ਰਵਨੀਤ ਬਿੱਟੂ ਦੇ ਭਰਾ ਦੀ ਨੌਕਰੀ ਲਈ ਉਮਰ ਅਤੇ ਪੜ੍ਹਾਈ ਦੇ ਨਿਯਮ ਬਦਲੇ ਗਏ, AAP ਸਪੀਕਰ ਬਲਤੇਜ ਪੰਨੂ ਦਾ ਵੱਡਾ ਆਰੋਪ

ਆਮ ਆਦਮੀ ਪਾਰਟੀ (ਆਪ) ਨੇ ਕੇਂਦਰੀ ਰੇਲ ਰਾਜ ਮੰਤਰੀ ਰਵਨੀਤ ਸਿੰਘ ਬਿੱਟੂ ਦੇ ਪੰਜਾਬ ਪੁਲਿਸ ਬਾਰੇ ਦਿੱਤੇ ਗਏ ਵਿਵਾਦਤ ਬਿਆਨ ਦਾ ਤਿੱਖਾ ਜਵਾਬ ਦਿੱਤਾ ਹੈ। ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ, ‘ਆਪ’ ਦੇ ਸੀਨੀਅਰ ਬੁਲਾਰੇ ਬਲਤੇਜ ਪੰਨੂ ਨੇ ਬਿੱਟੂ ‘ਤੇ ਤਿੱਖਾ ਹਮਲਾ ਬੋਲਦੇ ਹੋਏ ਉਨ੍ਹਾਂ ‘ਤੇ ਗੰਭੀਰ ਇਲਜ਼ਾਮ ਲਗਾਏ ਹਨ।

ਪੰਨੂ ਨੇ ਕਿਹਾ ਕਿ ਜਿੱਥੇ ਬਿੱਟੂ ਪੰਜਾਬ ਪੁਲਿਸ ਦੇ ਨਾਕਿਆਂ ਅਤੇ ਜਵਾਨਾਂ ਤੇ ਉਂਗਲੀ ਚੁੱਕ ਰਹੇ ਹਨ, ਉੱਥੇ ਹੀ ਆਪਣੇ ਭਰਾ ਲਈ ਪੁਲਿਸ ਵਿਭਾਗ ਵਿੱਚ ਬੈਕ ਡੋਰ ਐਂਟਰੀ ਦਿਆਉਣ ਲਈ ਉਨ੍ਹਾਂ ਨੇ ਸਾਰੇ ਨਿਯਮਾਂ ਦੀਆਂ ਧੱਜੀਆਂ ਉਡਾ ਦਿੱਤੀਆਂ ਹਨ। ਪੰਨੂ ਨੇ ਮੰਗ ਕੀਤੀ ਕਿ ਕੇਂਦਰੀ ਮੰਤਰੀ ਪੰਜਾਬ ਪੁਲਿਸ ਦਾ ਅਪਮਾਨ ਕਰਨ ਲਈ ਬਿਨਾਂ ਸ਼ਰਤ ਮੁਆਫ਼ੀ ਮੰਗਣ।

