ਗਰੀਬੀ ਦੀਆਂ ਐਪਲੀਕੇਸ਼ਨਾਂ ਲਿਖਵਾਉਂਦੀਆਂ ਰਹੀਆਂ ਸਰਕਾਰਾਂ, ਆਉਟਡੇਟੇਡ ਹੋ ਗਏ ਵਿਰੋਧੀਆਂ ਦੇ ਇੰਜਨ, ਸੀਐਮ ਮਾਨ ਦੇ ਤਿੱਖੇ ਤੰਜ
CM Bhagwant Mann on Opposition Parties: ਮੁੱਖ ਮੰਤਰੀ ਮਾਨ ਨੇ ਕਿਹਾ ਕਿ ਅਕਾਲੀ ਦਲ ਅਤੇ ਕਾਂਗਰਸ ਮਾਨਸਾ, ਬਠਿੰਡਾ ਅਤੇ ਆਲੇ ਦੁਆਲੇ ਦੇ ਜ਼ਿਲ੍ਹਿਆਂ ਨੂੰ ਪਛੜੇ ਕਹਿੰਦੇ ਰਹੇ ਅਤੇ ਇੱਥੋਂ ਦੇ ਬੱਚਿਆਂ ਨੂੰ ਇੱਕ ਸਰਟੀਫਿਕੇਟ ਜਾਰੀ ਕਰਦੇ ਰਹੇ, ਜਿਸ ਨਾਲ ਦੋ ਅੰਕ ਮਿਲਦੇ ਸਨ। ਉਹ ਲੋਕਾਂ ਨੂੰ ਦੋ ਅੰਕ ਦੇ ਕੇ ਖੁਸ਼ ਕਰਦੇ ਰਹੇ, ਪਰ ਇਸ ਖੇਤਰ ਦਾ ਮਿਆਰ ਉੱਚਾ ਚੁੱਕਣ ਬਾਰੇ ਕਦੇ ਨਹੀਂ ਸੋਚਿਆ।
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਮਾਨਸਾ ਜ਼ਿਲ੍ਹੇ ਦੇ ਫਤਿਹਗੜ੍ਹ ਸਾਹਨੇਵਾਲੀ ਵਿੱਚ ਆਈਟੀਆਈ ਕਾਲਜ ਦਾ ਨੀਂਹ ਪੱਥਰ ਰੱਖਿਆ। ਨੀਂਹ ਪੱਥਰ ਰੱਖਣ ਤੋਂ ਬਾਅਦ, ਉਨ੍ਹਾਂ ਨੇ ਆਪਣੇ ਸੰਬੋਧਨ ਵਿੱਚ ਸ਼੍ਰੋਮਣੀ ਅਕਾਲੀ ਦਲ (SAD) ਦੀਆਂ ਨੀਤੀਆਂ ਦੀ ਆਲੋਚਨਾ ਕੀਤੀ। ਉਨ੍ਹਾਂ ਨੇ ਸਟੇਜ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਦੀ ਵੀ ਮਿਮਕ੍ਰੀ ਵੀ ਕੀਤੀ।
