ਖੜਗੇ ਵੱਲੋਂ Bajrang Dal ਖਿਲਾਫ ਟਿੱਪਣੀ ਦਾ ਮਾਮਲਾ, ਦੂਜੇ ਸਮਨ ‘ਚ ਸ਼ਿਕਾਇਤਕਰਤਾ ਨੇ ਹਰਜਾਨੇ ਵੱਜੋਂ ਮੰਗੇ 100.10 ਕਰੋੜ ਰੁਪਏ
ਸ਼ਿਕਾਇਤਕਰਤਾ ਵੱਲੋਂ ਮੰਗ ਕੀਤੀ ਗਈ ਹੈ ਕਿ ਖੜਗੇ ਦੇ ਖਿਲਾਫ ਧਾਰਾ 295 ਏ ਦੇ ਤਹਿਤ ਮਾਮਲਾ ਦਰਜ ਕੀਤਾ ਜਾਵੇ ਕਿਉਂਕਿ ਉਨ੍ਹਾਂ ਬਜਰੰਗ ਦਲ ਨੂੰ ਅੱਤਵਾਦੀ ਸੰਗਠਨਾਂ ਨਾਲ ਤੁਲਨਾ ਕਰਕੇ ਹਿੰਦੂ ਧਰਮ ਅਤੇ ਹਿੰਦੂ ਤੱਤ ਨੂੰ ਠੇਸ ਪਹੁੰਚਾਈ ਹੈ।
ਸੰਗਰੂਰ ਨਿਊਜ:ਕਰਨਾਟਕ ਵਿੱਚ ਬੇਸ਼ੱਕ ਕਾਂਗਰਸ (Congress) ਦੀ ਸਰਕਾਰ ਬਣ ਚੁੱਕੀ ਹੈ, ਪਰ ਪਾਰਟੀ ਦੇ ਕੌਮੀ ਪ੍ਰਧਾਨ ਮਲਿਕਾਰੁਜਨ ਖੜਗੇ (Malikarjun Kharge) ਵੱਲੋਂ ਚੋਣ ਪ੍ਰਚਾਰ ਦੌਰਾਨ ਬਜਰੰਗ ਦਲ ਖਿਲਾਫ ਕੀਤੀ ਗਈ ਟਿੱਪਣੀ ਦਾ ਮਾਮਲਾ ਲਗਾਤਾਰ ਭਖਦਾ ਜਾ ਰਿਹਾ ਹੈ। ਮਲਿਕਾਰੁਜਨ ਖੜਗੇ ਵੱਲੋਂ ਚੋਣਾਂ ਦੌਰਾਨ ਹਿੰਦੂ ਸੰਗਠਨ ਬਜਰੰਗ ਦਲ ਦੀ ਤੁਲਨਾ ਐਂਟੀ ਨੈਸ਼ਨਲ ਸੰਗਠਨ ਦੇ ਤੌਰ ਤੇ ਬਜਰੰਗ ਦਲ ਹਿੰਦ ਦੇ ਰਾਸ਼ਟਰੀ ਸੰਸਥਾਪਕ ਹਿਤੇਸ਼ ਭਾਰਦਵਾਜ ਸ਼ਖਸ ਦੀ ਸ਼ਿਕਾਇਤ ਤੇ ਸੰਗਰੂਰ ਅਦਾਲਤ ਵੱਲੋਂ ਉਨ੍ਹਾਂ ਨੂੰ ਸਮਨ ਭੇਜਿਆ ਗਿਆ ਸੀ। ਹੁਣ ਸ਼ਿਕਾਇਤਕਰਤਾ ਨੇ ਇਸ ਵਿੱਚ ਮਲਿਕਾਰੁਜਨ ਖੜਗੇ ਖਿਲਾਫ਼ ਭਾਰੀ ਹਰਜਾਨੇ ਦੀ ਰਾਸ਼ੀ ਵੀ ਭਰ ਦਿੱਤੀ ਹੈ।
ਬੀਤੀ 12 ਮਈ ਨੂੰ ਕੋਰਟ ਨੇ ਹਿਤੇਸ਼ ਭਾਰਦਵਾਜ ਦੀ ਮਾਣਹਾਨੀ ਪਟੀਸ਼ਨ ਤੇ ਸੁਣਵਾਈ ਕਰਦਿਆਂ ਖੜਗੇ ਨੂੰ ਸਮਨ ਭੇਜਿਆ ਸੀ, ਜਿਸ ਵਿੱਚ ਉਨ੍ਹਾਂ ਨੂੰ 10 ਜੁਲਾਈ ਨੂੰ ਕੋਰਟ ਵਿੱਚ ਪੇਸ਼ ਹੋਣ ਦੇ ਹੁਕਮ ਦਿੱਤੇ ਸਨ। ਸ਼ਿਕਾਇਤਕਰਤਾ ਨੇ ਹੁਣ ਇਸ ਪਟੀਸ਼ਨ ਵਿਚ ਖੜਗੇ ਨੂੰ ਇਸ ਟਿੱਪਣੀ ਲਈ 100 ਕਰੋੜ 10 ਲੱਖ ਰੁਪਏ ਦਾ ਹਰਜਾਨਾ ਭਰਨ ਦੀ ਮੰਗ ਕੀਤੀ ਹੈ।
ਖੜਗੇ ਨੂੰ 10 ਜੁਲਾਈ ਨੂੰ ਅਦਾਲਤ ‘ਚ ਪੇਸ਼ ਹੋਣ ਦੇ ਹੁਕਮ
