Ganster’s Post: ਇਸ ਹਫਤੇ ਦੋ ਹੋਰ ਲਾਸ਼ਾਂ ਵਿੱਛਣਗੀਆਂ, ਜਿਸ ਨੂੰ ਜੋ ਕਰਨਾ ਹੈ, ਕਰ ਲਵੇ ਹੁਣ ਗੋਲਡੀ ਬਰਾੜ ਦੀ ਖੁੱਲ੍ਹੀ ਧਮਕੀ

ਪੰਜਾਬ ‘ਚ ਗੈਂਗਸਟਰਸ (Gangsters) ਇਕ ਵਾਰ ਫਿਰ ਸੋਸ਼ਲ ਮੀਡੀਆ ‘ਤੇ ਸਰਗਰਮ ਦਿਖਾਈ ਦੇ ਰਹੇ ਹਨ। ਗੋਲਡੀ ਬਰਾੜ ਨੇ ਸੋਸ਼ਲ ਮੀਡੀਆ ‘ਤੇ ਜੱਗੂ ਭਗਵਾਨਪੁਰੀਆ (Jaggu Bhagwanpuria) ਅਤੇ ਕੌਸ਼ਲ ਚੌਧਰੀ ਨੂੰ ਖੁੱਲ੍ਹੀ ਧਮਕੀ ਦਿੱਤੀ ਹੈ। ਉਸ ਨੇ ਕਿਹਾ ਹੈ ਕਿ ਉਹ ਇਸ ਹਫਤੇ ਪਹਿਲਾਂ ਜੱਗੂ ਭਗਵਾਨਪੁਰੀਆ ਅਤੇ ਕੌਸ਼ਲ ਚੌਧਰੀ ਨੂੰ ਮਾਰ ਦੇਵੇਗਾ। ਤੁਸੀਂ ਜੋ ਵੀ ਕਰਨਾ ਚਾਹੁੰਦੇ ਹੋ ਕਰੋ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇਹ ਵੀ ਕਿਹਾ ਹੈ ਕਿ ਅਸੀਂ ਨਾ ਤਾਂ ਪਹਿਲਾਂ ਕਿਸੇ ਦੇ ਕਹਿਣ ‘ਤੇ ਰੁਕੇ ਸੀ ਅਤੇ ਨਾ ਹੀ ਹੁਣ ਰੁਕਾਂਗੇ। ਤੁਹਾਨੂੰ ਦੱਸ ਦੇਈਏ ਕਿ ਗੋਲਡੀ ਬਰਾੜ ਅਤੇ ਲਾਰੈਂਸ ਬਿਸ਼ਨੋ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਦੇ ਮਾਸਟਰਮਾਈਂਡ ਹਨ। ਗੋਲਡੀ ਬਰਾੜ (Goldy Brar) ਨੇ ਆਪਣੀ ਪੋਸਟ ‘ਚ ਲਿਖਿਆ ਕਿ ਮੈਂ ਅਤੇ ਮੇਰਾ ਭਰਾ ਲਾਰੈਂਸ ਸਾਰਿਆਂ ਨੂੰ ਦੱਸਣਾ ਚਾਹੁੰਦੇ ਹਾਂ ਕਿ ਜਿਹੜੇ ਲੋਕ ਇਹ ਕਹਿ ਰਹੇ ਹਨ ਕਿ ਅਸੀਂ ਸਿੱਧੂ ਮੂਸੇਵਾਲਾ ਨੂੰ ਦੱਸ ਕੇ ਨਹੀਂ ਮਾਰਿਆ, ਉਹ ਹੁਣ ਸੁਣ ਲੈਨ, ਅਸੀ ਸਿੱਧਾ ਚੈਲੇਂਜ ਕਰਦੇ ਹਾਂ, ਇਸ ਹਫਤੇ ਚ ਅਸੀਂ ਪਹਿਲਾ ਜੱਗੂ ਭਗਵਾਨਪੁਰੀਆ ਅਤੇ ਬਾਅਦ ਵਿੱਚ ਕੌਸ਼ਲ ਚੌਧਰੀ ਤੈਨੂੰ ਮਾਰ ਦੇਵਾਂਗੇ ,ਜੋ ਕਿਸੇ ਨੇ ਕਰਨਾ ਕੁਝ ਕਰਨਾ ਹੋਵੇ ਤੇ ਕਰ ਲਵੇ । ਅਸੀਂ ਨਾ ਹੀ ਕਿਸੇ ਦੇ ਕਹਿਣ ਤੇ ਰੁਕੇ ਸੀ ਤੇ ਨਾ ਹੀ ਹੁਣ ਰੁੱਕਾਗੇ। ਬਾਕੀ ਇੰਟੈਲੀਜੈਂਸ ਦਾ ਸਭ ਨੂੰ ਪਤਾ ਹੈ ਉਹ ਵਿਚਾਰੇ ਕੀ ਕਰ ਸਕਦੇ ਹਨ, ਪਰ ਅਸੀਂ ਗੋਇੰਦਵਾਲ ਜੇਲ੍ਹ ਵਿੱਚ ਕਾਂਡ ਕਰਕੇ ਅਸੀਂ ਸਾਫ ਦੱਸ ਦਿੱਤਾ ਹੈ ਕਿ ਅਸੀਂ ਕੀ ਕਰ ਸਕਦੇ ਹਾਂ।