ਸੁਖਬੀਰ ਬਾਦਲ ਦੀ ਮਿਮਕ੍ਰੀ ਕਰਦੇ ਹੋਏ, ਸੀਐਮ ਭਗਵੰਤ ਮਾਨ ਨੇ ਕਿਹਾ ਕਿ ਇਨ੍ਹੀਂ ਦਿਨੀਂ ਸੁਖਬੀਰ ਬਾਦਲ ਦਾਅਵਾ ਕਰ ਰਹੇ ਹਨ ਕਿ ਬਾਪੂ ਬਾਦਲ ਕੋਲ ਵੱਡਾ ਅਤੇ ਲੰਬੇ ਸਮੇਂ ਦਾ ਦ੍ਰਿਸ਼ਟੀਕੋਣ ਸੀ। ਸੀਐਮ ਮਾਨ ਨੇ ਕਿਹਾ ਕਿ ਬਾਪੂ ਬਾਦਲ ਦਾ ਵੱਡਾ ਦ੍ਰਿਸ਼ਟੀਕੋਣ ਇਹ ਯਕੀਨੀ ਬਣਾਉਣਾ ਸੀ ਕਿ ਨੌਵੀਂ ਜਮਾਤ ਤੱਕ ਕੋਈ ਵੀ ਫੇਲ੍ਹ ਨਾ ਹੋਵੇ।
ਬੱਚਿਆਂ ਨੇ ਦਸਵੀਂ ਜਮਾਤ ਘੱਟ ਅੰਕਾਂ ਨਾਲ ਪਾਸ ਕੀਤੀ, ਤਾਂ ਉਹ ਕਿਸੇ ਕੰਮ ਦੇ ਨਹੀਂ ਬੱਚਦੇ। ਫਿਰ, ਉਨ੍ਹਾਂ ਨੂੰ ਆਟਾ ਅਤੇ ਦਾਲ ਸਕੀਮ ਲਈ ਲਾਈਨਾਂ ਵਿੱਚ ਰੱਖੋ, ਤਾਂ ਜੋ ਉਹ ਉਨ੍ਹਾਂ ਦੇ ਪਿੱਛੇ ਚੱਲਦੇ ਰਹਿਣ। ਇਹ ਸੀ ਉਨ੍ਹਾਂ ਦੀ ਦੂਰ ਤੱਕ ਦੀ ਸੋਚ।
ਬਿਨਾਂ ਪੁਰਜੇ ਦਾ ਇੰਜਣ ਹੈ ਭਾਜਪਾ
ਭਗਵੰਤ ਮਾਨ ਨੇ ਕਿਹਾ ਕਿ ਅਕਾਲੀ ਦਲ ਅਤੇ ਕਾਂਗਰਸ ਦੇ ਇੰਜਣ ਪੁਰਾਣੇ ਹੋ ਚੁੱਕੇ ਹਨ, ਜਦੋਂ ਕਿ ਭਾਜਪਾ ਦਾ ਇੰਜਣ ਬਿਨਾਂ ਪੁਰਜੇ ਦੇ ਹੈ। ਉਹ ਇਸ ਵੇਲੇ ਇਧਰ-ਉਧਰ ਤੋਂ ਸਪੇਅਰ ਪੁਰਜੇ ਇਕੱਠੇ ਕਰ ਰਹੇ ਹਨ। ਕੇਜਰੀਵਾਲ ਦੇ ਰੂਪ ਵਿੱਚ ਆਮ ਆਦਮੀ ਦਾ ਇੰਜਣ ਨਵਾਂ ਹੈ ਅਤੇ ਲੈਟੇਸਟ ਤਕਨਾਲੋਜੀ ਨਾਲ ਲੈਸ ਹੈ।
2,500 ਮੁੰਡੇ-ਕੁੜੀਆਂ ਪੁਲਿਸ ਵਿੱਚ ਹੋ ਰਹੇ ਸ਼ਾਮਲ
ਭਗਵੰਤ ਮਾਨ ਨੇ ਕਿਹਾ ਕਿ ਕੱਲ੍ਹ ਸਵੇਰੇ 11 ਵਜੇ 2,500 ਮੁੰਡੇ-ਕੁੜੀਆਂ ਨੂੰ ਪੰਜਾਬ ਪੁਲਿਸ ਵਿੱਚ ਭਰਤੀ ਕੀਤਾ ਜਾਵੇਗਾ ਅਤੇ ਸਿੱਧੇ ਥਾਣਿਆਂ ਵਿੱਚ ਭੇਜਿਆ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਸਰਕਾਰ ਨੌਜਵਾਨਾਂ ਨੂੰ ਲਗਾਤਾਰ ਨੌਕਰੀਆਂ ਦੇ ਰਹੀ ਹੈ। ਹੁਣ ਤੱਕ ਸਰਕਾਰ ਨੇ 63,000 ਤੋਂ ਵੱਧ ਨੌਜਵਾਨਾਂ ਨੂੰ ਰੁਜ਼ਗਾਰ ਦੇ ਚੁੱਕੇ ਹਾਂ।
