ਕਾਂਗਰਸ ਨੇ ਵੋਟ ਚੋਰੀ ਦਾ ਲਗਾਇਆ ਇਲਜ਼ਾਮ, ਕੇਜਰੀਵਾਲ ਬੋਲੇ- ਜੇ ਅਸੀਂ ਚਾਹੁੰਦੇ ਤਾਂ SDM ਨੂੰ ਬੁਲਾ ਕੇ ਕਈ ਥਾਵਾਂ ‘ਤੇ ਹਾਲਾਤ ਬਦਲ ਸਕਦੇ ਸੀ

ਕਾਂਗਰਸ ਨੇ ਪੰਜਾਬ 'ਚ ਵੋਟ ਚੋਰੀ ਦਾ ਦੋਸ਼ ਲਗਾਇਆ, ਸੀਐਮ ਮਾਨ ਤੇ ਕੇਜਰੀਵਾਲ ਨੇ ਕਿਹਾ- ਜੇ ਅਸੀਂ ਚਾਹੁੰਦੇ ਤਾਂ SDM ਨੂੰ ਬੁਲਾ ਕੇ ਕਈ ਥਾਵਾਂ 'ਤੇ ਹਾਲਾਤ ਬਦਲ ਸਕਦੇ ਸਨ

ਸੱਤਾਧਾਰੀ ਆਮ ਆਦਮੀ ਪਾਰਟੀ (ਆਪ) ਨੇ ਪੰਜਾਬ ‘ਚ ਜ਼ਿਲ੍ਹਾ ਪ੍ਰੀਸ਼ਦ ਤੇ ਪੰਚਾਇਤ ਸੰਮਤੀ ਚੋਣਾਂ ‘ਚ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਭਾਰੀ ਜਿੱਤ ਨਾਲ, ਆਪ ਇਨ੍ਹਾਂ ਚੋਣਾਂ ‘ਚ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉੱਭਰੀ ਹੈ। ਕਾਂਗਰਸ ਨੇ ਨਤੀਜਿਆਂ ‘ਤੇ ਸਵਾਲ ਉਠਾਏ ਹਨ। ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ‘ਆਪ’ ਦੀ ਜਿੱਤ ਨੂੰ ਚੋਰੀ ਕੀਤਾ ਫਤਵਾ ਦੱਸਿਆ। ‘ਆਪ’ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਪਲਟਵਾਰ ਕੀਤਾ। ਉਨ੍ਹਾਂ ਵੀਰਵਾਰ ਨੂੰ ਕਿਹਾ ਕਿ ਸੂਬੇ ਨੇ ਸਾਫ਼-ਸੁਥਰੇ ਤੇ ਨਿਰਪੱਖ ਚੋਣਾਂ ਕਰਵਾਈਆਂ ਹਨ। ਕਾਂਗਰਸ ਨੇ ਕਈ ਥਾਵਾਂ ‘ਤੇ 3 ਜਾਂ 5 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ। ਜੇ ਅਸੀਂ ਚਾਹੁੰਦੇ ਹੁੰਦੇ, ਤਾਂ ਅਸੀਂ ਐਸਡੀਐਮ ਨੂੰ ਬੁਲਾ ਕੇ ਬਾਜ਼ੀ ਪਲਟ ਸਕਦੇ ਸੀ। ਸਾਫ਼-ਸੁਥਰੇ ਤੇ ਨਿਰਪੱਖ ਚੋਣਾਂ ਦਾ ਇਸ ਤੋਂ ਵਧੀਆ ਸਬੂਤ ਕੀ ਹੋ ਸਕਦਾ ਹੈ?

