Vidhan Sabha Session: ਵਿਧਾਨਸਭਾ ‘ਚ RDF ‘ਤੇ ਕੇਂਦਰ ਖਿਲਾਫ਼ ਨਿੰਦਾ ਮਤਾ ਪਾਸ, ਮਾਨ ਦੀ ਚਿਤਾਵਨੀ ਨਹੀਂ ਮਿਲਿਆ ਫੰਡ ਤਾਂ ਜਾਵਾਂਗੇ ਸੁਪਰੀਮ ਕੋਰਟ

ਚੰਡੀਗੜ੍ਹ ਨਿਊਜ਼: ਆਰਡੀਐੱਫ ਫੰਡ ਨਾ ਮਿਲਣ ਕਾਰਨ ਕੇਂਦਰ ਸਰਕਾਰ ਤੇ ਪੰਜਾਬ ਸਰਕਾਰ ਆਹਮੋ ਸਾਹਮਣੇ ਆ ਗਏ ਨੇ। ਇਸਦੇ ਤਹਿਤ ਮੰਗਲਵਾਰ ਸੀਐੱਮ ਭਗਵੰਤ (CM Bhagwant) ਮਾਨ ਨੇ ਪੰਜਾਬ ਵਿਧਾਨਸਭਾ ਦੇ ਵਿਸ਼ੇਸ਼ ਇਜਲਾਸ ਵਿੱਚ ਕੇਂਦਰ ਸਰਕਾਰ ਦੇ ਖਿਲਾਫ ਨਿੰਦਾ ਪ੍ਰਸਤਾਵ ਪਾਸ ਕਰਵਾ ਦਿੱਤਾ। ਤੇ ਨਾਲ ਹੀ ਮਾਨ ਨੇ ਕੇਂਦਰ ਨੂੰ ਚਿਤਾਵਨੀ ਦਿੱਤੀ ਕਿ ਜੇਕਰ ਪੰਜਾਬ ਦਾ ਫੰਡ ਉਸਨੂੰ ਨਾ ਮਿਲਿਆ ਤਾਂ ਉਹ ਸੁਪਰੀਮ ਕੋਰਟ ਜਾਣਗੇ।

ਫੰਡ ਜਾਰੀ ਨਹੀਂ ਹੋਇਆ ਤਾਂ ਜਾਵਾਂਗੇ ਸੁਪਰੀਮ ਕੋਰਟ-ਮਾਨ

ਵਿਧਾਨਸਭਾ ਵਿੱਚ ਕੇਂਦਰ ਵੱਲੋਂ ਪੰਜਾਬ ਨੂੰ ਰੂਰਲ ਡੇਵਲਪਮੈਂਟ ਫੰਡ (RDF) ਦਾ 3622 ਕਰੋੜ ਦਾ ਫੰਡ ਜਾਰੀ ਨਾ ਕਰਨ ਖਿਲਾਫ਼ ਸਦਨ ‘ਚ ਨਿੰਦਾ ਪ੍ਰਸਤਾਵ ਪਾਸ ਕਰ ਦਿੱਤਾ ਗਿਆ ਹੈ। ਇਸ ਮੁੱਦੇ ‘ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਉਹ ਆਪਣਾ ਹੱਕ ਮੰਗ ਰਹੇ ਹਨ, ਕੋਈ ਭੀਖ ਨਹੀਂ ਮੰਗ ਰਹੇ ਹਨ। ਕੇਂਦਰ ਵੱਲੋਂ ਇਸ ਫੰਡ ਨੂੰ ਜਾਰੀ ਨਾ ਕਰਨ ਕਰਕੇ ਸਾਡੇ ਪੇਂਡੂ ਵਿਕਾਸ ਤੇ ਅਸਰ ਪੈ ਰਿਹਾ ਹੈ। ਮੁੱਖ ਮੰਤਰੀ ਨੇ ਕੇਂਦਰ ਨੂੰ ਇੱਕ ਜੁਲਾਈ ਤੱਕ ਫੰਡ ਜਾਰੀ ਕਰਨ ਦਾ ਅਲਟੀਮੇਟਮ ਦਿੰਦਿਆਂ ਕਿਹਾ ਕਿ ਜੇਕਰ ਕੇਂਦਰ ਸਾਨੂੰ ਸਾਡਾ ਬਣਦਾ ਫੰਡ ਜਾਰੀ ਨਹੀਂ ਕਰਦਾ ਤਾਂ ਅਸੀਂ ਸੁਪਰੀਮ ਕੋਰਟ ਦਾ ਦਰਵਾਜ਼ਾ ਖੜਕਾਵਾਂਗੇ।