ਪਹਿਲਾਂ ਬੰਬੀਹਾ ਗੈਂਗ ਨੇ ਦਿੱਤੀ ਸੀ ਧਮਕੀ

ਦੱਸ ਦੇਈਏ ਕਿ ਹਾਲ ਹੀ ‘ਚ ਬੰਬੀਹਾ ਗੈਂਗ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਪਾ ਕੇ ਲਾਰੈਂਸ ਅਤੇ ਗੋਲਡੀ ਬਰਾੜ ਨੂੰ ਧਮਕੀ ਦਿੱਤੀ ਸੀ, ਜਿਸ ਤੋਂ ਬਾਅਦ ਹੁਣ ਗੋਲਡੀ ਨੇ ਵੀ ਇਕ ਪੋਸਟ ਪਾਈ ਹੈ। ਇਸ ਪੋਸਟ ਵਿੱਚ ਅੱਗੇ ਲਿਖਿਆ ਗਿਆ ਹੈ ਕਿ ਅਕਲ ਵਾਲੇ ਸਾਰੇ ਜਾਣਦੇ ਹਨ ਕਿ ਉਹ ਵਿਚਾਰੇ ਕੀ ਕਰ ਸਕਦੇ ਹਨ।

ਗੋਲਡੀ ਬਰਾੜ ਨੇ ਪੰਜਾਬ ਪੁਲਿਸ ਨੂੰ ਵੀ ਦਿੱਤੀ ਚੁਣੋਤੀ

ਗੋਲਡੀ ਬਰਾੜ ਨੇ ਪੰਜਾਬ ਪੁਲਿਸ ਨੂੰ ਲਲਕਾਰਦੇ ਹੋਏ ਕਿਹਾ ਹੈ ਕਿ ਡੀਐਸਪੀ ਵਿਕਰਮ ਬਰਾੜ ਜੋ ਦੂਜਿਆਂ ਨੂੰ ਕਹਿੰਦੇ ਹਨ ਕਿ ਮੈਂ ਲਾਰੈਂਸ ਦਾ ਐਨਕਾਉਂਟਰ ਕਰਾਂਗਾ, ਪਹਿਲਾਂ ਆਪਣਾ ਖਿਆਲ ਰੱਖ ਲੈਣ ਅਤੇ ਹਵਾ ਵਿੱਚ ਜ਼ਿਆਦਾ ਨਾ ਉੱਡਣ। ਸਾਨੂੰ ਵੀ ਪਲ-ਪਲ ਦੀਆਂ ਖ਼ਬਰਾਂ ਮਿਲਦੀਆਂ ਰਹਿੰਦੀਆਂ ਹਨ। ਗੋਲਡੀ ਬਰਾੜ ਨੇ ਆਪਣੀ ਪੋਸਟ ‘ਚ ਪੰਜਾਬ ਸਰਕਾਰ ਦਾ ਵੀ ਜ਼ਿਕਰ ਕੀਤਾ ਹੈ ਅਤੇ ਕਿਹਾ ਹੈ ਕਿ ਜਿੰਨੀ ਸੁਰੱਖਿਆ ਲਗਾਉਣੀ ਹੈ, ਲਗਾ ਲਓ। ਗੋਲਡੀ ਬਰਾੜ ਨੇ ਪੋਸਟ ‘ਚ ਕਿਹਾ, ਇਕ ਵਾਰ ਫਿਰ ਮੰਤਰੀ ਸੁਖਜਿੰਦਰ ਰੰਧਾਵਾ, ਜੋ ਕਹਿ ਰਹੇ ਹਨ ਕਿ ਮੈਂ ਗੈਂਗਸਟਰਾਂ ਨੂੰ ਜੁੱਤੀਆਂ ਦੀ ਨੋਕ ‘ਤੇ ਰੱਖਦਾ ਹਾਂ, ਉਹ ਵੀ ਸੁਣ ਲਵੇ ਕਿ ਸਾਡੇ ਕੋਲ ਵੀ ਬੋਲਣ ਲਈ ਬਹੁਤ ਕੁਝ ਹੈ, ਸਾਨੂੰ ਮਜਬੂਰ ਨਾ ਕਰੋ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