ਇਨ੍ਹਾਂ ਨਰਾਤਿਆਂ ‘ਚ ਮਾਂ ਦੁਰਗਾ ਦਾ ਚਾਹੁੰਦੇ ਹੋ ਆਸ਼ੀਰਵਾਦ, ਇਹ 5 ਉਪਾਅ ਕਰਕੇ ਮਿਲੇਗਾ ਲਾਭ
ਅੱਸੂ ਨਰਾਤੇ 2023: ਅੱਜ ਨਰਾਤਿਆਂ ਦਾ ਚੌਥਾ ਦਿਨ ਹੈ ਜੋ ਮਾਂ ਦੁਰਗਾ ਦੇ ਚੌਥੇ ਰੂਪ ਮਾਂ ਕੁਸ਼ਮਾਂਡਾ ਨੂੰ ਸਮਰਪਿਤ ਹੈ। ਇਸ ਦੌਰਾਨ ਮਾਂ ਕੁਸ਼ਮਾਂਡਾ ਦੀ ਰੀਤੀ-ਰਿਵਾਜਾਂ ਅਨੁਸਾਰ ਪੂਜਾ ਕਰਨ ਨਾਲ ਹਰ ਖੇਤਰ ਵਿੱਚ ਸਫਲਤਾ ਮਿਲਦੀ ਹੈ। ਸਾਰੀਆਂ ਪ੍ਰੇਸ਼ਾਨੀਆਂ ਦੂਰ ਹੁੰਦੀਆਂ ਹਨ। ਅੱਸੂ ਦੇ ਨਰਾਤਿਆਂ ਦੌਰਾਨ ਮਾਂ ਦੁਰਗਾ ਧਰਤੀ 'ਤੇ ਆ ਕੇ ਹਰ ਘਰ ਵਿੱਚ ਨਿਵਾਸ ਕਰਦੇ ਹਨ। ਅਜਿਹੇ 'ਚ ਦੇਵੀ ਦੁਰਗਾ ਨੂੰ ਖੁਸ਼ ਕਰਨ ਲਈ ਕੁਝ ਉਪਾਅ ਦੱਸੇ ਗਏ ਹਨ।
ਨਰਾਤੇ ਹਿੰਦੂਆਂ ਦੇ ਪ੍ਰਮੁੱਖ ਤਿਉਹਾਰਾਂ ਵਿੱਚੋਂ ਇੱਕ ਹੈ। ਅੱਜ ਨਰਾਤਿਆਂ (Navratri) ਦਾ ਚੌਥਾ ਦਿਨ ਹੈ। ਇਹ ਦਿਨ ਮਾਂ ਦੁਰਗਾ ਦੇ ਚੌਥੇ ਰੂਪ ਮਾਂ ਕੁਸ਼ਮਾਂਡਾ ਨੂੰ ਸਮਰਪਿਤ ਹੈ। ਰੀਤੀ-ਰਿਵਾਜਾਂ ਅਨੁਸਾਰ ਇਸ ਦਿਨ ਦੇਵੀ ਕੁਸ਼ਮਾਂਡਾ ਦੀ ਪੂਜਾ ਕਰਨ ਨਾਲ ਸਾਰੇ ਦੁੱਖ ਦੂਰ ਹੁੰਦੇ ਹਨ ਅਤੇ ਜੀਵਨ ਵਿੱਚ ਖੁਸ਼ੀਆਂ ਆਉਂਦੀਆਂ ਹਨ। ਕਿਹਾ ਜਾਂਦਾ ਹੈ ਕਿ ਬ੍ਰਹਿਮੰਡ ਦੀ ਉਤਪੱਤੀ ਦੇਵੀ ਦੁਰਗਾ ਦੇ ਚੌਥੇ ਰੂਪ ਦੀ ਕੋਮਲ ਮੁਸਕਰਾਹਟ ਤੋਂ ਹੋਈ ਹੈ। ਇਸ ਕਾਰਨ ਉਨ੍ਹਾਂ ਨੂੰ ਕੁਸ਼ਮਾਂਡਾ ਦੇ ਨਾਂਅ ਨਾਲ ਜਾਣਿਆ ਜਾਂਦਾ ਹੈ। ਮਾਤਾ ਰਾਣੀ ਸ਼ੇਰ ਦੀ ਸਵਾਰੀ ਕਰਦੇ ਹਨ ਅਤੇ ਉਨ੍ਹਾਂ ਦੀਆਂ 8 ਭੁਜਾਵਾਂ ਹਨ।
ਮਾਨਤਾਵਾਂ ਅਨੁਸਾਰ, ਨਰਾਤਿਆਂ ਦੇ 9 ਦਿਨਾਂ ਦੌਰਾਨ ਮਾਂ ਦੁਰਗਾ ਧਰਤੀ ‘ਤੇ ਰਹਿੰਦੇ ਹਨ ਅਤੇ ਹਰ ਘਰ ਵਿੱਚ ਨਿਵਾਸ ਕਰਦੇ ਹਨ। ਇਸ ਸਮੇਂ ਦੌਰਾਨ ਮਾਤਾ ਰਾਣੀ ਦੀ ਸੱਚੇ ਮਨ ਨਾਲ ਪੂਜਾ ਕਰਨ ਨਾਲ ਮਾਂ ਦੁਰਗਾ ਪ੍ਰਸੰਨ ਹੁੰਦੀ ਹੈ ਅਤੇ ਹਰ ਮਨੋਕਾਮਨਾ ਪੂਰੀ ਕਰਦੀ ਹੈ। ਨਰਾਤਿਆਂ ਦੌਰਾਨ ਦੇਵੀ ਦੁਰਗਾ ਨੂੰ ਖੁਸ਼ ਕਰਨ ਅਤੇ ਉਨ੍ਹਾਂ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਲਈ ਕੁਝ ਉਪਾਅ ਵੀ ਸੁਝਾਏ ਗਏ ਹਨ। ਮਾਨਤਾਵਾਂ ਅਨੁਸਾਰ ਇਨ੍ਹਾਂ ਉਪਾਵਾਂ ਨੂੰ ਕਰਨ ਨਾਲ ਆਰਥਿਕ ਸਥਿਤੀ ਵਿੱਚ ਸੁਧਾਰ ਹੁੰਦਾ ਹੈ ਅਤੇ ਹਰ ਮਨੋਕਾਮਨਾ ਪੂਰੀ ਹੁੰਦੀ ਹੈ। ਆਓ ਜਾਣਦੇ ਹਾਂ ਉਹ ਉਪਾਅ ਕਿਹੜੇ ਹਨ-