ਸੌਣ ਦੇ ਅੰਨ੍ਹੇ ਨੂੰ ਸਭ ਕੁੱਝ ਹਰਾ-ਹਰਾ ਹੀ ਦਿਖਦਾ- ਸੀਐਮ ਮਾਨ

ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਮੇਰੀ ਧੂਰੀ ਹਲਕੇ ਤੋਂ ਬਲਾਕ ਸੰਮਤੀ ਸੀਟ ਧੂਰਾ ਤੋਂ 9 ਵੋਟਾਂ ਤੋਂ ਕਾਂਗਰਸ ਜਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਈ ਜਗ੍ਹਾ ‘ਤੇ ਕਾਂਗਰਸ 9, 10, 13, 30, 92 ‘ਤੇ ਇਸ ਤਰ੍ਹਾਂ ਕਈ ਇਲਾਕਿਆਂ ‘ਚ ਕਾਂਗਰਸ ਜਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਵਿਰੋਧੀਆਂ ਵੱਲੋਂ ਬੈਲੇਟ ਪੇਪਰ ਤੇ ਉਸ ‘ਤੇ ਸਿਆਹੀ ਡੋਲਣ ਵਰਗੇ ਇਲਜ਼ਾਮ ਲਗਾਏ ਗਏ। ਸਭ ਤੋਂ ਵੱਧ ਇਲਜ਼ਾਮ ਚਰਨਜੀਤ ਸਿੰਘ ਚੰਨੀ ਨੇ ਲਗਾਏ। ਸੌਣ ਦੇ ਅੰਨ੍ਹੇ ਨੂੰ ਸਭ ਕੁੱਝ ਹਰਾ-ਹਰਾ ਹੀ ਨਜ਼ਰ ਆਉਂਦਾ ਹੈ, ਅਸਲ ‘ਚ ਇਹ ਸਭ ਕੁੱਝ ਕਰ ਚੁੱਕੇ ਹਨ। ਇਹ ਪਹਿਲਾਂ ਚੋਣਾਂ ‘ਚ ਧਾਂਦਲੀ ਕਰ ਚੁੱਕੀ ਹੈ, ਇਸ ਲਈ ਉਨ੍ਹਾਂ ਨੂੰ ਅਜਿਹਾ ਲੱਗਦਾ ਹੈ। ਇਹ ਪਹਿਲਾਂ ਬਾਹਰੋਂ ਹੀ ਕਹਿ ਦਿੰਦੇ ਸਨ ਕਿ 20 ਦੀਆਂ 20 ਸੀਟਾਂ ਜਿੱਤ ਲਈਆਂ ਹਨ ਤੇ ਕਹਿੰਦੇ ਸਨ ਕਿ ਹੁਣ ਘਰੇ ਜਾਓ। ਇਸ ਵਾਰ ਪਹਿਲੀ ਵਾਰ ਵੀਡੀਓਗ੍ਰਾਫੀ ਹੋਈ।

‘ਮਸ਼ੀਨਰੀ ਦੀ ਦੁਰਵਰਤੋਂ ਕੀਤੀ ਹੁੰਦੀ ਤਾਂ ਅਸੀਂ ਵਿਰੋਧੀ ਧਿਰ ਦੀਆਂ ਸੀਟਾਂ ਵੀ ਜਿੱਤ ਲੈਂਦੇ‘

ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਪੰਜਾਬ ‘ਚ ਸੱਤਾ ਪੱਖੀ ਭਾਵਨਾ ਹੈ। ਪੰਜਾਬ ਦੇ ਲੋਕ ਮੁੱਖ ਮੰਤਰੀ ਮਾਨ ਦੇ ਕੰਮ ਤੋਂ ਖੁਸ਼ ਹਨ। ਸੂਬਾ ਸਰਕਾਰ ਚੰਗਾ ਕੰਮ ਕਰ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਨਤਾ ਨੇ ਮਾਨ ਸਰਕਾਰ ਦੇ ਕੰਮ ਨੂੰ ਮਨਜ਼ੂਰੀ ਦਿੱਤੀ ਹੈ। ਕੋਈ ਵੀ ਨਤੀਜਿਆਂ ‘ਤੇ ਸਵਾਲ ਨਹੀਂ ਉਠਾ ਸਕਦਾ। ਚੋਣਾਂ ਸਾਫ਼ ਤੇ ਨਿਰਪੱਖ ਹੋਈਆਂ ਤੇ ਵੀਡੀਓਗ੍ਰਾਫੀ ਕੀਤੀ ਗਈ।”

‘ਆਪ’ ਕਨਵੀਨਰ ਨੇ ਕਿਹਾ ਕਿ 580 ਸੀਟਾਂ ‘ਤੇ 100 ਤੋਂ ਘੱਟ ਵੋਟਾਂ ਨਾਲ ਜਿੱਤ ਹੋਈ। ਇਨ੍ਹਾਂ ‘ਚੋਂ ‘ਆਪ’ ਨੇ 261 ਸੀਟਾਂ ਜਿੱਤੀਆਂ ਤੇ ਵਿਰੋਧੀ ਧਿਰ ਨੇ 319 ਸੀਟਾਂ ਜਿੱਤੀਆਂ। ਜੇਕਰ ਅਸੀਂ ਮਸ਼ੀਨਰੀ ਦੀ ਦੁਰਵਰਤੋਂ ਕੀਤੀ ਹੁੰਦੀ ਤਾਂ ਅਸੀਂ ਵਿਰੋਧੀ ਧਿਰ ਦੀਆਂ ਸੀਟਾਂ ਵੀ ਜਿੱਤ ਲੈਂਦੇ। ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਕਾਂਗਰਸ ਨੇ ਸਿਰਫ਼ 5 ਵੋਟਾਂ ਨਾਲ ਇੱਕ ਸੀਟ ਜਿੱਤੀ। ਸਾਫ਼-ਸੁਥਰੀ ਤੇ ਨਿਰਪੱਖ ਚੋਣਾਂ ਦਾ ਇਸ ਤੋਂ ਵਧੀਆ ਸਬੂਤ ਕੀ ਹੋ ਸਕਦਾ ਹੈ? ਕਈ ਸੀਟਾਂ ‘ਤੇ, ਕਾਂਗਰਸ 3 ਜਾਂ 4 ਵੋਟਾਂ ਦੇ ਫਰਕ ਨਾਲ ਜਿੱਤੀ। ਐਸਡੀਐਮ ਨੂੰ ਇੱਕ ਹੀ ਫ਼ੋਨ ਕਰਨ ਦੀ ਲੋੜ ਸੀ। ਸੱਤਾਧਾਰੀ ਪਾਰਟੀ ਲਈ 1 ਜਾਂ 5 ਵੋਟਾਂ ਵੀ ਆਪਣੇ ਪਾਸੇ ਕਰਨਾ ਕੋਈ ਔਖਾ ਕੰਮ ਨਹੀਂ ਹੈ।

