ਨਵਜੋਤ ਸਿੰਘ ਸਿੱਧੂ ਗੁੱਲੀ-ਡੰਡਾ ਖੇਡਦੇ ਆਏ ਨਜ਼ਰ, ਬੋਲੇ- ਬਚਪਨ ਦੇ ਦਿਨ ਭੁੱਲ ਨਾ ਜਾਣਾ
ਵੀਡੀਓ 'ਚ ਸਿੱਧੂ ਆਪਣੇ ਬਚਪਨ ਦੀਆਂ ਯਾਦਾਂ 'ਚ ਖੋਏ ਹੋਏ ਦਿਖਾਈ ਦੇ ਰਹੇ ਹਨ। ਇਸ ਵੀਡੀਓ ਵਿੱਚ ਉਹ ਗਲੀ-ਮੋਹੱਲੇ 'ਚ ਖੇਡਿਆ ਜਾਣ ਵਾਲਾ ਪੁਰਾਣਾ ਖੇਡ ਗੁੱਲੀ-ਡੰਡਾ ਖੇਡਦੇ ਨਜ਼ਰ ਆ ਰਹੇ ਹਨ। ਵੀਡੀਓ ਦੇ ਨਾਲ ਉਹਨਾਂ ਨੇ ਕੈਪਸ਼ਨ ਲਿਖਿਆ- ਬਚਪਨ ਦੇ ਦਿਨ ਭੁੱਲ ਨਾ ਜਾਣਾ।"
ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਖਿਡਾਰੀ ਤੇ ਪੰਜਾਬ ਦੀ ਰਾਜਨੀਤੀ ਦਾ ਪ੍ਰਸਿੱਧ ਚਿਹਰਾ ਨਵਜੋਤ ਸਿੰਘ ਸਿੱਧੂ ਇੱਕ ਵਾਰ ਫਿਰ ਸੋਸ਼ਲ ਮੀਡੀਆ ਤੇ ਛਾਏ ਹੋਏ ਹਨ। ਹਾਲਾਂਕਿ ਇਸ ਵਾਰ ਨਾਂ ਉਹ ਕਿਸੇ ਸਿਆਸੀ ਬਿਆਨ ਕਰਕੇ ਚਰਚਾ ‘ਚ ਹਨ ਅਤੇ ਨਾ ਹੀ ਆਪਣੀ ਮਸ਼ਹੂਰ ਸ਼ਾਇਰੀ ਕਰਕੇ, ਸਗੋਂ ਉਹਨਾਂ ਦਾ ਸਾਦਾ ਤੇ ਦੇਸੀ ਅੰਦਾਜ਼ ਲੋਕਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ।
ਹਾਲ ਹੀ ‘ਚ ਸਾਹਮਣੇ ਆਈ ਇੱਕ ਵੀਡੀਓ ‘ਚ ਸਿੱਧੂ ਆਪਣੇ ਬਚਪਨ ਦੀਆਂ ਯਾਦਾਂ ‘ਚ ਖੋਏ ਹੋਏ ਦਿਖਾਈ ਦੇ ਰਹੇ ਹਨ। ਇਸ ਵੀਡੀਓ ਵਿੱਚ ਉਹ ਗਲੀ-ਮੋਹੱਲੇ ‘ਚ ਖੇਡਿਆ ਜਾਣ ਵਾਲਾ ਪੁਰਾਣਾ ਖੇਡ ਗੁੱਲੀ-ਡੰਡਾ ਖੇਡਦੇ ਨਜ਼ਰ ਆ ਰਹੇ ਹਨ। ਵੀਡੀਓ ਦੇ ਨਾਲ ਉਹਨਾਂ ਨੇ ਕੈਪਸ਼ਨ ਲਿਖਿਆ- ਬਚਪਨ ਦੇ ਦਿਨ ਭੁੱਲ ਨਾ ਜਾਣਾ।”