ਨਰਾਤਿਆਂ ‘ਤੇ ਕਰੋ 5 ਉਪਾਅ
1. ਨਰਾਤਿਆਂ ਦੇ ਦੌਰਾਨ ਇੱਕ ਲਾਲ ਰੰਗ ਦਾ ਕੱਪੜਾ ਲਓ ਅਤੇ ਇਸ ਵਿੱਚ 5 ਇਲਾਇਚੀ, 5 ਸੁਪਾਰੀ ਅਤੇ ਇੱਕ ਲੌਂਗ ਰੱਖੋ। ਇਸ ਤੋਂ ਬਾਅਦ ਕੱਪੜੇ ਦਾ ਬੰਡਲ ਬੰਨ੍ਹ ਕੇ ਮਾਂ ਦੁਰਗਾ ਦੇ ਚਰਨਾਂ ‘ਚ ਰੱਖ ਦਿਓ। ਇਸ ਤੋਂ ਬਾਅਦ, ਉਸ ਬੰਡਲ ਨੂੰ ਆਪਣੀ ਸੇਫ ਜਾਂ ਅਜਿਹੀ ਜਗ੍ਹਾ ‘ਤੇ ਰੱਖੋ ਜਿੱਥੇ ਤੁਸੀਂ ਪੈਸੇ ਰੱਖਦੇ ਹੋ। ਇਸ ਨਾਲ ਆਰਥਿਕ ਸਥਿਤੀ ਵਿੱਚ ਸੁਧਾਰ ਹੋਵੇਗਾ।
2. ਕੁੰਡਲੀ ਤੋਂ ਰਾਹੂ-ਕੇਤੂ ਦੇ ਪ੍ਰਭਾਵ ਨੂੰ ਦੂਰ ਕਰਨ ਲਈ ਹਰ ਰੋਜ਼ ਸ਼ਿਵਲਿੰਗ ‘ਤੇ 2 ਲੌਂਗ ਚੜ੍ਹਾਉਣਾ ਸ਼ੁਭ ਮੰਨਿਆ ਜਾਂਦਾ ਹੈ।
3. ਘਰ ‘ਚ ਕਪੂਰ ਜਲਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਨਰਾਤਿਆਂ ਦੇ ਦੌਰਾਨ ਕਪੂਰ ‘ਤੇ ਲੌਂਗ ਰੱਖ ਕੇ ਜਲਾਉਣ ਨਾਲ ਇਸ ਦਾ ਧੂੰਆਂ ਘਰ ‘ਚ ਘੁੰਮਾਉਣ ਨਾਲ ਸਕਾਰਾਤਮਕ ਊਰਜਾ ਮਿਲਦੀ ਹੈ।
ਇਹ ਵੀ ਪੜ੍ਹੋ
4. ਬੱਚਿਆਂ ਨੂੰ ਵਾਰ-ਵਾਰ ਨਜ਼ਰ ਲੱਗਣ ਵਾਲੀਆਂ ਸਮੱਸਿਆਵਾਂ ਤੋਂ ਛੁੱਟਕਾਰਾ ਪਾਉਣ ਲਈ ਇੱਹ ਹੱਲ ਸੁਝਾਇਆ ਗਿਆ ਹੈ। ਨਰਾਤਿਆਂਂ ਦੌਰਾਨ 11 ਲੌਂਗ ਲੈ ਕੇ ਬੱਚੇ ਤੋਂ ਵਾਰੋ। ਇਸ ਤੋਂ ਬਾਅਦ ਇਨ੍ਹਾਂ ਲੌਂਗਾਂ ਨੂੰ ਅੱਗ ‘ਚ ਸਾੜ ਦਿਓ। ਬੱਚੇ ਇਸ ਨਾਲ ਨਜ਼ਰ ਤੋਂ ਪ੍ਰਭਾਵਿਤ ਨਹੀਂ ਹੋਣਗੇ।
5. ਨੌਕਰੀ ਵਿੱਚ ਤਰੱਕੀ ਪ੍ਰਾਪਤ ਕਰਨ ਲਈ ਵੀ ਇੱਕ ਹੱਲ ਸੁਝਾਇਆ ਗਿਆ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਨਰਾਤਿਆਂ ਦੇ ਦੌਰਾਨ 2 ਲੌਂਗ ਲੈ ਕੇ 7 ਵਾਰ ਸਿਰ ਤੋਂ ਵਾਰ ਕੇ ਮਾਂ ਦੁਰਗਾ ਦੇ ਚਰਨਾਂ ‘ਚ ਰੱਖਣ ਨਾਲ ਨੌਕਰੀ ‘ਚ ਤਰੱਕੀ ਦਾ ਰਾਹ ਖੁੱਲ੍ਹਦਾ ਹੈ।
