ਦਿੱਲੀ ਧਮਾਕੇ ਮਾਮਲੇ ‘ਚ ਲੁਧਿਆਣਾ ਦੇ ਡਾਕਟਰ ਤੋਂ ਪੁੱਛਗਿੱਛ, NIA ਨੇ ਮੋਬਾਈਲ ਤੇ ਲੈਪਟਾਪ ਕੀਤਾ ਜ਼ਬਤ
ਲੁਧਿਆਣਾ ਦੇ ਡਾਕਟਰ ਜਾਨ ਨਿਸਾਰ ਆਲਮ ਵੀ ਜਾਂਚ ਦੇ ਘੇਰੇ ਵਿੱਚ ਆ ਗਏ ਹਨ। ਜਾਨ ਨਿਸਾਰ ਤੋਂ ਅੱਜ ਦਿੱਲੀ ਵਿੱਚ ਪੁੱਛਗਿੱਛ ਕੀਤੀ ਜਾਵੇਗੀ। ਐਨਆਈਏ ਨੇ ਦੋ ਦਿਨ ਪਹਿਲਾਂ ਬਾਲ ਸਿੰਘ ਨਗਰ ਵਿੱਚ ਡਾਕਟਰ ਦੇ ਕਲੀਨਿਕ ਅਤੇ ਘਰ 'ਤੇ ਛਾਪਾ ਮਾਰਿਆ ਸੀ। ਸੂਤਰਾਂ ਅਨੁਸਾਰ, ਡਾਕਟਰ ਉਸ ਸਮੇਂ ਬੰਗਾਲ ਵਿੱਚ ਇੱਕ ਰਿਸ਼ਤੇਦਾਰ ਦੇ ਘਰ ਸੀ। ਜਿੱਥੇ ਏਜੰਸੀ ਨੇ ਉਸ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਕੀਤੀ।
ਦਿੱਲੀ ਲਾਲ ਕਿਲ੍ਹਾ ਧਮਾਕੇ ਮਾਮਲੇ ਵਿੱਚ ਐਨਆਈਏ ਵੱਖ-ਵੱਖ ਸੂਬਿਆਂ ਵਿੱਚ ਛਾਪੇਮਾਰੀ ਕਰ ਰਹੀ ਹੈ। ਫਰੀਦਾਬਾਦ ਦੀ ਅਲ-ਫਲਾਹ ਯੂਨੀਵਰਸਿਟੀ ਇਸ ਪੂਰੇ ਮਾਮਲੇ ਦਾ ਕੇਂਦਰ ਬਣ ਕੇ ਉੱਭਰ ਰਹੀ ਹੈ। ਕੁਝ ਪ੍ਰੋਫੈਸਰਾਂ ਵਿਚਕਾਰ ਕਥਿਤ ਸਬੰਧਾਂ ਦੇ ਸਾਹਮਣੇ ਆਉਣ ਤੋਂ ਬਾਅਦ, ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਦੀ ਵੀ ਜਾਂਚ ਕੀਤੀ ਗਈ ਹੈ।
ਇਸ ਸਬੰਧ ਵਿੱਚ ਲੁਧਿਆਣਾ ਦੇ ਡਾਕਟਰ ਜਾਨ ਨਿਸਾਰ ਆਲਮ ਵੀ ਜਾਂਚ ਦੇ ਘੇਰੇ ਵਿੱਚ ਆ ਗਏ ਹਨ। ਜਾਨ ਨਿਸਾਰ ਤੋਂ ਅੱਜ ਦਿੱਲੀ ਵਿੱਚ ਪੁੱਛਗਿੱਛ ਕੀਤੀ ਜਾਵੇਗੀ। ਐਨਆਈਏ ਨੇ ਦੋ ਦਿਨ ਪਹਿਲਾਂ ਬਾਲ ਸਿੰਘ ਨਗਰ ਵਿੱਚ ਡਾਕਟਰ ਦੇ ਕਲੀਨਿਕ ਅਤੇ ਘਰ ‘ਤੇ ਛਾਪਾ ਮਾਰਿਆ ਸੀ। ਸੂਤਰਾਂ ਅਨੁਸਾਰ, ਡਾਕਟਰ ਉਸ ਸਮੇਂ ਬੰਗਾਲ ਵਿੱਚ ਇੱਕ ਰਿਸ਼ਤੇਦਾਰ ਦੇ ਘਰ ਸੀ। ਜਿੱਥੇ ਏਜੰਸੀ ਨੇ ਉਸ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਕੀਤੀ। ਉਸੇ ਸ਼ਾਮ ਨੂੰ ਉਸ ਨੂੰ ਛੱਡ ਦਿੱਤਾ। ਉਸ ਦਾ ਲੈਪਟਾਪ ਅਤੇ ਮੋਬਾਈਲ ਫੋਨ ਹੁਣ ਐਨਆਈਏ ਦੇ ਕਬਜ਼ੇ ਵਿੱਚ ਹੈ।
