ਸਾਹਨੇਵਾਲ ਤੋਂ ਹਿੰਡਨ ਫਲਾਈਟ ਦੀ ਸ਼ੁਰੂਆਤ, ਸੀਐੱਮ ਮਾਨ ਦਿਖਾਈ ਹਰੀ ਝੰਡੀ
Ludhiana Air Service Starts: ਹਿੰਡਨ ਤੋਂ ਲੁਧਿਆਣਾ ਪਹੁੰਚੀ ਫਲਾਈਟ ਦਾ ਸਵਾਗਤ ਕਰਨ ਲਈ ਪਹੁੰਚੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਜਿੱਥੇ ਇਥੋਂ ਹਵਾਈ ਸੇਵਾ ਸ਼ੁਰੂ ਹੋਣ ਦੇ ਫਾਇਦੇ ਗਿਣਵਾਏ ਤਾਂ ਉੱਥੇ ਹੀ ਉਨ੍ਹਾਂ ਨੇ ਕੇਂਦਰ ਸਰਕਾਰ ਤੇ ਵੀ ਨਿਸ਼ਾਨੇ ਲਾਏ। ਉਨ੍ਹਾਂ ਕਿਹਾ 2024 ਤੱਕ ਹੋ ਸਕਦਾ ਹੈ ਕਿ ਦੇਸ਼ ਦਾ ਨਾਂ ਹੀ ਬਦਲ ਦਿੱਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਰੇਲਵੇ ਸਟੇਸ਼ਨਾ ਦੇ ਨਾਂ ਬਦਲੇ ਜਾ ਰਹੇ ਸਨ ਅਤੇ ਹੁਣ ਦੇਸ਼ ਦਾ ਨਾਂ ਬਦਲਣ ਦੀ ਵੀ ਗੱਲ ਕੀਤੀ ਜਾ ਰਹੀ ਹੈ।
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅੱਜ ਲੁਧਿਆਣਾ ਦੇ ਸਾਹਨੇਵਾਲ ਏਅਰਪੋਰਟ (Sahnewal Airport) ਤੋਂ ਸ਼ੁਰੂ ਹੋਈ ਫਲਾਈਟ ਦਾ ਨਿਰਖਣ ਕਰਨ ਲਈ ਪਹੁੰਚੇ। ਇਸ ਮੌਕੇ ਉਨ੍ਹਾਂ ਨੇ ਕਿਹਾ ਕਿ ਸਾਹਨੇਵਾਲ ਏਅਰਪੋਰਟ ਲੁਧਿਆਣਾ ਦੇ ਆਰਥਚਾਰੇ ਨੂੰ ਹੋਰ ਹੁਲਾਰਾ ਮਿਲੇਗਾ ਅਤੇ ਕਾਫੀ ਲਾਹੇਵੰਦ ਸਾਬਤ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਕੁਨੈਕਟੀਵਿਟੀ ਮਜ਼ਬੂਤ ਕਰਨ ਲਈ ‘ਆਪ’ ਸਰਕਾਰ ਨੇ ਵਾਅਦਾ ਕੀਤਾ ਸੀ ਜੋ ਪੂਰਾ ਕੀਤਾ ਜਾ ਰਿਹਾ ਹੈ। ਸੀਐੱਮ ਮਾਨ ਨੇ ਕਿਹਾ ਕਿ ਜਲਦ ਹੀ ਹਲਵਾਰਾ ਅਤੇ ਆਦਮਪੁਰ ਤੋਂ ਵੀ ਫਲਾਈਟਸ ਸ਼ੁਰੂ ਹੋਣਗੀਆਂ।
ਇਸ ਤੋਂ ਇਲਾਵਾ ਅੰਮ੍ਰਿਤਸਰ ਤੋਂ ਨਾਂਦੇੜ ਸਾਹਿਬ ਤੱਕ ਫਲਾਈਟ, ਆਦਮਪੁਰ ਤੋਂ ਵਾਰਾਨਸੀ , ਮੋਹਾਲੀ ਤੋਂ ਅਮਰੀਕਾ, ਇੰਗਲੈਂਡ ਅਤੇ ਕੈਨੇਡਾ ਦੇ ਲਈ ਇੰਟਰਨੈਸ਼ਨਲ ਫਲਾਈਟ ਸ਼ੁਰੂ ਕਰਨ ਲਈ ਵੀ ਅਸੀਂ ਯਤਨ ਕਰ ਰਹੇ ਹਾਂ। ਸੀਐੱਮ ਮਾਨ ਨੇ ਦੱਸਿਆ ਕਿ ਦਿੱਲੀ ਤੱਕ ਫਲਾਈਟ ਜਾਰੀ ਰਹੇਗੀ ਚਾਰ ਸਾਲ ਤੱਕ ਕੰਪਨੀ ਦੇ ਨਾਲ ਸਾਡਾ ਕਰਾਰ ਹੋਇਆ ਹੈ।