ਬਲਤੇਜ ਪੰਨੂ ਨੇ ਪਿਛਲੀਆਂ ਅਕਾਲੀ ਅਤੇ ਕਾਂਗਰਸ ਸਰਕਾਰਾਂ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਉਸ ਸਮੇਂ ਦੌਰਾਨ, ਉਨ੍ਹਾਂ ਦੇ ਚਹੇਤਿਆਂ ਨੂੰ ਹੀ ਰੇਵੜੀਆਂ ਵੰਡੀਆਂ ਗਈਆਂ। ਉਨ੍ਹਾਂ ਨੇ ਸਿੱਧੇ ਤੌਰ ‘ਤੇ ਰਵਨੀਤ ਬਿੱਟੂ ਦੇ ਭਰਾ ਦੀ ਪੰਜਾਬ ਪੁਲਿਸ ਵਿੱਚ ਸਿੱਧੀ ਭਰਤੀ (ਤਰਸ ਦੇ ਆਧਾਰ ‘ਤੇ) ‘ਤੇ ਸਵਾਲ ਉਠਾਉਂਦੇ ਹੋਏ ਪੁੱਛਿਆ, “ਜੇ ਬਿੱਟੂ ਪੰਜਾਬ ਪੁਲਿਸ ਨਾਲ ਇੰਨੀ ਨਫ਼ਰਤ ਕਰਦੇ ਹਨ ਤਾਂ ਉਨ੍ਹਾਂ ਨੇ ਨਿਯਮਾਂ ਨੂੰ ਨਜ਼ਰਅੰਦਾਜ਼ ਕਰਕੇ ਆਪਣੇ ਭਰਾ ਨੂੰ ਉਸੇ ਵਿਭਾਗ ਵਿੱਚ ਭਰਤੀ ਕਿਉਂ ਕਰਵਾਇਆ?”

ਪੰਨੂ ਦੇ ਬਿੱਟੂ ‘ਤੇ ਵੱਡੇ ਆਰੋਪ

1. ਭਰਾ ਦੀ ਸਿੱਧੀ ਭਰਤੀ ਲਈ ਸਾਰੇ ਨਿਯਮ ਤੋੜੇ ਗਏ: ਪੰਨੂ ਨੇ ਸਭ ਤੋਂ ਗੰਭੀਰ ਆਰੋਪ ਲਗਾਇਆ, ਇਹ ਕਹਿੰਦੇ ਹੋਏ ਕਿ ਰਵਨੀਤ ਸਿੰਘ ਬਿੱਟੂ ਦੇ ਭਰਾ ਦੀ ਪੰਜਾਬ ਪੁਲਿਸ ਵਿੱਚ ਸਿੱਧੀ ਭਰਤੀ ਪੂਰੀ ਤਰ੍ਹਾਂ ਨਿਯਮਾਂ ਦੇ ਵਿਰੁੱਧ ਸੀ। ਇਸ ਤਰਸ ਦੇ ਆਧਾਰ ‘ਤੇ ਨਿਯੁਕਤੀ ਵਿੱਚ ਸਾਰੀ ਪਾਰਦਰਸ਼ਤਾ ਖਤਮ ਕਰ ਦਿੱਤੀ ਗਈ ਗਈ ਸੀ, ਅਤੇ ਸਿਰਫ ਰਾਜਨੀਤਿਕ ਪ੍ਰਭਾਵ ਦੀ ਵਰਤੋਂ ਕੀਤੀ ਗਈ ਸੀ।
2. ਉਮਰ ਅਤੇ ਵਿਦਿਅਕ ਯੋਗਤਾਵਾਂ ਵਿੱਚ ਬਦਲਾਅ: ਬੁਲਾਰੇ ਨੇ ਦਾਅਵਾ ਕੀਤਾ ਕਿ ਬਿੱਟੂ ਦੇ ਭਰਾ ਨੂੰ ਮਹਿਕਮੇ ਵਿੱਚ ਐਡਜਸਟ ਕਰਨ ਲਈ ਨਿਯਮਾਂ ਵਿੱਚ ਜਾਣਬੁੱਝ ਕੇ ਸੋਧ ਕੀਤੀ ਗਈ ਸੀ। ਜੋ ਉਮਰ ਆਮ ਨੌਜਵਾਨਾਂ ਲਈ ਲੋੜੀਂਦੀ ਹੁੰਦੀ ਹੈ, ਉਸਨੂੰ ਬਿੱਟੂ ਦੇ ਪਰਿਵਾਰ ਲਈ ਬਦਲ ਦਿੱਤਾ ਗਿਆ ਸੀ। ਇਹ ਪੰਜਾਬ ਦੇ ਲੱਖਾਂ ਯੋਗ ਅਤੇ ਬੇਰੁਜ਼ਗਾਰ ਨੌਜਵਾਨਾਂ ਨਾਲ ਸਿੱਧਾ ਵਿਸ਼ਵਾਸਘਾਤ ਸੀ।
3. ਪੀਪੀਐਸਸੀ ਨੂੰ ਬਾਈਪਾਸ ਕਰਕੇ ਸਿੱਧੇ ਬਣਾਇਆ DSP: ਪੰਨੂ ਨੇ ਤਕਨੀਕੀ ਚੁੱਕਦਿਆਂ ਕਿਹਾ ਕਿ ਪੰਜਾਬ ਵਿੱਚ ਡੀਐਸਪੀ ਪੱਧਰ ਦੇ ਅਧਿਕਾਰੀ ਪੰਜਾਬ ਪਬਲਿਕ ਸਰਵਿਸ ਕਮਿਸ਼ਨ (PPSC) ਰਾਹੀਂ ਭਰਤੀ ਕੀਤੇ ਜਾਂਦੇ ਹਨ। ਹਾਲਾਂਕਿ, ਬਿੱਟੂ ਦੇ ਭਰਾ ਦੇ ਮਾਮਲੇ ਵਿੱਚ, ਇਸ ਲਾਜ਼ਮੀ PPSC ਨਿਯਮ ਦੀ ਵੀ ਉਲੰਘਣਾ ਕੀਤੀ ਗਈ ਸੀ, ਅਤੇ ਉਨ੍ਹਾਂ ਨੂੰ ਨਿਰਧਾਰਤ ਪ੍ਰਕਿਰਿਆ ਦੀ ਪਾਲਣਾ ਕੀਤੇ ਬਿਨਾਂ ਸਿੱਧੇ ਤੌਰ ‘ਤੇ ਪੰਜਾਬ ਪੁਲਿਸ ਦਾ ਹਿੱਸਾ ਬਣਾ ਦਿੱਤਾ ਗਿਆ।