ਇਹ ਵੀ ਪੜ੍ਹੋ
ਹਲਕਾ ਸਰਦੂਲਗੜ੍ਹ ਦੇ ਪਿੰਡ ਖਿਆਲੀ ਚਹਿਲਾਂ ਵਾਲੀ ਤੋਂ ਲੋਕਾਂ ਨੂੰ ਸੰਬੋਧਨ | LIVE ———- हलका सरदूलगढ़ के गांव खिआली चहेलां वाली से लोगों को संबोधन | LIVE https://t.co/1F2YeUoS2R
— Bhagwant Mann (@BhagwantMann) February 24, 2026
ਸਰਦੁਲਗੜ੍ਹ ਹਸਪਤਾਲ 100 ਬੈੱਡ ਦਾ ਹੋਵੇਗਾ
ਆਪਣੇ ਭਾਸ਼ਣ ਦੌਰਾਨ, ਜਦੋਂ ਮੁੱਖ ਮੰਤਰੀ ਭਗਵੰਤ ਮਾਨ ਆਲੇ-ਦੁਆਲੇ ਦੇ ਇਲਾਕਿਆਂ ਵਿੱਚ ਵਿਕਾਸ ਕਾਰਜਾਂ ਬਾਰੇ ਐਲਾਨ ਕਰ ਰਹੇ ਸਨ, ਤਾਂ ਕਿਸੇ ਨੇ ਉਨ੍ਹਾਂ ਨੂੰ ਸਹਰਦੁਲਗੜ੍ਹ ਦੇ ਹਸਪਤਾਲ ਨੂੰ ਅਪਗ੍ਰੇਡ ਕਰਨ ਲਈ ਕਿਹਾ। ਇਸ ‘ਤੇ ਉਨ੍ਹਾਂ ਜਵਾਬ ਦਿੱਤਾ ਕਿ ਇਸ ਸਰਕਾਰੀ ਹਸਪਤਾਲ ਨੂੰ 100 ਬੈ4ਡ ਤੱਕ ਅਪਗ੍ਰੇਡ ਕੀਤਾ ਜਾਵੇਗਾ।
ਵਿਦਿਆਰਥੀਆਂ ਤੋਂ ਗਰੀਬੀ ਲਈ ਅਰਜ਼ੀਆਂ ਲਿਖਵਾਉਂਦੀਆਂ ਰਹੀਆਂ ਸਰਕਾਰਾਂ
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਸਰਕਾਰਾਂ ਦੀ ਦੂਰਦਰਸ਼ੀ ਸੋਚ ਇਹ ਸੀ ਕਿ ਉਹ ਸਕੂਲੀ ਬੱਚਿਆਂ ਨੂੰ ਫੀਸ ਮੁਆਫੀ ਅਤੇ ਜੁਰਮਾਨਾ ਮੁਆਫੀ ਲਈ ਅਰਜ਼ੀਆਂ ਲਿਖਵਾਉਣਾ ਸਿਖਾਉਂਦੇ ਰਹੇ। ਪ੍ਰਾਈਵੇਟ ਸਕੂਲ ਵਾਲਿਆਂ ਨੇ ਲੱਖਾਂ ਰੁਪਏ ਫੀਸਾਂ ਵਸੂਲਣ ਦੇ ਬਾਵਜੂਦ, ਇਹ ਅਰਜ਼ੀਆਂ ਨਹੀਂ ਸਿਖਾਈਆਂ। ਬੱਚਿਆਂ ਨੇ ਮੁਆਫੀ ਦੀਆਂ ਅਰਜ਼ੀਆਂ ਲਿਖਣਾ ਸਿੱਖਿਆ ਅਤੇ ਫਿਰ ਸਰਕਾਰ ਤੋਂ ਕਈ ਤਰ੍ਹਾਂ ਦੀਆਂ ਮੁਆਫ਼ੀਆਂ ਮੰਗਦੇ ਰਹੇ।
ਅਸੀਂ ਅਧਿਆਪਕਾਂ ਨੂੰ ਫਿਨਲੈਂਡ ਅਤੇ ਸਿੰਗਾਪੁਰ ਭੇਜਿਆ
ਮੁੱਖ ਮੰਤਰੀ ਮਾਨ ਨੇ ਕਿਹਾ ਕਿ ਜਦੋਂ ਸਾਡੀ ਸਰਕਾਰ ਸੱਤਾ ਵਿੱਚ ਆਈ, ਤਾਂ ਅਸੀਂ ਆਪਣੇ ਅਧਿਆਪਕਾਂ ਅਤੇ ਪ੍ਰਿੰਸੀਪਲਾਂ ਨੂੰ ਫਿਨਲੈਂਡ ਅਤੇ ਸਿੰਗਾਪੁਰ ਭੇਜਿਆ, ਜਿੱਥੇ ਦੁਨੀਆ ਦੇ ਚੋਟੀ ਦੇ ਸਕੂਲਾਂ ਦੇ ਅਧਿਆਪਕ ਅਤੇ ਪ੍ਰਿੰਸੀਪਲ ਸਿਖਲਾਈ ਲਈ ਆਉਂਦੇ ਹਨ। ਨਤੀਜਾ ਸਕੂਲਾਂ ਦੇ ਸਟੇਟਸ ਵਿੱਚ ਵਾਧਾ ਹੋਇਆ।
ਅੱਜ ਹਲਕਾ ਸਰਦੂਲਗੜ੍ਹ ਦੇ ਪਿੰਡ ਫਤਿਹਗੜ੍ਹ ਸਾਹਨੇਵਾਲੀ ਵਿਖੇ ਪੰਜਾਬ ਪ੍ਰਭਾਰੀ ਮਨੀਸ਼ ਸਿਸੋਦੀਆ ਜੀ ਨਾਲ ਸਰਕਾਰੀ ਆਈ.ਟੀ.ਆਈ. ਦੀ ਉਸਾਰੀ ਦਾ ਨੀਂਹ ਪੱਥਰ ਰੱਖਿਆ। ਜਿਸ ਨੂੰ ਤੈਅ ਸਮੇਂ ‘ਚ ਮੁਕੰਮਲ ਕਰਕੇ ਲੋਕ ਸਮਰਪਿਤ ਕੀਤਾ ਜਾਵੇਗਾ।
ਪਿੰਡ ਫਤਿਹਗੜ੍ਹ ਸਾਹਨੇਵਾਲੀ ਦੀ ਪੰਚਾਇਤ ਦਾ ਦਿਲੋਂ ਧੰਨਵਾਦ ਕਰਦੇ ਹਾਂ, ਜਿਸ ਨੇ ਇਸ ਪ੍ਰੋਜੈਕਟ ਲਈ 5 ਏਕੜ pic.twitter.com/OEW5h2GVNG — Bhagwant Mann (@BhagwantMann) February 24, 2026
ਅਸੀਂ 10 ਨੰਬਰ ਜਿਆਦਾ ਲਿਆਉਣ ਦਾ ਜੁਗਾੜ ਕੀਤਾ