ਡਾਕਟਰ ਦੇ ਪਿਤਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਪੁੱਤਰ ਨੇ 2020 ਵਿੱਚ ਐਮਬੀਬੀਐਸ ਵਿੱਚ ਦਾਖਲਾ ਲੈਣ ਤੋਂ ਬਾਅਦ ਆਪਣੀ ਇੰਟਰਨਸ਼ਿਪ ਪੂਰੀ ਕੀਤੀ ਹੈ ਅਤੇ ਹੁਣ ਉਹ ਲੁਧਿਆਣਾ ਵਿੱਚ ਆਪਣਾ ਕਲੀਨਿਕ ਚਲਾ ਰਿਹਾ ਹੈ।
ਜਾਂਚ ਏਜੰਸੀਆਂ ਨੂੰ ਸ਼ੱਕ ਹੈ ਕਿ ਇਸ ਮਾਡਿਊਲ ਨੇ ਅਲ-ਫਲਾਹ ਯੂਨੀਵਰਸਿਟੀ ਨੂੰ ਇੱਕ ਲੌਜਿਸਟਿਕਲ ਕਵਰ ਅਤੇ ਕੱਟੜਪੰਥੀਕਰਨ ਦੇ ਕੇਂਦਰ ਵਜੋਂ ਵਰਤਿਆ ਸੀ। ਐਨਆਈਏ ਹੁਣ 22 ਡਾਕਟਰਾਂ ਅਤੇ ਵਿਦਿਆਰਥੀਆਂ ਦੀਆਂ ਭੂਮਿਕਾਵਾਂ ਦੀ ਜਾਂਚ ਕਰ ਰਹੀ ਹੈ। ਜਿਨ੍ਹਾਂ ਵਿੱਚੋਂ ਬਹੁਤ ਸਾਰੇ ਅਜੇ ਵੀ ਭੂਮੀਗਤ ਮੰਨੇ ਜਾਂਦੇ ਹਨ।
ਲੁਧਿਆਣਾ ਵਿੱਚ ਛਾਪਾ ਤੇ ਜਾਨ ਨਿਸਾਰ ਤੋਂ ਪੁੱਛਗਿੱਛ
ਲੁਧਿਆਣਾ ਵਿੱਚ NIA ਦੀ ਰੇਡ, ਬੰਗਾਲ ਵਿੱਚ ਪੁੱਛਗਿੱਛ: 13 ਨਵੰਬਰ ਨੂੰ NIA ਨੇ ਲੁਧਿਆਣਾ ਦੇ ਬਾਲ ਸਿੰਘ ਨਗਰ ਵਿੱਚ MBBS ਡਾਕਟਰ ਜਾਨ ਨਿਸਾਰ ਆਲਮ ਦੇ ਕਲੀਨਿਕ ‘ਤੇ ਛਾਪਾ ਮਾਰਿਆ। ਜਦੋਂ ਡਾਕਟਰ ਕਲੀਨਿਕ ‘ਤੇ ਨਹੀਂ ਮਿਲਿਆ ਤਾਂ ਟੀਮ ਉਸ ਦੇ ਘਰ ਗਈ। ਜਿੱਥੇ ਉਸ ਦੇ ਪਿਤਾ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਡਾਕਟਰ ਰਿਸ਼ਤੇਦਾਰਾਂ ਨੂੰ ਮਿਲਣ ਲਈ ਡਾਲਖੋਲਾ (ਪੱਛਮੀ ਬੰਗਾਲ) ਗਿਆ ਸੀ। ਇਸ ਤੋਂ ਬਾਅਦ, NIA ਨੇ ਬੰਗਾਲ ਵਿੱਚ ਛਾਪਾ ਮਾਰਿਆ, ਡਾਕਟਰ ਨੂੰ ਹਿਰਾਸਤ ਵਿੱਚ ਲਿਆ। ਦਿਨ ਭਰ ਪੁੱਛਗਿੱਛ ਕੀਤੀ ਅਤੇ ਸ਼ਾਮ ਨੂੰ ਉਸ ਨੂੰ ਛੱਡ ਦਿੱਤਾ।
ਇਹ ਵੀ ਪੜ੍ਹੋ