4. ਨਫਰਤ ਸੀ ਤਾਂ ਭਰਾ ਨੂੰ ਤਹਿਸੀਲਦਾਰ ਲਗਵਾ ਦਿੰਦੇ’: ਬਿੱਟੂ ਦੇ ਪੁਲਿਸ ਵਿਰੋਧੀ ਬਿਆਨਾਂ ‘ਤੇ ਚੁਟਕੀ ਲੈਂਦੇ ਹੋਏ ਆਪ’ ਬੁਲਾਰੇ ਨੇ ਕਿਹਾ, “ਜੇਕਰ ਰਵਨੀਤ ਬਿੱਟੂ ਪੰਜਾਬ ਪੁਲਿਸ ਨੂੰ ਇੰਨੀ ਨਫ਼ਰਤ ਕਰਦੇ ਹਨ ਅਤੇ ਹਰ ਜਗ੍ਹਾ ਭ੍ਰਿਸ਼ਟਾਚਾਰ ਦਿਖਦਾ ਹੈ ਤਾਂ ਉਨ੍ਹਾਂ ਨੇ ਆਪਣੇ ਭਰਾ ਨੂੰ ਪੁਲਿਸ ਫੋਰਸ ਵਿੱਚ ਕਿਉਂ ਭਰਤੀ ਕਰਵਾਇਆ? ਉਨ੍ਹਾਂਦਾ ਕਾਫ਼ੀ ਰਾਜਨੀਤਿਕ ਪ੍ਰਭਾਵ ਸੀ; ਜੇ ਉਹ ਚਾਹੁੰਦੇ ਤਾਂ ਉਹ ਆਪਣੇ ਭਰਾ ਨੂੰ ਤਹਿਸੀਲਦਾਰ ਨਿਯੁਕਤ ਕਰ ਸਕਦੇ ਸਨ।” ਉਨ੍ਹਾਂ ਨੇ ਆਰੋਪ ਲਗਾਇਆ ਕਿ ਅਕਾਲੀ ਅਤੇ ਕਾਂਗਰਸ ਦੋਵੇਂ ਸਰਕਾਰਾਂ ਸਿਰਫ਼ ਆਪਣੇ ਲੋਕਾਂ ਨੂੰ ਲਾਭ ਪਹੁੰਚਾਉਣ ਦਾ ਕੰਮ ਕੀਤਾ ਗਿਆ।
5. ‘ਬਿਨਾਂ ਸ਼ਰਤ ਮੁਆਫ਼ੀ ਮੰਗਣ ਬਿੱਟੂ: ਪੰਨੂ ਨੇ ਆਰੋਪ ਲਗਾਇਆ ਕਿ ਰਵਨੀਤ ਬਿੱਟੂ ਨੇ ਇਹ ਸਾਰਾ ਨਾਟਕ ਰਾਜਨੀਤਿਕ ਤੌਰ ‘ਤੇ ‘ਪ੍ਰਧਾਨ’ ਬਣਨ ਲਈ ਰਚਿਆ ਸੀ, ਪਰ ਇਹ ਇੱਛਾ ਵੀ ਪੂਰੀ ਨਹੀਂ ਹੋਈ। ਉਨ੍ਹਾਂ ਮੰਗ ਕੀਤੀ ਕਿ ਬਿੱਟੂ ਪੰਜਾਬ ਪੁਲਿਸ ਦੇ ਸਬ-ਇੰਸਪੈਕਟਰ ਅਤੇ ਪੂਰੇ ਵਿਭਾਗ ਵਿਰੁੱਧ ਵਰਤੇ ਗਏ ਅਪਮਾਨਜਨਕ ਸ਼ਬਦਾਂ ਲਈ ਤੁਰੰਤ ਅਤੇ ਬਿਨਾਂ ਸ਼ਰਤ ਪੰਜਾਬ ਪੁਲਿਸ ਤੋਂ ਮੁਆਫ਼ੀ ਮੰਗਣ।

