ਪਾਕਿਸਤਾਨ ‘ਚ ਹੋ ਰਿਹਾ ਸੀ ਫੌਜੀ ਗਤੀਵਿਧੀ ਦਾ ਸਿੱਧਾ ਪ੍ਰਸਾਰਣ, ਜਲੰਧਰ ਕਾਊਂਟਰ-ਇੰਟੈਲੀਜੈਂਸ ਨੇ ਜਾਸੂਸ “ਸੁੱਖਾ” ਕੀਤਾ ਕਾਬੂ
ਜਾਂਚ 'ਚ ਹੈਰਾਨ ਕਰਨ ਵਾਲੇ ਤੱਥ ਸਾਹਮਣੇ ਆਏ ਹਨ, ਜਿਸ 'ਚ ਪਤਾ ਚਲਿਆ ਹੈ ਕਿ ਸਰਹੱਦੀ ਖੇਤਰ 'ਚ ਸੀਸੀਟੀਵੀ ਕੈਮਰਿਆਂ ਰਾਹੀਂ ਲਾਈਵ ਫੁਟੇਜ ਦੀ ਨਿਗਰਾਨੀ ਪਾਕਿਸਤਾਨ 'ਚ ਸਥਿਤ ਹੈਂਡਲਰ ਮੋਬਾਈਲ ਐਪਲੀਕੇਸ਼ਨਾਂ ਰਾਹੀਂ ਕਰ ਰਹੇ ਸਨ। ਅਧਿਕਾਰੀਆਂ ਨੇ ਸੀਸੀਟੀਵੀ ਕੈਮਰੇ, ਸੋਲਰ ਪੈਨਲ ਤੇ ਸਿਮ ਕਾਰਡ ਬਰਾਮਦ ਕੀਤੇ ਹਨ ਤੇ ਮਾਮਲੇ ਦੇ ਸਬੰਧ 'ਚ ਇੱਕ ਮੁਲਜ਼ਮ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ।
ਜਲੰਧਰ ‘ਚ ਕਾਊਂਟਰ-ਇੰਟੈਲੀਜੈਂਸ ਵਿੰਗ ਨੇ ਇੱਕ ਵੱਡੀ ਸਫਲਤਾ ਹਾਸਲ ਕੀਤੀ ਹੈ। ਜਲੰਧਰ ਕਾਊਂਟਰ-ਇੰਟੈਲੀਜੈਂਸ ਨੇ ਸਰਹੱਦ ਪਾਰੋਂ ਫੌਜ ਦੀਆਂ ਗਤੀਵਿਧੀਆਂ ਦੀ ਨਿਗਰਾਨੀ ਲਈ ਦੇਸ਼ ਵਿਰੋਧੀ ਤੱਤਾਂ ਦੁਆਰਾ ਵਰਤੇ ਜਾ ਰਹੇ ਵੱਖ-ਵੱਖ ਚਾਲਾਂ ਦਾ ਪਰਦਾਫਾਸ਼ ਕੀਤਾ ਹੈ। ਪੰਜਾਬ ਪੁਲਿਸ ਦੀ ਕਾਊਂਟਰ-ਇੰਟੈਲੀਜੈਂਸ ਯੂਨਿਟ ਨੇ ਫੌਜ ਦੇ ਖੇਤਰਾਂ ‘ਚ ਸੀਸੀਟੀਵੀ ਕੈਮਰੇ ਲਗਾਉਣ ‘ਚ ਸ਼ਾਮਲ ਇੱਕ ਜਾਸੂਸੀ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ।
ਜਾਂਚ ‘ਚ ਹੈਰਾਨ ਕਰਨ ਵਾਲੇ ਤੱਥ ਸਾਹਮਣੇ ਆਏ ਹਨ, ਜਿਸ ‘ਚ ਪਤਾ ਚਲਿਆ ਹੈ ਕਿ ਸਰਹੱਦੀ ਖੇਤਰ ‘ਚ ਸੀਸੀਟੀਵੀ ਕੈਮਰਿਆਂ ਰਾਹੀਂ ਲਾਈਵ ਫੁਟੇਜ ਦੀ ਨਿਗਰਾਨੀ ਪਾਕਿਸਤਾਨ ‘ਚ ਸਥਿਤ ਹੈਂਡਲਰ ਮੋਬਾਈਲ ਐਪਲੀਕੇਸ਼ਨਾਂ ਰਾਹੀਂ ਕਰ ਰਹੇ ਸਨ। ਅਧਿਕਾਰੀਆਂ ਨੇ ਸੀਸੀਟੀਵੀ ਕੈਮਰੇ, ਸੋਲਰ ਪੈਨਲ ਤੇ ਸਿਮ ਕਾਰਡ ਬਰਾਮਦ ਕੀਤੇ ਹਨ ਤੇ ਮਾਮਲੇ ਦੇ ਸਬੰਧ ‘ਚ ਇੱਕ ਮੁਲਜ਼ਮ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਇੱਕ ਮਹੱਤਵਪੂਰਨ ਜਾਣਕਾਰੀ ਇਹ ਵੀ ਹੈ ਕਿ ਜ਼ਬਤ ਕੀਤੇ ਗਏ ਸੀਸੀਟੀਵੀ ਕੈਮਰੇ ਤੇ ਹੋਰ ਉਪਕਰਣ ਚੀਨ ਨਿਰਮਿਤ ਹਨ।
