ਚੰਡੀਗੜ੍ਹ ਪਹੁੰਚੇ ਕੇਂਦਰੀ ਮੰਤਰੀ ਸ਼ਿਵਰਾਜ ਚੌਹਾਨ ਅਤੇ ਪ੍ਰਹਿਲਾਦ ਜੋਸ਼ੀ, CBDC ਸਿਸਟਮ ਦੀ ਕੀਤੀ ਸ਼ੁਰੂਆਤ, ਪੰਜਾਬ ਦੇ ਕਿਸਾਨਾਂ ਨਾਲ ਕਰਨਗੇ ਮੁਲਾਕਾਤ

ਕੇਂਦਰੀ ਖੇਤੀਬਾੜੀ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਅਤੇ ਕੇਂਦਰੀ ਮੰਤਰੀ ਪ੍ਰਹਿਲਾਦ ਜੋਸ਼ੀ ਅੱਜ ਪੰਜਾਬ ਅਤੇ ਹਰਿਆਣਾ ਦੇ ਦੌਰੇ ‘ਤੇ ਹਨ। ਦੋਵੇਂ ਮੰਤਰੀ ਚੰਡੀਗੜ੍ਹ ਪਹੁੰਚੇ ਅਤੇ ਟੈਗੋਰ ਥੀਏਟਰ ਵਿਖੇ ਆਯੋਜਿਤ ਇੱਕ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਏ। ਇਸ ਦੌਰਾਨ, ਉਨ੍ਹਾਂ ਨੇ ਜਨਤਕ ਵੰਡ ਪ੍ਰਣਾਲੀ ਅਧੀਨ ਸੀਬੀਡੀਸੀ-ਅਧਾਰਤ ਡਾਇਰੈਕਟ ਬੈਨੀਫਿਟ ਟ੍ਰਾਂਸਫਰ (DBT) ਯੋਜਨਾ ਦੀ ਸ਼ੁਰੂਆਤ ਕੀਤੀ।

ਇਸਤੋਂ ਬਾਅਦ ਦੋਵੇਂ ਮੰਤਰੀ ਪੰਜਾਬ ਦੇ ਅਜ਼ੀਜ਼ਪੁਰ ਪਿੰਡ ਅਤੇ ਹਰਿਆਣਾ ਦੇ ਕੈਥਲ ਜ਼ਿਲ੍ਹੇ ਦੇ ਢਾਂਡ ਦਾ ਦੌਰਾ ਕਰਨਗੇ। ਇਸ ਦੌਰਾਨ, ਉਹ ਰਾਸ਼ਨ ਪ੍ਰਣਾਲੀ, ਕਿਸਾਨਾਂ ਦੀਆਂ ਸਮੱਸਿਆਵਾਂ ਅਤੇ ਅਨਾਜ ਭੰਡਾਰਨ ਪ੍ਰਬੰਧਾਂ ਦੀ ਸਮੀਖਿਆ ਕਰਨਗੇ।

ਚੰਡੀਗੜ੍ਹ ਪ੍ਰੋਗਰਾਮ ਤੋਂ ਬਾਅਦ, ਦੋਵੇਂ ਮੰਤਰੀ ਦੁਪਹਿਰ 2 ਵਜੇ ਅਜ਼ੀਜ਼ਪੁਰ ਪਿੰਡ ਪਹੁੰਚਣਗੇ। ਇੱਥੇ, ਸ਼ਿਵਰਾਜ ਸਿੰਘ ਚੌਹਾਨ ਕਿਸਾਨਾਂ ਨਾਲ ਸਿੱਧੇ ਗੱਲਬਾਤ ਕਰਨਗੇ। ਇਸ ਦੌਰਾਨ, ਖੇਤੀ ਨਾਲ ਸਬੰਧਤ ਸਮੱਸਿਆਵਾਂ, ਸਰਕਾਰੀ ਯੋਜਨਾਵਾਂ ਅਤੇ ਕਿਸਾਨਾਂ ਨੂੰ ਉਪਲਬਧ ਸਹੂਲਤਾਂ ਬਾਰੇ ਜਾਣਕਾਰੀ ਇਕੱਠੀ ਕੀਤੀ ਜਾਵੇਗੀ। ਕਿਸਾਨ ਵੀ ਪੇ ਆਪਣੀਆਂ ਸਮੱਸਿਆਵਾਂ ਅਤੇ ਸੁਝਾਅ ਮੰਤਰੀ ਨੂੰ ਸ਼ ਕਰ ਸਕਣਗੇ।

VIDEO | Chandigarh: Haryana CM Nayab Singh Saini (@NayabSainiBJP) welcomes Union Ministers Shivraj Singh Chouhan (@ChouhanShivraj) and Pralhad Joshi (@JoshiPralhad) at Sant Kabir Kutir.

(Full video available on PTI Videos – https://t.co/d8jp61yd2p) pic.twitter.com/6bnILUrVdz — Press Trust of India (@PTI_News) August 14, 2026

ਸ਼ਾਮ ਨੂੰਕੈਥਲ ਵਿੱਚ ਅਨਾਜ ਭੰਡਾਰਨ ਦਾ ਨਿਰੀਖਣ

ਇਸ ਤੋਂ ਬਾਅਦ ਦੋਵੇਂ ਮੰਤਰੀ ਸ਼ਾਮ 4:30 ਵਜੇ ਦੇ ਕਰੀਬ ਹਰਿਆਣਾ ਦੇ ਕੈਥਲ ਜ਼ਿਲ੍ਹੇ ਦੇ ਧਾਂਡ ਪਹੁੰਚਣਗੇ। ਇੱਥੇ, ਉਹ ਭਾਰਤੀ ਖੁਰਾਕ ਨਿਗਮ ਦੀ ਅਨਾਜ ਭੰਡਾਰਨ ਸਹੂਲਤ ਦਾ ਨਿਰੀਖਣ ਕਰਨਗੇ। ਉਹ ਅਨਾਜ ਭੰਡਾਰਨ, ਗੁਣਵੱਤਾ ਅਤੇ ਆਵਾਜਾਈ ਪ੍ਰਣਾਲੀਆਂ ਦੀ ਸਮੀਖਿਆ ਕਰਨਗੇ।

ਰਾਸ਼ਨ ਪ੍ਰਣਾਲੀ ਨੂੰ ਹੋਰ ਪਾਰਦਰਸ਼ੀ ਬਣਾਉਣ ‘ਤੇ ਜ਼ੋਰ

ਅਧਿਕਾਰੀ ਉਨ੍ਹਾਂ ਨੂੰ ਰਾਸ਼ਨਿੰਗ ਲਈ ਰਾਜਾਂ ਵਿੱਚ ਅਨਾਜ ਪਹੁੰਚਾਉਣ ਦੀ ਪ੍ਰਕਿਰਿਆ ਬਾਰੇ ਵੀ ਜਾਣਕਾਰੀ ਦੇਣਗੇ। ਕੇਂਦਰ ਸਰਕਾਰ ਰਾਸ਼ਨ ਪ੍ਰਣਾਲੀ ਨੂੰ ਹੋਰ ਪਾਰਦਰਸ਼ੀ ਅਤੇ ਸਰਲ ਬਣਾਉਣ ‘ਤੇ ਧਿਆਨ ਕੇਂਦਰਿਤ ਕਰ ਰਹੀ ਹੈ।