ਕਾਂਗਰਸ ਨੇ ਨਤੀਜਿਆਂ ਬਾਰੇ ਕੀ ਕਿਹਾ?

ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ‘ਆਪ’ ਦੀ ਭਾਰੀ ਜਿੱਤ ਨੂੰ ਚੋਰੀ ਕੀਤਾ ਫਤਵਾ ਕਿਹਾ। ਉਨ੍ਹਾਂ ਕਿਹਾ ਕਿ ‘ਆਪ’ ਪੰਜਾਬ ਦੇ ਫਤਵੇ ‘ਚ ਚੋਰੀ ਹੋਈ ਜਿੱਤ ਦਾ ਆਨੰਦ ਮਾਣ ਰਹੀ ਹੋ ਸਕਦੀ ਹੈ, ਪਰ ਇਹ ਬਿਲਕੁਲ ਜਾਣਦੀ ਹੈ ਕਿ ਇਹ ਕਿੱਥੇ ਖੜ੍ਹੀ ਹੈ। ਅਸੀਂ ਜਾਣਦੇ ਹਾਂ। ਉਹ ਜਾਣਦੇ ਹਨ। ਪੰਜਾਬ ਦੇ ਲੋਕ ਜਾਣਦੇ ਹਨ। ਉਨ੍ਹਾਂ ਨੇ ਭਾਰੀ ਜਿੱਤ ਨਹੀਂ ਜਿੱਤੀ, ਉਨ੍ਹਾਂ ਨੇ ਚੋਣ ਚੋਰੀ ਕਰ ਲਈ।

48% ਵੋਟਰਾਂ ਨੇ ਵੋਟ ਪਾਈ

ਪੰਜਾਬ ‘ਚ 14 ਦਸੰਬਰ ਨੂੰ ਜ਼ਿਲ੍ਹਾ ਪ੍ਰੀਸ਼ਦ ਤੇ ਬਲਾਕ ਸੰਮਤੀ ਦੀਆਂ ਚੋਣਾਂ ‘ਚ 48% ਵੋਟ ਹੋਈ। 347 ਜ਼ਿਲ੍ਹਾਂ ਪ੍ਰੀਸ਼ਦ ਤੇ 2,838 ਬਲਾਕ ਸੰਮਤੀ ਚੁਣਨ ਲਈ ਵੋਟਰਾਂ ਨੇ ਆਪਣੇ ਹੱਕ ਦਾ ਅਧਿਕਾਰ ਕੀਤਾ। ਇਨ੍ਹਾਂ ਚੋਣਾਂ ਨੇ 9,000 ਤੋਂ ਵੱਧ ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਕੀਤਾ। ਆਮ ਆਦਮੀ ਪਾਰਟੀ (ਆਪ), ਕਾਂਗਰਸ, ਸ਼੍ਰੋਮਣੀ ਅਕਾਲੀ ਦਲ ਤੇ ਭਾਜਪਾ ਸਮੇਤ ਸਾਰੀਆਂ ਪ੍ਰਮੁੱਖ ਰਾਜਨੀਤਿਕ ਪਾਰਟੀਆਂ ਦੇ ਉਮੀਦਵਾਰਾਂ ਨੇ ਜ਼ਿਲ੍ਹਾ ਪ੍ਰੀਸ਼ਦ ਤੇ ਪੰਚਾਇਤ ਸੰਮਤੀ ਚੋਣਾਂ ਪਾਰਟੀ ਦੇ ਚਿੰਨ੍ਹਾਂ ‘ਤੇ ਲੜੀਆਂ।