ਪਿਆਰ ਦੀ ਤੜਫ਼ ‘ਚ ਕਰਨਾਟਕ ਤੋਂ ਅਬੋਹਰ ਪਹੁੰਚੀ ਦੋ ਬੱਚਿਆਂ ਦੀ ਮਾਂ, ਔਨਲਾਈਨ ਗੇਮਿੰਗ ਤੋਂ ਸ਼ੁਰੂ ਹੋਇਆ ਸੀ ਪਿਆਰ

ਔਨਲਾਈਨ ਗੇਮ ਤੋਂ ਸ਼ੁਰੂ ਹੋਈ ਦੋਸਤੀ ਪਿਆਰ ‘ਚ ਬਦਲਣ ‘ਤੇ ਕਰਨਾਟਕ ਦੀ ਇੱਕ ਮਹਿਲਾ ਪੰਜਾਬ ਪਹੁੰਚ ਗਈ। ਮਹਿਲਾ ਦੇ ਪਰਿਵਾਰਕ ਮੈਂਬਰਾਂ ਨੇ ਕਰਨਾਟਕ ‘ਚ ਪੁਲਿਸ ਨੂੰ ਰਿਪੋਰਟ ਦਰਜ ਕਰਵਾਈ ਤਾਂ ਤਲਾਸ਼ ਕਰਦੇ ਹੋਏ ਪੁਲਿਸ ਪੰਜਾਬ ਦੇ ਅਬੋਹਰ ‘ਚ ਪਹੁੰਚੀ। ਹਾਲਾਂਕਿ, ਮਹਿਲਾ ਨੇ ਕਿਹਾ ਕਿ ਉਹ ਆਪਣੇ ਪ੍ਰੇਮੀ ਨਾਲ ਹੀ ਜ਼ਿੰਦਗੀ ਬਿਤਾਏਗੀ।

ਜਾਣਕਾਰੀ ਮੁਤਾਬਕ, ਕਰਨਾਟਕ ਦੀ ਇੱਕ ਮਹਿਲਾ ਦੀ ਮੁਲਾਕਾਤ ਔਨਲਾਈਨ ਗੇਮ ਖੇਡਦੇ ਹੋਏ ਅਬੋਹਰ ਦੇ ਰਾਮ ਨਗਰ ਦੇ ਇੱਕ ਨੌਜਵਾਨ ਨਾਲ ਹੋਈ। ਦੋਵਾਂ ਦੇ ਵਿਚਕਾਰ ਪਹਿਲਾਂ ਦੋਸਤੀ ਹੋਈ ਤੇ ਜਲਦੀ ਹੀ ਇਹ ਦੋਸਤੀ ਪਿਆਰ ‘ਚ ਬਦਲ ਗਈ। ਦੋਵਾਂ ਨੇ ਇਕੱਠੇ ਰਹਿਣ ਦਾ ਫੈਸਲਾ ਲਿਆ।

ਇਸ ਤੋਂ ਬਾਅਦ ਦੋਵਾਂ ਨੇ ਪਲਾਨਿੰਗ ਕੀਤੀ, ਜਿਸ ਤਹਿਤ ਦੋ ਬੱਚਿਆਂ ਦੀ ਮਾਂ ਕਰਨਾਟਕ ਤੋਂ ਦਿੱਲੀ ਪਹੁੰਚੀ। ਇੱਥੇ ਪਹਿਲਾਂ ਹੀ ਨੌਜਵਾਨ ਉਸ ਨੂੰ ਲੈਣ ਲਈ ਪਹੁੰਚ ਗਿਆ ਸੀ। ਇਸ ਤੋਂ ਬਾਅਦ ਦੋਵੇਂ ਅਬੋਹਰ ਆ ਗਏ। ਅਬੋਹਰ ਪਹੁੰਚਣ ਤੋਂ ਬਾਅਦ ਦੋਵੇਂ ਪਤੀ-ਪਤਨੀ ਵਾਂਗ ਰਹਿਣ ਲੱਗੇ।

ਇਸ ਵਿਚਕਾਰ ਮਹਿਲਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਉਸ ਦੇ ਅਚਾਨਕ ਘਰ ‘ਚੋਂ ਲਾਪਤਾ ਹੋਣ ‘ਤੇ ਪੁਲਿਸ ਨੂੰ ਰਿਪੋਰਟ ਲਿਖਵਾਈ। ਪੁਲਿਸ ਨੇ ਜਾਂਚ ਸ਼ੁਰੂ ਕੀਤੀ ਤਾਂ ਪੁਲਿਸ ਮੋਬਾਇਲ ਦੀ ਲੋਕੇਸ਼ਨ ਟ੍ਰੈਕ ਕਰਦੇ ਹੋਏ ਅਬੋਹਰ ਪਹੁੰਚੀ ਗਈ।