ਜਾਸੂਸੀ ਨੈੱਟਵਰਕ ਦਾ ਭੰਡਾਫੋੜ
ਪੰਜਾਬ ਦੇ ਡੀਜੀਪੀ ਗੌਰਵ ਯਾਦਵ ਨੇ ‘ਐਕਸ’ ‘ਤੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਜਲੰਧਰ ਕਾਊਂਟਰ-ਇੰਟੈਲੀਜੈਂਸ ਨੂੰ ਖੁਫੀਆ ਜਾਣਕਾਰੀ ਮਿਲੀ ਸੀ ਕਿ ਸਰਹੱਦੀ ਖੇਤਰ ‘ਚ ਫੌਜ ਦੀਆਂ ਗਤੀਵਿਧੀਆਂ ਬਾਰੇ ਜਾਣਕਾਰੀ ਸਰਹੱਦ ਪਾਰ ਤੋਂ ਪ੍ਰਸਾਰਿਤ ਕੀਤੀ ਜਾ ਰਹੀ ਹੈ। ਇਸ ਖੁਫੀਆ ਜਾਣਕਾਰੀ ‘ਤੇ ਕਾਰਵਾਈ ਕਰਦੇ ਹੋਏ, ਏਆਈਜੀ ਨਵਜੋਤ ਮਾਹਲ ਨੇ ਇਸ ਸੰਵੇਦਨਸ਼ੀਲ ਮਾਮਲੇ ਦੀ ਇੱਕ ਯੋਜਨਾਬੱਧ ਤੇ ਵਿਗਿਆਨਕ ਜਾਂਚ ਸ਼ੁਰੂ ਕੀਤੀ। ਡੀਜੀਪੀ ਗੌਰਵ ਯਾਦਵ ਨੇ ਦੱਸਿਆ ਕਿ ਕਾਊਂਟਰ-ਇੰਟੈਲੀਜੈਂਸ ਟੀਮ ਨੇ ਆਈਐਸਆਈ-ਸਮਰਥਿਤ ਇੱਕ ਜਾਸੂਸੀ ਨੈੱਟਵਰਕ ਦਾ ਭੰਡਾਫੋੜ ਕਰ ਦਿੱਤਾ ਹੈ।
ਇਹ ਨੈੱਟਵਰਕ ਪਾਕਿਸਤਾਨ ‘ਚ ਸਥਿਤ ਹੈਂਡਲਰਾਂ ਨੂੰ ਲਾਈਵ ਫੀਡ ਪ੍ਰਸਾਰਿਤ ਕਰਨ ਲਈ ਚੀਨ ‘ਚ ਨਿਰਮਤ ਸੋਲਰ ਪਾਵਰਡ (ਸੂਰਜ ਊਰਜਾ ਨਾਲ ਚੱਲਣ ਵਾਲੇ) ਸੀਸੀਟੀਵੀ ਕੈਮਰਿਆਂ ਦੀ ਵਰਤੋਂ ਕਰ ਰਿਹਾ ਸੀ। ਇਸ ਗਿਰੋਹ ਦੇ ਇੱਕ ਮੁੱਖ ਮੈਂਬਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਅਧਿਕਾਰੀਆਂ ਨੇ ਮੁਲਜ਼ਮ ਤੋਂ ਇੱਕ ਸੀਸੀਟੀਵੀ ਕੈਮਰਾ, ਇੱਕ USB ਡਰਾਈਵ, ਇੱਕ ਸੋਲਰ ਪੈਨਲ, ਇੱਕ ਸਿਮ ਕਾਰਡ ਤੇ ਹੋਰ ਉਪਕਰਣ ਬਰਾਮਦ ਕੀਤੇ ਹਨ।
In a major breakthrough, Counter Intelligence Jalandhar busts an ISI-backed #Espionage ring, apprehends key operative Sukhwinder Singh @ Sukha of Ferozepur, and recovers China-made solar CCTV equipment with 4G connectivity from #Kapurthala.