ਭਗਵੰਤ ਮਾਨ ਨੇ ਕਿਹਾ ਕਿ ਅਸੀਂ ਉਨ੍ਹਾਂ ਲੋਕਾਂ ਨੂੰ ਅੱਗੇ ਲਿਆਂਦਾ ਹੈ ਜਿਨ੍ਹਾਂ ਨੂੰ ਸਭ ਤੋਂ ਪਛੜੇ ਸਮਝਿਆ ਜਾਂਦਾ ਸੀ। ਉਨ੍ਹਾਂ ਕਿਹਾ ਕਿ ‘ਆਪ’ ਸਰਕਾਰ ਨੇ ਸਿੱਖਿਆ, ਸਿਹਤ, ਸੜਕਾਂ ਅਤੇ ਹੋਰ ਬੁਨਿਆਦੀ ਢਾਂਚੇ ਦਾ ਵਿਕਾਸ ਕੀਤਾ ਹੈ, ਇਸ ਖੇਤਰ ਦਾ ਮਿਆਰ ਸੁਧਾਰਿਆ ਹੈ। ਹੁਣ, ਬੱਚੇ ਚੰਗੀ ਪੜ੍ਹਾਈ ਕਰਕੇ 10 ਨੰਬਰ ਜਿਆਦਾ ਲਿਆਉਣ ਲੱਗ ਪਏ ਹਨ। ਉਨ੍ਹਾਂ ਨੂੰ ਹੁਣ ਪਛੜੇਪਣ ਦੇ ਉਨ੍ਹਾਂ ਦੋ ਅੰਕਾਂ ਦੀ ਲੋੜ ਨਹੀਂ ਹੈ।
ਉਹ ਰਾਤ ਨੂੰ ਕਿਸਾਨਾਂ ਨੂੰ ਬਿਜਲੀ ਅਤੇ ਪਾਣੀ ਦਿੰਦੇ ਸਨ
ਭਗਵੰਤ ਮਾਨ ਨੇ ਕਿਹਾ ਕਿ ਕਾਂਗਰਸ ਅਤੇ ਅਕਾਲੀ ਦਲ ਰਾਤ ਨੂੰ ਕਿਸਾਨਾਂ ਨੂੰ ਪਾਣੀ ਅਤੇ ਪਾਣੀ ਦਿੰਦੇ ਸਨ। ਕਿਸਾਨ ਸਵੇਰੇ 2:00 ਵਜੇ ਆਪਣੇ ਖੇਤਾਂ ਵਿੱਚ ਜਾਂਦੇ ਸਨ, ਅਤੇ ਪਾਣੀ ਦੀ ਕਮੀ ਨੂੰ ਲੈ ਕੇ ਸੂਬੇ ਵਿੱਚ ਅਕਸਰ ਕਤਲ ਹੁੰਦੇ ਤੱਕ ਹੋ ਜਾਂਦੇ ਸਨ। ਭਗਵੰਤ ਮਾਨ ਨੇ ਕਿਹਾ ਕਿ ਅਸੀਂ ਦਿਨ ਵੇਲੇ ਕਿਸਾਨਾਂ ਨੂੰ ਬਿਜਲੀ ਅਤੇ ਪਾਣੀ ਪ੍ਰਦਾਨ ਕਰ ਰਹੇ ਹਾਂ। ਇਸ ਲਈ ਮੈਂ ਅਧਿਕਾਰੀਆਂ ਨੂੰ ਕਿਹਾ ਕਿ ਜਦੋਂ ਹਰ ਕੋਈ ਦਿਨ ਵੇਲੇ ਆਪਣੇ ਦਫ਼ਤਰਾਂ ਵਿੱਚ ਕੰਮ ਕਰਦਾ ਹੈ, ਤਾਂ ਕਿਸਾਨ ਰਾਤ ਨੂੰ ਕਿਉਂ ਕੰਮ ਕਰਨਗੇ? ਅਸੀਂ ਦਿਨ ਭਰ ਕਿਸਾਨਾਂ ਨੂੰ ਨਿਰਵਿਘਨ ਬਿਜਲੀ ਸਪਲਾਈ ਪ੍ਰਦਾਨ ਕਰ ਰਹੇ ਹਾਂ।