‘ਆਪ’ ਪੰਜਾਬ ਦੇ ਜਨਰਲ ਸਕੱਤਰ ਤੇ ਮੀਡੀਆ ਇੰਚਾਰਜ ਬਲਤੇਜ ਪੰਨੂ ਦੀ ਪ੍ਰੈੱਸ ਕਾਨਫ਼ਰੰਸ, ਚੰਡੀਗੜ੍ਹ ਤੋਂ Live https://t.co/gXqUuiQh08

— AAP Punjab (@AAPPunjab) May 28, 2026

ਇਹ ਵੀ ਪੜ੍ਹੋ

ਮੋਹਾਲੀ ਦੇ ਮੇਜਰ ਅਰਸ਼ਦੀਪ ਸਿੰਘ ਗਿੱਲ ਨੂੰ ਮਿਲਿਆ ਕੀਰਤੀ ਚੱਕਰ ਸਨਮਾਨ

ਪਟਿਆਲਾ 'ਚ ਪਹਿਲਾ ਹਾਈਬ੍ਰਿਡ ਸਫ਼ਾਈ ਮਾਡਲ ਸ਼ੁਰੂ, ਸੜਕ 'ਤੇ ਉਤਰੇ ਮੰਤਰੀ ਬੈਂਸ

ਕੇਜਰੀਵਾਲ ਦਾ ਭਾਜਪਾ-ਅਕਾਲੀ ਗਠਜੋੜ 'ਤੇ ਤਿੱਖਾ ਹਮਲਾ; ਦੋਵਾਂ ਨੂੰ ਕਰੜੇ ਹੱਥੀਂ ਲਿਆ

ਅਸੀਂ ਬਿਨਾਂ ਸਿਫਾਰਸ਼ ਦੇ 65,000 ਭਰਤੀਆਂ ਕੀਤੀਆਂ

ਪ੍ਰੈਸ ਕਾਨਫਰੰਸ ਦੌਰਾਨ, ਬਲਤੇਜ ਪੰਨੂ ਨੇ ਕਿਹਾ ਕਿ ਜਦੋਂ ਸੜਕਾਂ ‘ਤੇ ਨਾਕਾ ਲੱਗਦਾ ਹੈ ਤਾਂ ਆਮ ਲੋਕ ਸੁਰੱਖਿਅਤ ਮਹਿਸੂਸ ਕਰਦੇ ਹਨ। ਜੇਕਰ ਕਿਸੇ ਦੀ ਗੱਡੀ ਵਿੱਚ ਕੋਈ ਇਤਰਾਜ਼ਯੋਗ ਸਾਮਾਨ ਨਹੀਂ ਹੁੰਦਾ ਹੈ, ਤਾਂ ਉਹ ਪੁਲਿਸ ਜਾਂਚ ‘ਤੇ ਉਸਨੂੰ ਇਤਰਾਜ਼ ਕਿਉਂ ਹੋਵੇਗਾ? ਸੜਕ ਸੁਰੱਖਿਆ ਬਲ (SSF) ਜਦੋਂ ਇਹ ਹਾਦਸਾ ਪੀੜਤਾਂ ਨੂੰ ਬਚਾਉਂਦੀ ਹੈ ਤਾਂ ਕੀ ਲੋਕ ਪੁਲਿਸ ਨੂੰ ਗਾਲ੍ਹਾ ਕੱਢਦੇ ਹਨ? ਕੁਝ ਵੀ ਗਲਤ ਹੋਣ ‘ਤੇ ਪੁਲਿਸ ਨੂੰ ਦੋਸ਼ੀ ਠਹਿਰਾਉਣਾ ਫੈਸ਼ਨ ਬਣ ਗਿਆ ਹੈ, ਜਦੋਂਕਿ ਸਾਰੇ ਪੁਲਿਸ ਅਧਿਕਾਰੀ ਮਾੜੇ ਨਹੀਂ ਹੁੰਦੇ ਹਨ।

ਆਪਣੀ ਸਰਕਾਰ ਦੀ ਪਿੱਠ ਥਪਥਪਾਉਂਦਿਆਂ ਪੰਨੂ ਨੇ ਕਿਹਾ ਕਿ ਮੌਜੂਦਾ ‘ਆਪ’ ਸਰਕਾਰ ਨੇ ਹੁਣ ਤੱਕ 65,000 ਤੋਂ ਵੱਧ ਨੌਜਵਾਨਾਂ ਨੂੰ ਨੌਕਰੀਆਂ ਪ੍ਰਦਾਨ ਕੀਤੀਆਂ ਹਨ। ਇਹ ਪੰਜਾਬ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਹੈ ਕਿ ਕੋਈ ਵੀ ਇਹ ਆਰੋਪ ਨਹੀਂ ਲਗਾ ਸਕਦਾ ਕਿ ਇਹ ਭਰਤੀਆਂ ਪੈਸੇ ਲਈ ਜਾਂ ਰਾਜਨੀਤਿਕ ਪ੍ਰਭਾਵ ਦੇ ਆਧਾਰ ‘ਤੇ ਕੀਤੀਆਂ ਗਈਆਂ ਸਨ। ਪੰਜਾਬ ਪੁਲਿਸ ਦੇ ਕਰਮਚਾਰੀਆਂ ਦੀ ਭਰਤੀ ਉਨ੍ਹਾਂ ਦੀ ਮਿਹਨਤ ਅਤੇ ਇਮਾਨਦਾਰੀ ਦੇ ਆਧਾਰ ‘ਤੇ ਕੀਤੀ ਗਈ ਹੈ, ਅਤੇ ਕੇਂਦਰੀ ਮੰਤਰੀ ਵੱਲੋਂ ਉਨ੍ਹਾਂ ਦਾ ਮਨੋਬਲ ਡੇਗਣ ਦੀ ਕੋਸ਼ਿਸ਼ ਬਹੁਤ ਨਿੰਦਣਯੋਗ ਹੈ।