Fazilka-Amritsar Drug: ਪਾਕਿਸਤਾਨ ਦੀ ਨਾਪਾਕ ਹਰਕਤ, ਡਰੋਨ ਰਾਹੀਂ ਸੁੱਟੀ ਡਰੱਗ, ਬੀਐੱਸਐੱਫ ਨੇ ਕੀਤੀ ਬਰਾਮਦ

ਫਾਜ਼ਿਲਕਾ/ ਅੰਮ੍ਰਿਤਸਰ ਨਿਊਜ: ਫਾਜਲਿਕਾ ਦੀ ਭਾਰਤ ਪਾਕਿਸਤਾਨ ਸਰਹੱਦ (Indo Pak Border) ਤੇ ਲਗਾਤਾਰ ਡਰੋਨ ਦੀ ਮੂਵਮੈਂਟ ਜਾਰੀ ਹੈ, ਜਿਸ ਨੂੰ ਵੇਖਦੇ ਹੋਏ ਬੀਐਸਐਫ ਵੱਲੋ ਸਖ਼ਤ ਨਿਗਰਾਨੀ ਰੱਖੀ ਜਾ ਰਹੀ ਹੈ। ਤਾਜ਼ਾ ਮਾਮਲੇ ਦੇ ਵਿੱਚ ਇੱਕ ਵਾਰ ਫੇਰ ਡਰੋਨ (Drone) ਦੇ ਜ਼ਰੀਏ ਭਾਰਤ ਵੱਲ ਨੂੰ ਨਸ਼ੇ ਦੀ ਖੇਪ ਸੁੱਟੀ ਗਈ ਹੈ। ਜਿਸ ਨੂੰ ਨਾਕਾਮ ਕਰਦਿਆਂ ਬੀਐਸਐਫ ਨੇ ਪੂਰੀ ਖੇਪ ਨੂੰ ਜਬਤ ਕਰ ਲਿਆ। ਫਾਜ਼ਿਲਕਾ ਦੇ ਪਿੰਡ ਟਾਹਲੀ ਵਾਲਾ ਚੱਕ ਬਜੀਦਾ ਨੇੜੇ ਖੇਤ ਵਿਚੋ ਦੋ ਪੈਕਟ ਹੈਰੋਇਨ ਮਿਲੀ ਹੈ ਇਸ ਦੇ ਨਾਲ ਹੀ ਦੋ ਲਾਈਟਾਂ ਵਾਲੇ ਇੰਡੀਗੇਟਰ ਵੀ ਮਿਲੇ ਹਨ ਜਿਨ੍ਹਾਂ ਦਾ ਇਸਤਮਾਲ ਰਾਤ ਸਮੇਂ ਤਸਕਰ ਕਰਦੇ ਹਨ। ਇਸ ਦੇ ਇਸਤੇਮਾਲ ਨਾਲ ਹੈਰੋਇਨ ਦੀ ਲੋਕੇਸ਼ਨ ਪਤਾ ਲੱਗਦੀ ਹੈ। ਇਸ ਮਾਮਲੇ ਦੇ ਵਿੱਚ ਬੀਐਸਐਫ ਦੀ ਪੋਸਟ ਬੀਓਪੀ ਟਾਹਲੀ ਵਾਲਾ ਚੱਕ ਬਜੀਦਾ ਵਿਖੇ ਖੇਤਾਂ ਵਿਚੋਂ ਬਰਾਮਦ ਹੋਏ ਦੋ ਪੈਕਟ ਹੈਰੋਇਨ ਦਾ ਵਜ਼ਨ ਕਰਨ ਤੇ ਪਤਾ ਲੱਗਾ ਕਿ ਇਹਨਾ ਦੇ ਵਿੱਚ 2 ਕਿੱਲੋ 94 ਗ੍ਰਾਮ ਹੈਰੋਇਨ ਮੋਜੂਦ ਸੀ। ਬੀਐਸਐਫ ਦੀ 52 ਬਟਾਲੀਅਨ ਵੱਲੋਂ ਕਾਰਵਾਈ ਕਰਦੇ ਹੋਏ ਹੈਰੋਇਨ ਦੀ ਇਸ ਖੇਪ ਨੂੰ ਜਲਾਲਾਬਾਦ ਦੇ ਥਾਣਾ ਸਦਰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ। ਪੁਲਿਸ ਵੱਲੋਂ ਥਾਣਾ ਸਦਰ ਜਲਾਲਾਬਾਦ ਵਿਖੇ ਮੁਕਦਮਾ ਨੰਬਰ 41 ਅੰਡਰ ਸ਼ੈਕਸ਼ਨ ਐਨਡੀਪੀਐਸ ਦੇ ਤਹਿਤ ਅਣਪਛਾਤੇ ਵਿਅਕਤੀ ਦੇ ਵਿਰੁੱਧ ਦਰਜ ਕੀਤਾ ਗਿਆ ਹੈ।