RDF ਦੇ ਰੁਕਣ ਦਾ ਕਾਰਨ ਕੈਪਟਨ ਸਾਬ੍ਹ ਨੇਜਿਨ੍ਹਾਂ ਨੇ ਪੈਸਾ ਹੋਰ ਕਿਸੇ ਕੰਮ ਲਈ ਵਰਤ ਲਿਆਫਿਰ ਕੇਂਦਰ ਕਹਿੰਦਾ ਐਕਟ ਬਣਾਓ ਅਸੀਂ ਐਕਟ ਬਣਾ ਕੇ ਵਿਧਾਨ ਸਭਾ ਚ ਪਾਸ ਵੀ ਕਰ ਦਿੱਤਾਹੁਣ ਵੀ ਪੰਜਾਬ ਦਾ ਹੱਕ ਨੱਪੀ ਬੈਠੇ ਨੇ pic.twitter.com/3TqkvqThbI

— Bhagwant Mann (@BhagwantMann) June 20, 2023

ਇਸ ਤੋਂ ਸਦਨ ਵਿੱਚ ਪਹਿਲਾਂ ਪੰਜਾਬ ਪੁਲਿਸ ਸੋਧ ਬਿਲ 2023 ਅਤੇ ਪੰਜਾਬ ਯੂਨੀਵਰਸਿਟੀ ਲਾ ਸੋਧ ਬਿਲ 2023 ਵੀ ਸਹਿਮਤੀ ਨਾਲ ਪਾਸ ਕਰ ਦਿੱਤੇ ਗਏ।

ਮੁੱਖ ਮੰਤਰੀ ਦੇ ਰਾਜਪਾਲ ‘ਤੇ ਤਿੱਖੇ ਹਮਲੇ

ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਆਪਣੇ ਭਾਸ਼ਣ ਦੌਰਾਨ ਪੰਜਾਬ ਦੇ ਗਵਰਨਰ ਬਨਵਾਰੀ ਲਾਲ ਪੁਰੋਹਿਤ ਤੇ ਸਿੱਧੇ ਹਮਲੇ ਬੋਲੇ। ਉਨ੍ਹਾਂ ਕਿਹਾ ਕੇਂਦਰ ਨੇ ਚੁਣੀਆਂ ਸਰਕਾਰਾਂ ਨੂੰ ਤੰਗ ਕਰਨ ਲਈ ਇੱਕ-ਇੱਕ ਬੰਦਾ ਬਿਠਾ ਰੱਖਿਆ ਹੈ, ਜਿਸਨੂੰ ਗਵਰਨਰ ਜਾਂ ਰਾਜਪਾਲ ਕਹਿੰਦੇ ਨੇ। ਜੇਕਰ ਰਾਜਪਾਲ ਸਰਕਾਰ ਨੂੰ ਇੱਕ-ਦੋ ਦਿਨਾਂ ਦੇ ਵਿੱਚ ਤੰਗ ਨਾ ਕਰਨ ਜਾਂ ਸੂਬੇ ਦੇ ਮੁੱਖ ਮੰਤਰੀ ਨੂੰ ਕੋਈ ਪੱਤਰ ਨਾ ਲਿਖਣ ਤਾਂ ਕੇਂਦਰ ਸਰਕਾਰ ਉਨ੍ਹਾਂ ਨੂੰ ਕਹਿੰਦੀ ਹੈ ਕਿ ਤੈਨੂੰ ਕਿਸ ਲਈ ਬਿਠਾ ਰੱਖਿਆ ਹੈ। ਮੁੱਖ ਮੰਤਰੀ ਆਪਣੇ ਨਾਲ ਗਵਰਨਰ ਦੇ ਲਿਖੇ ਪੱਤਰਾਂ ਦੀ ਫਾਈਲ ਵੀ ਲੈ ਕੇ ਆਏ ਸਨ, ਜਿਸਨੂੰ ਦਿਖਾਉਂਦਿਆਂ ਉਨ੍ਹਾਂ ਨੇ ਰਾਜਪਾਲ ‘ਤੇ ਜ਼ੋਰਦਾਰ ਹਮਲਾ ਬੋਲਿਆ। ਸੀਐੱਮ ਨੇ ਕਿਹਾ ਕਿ ਗਵਰਨਰ ਦਾ ਜ਼ਿੰਮੇਵਾਰੀ ਬਣਦੀ ਹੈ ਕਿ ਉਹ ਸੂਬੇ ਦੇ ਹੱਕਾਂ ਦੀ ਗੱਲ ਕਰੇ ਅਤੇ ਸਾਡਾ ਆਰਡੀਐਫ ਦਾ ਫੰਡ ਕੇਂਦਰ ਤੋਂ ਦੁਆਵੇ, ਪਰ ਉਹ ਤਾਂ ਸਾਡੇ ਖਿਲਾਫ ਹੀ ਸਾਜਿਸ਼ਾਂ ਰਚੀ ਜਾ ਰਹੇ ਹਨ।

