ਸ਼੍ਰੋਮਣੀ ਅਕਾਲੀ ਦਲ ਨੇ ਭਾਜਪਾ ਸਾਹਮਣੇ ਰੱਖੀਆਂ ਮੰਗਾਂ, ਕਿਹਾ- ਜੇ ਕਰਨਾ ਹੈ ਗੱਠਜੋੜ ਤਾਂ ਮੰਗਾਂ ਤੇ ਵੀ ਦਿਓ ਸਹਿਮਤੀ

ਪੁਰਾਣੀ ਤਸਵੀਰ

ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਵਿਚਾਲੇ ਹੋਣ ਵਾਲੇ ਗੱਠਜੋੜ ਦੀਆਂ ਕਾਫੀ ਚਿਰ ਤੋਂ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ। ਮੰਨਿਆ ਜਾ ਰਿਹਾ ਸੀ ਕਿ ਚੋਣਾਂ ਤੋਂ ਪਹਿਲਾਂ ਅਤੇ ਕਿਸਾਨ ਅੰਦੋਲਨ ਦੇ ਖ਼ਤਮ ਹੋਣ ਦੇ ਨਾਲ ਹੀ ਦੋਵੇਂ ਪਾਰਟੀਆਂ ਇੱਕ ਮੰਚ ਤੇ ਆ ਜਾਣਗੀਆਂ। ਪਰ ਇਸ ਵਿਚਾਲੇ ਹੁਣ ਅਕਾਲੀ ਦਲ ਨੇ ਆਪਣੀਆਂ ਮੰਗਾਂ ਭਾਜਪਾ ਸਾਹਮਣੇ ਰੱਖੀਆਂ ਹਨ। ਜਿਸ ਤੋਂ ਬਾਅਦ ਸਵਾਲ ਮੁੜ ਖੜ੍ਹੇ ਹੋ ਗਏ ਹਨ ਕਿ ਇਹ ਗੱਠਜੋੜ ਹੋਵੇਗਾ ਜਾਂ ਨਹੀਂ।

ਸ਼੍ਰੋਮਣੀ ਅਕਾਲੀ ਦਲ ਦੇ ਬੁਲਾਰੇ ਗੁਰਚਰਨ ਸਿੰਘ ਗਰੇਵਾਲ ਨੇ ਕਿਹਾ ਕਿ ਸ੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਪੰਥ ਅਤੇ ਪੰਜਾਬ ਦੇ ਹਿੱਤ ਨੂੰ ਪਹਿਲ ਦਿੰਦਿਆ ਗੱਠਜੋੜ ਸਬੰਧੀ ਦੋ ਵਿਚਾਰ ਪ੍ਰਗਟਾਏ ਹਨ। ਗਰੇਵਾਲ ਨੇ ਕਿਹਾ ਕਿ ਚਾਹੇ ਰਾਜਨੀਤਕ ਗਠਜੋੜ ਇਕ ਰਾਜਸੀ ਫੈਸਲਾ ਹੈ ਪਰ ਅਸੀ ਪਹਿਲਾ ਕੌਮ ਅਤੇ ਪੰਥ ਦੇ ਨਾਲ ਖੜੇ ਹਾਂ ਚਾਹੇ ਉਹ ਬੰਦੀ ਸਿੰਘਾਂ ਦਾ ਮਾਮਲਾ ਹੋਵੇ ਚਾਹੇ ਕਿਸਾਨਾਂ ਦਾ ਮਾਮਲਾ ਹੋਵੇ ਚਾਹੇ ਘੱਟ ਗਿਣਤੀ ਲੋਕਾ ਦੀ ਗਲ ਹੋਵੇ ਜਾਂ ਪੰਜਾਬ ਦੇ ਹੱਕ ਦੀ ਗੱਲ ਹੋਵੇ।

ਸੁਣੋਂ ਗਰੇਵਾਲ ਨੇ ਕੀ ਕਿਹਾ

ਮਸਲਿਆਂ ਦੇ ਹੱਲ ਤੋਂ ਬਾਅਦ ਹੀ ਹੋਵੇਗੀ ਗੱਲਬਾਤ

ਗਰੇਵਾਲ ਨੇ ਕਿਹਾ ਕਿ ਇਹ ਪੰਜਾਬ ਦੇ ਲੋਕਾਂ ਦੇ ਮਸਲੇ ਅਤੇ ਪੰਥ ਦੇ ਹੱਕਾਂ ਦੇ ਮਾਮਲਿਆ ਤੋ ਬਾਅਦ ਹੀ ਕਿਸੇ ਗੱਠਜੋੜ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਜਾਵੇਗਾ। ਇਹ ਸ੍ਰੋਮਣੀ ਅਕਾਲੀ ਦੇ ਪ੍ਰਧਾਨ ਦਾ ਇਕ ਇਤਿਹਾਸਕ ਫੈਸਲਾ ਹੈ। ਜਿਸਦਾ ਉਹ ਸੁਆਗਤ ਕਰਦੇ ਹਾਂ ਅਤੇ ਉਮੀਦ ਕਰਦੇ ਹਨ ਕਿ ਅਜਿਹੇ ਫੈਸਲਿਆਂ ਨਾਲ ਸ੍ਰੋਮਣੀ ਅਕਾਲੀ ਦਲ ਨੂੰ ਹੋਰ ਮਜਬੂਤੀ ਮਿਲੇਗੀ।