ਅਦਾਲਤ ਨੇ ਮਲਿਕਾ ਅਰਜੁਨ ਖੜਗੇ ਨੂੰ 10 ਜੁਲਾਈ ਨੂੰ ਅਦਾਲਤ ਵਿੱਚ ਪੇਸ਼ ਹੋਣ ਦੇ ਹੁਕਮ ਜਾਰੀ ਕੀਤੇ ਹਨ। ਨਾਲ ਹੀ ਇਹ ਵੀ ਕਿਹਾ ਹੈ ਕਿ ਜੇਕਰ ਮਲਿਕਾ ਅਰਜੁਨ ਖੜਗੇ 10 ਜੁਲਾਈ ਨੂੰ ਅਦਾਲਤ ‘ਚ ਪੇਸ਼ ਨਹੀਂ ਹੁੰਦੇ ਤਾਂ ਉਨ੍ਹਾਂ ਦੀ ਗੈਰ-ਹਾਜ਼ਰੀ ਪਾ ਕੇ ਸ਼ਿਕਾਇਤ ਦੀ ਸੁਣਵਾਈ ਸ਼ੁਰੂ ਕਰ ਦਿੱਤੀ ਜਾਵੇਗੀ।
ਹਿਤੇਸ਼ ਭਾਰਦਵਾਜ ਦੀ ਤਰਫੋਂ ਇਹ ਮੰਗ ਵੀ ਕੀਤੀ ਗਈ ਹੈ ਕਿ ਖੜਗੇ ਦੇ ਖਿਲਾਫ ਧਾਰਾ 295 ਏ ਦੇ ਤਹਿਤ ਮਾਮਲਾ ਦਰਜ ਕੀਤਾ ਜਾਵੇ ਕਿਉਂਕਿ ਉਨ੍ਹਾਂ ਵਲੋਂ ਕਰਨਾਟਕ ਵਿਚ ਜਾਰੀ ਮੈਨੀਫੈਸਟੋ ਵਿੱਚ ਬਜਰੰਗ ਦਲ (Bajrang Dal) ਨੂੰ ਅੱਤਵਾਦੀ ਸੰਗਠਨਾਂ ਨਾਲ ਤੁਲਨਾ ਕਰਕੇ ਹਿੰਦੂ ਧਰਮ ਅਤੇ ਹਿੰਦੂ ਤੱਤ ਨੂੰ ਠੇਸ ਪਹੁੰਚਾਈ ਹੈ।
ਖੜਗੇ ਨੇ ਬਜਰੰਗ ਦਲ ਖਿਲਾਫ਼ ਦਿੱਤਾ ਸੀ ਇਹ ਬਿਆਨ
ਜਿਕਰਯੋਗ ਹੈ ਕਿ ਕਰਨਾਟਕ ਵਿੱਚ ਚੋਣ ਪ੍ਰਚਾਰ ਦੌਰਾਨ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਮਲਿਕਾਰੁਜਨ ਖੜਗੇ ਨੇ ਬਜਰੰਗ ਦਲ ਦੀ ਤੁਲਨਾ ਪਾਬੰਦੀਸ਼ੁਦਾ ਅੱਤਵਾਦੀ ਜੱਥੇਬੰਦੀ PFI ਨਾਲ ਕੀਤੀ ਸੀ। ਪਟੀਸ਼ਨ ਕਰਤਾ ਹਿਤੇਸ਼ ਭਾਰਦਵਾਜ ਮੁਤਾਬਿਕ, ਖੜਗੇ ਨੇ ਕਿਹਾ ਸਿ ਕਿ ਕਰਨਾਟਕ ਵਿੱਚ ਜੇਕਰ ਕਾਂਗਰਸ ਸਰਕਾਰ ਆਉਂਦੀ ਹੈ ਤਾਂ ਬਜਲੰਗ ਦਲ ਅਤੇ ਉਸ ਵਰਗੇ ਦੇਸ਼ ਵਿਰੋਧੀ ਸੰਗਠਨ, ਜੋ ਸਮਾਜ ਵਿੱਚ ਨਫਰਤ ਫੈਲਾਉਂਦੇ ਹਨ, ਨੂੰ ਬੈਨ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਬਜਰੰਗ ਦਲ ਦੀ ਤੁਲਨਾ ਸਿਮੀ, ਪੀਐੱਫਆਈ ਅਤੇ ਅਲਕਾਇਦਾ ਵਰਗੇ ਦੇਸ਼ ਧ੍ਰੋਹੀ ਸੰਗਠਨਾਂ ਨਾਲ ਕੀਤੀ ਸੀ। ਹਿਤੇਸ਼ ਦਾ ਇਲਜਾਮ ਹੈਕਿ ਖੜਗੇ ਨੇ ਇਹ ਟਿੱਪਣੀ ਕਰਕੇ ਬਜਲੰਗ ਦਲ ਦਾ ਬਹੁਤ ਅਪਮਾਨ ਕੀਤਾ ਹੈ।
ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ‘ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ
