ਉਹੀ ਰੰਧਾਵਾ ਤੇ ਉਹੀ ਘਰ…, ਬਿਨਾਂ ਨਾਮ ਲਏ ਸੁਖਜਿੰਦਰ ਰੰਧਾਵਾ ਦਾ ਰਾਜਾ ਵੜਿੰਗ ‘ਤੇ ਪਲਟਵਾਰ!
ਦੱਸ ਦੇਈਏ ਕਿ ਬੀਤੇ ਦਿਨੀਂ ਰੰਧਾਵਾ ਦੇ 'ਕੰਪ੍ਰੋਮਾਈਜ਼ਡ' ਵਾਲੇ ਬਿਆਨ ਰਾਜਾ ਵੜਿੰਗ ਨੇ ਕਿਹਾ ਸੀ ਕਿ ਜਦੋਂ ਵੀ ਮੈਂ ਉਨ੍ਹਾਂ ਨੂੰ ਮਿਲਾਂਗਾ ਤਾਂ ਪੁੱਛਾਂਗਾ ਕਿ 'ਕੰਪ੍ਰੋਮਾਈਜ਼ਡ' ਤੇ 'ਸਲਿੱਪਰ ਸੈੱਲ' ਕੌਣ ਹਨ, ਕਿ ਇਹ ਹਨ ਜੋ ਭਗਵੰਤ ਮਾਨ ਤੇ ਅਮਿਤ ਸ਼ਾਹ ਨੂੰ ਮਿਲਦੇ ਹਨ।
ਉਹੀ ਰੰਧਾਵਾ ਤੇ ਉਹੀ ਘਰ..., ਬਿਨਾਂ ਨਾਮ ਲਏ ਰੰਧਾਵਾ ਦਾ ਵੜਿੰਗ 'ਤੇ ਪਲਟਵਾਰ!
ਕਾਂਗਰਸ ਕਲੇਸ਼ ਦੇ ਵਿਚਕਾਰ ਸੁਖਜਿੰਦਰ ਸਿੰਘ ਰੰਧਾਵਾ ਤੇ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ‘ਚ ਵਾਰ-ਪਲਟਵਾਰ ਵਰਗੀ ਸਥਿਤੀ ਨਜ਼ਰ ਆ ਰਹੀ ਹੈ। ਦਰਅਸਲ, ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਬਿਨਾਂ ਰਾਜਾ ਵੜਿੰਗ ਦਾ ਨਾਮ ਲਏ ਟਵੀਟ ਕੀਤਾ ਹੈ- “ਉਹੀ ਘਰ ਹੈ ਤੇ ਉਹੀ ਰੰਧਾਵਾ, ਜਦੋਂ ਵੀ ਤੁਸੀਂ ਆਓਗੇ, ਤੁਹਾਡਾ Most Welcome”
ਦੱਸ ਦੇਈਏ ਕਿ ਬੀਤੇ ਦਿਨੀਂ ਰੰਧਾਵਾ ਨੇ ਇੱਕ ਰੈਲੀ ‘ਚ ਕਿਹਾ ਸੀ ਕਿ ਸਾਨੂੰ ‘ਕੰਪ੍ਰੋਮਾਈਜ਼ਡ’ ਤੇ ਸਰਕਾਰ ਨਾਲ ਰੱਲ ਕੇ ਕੰਮ ਕਰਨ ਵਾਲੇ ਲੀਡਰ ਨਹੀਂ ਚਾਹੀਦੇ ਹਨ। ਮੀਡੀਆ ਵੱਲੋਂ ਇਸ ਬਿਆਨ ‘ਤੇ ਪੁੱਛੇ ਗਏ ਸਵਾਲ ‘ਤੇ ਰਾਜਾ ਵੜਿੰਗ ਨੇ ਕਿਹਾ ਸੀ ਕਿ ਜਦੋਂ ਵੀ ਮੈਂ ਉਨ੍ਹਾਂ ਨੂੰ ਮਿਲਾਂਗਾ ਤਾਂ ਪੁੱਛਾਂਗਾ ਕਿ ‘ਕੰਪ੍ਰੋਮਾਈਜ਼ਡ’ ਤੇ ‘ਸਲਿੱਪਰ ਸੈੱਲ’ ਕੌਣ ਹਨ, ਕਿ ਇਹ ਹਨ ਜੋ ਭਗਵੰਤ ਮਾਨ ਤੇ ਅਮਿਤ ਸ਼ਾਹ ਨੂੰ ਮਿਲਦੇ ਹਨ।
ਸੁਖਜਿੰਦਰ ਰੰਧਾਵਾ ਦੇ ਟਵੀਟ- “ਉਹੀ ਘਰ ਹੈ ਤੇ ਉਹੀ ਰੰਧਾਵਾ, ਜਦੋਂ ਵੀ ਤੁਸੀਂ ਆਓਗੇ, ਤੁਹਾਡਾ Most Welcome”, ਨੂੰ ਹੁਣ ਰਾਜਾ ਵੜਿੰਗ ਤੇ ਇਸ ਬਿਆਨ ਨਾਲ ਜੋੜ ਕੇ ਦੇਖਿਆ ਜਾ ਰਿਹਾ ਹੈ।
ਉਹੀ ਘਰ ਹੈ ਅਤੇ ਉਹੀ ਰੰਧਾਵਾ, ਜਦੋਂ ਵੀ ਤੁਸੀਂ ਆਓਗੇ, ਤੁਹਾਡਾ Most Welcome 🙏
— Sukhjinder Singh Randhawa (@Sukhjinder_INC) August 29, 2026
ਇਹ ਵੀ ਪੜ੍ਹੋ
ਕਿੱਥੋਂ ਸ਼ੁਰੂ ਹੋਇਆ ਸਾਰਾ ਵਿਵਾਦ?