ਪਹਿਲੀ ਵਾਰ ਹੋਵੇਗੀ ਸੈਰ ਸਪਾਟਾ ਮਿਲਣੀ
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਪਹਿਲੀ ਵਾਰ ਹੋ ਰਿਹਾ ਹੈ ਕਿ ਪੰਜਾਬ ਦੇ ਵਿੱਚ 11 ਤੋਂ 14 ਸਤੰਬਰ ਤੱਕ ਸੈਰ ਸਪਾਟਾ ਮਿਲਣੀ ਹੋਣ ਜਾ ਰਹੀ ਹੈ। ਜਿਸ ਵਿੱਚ ਹੋਟਲ ਕਾਰੋਬਾਰੀ ਅਤੇ ਹੋਰ ਸੈਰ ਸਪਾਟਾ ਵਿਭਾਗ ਨਾਲ ਸੰਬੰਧਿਤ ਕੰਪਨੀਆਂ ਆਉਣਗੀਆਂ। ਉਨ੍ਹਾਂ ਕਿਹਾ ਕਿ ਸਾਡੇ ਕੋਲ ਨੰਗਲ ਰਣਜੀਤ ਸਾਗਰ ਡੈਮ ਵਰਗੇ ਕਈ ਅਜਿਹੇ ਸੈਰ ਸਪਾਟਾ ਵਾਲੇ ਥਾਂ ਹਨ ਜਿਸ ਨੂੰ ਟੁਰਿਜ਼ਮ ਵਧਾਉਣ ਲਈ ਵਰਤ ਸਕਦੇ ਹਨ।
ਪੰਜਾਬੀਆਂ ਲਈ ਇੱਕ ਹੋਰ ਖ਼ੁਸ਼ਖ਼ਬਰੀਲੁਧਿਆਣਾ ਤੋਂ ਹਿੰਡਨ (ਗਾਜ਼ੀਆਬਾਦ) ਲਈ ਉਡਾਣਾਂ ਦੀ ਸ਼ੁਰੂਆਤ ਹੋ ਚੁੱਕੀ ਹੈਏਅਰਲਾਈਨ ਨੂੰ ਅਪੀਲ ਕਰਨ ਤੇ ਪਹਿਲੇ 3 ਮਹੀਨਿਆਂ ਲਈ ਉਡਾਣ ਦੀ ਟਿਕਟ ਸਿਰਫ਼ 999 ਰੁ. ਰੱਖੀ ਗਈ ਹੈ
ਸੋ ਦਿੱਲੀ- NCR ਜਾਣ ਲਈ ਹੁਣ ਖੱਜਲ ਵੀ ਹੋਣਾ ਨਹੀਂ ਪਵੇਗਾ ਨਾਲ ਹੀ ਘੱਟ ਖ਼ਰਚੇ ਤੇ ਤੁਸੀਂ ਦਿੱਲੀ ਜਾ ਸਕੋਗੇ pic.twitter.com/96VfTxAOSS — Bhagwant Mann (@BhagwantMann) September 6, 2023
ਲੁਧਿਆਣਾ ਦੇ ਕਾਰੋਬਾਰੀਆਂ ਨੂੰ ਹੋਵੇਗਾ ਫਾਇਦਾ
CICU ਦੇ ਪ੍ਰਧਾਨ ਉਪਕਾਰ ਸਿੰਘ ਅਹੂਜਾ ਨੇ ਕਿਹਾ ਕਿ ਸਾਹਨੇਵਾਲ ਏਅਰਪੋਰਟ ਤੋਂ ਫਲਾਈਟ ਚੱਲਣ ਦੇ ਨਾਲ ਲੁਧਿਆਣਾ ਦੇ ਕਾਰੋਬਾਰੀਆਂ ਨੂੰ ਬਹੁਤ ਫਾਇਦਾ ਮਿਲੇਗਾ। ਉਨ੍ਹਾਂ ਨੇ ਕਿਹਾ ਕਿ ਟਿਕਟ ਵੀ ਸਸਤੀ ਹੈ, ਇਸ ਨਾਲ ਲੁਧਿਆਣਾ ਵਿੱਚ ਹੋਰ ਵੀ ਉਦਯੋਗ ਲੱਗਣਗੇ ਤੇ ਪੁਰਾਣੀ ਹੋਰ ਵੀ ਪ੍ਫੁਲਿਤ ਹੋਣਗੇ।
ਇਹ ਵੀ ਪੜ੍ਹੋ