ਮੋਬਾਈਲ-ਲੈਪਟਾਪ ਜ਼ਬਤ, ਅੱਜ ਦਿੱਲੀ ਦਫ਼ਤਰ ਵਿੱਚ ਪੁੱਛਗਿੱਛ: ਸੂਤਰਾਂ ਅਨੁਸਾਰ, ਪੁੱਛਗਿੱਛ ਦੌਰਾਨ ਐਨਆਈਏ ਨੇ ਡਾ. ਜਾਨ ਨਿਸਾਰ ਦਾ ਮੋਬਾਈਲ ਅਤੇ ਲੈਪਟਾਪ ਜ਼ਬਤ ਕਰ ਲਿਆ, ਜੋ ਇਸ ਸਮੇਂ ਤਕਨੀਕੀ ਜਾਂਚ ਅਧੀਨ ਹਨ। ਡਾਕਟਰ ਨੂੰ ਸਪੱਸ਼ਟ ਤੌਰ ‘ਤੇ ਚੇਤਾਵਨੀ ਦਿੱਤੀ ਗਈ ਹੈ ਕਿ ਜਦੋਂ ਵੀ ਮਾਮਲੇ ਵਿੱਚ ਲੋੜ ਪਵੇਗੀ। ਉਸ ਨੂੰ ਜਾਂਚ ਵਿੱਚ ਹਿੱਸਾ ਲੈਣ ਦੀ ਲੋੜ ਹੋਵੇਗੀ। ਉਸ ਨੂੰ ਅੱਜ ਪੁੱਛਗਿੱਛ ਲਈ ਦਿੱਲੀ ਸਥਿਤ ਐਨਆਈਏ ਦਫ਼ਤਰ ਵਿੱਚ ਬੁਲਾਇਆ ਗਿਆ ਹੈ।
MBBS ਦਾਖਲਾ, ਸਿੱਖਿਆ ਤੇ ਪਰਿਵਾਰਕ ਪਿਛੋਕੜ: ਡਾਕਟਰ ਦੇ ਪਿਤਾ, ਤੋਹੀਦ ਆਲਮ ਨੇ ਕਿਹਾ ਕਿ ਉਨ੍ਹਾਂ ਦੇ ਪੁੱਤਰ ਨੇ 2020 ਵਿੱਚ ਐਮਬੀਬੀਐਸ ਵਿੱਚ ਦਾਖਲਾ ਲਿਆ ਤੇ 2025 ਵਿੱਚ ਆਪਣੀ ਇੰਟਰਨਸ਼ਿਪ ਪੂਰੀ ਕੀਤੀ। ਡਾਕਟਰ ਨੇ 12ਵੀਂ ਜਮਾਤ ਤੱਕ ਸੁਭਾਸ਼ ਨਗਰ ਦੇ ਗ੍ਰੀਨਲੈਂਡ ਸਕੂਲ ਵਿੱਚ ਪੜ੍ਹਾਈ ਕੀਤੀ। ਪਰਿਵਾਰ 1984 ਤੋਂ ਲੁਧਿਆਣਾ ਵਿੱਚ ਰਹਿ ਰਿਹਾ ਹੈ, ਜਦੋਂ ਕਿ ਉਨ੍ਹਾਂ ਦਾ ਜੱਦੀ ਘਰ ਪੱਛਮੀ ਬੰਗਾਲ ਵਿੱਚ ਹੈ। ਇਸ ਲਈ, ਉਨ੍ਹਾਂ ਦਾ ਪੁੱਤਰ, ਧੀ ਅਤੇ ਪਤਨੀ ਇਸ ਸਮੇਂ ਵਿਆਹ ਲਈ ਪਿੰਡ ਵਿੱਚ ਹਨ।
ਉਸ ਦੇ ਪਿਤਾ ਨੇ ਦੱਸਿਆ ਕਿ ਆਪਣੀ ਐਮਬੀਬੀਐਸ ਪੂਰੀ ਕਰਨ ਤੋਂ ਬਾਅਦ, ਜਾਨ ਨਿਸਾਰ ਆਪਣੇ ਪ੍ਰੋਫੈਸਰਾਂ ਨਾਲ ਲਗਾਤਾਰ ਸੰਪਰਕ ਵਿੱਚ ਸੀ। ਉਹ ਇਸ ਸਮੇਂ ਏਮਜ਼-ਨੀਟ ਪੀਜੀ ਪ੍ਰੀਖਿਆ ਦੀ ਤਿਆਰੀ ਕਰ ਰਿਹਾ ਹੈ। ਜਿਸ ਕਾਰਨ ਕਲੀਨਿਕ ਵਿੱਚ ਉਸ ਦਾ ਸਮਾਂ ਸੀਮਤ ਹੋ ਗਿਆ ਹੈ। ਪਿਤਾ ਨੇ ਕਿਹਾ ਕਿ ਐਨਆਈਏ ਨੇ ਪੁੱਛਗਿੱਛ ਤੋਂ ਬਾਅਦ ਉਸ ਦੇ ਪੁੱਤਰ ਨੂੰ ਰਿਹਾਅ ਕਰ ਦਿੱਤਾ। ਅਤੇ ਪਰਿਵਾਰ ਜਾਂਚ ਏਜੰਸੀਆਂ ਨਾਲ ਹਰ ਤਰ੍ਹਾਂ ਨਾਲ ਸਹਿਯੋਗ ਕਰੇਗਾ।