ਗਵਰਨਰ ਸਾਬ੍ਹ ਦਾ ਫ਼ਰਜ਼ ਬਣਦੈ ਕਿ ਉਹ ਪੰਜਾਬ ਦਾ ਪੱਖ ਪੂਰਨ ਪਰ ਨਾ ਤਾਂ RDF ਦੇ ਮਸਲੇ ਤੇ ਸਾਡੇ ਨਾਲ ਖੜ੍ਹੇ ਨੇ ਅਤੇ ਨਾ ਹੀ ਪੰਜਾਬ ਯੂਨੀਵਰਸਿਟੀ ਦੇ ਮਸਲੇ ਤੇਗਵਰਨਰ ਸਾਬ੍ਹ ਤੁਸੀਂ ਗਵਰਨਰ ਪੰਜਾਬ ਹੋ ਤਾਂ ਆਪਣੇ ਅਹੁਦੇ ਦੀ ਜ਼ਿੰਮੇਵਾਰੀ ਵੀ ਨਿਭਾਓ.. pic.twitter.com/ArtjjQSND6

ਇਹ ਵੀ ਪੜ੍ਹੋ

ਸ਼ੀਲ ਨਾਗੂ ਬਣੇ SC ਦੇ ਜੱਜ, ਅਸ਼ਵਨੀ ਮਿਸ਼ਰਾ HC ਦੇ ਕਾਰਜਕਾਰੀ ਚੀਫ ਜਸਟਿਸ ਨਿਯਕੁਤ

ਚੰਡੀਗੜ੍ਹ: ਹੁਣ ਕੋਠੀ ਨਹੀਂ... ਗਰੁੱਪ ਹਾਊਸਿੰਗ ਸੋਸਾਇਟੀਆਂ ਦਾ ਹੋਵੇਗਾ ਨਿਰਮਾਣ

ਚੰਡੀਗੜ੍ਹ 'ਚ ਈਦ ਦੀ ਛੁੱਟੀ ਦੀ ਤਰੀਕ ਬਦਲੀ, ਪ੍ਰਸ਼ਾਸਨ ਵੱਲੋਂ ਨੋਟੀਫਿਕੇਸ਼ਨ ਜਾਰੀ

— Bhagwant Mann (@BhagwantMann) June 20, 2023

ਮੁੱਖ ਮੰਤਰੀ ਦੇ ਨਿਸ਼ਾਨੇ ‘ਤੇ ਕਾਂਗਰਸ

ਮੁੱਖ ਮੰਤਰੀ ਨੇ ਇਸ ਦੌਰਾਨ ਵਿਰੋਧੀ ਧਿਰਾਂ ਤੇ ਵੀ ਜੰਮਕੇ ਨਿਸ਼ਾਨੇ ਸਾਧੇ। ਕਾਂਗਰਸ ਆਗੂ ਪ੍ਰਤਾਪ ਸਿੰਘ ਬਾਜਵਾ (Pratap Singh Bajwa) ‘ਤੇ ਤਿੱਖਾ ਹਮਲਾ ਬੋਲਦਿਆਂ ਕਿਹਾ ਕਿ ਉਹ ਪੰਜਾਬ ਦੇ ਹੱਕ ਚ ਬੋਲਣ ਦੀ ਥਾਂ ਆਪ ਸਰਕਾਰ ਨੂੰ ਘੇਰਣ ਚ ਲੱਗੇ ਰਹਿੰਦੇ ਹਨ। ਉਨ੍ਹਾਂ ਕਾਂਗਰਸ ‘ਤੇ ਤੰਜ ਕੱਸਦਿਆਂ ਉਨ੍ਹਾਂ ਕਿਹਾ ਕਿ ਉਹ ਸਾਡੀ ਸਰਕਾਰ ‘ਤੇ ਸਵਾਲ ਚੁੱਕਦੇ ਹਨ ਕਿ ਦੂਜੇ ਸੂਬਿਆਂ ਚ ਕਿਉਂ ਜਾਂਦੇ ਹੋ। ਜੇਕਰ ਤੁਹਾਡੀ ਪਾਰਟੀ ਸੰਭੂ ਬਾਰਡਰ ਤੋਂ ਅੱਗੇ ਨਹੀਂ ਜਾ ਸਕਦੇ ਤਾਂ ਅਸੀਂ ਕੀ ਕਰ ਸਕਦੇ ਹਾਂ। ਉਨ੍ਹਾਂ ਬਾਜਵਾ ‘ਤੇ ਤਿੱਖਾ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਬਾਜਵਾ ਦੇ ਘਰ ਦੀ ਉਪਰ ਵਾਲੀ ਮੰਜਿਲ ਤੇ ਭਾਜਪਾ ਦਾ ਝੰਡਾ ਹੈ ਤੇ ਥੱਲੇ ਕਾਂਗਰਸ ਦਾ। ਪਤਾ ਨਹੀਂ ਕਦੋਂ ਪਾਸਾ ਬਦਲ ਲੈਣ। ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ,ਲੇਟੇਸਟ ਵੇੱਬ ਸਟੋਰੀ,NRI ਨਿਊਜ਼,ਮਨੋਰੰਜਨ ਦੀ ਖਬਰ,ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼,ਪਾਕਿਸਤਾਨ ਦਾ ਹਰ ਅਪਡੇਟ,ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