ਸਰਹੱਦ ‘ਤੇ ਚੌਕਸ ਬੀਐਸਐਫ ਦੇ ਜਵਾਨ

ਫਿਲਹਾਲ ਬੀਐਸਐਫ ਅਤੇ ਪੁਲਿਸ ਵੱਲੋਂ ਸਾਂਝੇ ਤੌਰ ਤੇ ਸਰਹੱਦ ਤੇ ਚੌਕਸੀ ਵਧਾਈ ਹੋਈ ਹੈ। ਜਿੱਥੇ ਬੀਐਸਐਫ ਦੇ ਜਵਾਨ ਦਿਨ ਰਾਤ ਸਰਹੱਦ ਤੇ ਬੈਠੇ ਹਨ ਉੱਥੇ ਹੀ ਪੰਜਾਬ ਪੁਲਿਸ ਸਰਹੱਦ ਦੇ ਨਾਲ ਲੱਗਦੇ ਪਿੰਡਾਂ ਦੇ ਵਿੱਚ ਮਾੜੇ ਅਨਸਰਾਂ ਦੀਆਂ ਸਰਗਰਮੀਆਂ ਤੇ ਤਿੱਖੀ ਨਜ਼ਰ ਰੱਖ ਰਹੀ ਹੈ। ਪੁਲਿਸ ਵੱਲੋਂ ਇਹਨਾ ਪਿੰਡਾਂ ਦੇ ਵਿੱਚ ਆਪਨੇ ਖ਼ੁਫ਼ੀਆ ਸੈੱਲ ਵੀ ਐਕਟੀਵੇਟ ਕੀਤੇ ਹੋਏ ਹਨ ਜੋ ਪਿੰਡਾਂ ਦੇ ਵਿੱਚ ਹਰ ਹਰਕਤ ਦੀ ਜਾਣਕਾਰੀ ਪੁਲਿਸ ਨੂੰ ਮੁਹਈਆ ਹੋ ਸਕੇ।

ਅੰਮ੍ਰਿਤਸਰ ਦੇ ਸਰਹੱਦੀ ਪਿੰਡ ਬੱਚੀਵਿੰਡ ਦੇ ਖੇਤਾਂ ਚੋਂ ਮਿਲੇ ਹੈਰੋਇਨ ਦੇ 2 ਪੈਕੇਟ

ਉੱਧਰ ਅੰਮ੍ਰਿਤਸਰ ਦੇ ਥਾਣਾ ਲੋਪੋਕੇ ਦੀ ਪੁਲਿਸ ਵਲੋਂ ਸਰਹੱਦੀ ਪਿੰਡ ਬੱਚੀਵਿੰਡ ਵਿਖੇ ਕਣਕ ਦੇ ਖ਼ੇਤਾਂ ਵਿਚੋਂ ਦੋ ਪੈਕਟ ਹੈਰੋਇਨ ਬਰਾਮਦ ਕੀਤੇ ਗਏ ਹਨ। ਪੁਲਿਸ ਨੇ ਵੇਖਿਆ ਕਿ ਖ਼ੇਤਾਂ ਵਿਚ ਪੀਲੀ ਟੇਪ ਨਾਲ ਲਪੇਟੀ ਕੋਈ ਚੀਜ਼ ਪਈ ਸੀ। ਪੁਲਿਸ ਵਲੋਂ ਮੌਕੇ ਤੇ ਜਾ ਕੇ ਦੇਖਿਆ ਗਿਆ ਤਾਂ ਕਣਕ ਦੇ ਖ਼ੇਤਾਂ ਵਿਚ ਦੋ ਪੈਕਟ ਹੈਰੋਇਨ (2 ਕਿਲੋ 80 ਗ੍ਰਾਮ) ਬਰਾਮਦ ਹੋਈ। ਇਹ ਹੈਰੋਇਨ ਗੁਆਂਢੀ ਮੁਲਕ ਪਾਕਿਸਤਾਨ ਵਲੋਂ ਡਰੋਨ ਰਾਹੀਂ ਸੁੱਟੀ ਗਈ ਸੀ। ਪੁਲਿਸ ਨੇ ਅਣਪਛਾਤੇ ਵਿਅਕਤੀ ਖ਼ਿਲਾਫ਼ ਐਨਡੀਪੀਐਸ ਐਕਟ ਅਧੀਨ ਮੁਕੱਦਮਾ ਦਰਜ ਕੀਤਾ ਹੈ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