ਸੁਖਜਿੰਦਰ ਸਿੰਘ ਰੰਧਾਵਾ ਕਈ ਵਾਰ ‘ਕੰਪ੍ਰੋਮਾਈਜ਼ਡ’ ਲੀਡਰ ਵਾਲਾ ਬਿਆਨ ਦੇ ਚੁੱਕੇ ਹਨ। ਸਭ ਤੋਂ ਪਹਿਲਾਂ ਉਨ੍ਹਾਂ ਨੇ ਇਹ ਬਿਆਨ ਪੰਜਾਬ ਕਾਂਗਰਸ ਇੰਚਾਰਜ ਭੂਪੇਸ਼ ਬਘੇਲ ਨਾਲ ਚੰਨੀ ਧੜੇ ਦੀ ਮੀਟਿੰਗ ਤੋਂ ਬਾਅਦ ਦਿੱਤਾ ਸੀ। ਮੀਟਿੰਗ ਤੋਂ ਬਾਅਦ ਉਨ੍ਹਾਂ ਨੇ ਕਿਹਾ ਸੀ ਕਿ ਅਸੀਂ ਮੀਟਿੰਗ ਦੌਰਾਨ ਗੱਲ ਰੱਖੀ ਕਿ ਸਾਨੂੰ ਕੰਪ੍ਰੋਮਾਈਜ਼ਡ ਲੀਡਰ ਨਹੀਂ ਚਾਹੀਦਾ ਤੇ ਪੰਜਾਬ ਦੇ ਮੁੱਦਿਆਂ ‘ਤੇ ਖੁਲ੍ਹ ਕੇ ਗੱਲ ਕਰਨ ਵਾਲਾ ਲੀਡਰ ਚਾਹੀਦਾ ਹੈ।
ਦੱਸ ਦੇਈਏ ਕਿ ਚੰਨੀ ਗੁੱਟ ਜਿਸ ਨੂੰ ਸੁਖਜਿੰਦਰ ਰੰਧਾਵਾ ਦਾ ਵੀ ਸਾਥ ਹੈ, ਉਹ ਰਾਜਾ ਵੜਿੰਗ ਨੂੰ ਪੰਜਾਬ ਕਾਂਗਰਸ ਪ੍ਰਧਾਨ ਵਜੋਂ ਬਰਕਰਾਰ ਰੱਖਣ ਦੇ ਫੈਸਲੇ ਨਾਲ ਖੁਸ਼ ਨਹੀਂ ਹਨ। ਬੀਤੇ ਕੁਝ ਮਹੀਨਿਆਂ ਤੋਂ ਸੁਖਜਿੰਦਰ ਸਿੰਘ ਰੰਧਾਵਾ ਤੇ ਚਰਨਜੀਤ ਸਿੰਘ ਚੰਨੀ ਪੰਜਾਬ ਕਾਂਗਰਸ ਪ੍ਰਧਾਨ ਰਾਜਾ ਵੜਿੰਗ ਦੀਆਂ ਰੈਲੀਆਂ ਤੋਂ ਵੀ ਦੂਰੀ ਬਣਾਏ ਹੋਏ ਹਨ। ਦੋਵੇਂ ਆਗੂ ਵਾਰ-ਵਾਰ ਕਈ ਮੌਕਿਆਂ ‘ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰ ਚੁੱਕੇ ਹਨ।
ਇਸ ਵਿਚਕਾਰ ਹੁਣ ਸੁਖਜਿੰਦਰ ਸਿੰਘ ਰੰਧਾਵਾ ਦੇ ਇਸ ਟਵੀਟ ਨੂੰ ਰਾਜਾ ਵੜਿੰਗ ਲਈ ਇੱਕ ਸਪੱਸ਼ਟ ਸੰਦੇਸ਼ ਵਜੋਂ ਦੇਖਿਆ ਜਾ ਰਿਹਾ ਹੈ ਕਿ ਵੜਿੰਗ ਕਦੇ ਵੀ ਉਨ੍ਹਾਂ ਨੂੰ ਪੁੱਛ ਸਕਦੇ ਹਨ ਕਿ ਕੰਪ੍ਰੋਮਾਈਜ਼ਡ ਲੀਡਰ ਕੌਣ ਹੈ?