀ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਕਦੇ ਕ੍ਰਿਕਟ ਮੈਚ ਲਾਈਵ ਨਹੀਂ ਦੇਖਿਆ ਸੀ।

Highest Peak Viewership of a Cricket match on Digital Platform.#INDvsPAK – 3.5Cr(ODI CWC) CSK vs GT – 3.2Cr(IPL Final23) IND vs PAK – 2.8Cr(Asia Cup23) CSK vs GT – 2.5Cr(Q1 IPL23) IND vs Aus – 2.5Cr(ODI CWC23)

— ＲＯＭＥＯ👑 (@iromeostark) October 14, 2023

ਪਿਛਲਾ ਰਿਕਾਰਡ ਵੀ ਭਾਰਤ-ਪਾਕਿਸਤਾਨ ਮੈਚ ਦੇ ਨਾਂ ਹੈ। ਏਸ਼ੀਆ ਕੱਪ 2023 ਦੌਰਾਨ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਖੇਡੇ ਗਏ ਸੁਪਰ ਫੋਰ ਮੈਚ ਨੂੰ 2.8 ਕਰੋੜ ਲੋਕਾਂ ਨੇ ਲਾਈਵ ਦੇਖਿਆ ਅਤੇ ਸਾਰੇ ਪੁਰਾਣੇ ਰਿਕਾਰਡ ਤੋੜ ਦਿੱਤੇ ਹਨ। BCCI ਸਕੱਤਰ ਜੈ ਸ਼ਾਹ ਨੇ ਖੁਦ ਐਕਸ (ਪਹਿਲਾਂ ਟਵਿੱਟਰ) ‘ਤੇ ਇਹ ਜਾਣਕਾਰੀ ਦਿੱਤੀ ਸੀ। ਇਸ ਦੇ ਨਾਲ ਹੀ ਇਸ ਵਿਸ਼ਵ ਕੱਪ ‘ਚ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਖੇਡੇ ਗਏ ਮੈਚ ਨੂੰ 2.5 ਕਰੋੜ ਤੋਂ ਵੱਧ ਲੋਕਾਂ ਨੇ ਲਾਈਵ ਦੇਖਿਆ। ਇਸ ਦੇ ਨਾਲ ਹੀ, 2019 ODI ਵਿਸ਼ਵ ਕੱਪ ਦੇ ਭਾਰਤ-ਨਿਊਜ਼ੀਲੈਂਡ ਮੈਚ ਨੂੰ 2.52 ਕਰੋੜ ਲੋਕਾਂ ਨੇ ਲਾਈਵ ਦੇਖਿਆ।

Todays #INDvsPAK has clocked 2.8 Crore concurrent users on @DisneyPlusHS – the highest for any India match in the history of digital. The previous best was #INDvsNZ 2019 @cricketworldcup semifinal with 2.52 Crore concurrent users 🇮🇳 #AsiaCup@StarSportsIndia

ਇਹ ਵੀ ਪੜ੍ਹੋ

ਆਖਿਰ ਕਿਉਂ ਪਲੇਇੰਗ ਇਲੈਵਨ ਤੋਂ ਬਾਹਰ ਹਨ ਸ਼੍ਰੇਅਸ ਅਈਅਰ? ਜਾਣੋ ਕਾਰਨ

ਅਭਿਸ਼ੇਕ- ਸੂਰਿਆ ਦੇ ਫੇਲ ਹੁੰਦਿਆਂ ਹੀ ਹਾਰਿਆ ਭਾਰਤ, ਜਿੱਤਿਆ ਨਿਊਜ਼ੀਲੈਂਡ

ਸੂਰਿਆ ਨੂੰ ਰੋਹਿਤ-ਵਿਰਾਟ ਦੇ ਖ਼ਾਸ ਕਲੱਬ 'ਚ ਸ਼ਾਮਲ ਹੋਣ ਲਈ ਕਰਨਾ ਪਵੇਗਾ ਇਹ ਕਮਾਲ

— Jay Shah (@JayShah) September 11, 2023

ਇਸ ਤੋਂ ਸਾਬਤ ਹੁੰਦਾ ਹੈ ਕਿ ਭਾਰਤ-ਪਾਕਿਸਤਾਨ ਮੈਚ ਨੂੰ ਲੈ ਕੇ ਪ੍ਰਸ਼ੰਸਕਾਂ ‘ਚ ਕਿੰਨਾ ਕ੍ਰੇਜ਼ ਹੈ। ਇੰਨਾ ਹੀ ਨਹੀਂ, ਇਸ ਲਈ ਆਈਸੀਸੀ, ਏਸ਼ੀਅਨ ਕ੍ਰਿਕਟ ਕੌਂਸਲ ਅਤੇ ਬੀਸੀਸੀਆਈ ਇਸ ਮੈਚ ਲਈ ਬਹੁਤ ਤਿਆਰੀਆਂ ਕਰ ਰਹੇ ਹਨ। ਮੈਚ ਦੀ ਗੱਲ ਕਰੀਏ ਤਾਂ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਪਾਕਿਸਤਾਨ ਦੀ ਟੀਮ 42.5 ਓਵਰਾਂ ‘ਚ 191 ਦੌੜਾਂ ‘ਤੇ ਹੀ ਸਿਮਟ ਗਈ। ਬਾਬਰ ਆਜ਼ਮ ਨੇ ਸਭ ਤੋਂ ਵੱਧ 50 ਦੌੜਾਂ ਬਣਾਈਆਂ। ਜਵਾਬ ਵਿੱਚ ਭਾਰਤ ਨੇ 30.3 ਓਵਰਾਂ ਵਿੱਚ ਤਿੰਨ ਵਿਕਟਾਂ ਗੁਆ ਕੇ ਟੀਚਾ ਹਾਸਲ ਕਰ ਲਿਆ। ਰੋਹਿਤ ਸ਼ਰਮਾ ਨੇ 86 ਦੌੜਾਂ ਦੀ ਪਾਰੀ ਖੇਡੀ।