Preliminary investigation reveals that pic.twitter.com/iaut6e8eCH — DGP Punjab Police (@DGPPunjabPolice) April 30, 2026ਇਹ ਵੀ ਪੜ੍ਹੋ
ਸੁਖਵਿੰਦਰ ਸਿੰਘ ਉਰਫ਼ ਸੁੱਖਾ ਗ੍ਰਿਫ਼ਤਾਰ
ਡੀਜੀਪੀ ਗੌਰਵ ਯਾਦਵ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਮੁਲਜ਼ਮ ਦੀ ਪਛਾਣ ਸੁਖਵਿੰਦਰ ਸਿੰਘ ਉਰਫ਼ ਸੁੱਖਾ ਵਜੋਂ ਹੋਈ ਹੈ, ਜੋ ਕਿ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਸਹਾਨਕੇ ਦਾ ਰਹਿਣ ਵਾਲਾ ਬਲਕਾਰ ਸਿੰਘ ਦਾ ਪੁੱਤਰ ਹੈ। ਡੀਜੀਪੀ ਨੇ ਖੁਲਾਸਾ ਕੀਤਾ ਕਿ ਮੁੱਢਲੀ ਜਾਂਚ ਤੋਂ ਪਤਾ ਚੱਲਿਆ ਹੈ ਕਿ ਸੁਖਵਿੰਦਰ ਸਿੰਘ, ਆਪਣੇ ਸਾਥੀਆਂ ਸੋਨਾ ਸਿੰਘ ਉਰਫ ਸੋਨੂੰ (ਬਲਕਾਰ ਸਿੰਘ ਦਾ ਪੁੱਤਰ) ਤੇ ਕਰਨ ਸਿੰਘ ਉਰਫ ਅਰਥ (ਰਾਜ ਸਿੰਘ ਦਾ ਪੁੱਤਰ), ਦੋਵੇਂ ਫਿਰੋਜ਼ਪੁਰ ਦੇ ਸਹਾਨਕੇ ਪਿੰਡ ਦੇ ਵਸਨੀਕਾਂ, ਨੇ ਫੌਜ ਖੇਤਰ ਦੇ ਅੰਦਰ ਸੰਵੇਦਨਸ਼ੀਲ ਥਾਵਾਂ ‘ਤੇ ਸੂਰਜੀ ਊਰਜਾ ਨਾਲ ਚੱਲਣ ਵਾਲੇ ਸੀਸੀਟੀਵੀ ਕੈਮਰੇ ਲਗਾਏ ਸਨ। ਇਨ੍ਹਾਂ ਸੀਸੀਟੀਵੀ ਕੈਮਰਿਆਂ ਦੁਆਰਾ ਰਿਕਾਰਡ ਕੀਤੀਆਂ ਸਾਰੀਆਂ ਗਤੀਵਿਧੀਆਂ ਦੀ ਪਾਕਿਸਤਾਨ ‘ਚ ਲਾਈਵ ਨਿਗਰਾਨੀ ਕੀਤੀ ਜਾ ਰਹੀ ਸੀ। ਇਸ ਉਦੇਸ਼ ਲਈ ਇੱਕ ਵਿਸ਼ੇਸ਼ ਮੋਬਾਈਲ ਐਪਲੀਕੇਸ਼ਨ ਦੀ ਵਰਤੋਂ ਕੀਤੀ ਜਾ ਰਹੀ ਸੀ।
ਡੀਜੀਪੀ ਨੇ ਅੱਗੇ ਦੱਸਿਆ ਕਿ ਜਦੋਂ ਮੁਲਜ਼ਮਾਂ ਨੇ ਸੀਸੀਟੀਵੀ ਕੈਮਰੇ ਤੇ ਡਿਵਾਈਸ ਲਗਾਏ ਸਨ, ਉਨ੍ਹਾਂ ਨੇ ਮੋਬਾਈਲ ਐਪਲੀਕੇਸ਼ਨ ਰਾਹੀਂ ਸਰਹੱਦ ਪਾਰ ਦੇ ਹੈਂਡਲਰਾਂ ਨੂੰ ਫੁਟੇਜ ਤੱਕ ਰੀਅਲ-ਟਾਈਮ ਰਿਮੋਟ ਐਕਸੈਸ ਵੀ ਪ੍ਰਦਾਨ ਕੀਤੀ ਸੀ। ਇਸ ਸਮੇਂ ਇਹ ਪਤਾ ਲਗਾਉਣ ਲਈ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਕਿ ਮੁਲਜ਼ਮਾਂ ਨੇ ਆਪਣੇ ਸਰਹੱਦ ਪਾਰ ਸਬੰਧ ਕਿਵੇਂ ਸਥਾਪਿਤ ਕੀਤੇ ਤੇ ਇਸ ਜਾਸੂਸੀ ਗਿਰੋਹ ‘ਚ ਹੋਰ ਕਿੰਨੇ ਵਿਅਕਤੀ ਸ਼ਾਮਲ ਹਨ। ਡੀਜੀਪੀ ਨੇ ਅੱਗੇ ਕਿਹਾ ਕਿ, ਇਸ ਜਾਸੂਸੀ ਗਿਰੋਹ ਨੂੰ ਖਤਮ ਕਰਨ ਦੇ ਸਬੰਧ ‘ਚ, ਬੀਐਨਐਸ ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਸਟੇਟ ਸਪੈਸ਼ਲ ਆਪ੍ਰੇਸ਼ਨ ਸੈੱਲ, ਅੰਮ੍ਰਿਤਸਰ ਵਿਖੇ ਇੱਕ ਕੇਸ ਦਰਜ ਕੀਤਾ ਗਿਆ ਹੈ।