ਇਹ ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਗਈ ਤੇ ਹੁਣ ਤੱਕ ਇਸਨੂੰ 11 ਲੱਖ ਤੋਂ ਵੱਧ ਵਾਰ ਵੇਖਿਆ ਜਾ ਚੁੱਕਾ ਹੈ। ਲੋਕ ਇਸ ਤੇ ਵੱਡੀ ਗਿਣਤੀ ‘ਚ ਪ੍ਰਤੀਕਿਰਿਆ ਦੇ ਰਹੇ ਹਨ। ਕਮੈਂਟ ਸੈਕਸ਼ਨ ‘ਚ ਲੋਕ ਸਿੱਧੂ ਦੀ ਸਾਦਗੀ ਤੇ ਜ਼ਮੀਨ ਨਾਲ ਜੁੜੇ ਸੁਭਾਅ ਦੀ ਖੂਬ ਤਾਰੀਫ਼ ਕਰ ਰਹੇ ਹਨ। ਕਈ ਯੂਜ਼ਰਾਂ ਨੇ ਲਿਖਿਆ ਕਿ ਇਸ ਵੀਡੀਓ ਨੇ ਉਨ੍ਹਾਂ ਨੂੰ ਆਪਣੇ ਬਚਪਨ ਦੀਆਂ ਯਾਦਾਂ ਤਾਜ਼ਾ ਕਰਵਾ ਦਿੱਤੀਆਂ, ਜਦਕਿ ਕੁੱਝ ਨੇ ਉਨ੍ਹਾਂ ਨੂੰ ਦਿਲ ਦਾ ਸੱਚਾ ਇਨਸਾਨ ਕਿਹਾ।
ਵੀਡੀਓ ਵਿੱਚ ਸਿੱਧੂ ਦਾ ਅੰਦਾਜ਼ ਬਿਲਕੁਲ ਸਧਾਰਨ ਹੈ। ਨਾ ਕੋਈ ਸਿਆਸੀ ਰੰਗ, ਨਾ ਕੋਈ ਸ਼ੋਰ-ਸ਼ਰਾਬਾ, ਸਿਰਫ ਬਚਪਨ ਦੀ ਮਾਸੂਮਿਯਤ ਤੇ ਖੁਸ਼ੀ ਦਿਖਾਈ ਦਿੰਦੀ ਹੈ। ਇਹੀ ਗੱਲ ਇਸ ਵੀਡੀਓ ਨੂੰ ਹੋਰ ਵੀ ਖਾਸ ਬਣਾਉਂਦੀ ਹੈ ਤੇ ਹਰ ਉਮਰ ਦੇ ਲੋਕਾਂ ਨਾਲ ਜੋੜਦੀ ਹੈ।
ਕੁੱਲ ਮਿਲਾ ਕੇ, ਇਹ ਵੀਡੀਓ ਇਹ ਦਰਸਾਉਂਦੀ ਹੈ ਕਿ ਬਚਪਨ ਦੀਆਂ ਯਾਦਾਂ ਤੇ ਸਾਦਗੀ ਅੱਜ ਵੀ ਲੋਕਾਂ ਦੇ ਦਿਲਾਂ ‘ਚ ਵੱਡੀ ਜਗ੍ਹਾ ਰੱਖਦੀਆਂ ਹਨ। ਜਦੋਂ ਕੋਈ ਪ੍ਰਸਿੱਧ ਹਸਤੀ ਇਸ ਤਰ੍ਹਾਂ ਦੇ ਰੂਪ ‘ਚ ਸਾਹਮਣੇ ਆਉਂਦੀ ਹੈ, ਤਾਂ ਉਹ ਸਿੱਧਾ ਲੋਕਾਂ ਦੇ ਦਿਲਾਂ ਨੂੰ ਛੂਹ ਜਾਂਦੀ ਹੈ ਤੇ ਇੱਕ ਸਕਾਰਾਤਮਕ ਸੁਨੇਹਾ ਦੇ ਜਾਂਦੀ ਹੈ।
ਇਹ ਵੀ ਪੜ੍ਹੋ
