ਕਾਂਗਰਸ ‘ਚ ਟਿਕਟਾਂ ਨੂੰ ਲੈ ਕੇ ਖਿੱਚੋਤਾਣ… ਰਾਹੁਲ ਦੀ ਵੀਡੀਓ ਸ਼ੇਅਰ ਕਰ ਵੜਿੰਗ ਦਾ ਰੰਧਾਵਾ ਨੂੰ ਜਵਾਬ
ਰਾਜਾ ਵੜਿੰਗ ਨੇ ਰਾਹੁਲ ਗਾਂਧੀ ਦੀ ਇੱਕ ਵੀਡੀਓ ਸਾਂਝੀ ਕਰਦਿਆਂ ਲਿਖਿਆ ਕਿ ਉਹ ਹਮੇਸ਼ਾ ਆਪਣੇ ਨੇਤਾ ਦੀ ਪਾਲਣਾ ਕਰਨਗੇ ਤੇ ਉਨ੍ਹਾਂ ਦੇ ਨਾਲ ਖੜ੍ਹੇ ਰਹਿਣਗੇ। ਵੀਡੀਓ 'ਚ ਰਾਹੁਲ ਗਾਂਧੀ ਇੱਕ ਪਰਿਵਾਰ, ਇੱਕ ਟਿਕਟ ਬਾਰੇ ਗੱਲ ਕਰਦੇ ਨਜ਼ਰ ਆ ਰਹੇ ਹਨ।
ਪੰਜਾਬ ਕਾਂਗਰਸ ‘ਚ ਪਹਿਲਾਂ ਹੀ ਧੜੇਬੰਦੀ ਨੂੰ ਲੈ ਕੇ ਕਲੇਸ਼ ਖ਼ਤਮ ਨਹੀਂ ਹੋ ਰਿਹਾ। ਹੁਣ, ਇਸੇ ਕਲੇਸ਼ ਵਿਚਕਾਰ ਟਿਕਟਾਂ ਦੀ ਵੰਡ ਨੂੰ ਲੈ ਕੇ ਅੰਦਰੂਨੀ ਖਿੱਚੋਤਾਣ ਤੇਜ਼ ਹੁੰਦੀ ਨਜ਼ਰ ਆ ਰਹੀ ਹੈ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵੱਲੋਂ ਇੱਕ ਪਰਿਵਾਰ ਨੂੰ ਇੱਕ ਟਿਕਟ ਦੇਣ ਦੀ ਗੱਲ ਕਰਨ ਤੋਂ ਬਾਅਦ ਗੁਰਦਾਸਪੁਰ ਤੋਂ ਸੰਸਦ ਮੈਂਬਰ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਜਵਾਬ ਦਿੱਤਾ ਸੀ। ਰੰਧਾਵਾ ਦੇ ਬਿਆਨ ਤੋਂ ਬਾਅਦ ਹੁਣ ਰਾਜਾ ਵੜਿੰਗ ਨੇ ਰਾਹੁਲ ਗਾਂਧੀ ਦੀ ਇੱਕ ਵੀਡੀਓ ਸਾਂਝੀ ਕਰਦਿਆਂ ਆਪਣਾ ਪੱਖ ਰੱਖਿਆ ਹੈ।
ਰਾਜਾ ਵੜਿੰਗ ਨੇ ਰਾਹੁਲ ਗਾਂਧੀ ਦੀ ਇੱਕ ਵੀਡੀਓ ਸਾਂਝੀ ਕਰਦਿਆਂ ਲਿਖਿਆ ਕਿ ਉਹ ਹਮੇਸ਼ਾ ਆਪਣੇ ਨੇਤਾ ਦੀ ਪਾਲਣਾ ਕਰਨਗੇ ਤੇ ਉਨ੍ਹਾਂ ਦੇ ਨਾਲ ਖੜ੍ਹੇ ਰਹਿਣਗੇ। ਵੀਡੀਓ ‘ਚ ਰਾਹੁਲ ਗਾਂਧੀ ਇੱਕ ਪਰਿਵਾਰ, ਇੱਕ ਟਿਕਟ ਬਾਰੇ ਗੱਲ ਕਰਦੇ ਨਜ਼ਰ ਆ ਰਹੇ ਹਨ।
ਜਿੱਤਣ ਦਾ ਦਮ ਹੋਵੇ ਤਾਂ ਦੋ ਨਹੀਂ, ਚਾਰ ਟਿਕਟਾਂ ਵੀ ਲੈਣ…
ਇਹ ਵਿਵਾਦ ਉਸ ਸਮੇਂ ਵਧਿਆ ਸੀ, ਜਦੋਂ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਇੱਕ ਪ੍ਰੋਗਰਾਮ ਦੌਰਾਨ ਕਿਹਾ ਕਿ ਜਿਹੜੇ ਲੋਕ ਇਹ ਕਹਿੰਦੇ ਹਨ ਕਿ ਦੋ ਟਿਕਟਾਂ ਨਹੀਂ ਦਿੱਤੀਆਂ ਜਾਣਗੀਆਂ, ਜੇਕਰ ਜਿੱਤਣ ਦਾ ਦਮ ਹੋਵੇ ਤਾਂ ਉਹ ਦੋ ਨਹੀਂ ਸਗੋਂ ਚਾਰ ਟਿਕਟਾਂ ਲੈ ਕੇ ਕਾਂਗਰਸ ਨੂੰ ਜਿਤਾ ਕੇ ਲਿਆਉਣਗੇ। ਰੰਧਾਵਾ ਦਾ ਇਹ ਬਿਆਨ ਹੁਣ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਪੰਜਾਬ ਕਾਂਗਰਸ ‘ਚ ਚੱਲ ਰਹੀ ਅੰਦਰੂਨੀ ਖਿੱਚੋਤਾਣ ਹੁਣ ਹੋਰ ਵਧਦੀ ਨਜ਼ਰ ਆ ਰਹੀ ਹੈ।
Ticket War in Punjab Congress!
Randhawa hits back at Raja Warring: Those who say won’t give 2 tickets to one family, if one has capability to win we will even get 4 tickets and ensure win for the party. Rajasthan Congress Incharge & MP Sukhjinder Singh Randhawa responds to pic.twitter.com/JiUYAzZA33 — Dinesh Sharma (@sdineshaa) August 15, 2026ਇਹ ਵੀ ਪੜ੍ਹੋ
ਰਾਜਾ ਵੜਿੰਗ ਨੇ ਟਿਕਟਾਂ ਬਾਰੇ ਕੀ ਕਿਹਾ ਸੀ?
ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਰਾਜਾ ਵੜਿੰਗ ਨੇ ਕਿਹਾ ਕਿ ਸੀ ਇੱਕ ਪਰਿਵਾਰ ਨੂੰ ਇੱਕ ਹੀ ਟਿਕਰ ਮਿਲਣੀ ਹੈ। ਉਨ੍ਹਾਂ ਨੇ ਦਲ ਬਦਲਣ ਵਾਲੇ ਆਗੂਆਂ ਨੂੰ ਵੀ ਚੇਤਾਵਨੀ ਦਿੱਤੀ ਸੀ ਕਿ । ਉਨ੍ਹਾਂ ਰਾਹੁਲ ਗਾਂਧੀ ਦੇ ਨਿਰਦੇਸ਼ਾਂ ਬਾਰੇ ਗੱਲ ਕਰਦੇ ਹੋਏ ਕਿਹਾ ਸੀ ਕਿ ਕਿਸੇ ਨੂੰ ਦੋ ਟਿਕਟਾਂ ਨਹੀਂ ਦੇਣੀਆਂ ਹਨ। ਇਸ ਦੇ ਨਾਲ ਵੜਿੰਗ ਨੇ ਦਲ ਬਦਲਣ ਵਾਲੇ ਆਗੂਆਂ ਨੂੰ ਵੀ ਚੇਤਾਵਨੀ ਦਿੱਤੀ ਸੀ। ਉਨ੍ਹਾਂ ਕਿਹਾ, “ਟਿਕਟਾਂ ਰਾਹੁਲ ਗਾਂਧੀ ਨੇ ਦੇਣੀਆਂ ਹਨ ਤੇ ਮੈਂ ਵਕਾਲਤ ਕਰਨੀ ਹੈ ਕਿ ਤੂੰ 2 ਟਿਕਟਾਂ ਭਾਲਦਾ ਹੈ, ਪਹਿਲਾਂ ਤੂੰ ਭਾਜਪਾ ਨਾਲ ਰਲਿਆ ਸੀ, ਹੋ ਸਕਦਾ ਹੈ ਕਿ ਇੱਕ ਟਿੱਕਟ ਵੀ ਨਾ ਦੇਵਾਂ। “
ਰਾਜਾ ਵੜਿੰਗ ਨੇ ਇਹ ਵੀ ਕਿਹਾ ਸੀ ਕਿ ਪਾਰਟੀ ਹੁਣ ਇੱਕ ਪਰਿਵਾਰ, ਇੱਕ ਟਿਕਟ’ ‘ਤੇ ਕੰਮ ਕਰੇਗੀ। ਉਨ੍ਹਾਂ ਨੇ ਕਿਹਾ ਸੀ ਕਿ ਇਹ ਨਹੀਂ ਹੋਵੇਗਾ ਇੱਕੋ ਪਰਿਵਾਰ ‘ਚੋਂ ਪਿਤਾ ਤੇ ਪੁੱਤਰ ਦੋਵਾਂ ਨੂੰ ਟਿਕਟ ਦਿੱਤੀ ਜਾਵੇ।
Punjab Congress chief Raja Warring announced that only one member from a family will be given a party ticket, saying several senior leaders are unhappy with him over the decision. “Don’t ordinary workers also aspire to become MLAs?” Interestingly, Warring made the statement in https://t.co/ju38iqHqoh pic.twitter.com/Fcavmgddip
— Akashdeep Thind (@thind_akashdeep) August 4, 2026