BKU ਕਾਦੀਆਂ ਦੀ ਅਫ਼ੀਮ-ਭੁੱਕੀ ਦੀ ਵਿਕਰੀ ਦੀ ਮੰਗ, ਡੱਲੇਵਾਲ ਨੇ ਕੀਤਾ ਵਿਰੋਧ; ਕੀ ਹੈ ਪੂਰਾ ਮਾਮਲਾ?

ਭਾਰਤੀ ਕਿਸਾਨ ਯੂਨੀਅਨ (ਕਾਦੀਆਂ) ਨੇ ਪੰਜਾਬ ‘ਚ ਵੱਧਦੇ ਸਿੰਥੈਟਿਕ ਨਸ਼ੇ ਦੇ ਸੰਕਟ ਨੂੰ ਦੇਖਦੇ ਹੋਏ ਅਫ਼ੀਮ-ਭੁੱਕੀ ਦੀ ਨਿਯੰਤਰਤ ਖੇਤੀ ਨੂੰ ਮਨਜ਼ੂਰੀ ਦੇਣ ਦੀ ਮੰਗ ਰੱਖੀ ਹੈ। ਯੂਨੀਅਨ ਨੇ ਭੁੱਕੀ ਤੇ ਅਫ਼ੀਮ ਦੀ ਵਿਕਰੀ ਦੇ ਲਈ ਸਰਕਾਰੀ ਠੇਕੇ ਖੋਲ੍ਹਣ ਦੀ ਮੰਗ ਵੀ ਰੱਖੀ ਹੈ। ਦੱਸ ਦੇਈਏ ਕਿ ਇਹ ਮੰਗ ਫਤਿਹਗੜ੍ਹ ਸਾਹਿਬ ਖਮਾਨੋ ‘ਚ ਹੋਈ ਇੱਕ ਬੈਠਕ ਤੋਂ ਬਾਅਦ ਯੂਨੀਅ ਦੇ ਸੂਬਾ ਪ੍ਰਧਾਨ ਹਰਮੀਤ ਸਿੰਘ ਕਾਦੀਆਂ ਨੇ ਮੀਡੀਆ ਨੂੰ ਸੰਬੋਧਨ ਕਰਦੇ ਹੋਏ ਰੱਖੀ।

ਹਰਮੀਤ ਸਿੰਘ ਕਾਦੀਆਂ ਨੇ ਕਿਹਾ ਕਿ ਸਿੰਥੈਟਿਕ ਨਸ਼ੇ ਦੇ ਕਾਰਨ ਪੰਜਾਬ ਦੀ ਨੌਜਵਾਨ ਪੀੜ੍ਹੀ ਤੇ ਸਮਾਜਿਕ ਢਾਂਚੇ ‘ਤੇ ਗੰਭੀਰ ਅਸਰ ਪੈ ਰਿਹਾ ਹੈ। ਉਨ੍ਹਾਂ ਨੇ ਤਰਕ ਦਿੱਤਾ ਕਿ ਇਸ ਸਥਿਤੀ ਦਾ ਸਾਹਮਣਾ ਕਰਨ ਲਈ ਸਰਕਾਰ ਨੂੰ ਵਿਵਹਾਰਕ ਤੇ ਸਾਹਸੀ ਕਦਮ ਚੁੱਕਣਾ ਹੋਵੇਗਾ। ਉਨ੍ਹਾਂ ਨੇ ਸੁਝਾਅ ਦਿੱਤਾ ਕਿ ਖਸਖਸ ਦੀ ਖੇਤੀ ਨੂੰ ਆਬਕਾਰੀ ਵਿਭਾਗ ਦੇ ਦਾਇਰੇ ‘ਚ ਲਿਆ ਕੇ ਲਾਇਸੈਂਸ ਪ੍ਰਣਾਲੀ ਦੇ ਤਹਿਤ ਅਫ਼ੀਮ ਤੇ ਭੁੱਕੀ ਦੀ ਵਿਕਰੀ ਦੇ ਲਈ ਸਰਕਾਰੀ ਠੇਕੇ ਖੋਲ੍ਹੇ ਜਾਣ।

ਉਨ੍ਹਾਂ ਨੇ ਕਿਹਾ ਕਿ ਇਸ ਕਦਮ ਦੇ ਨਾਲ ਇੱਕ ਦਾ ਗੈਰ-ਕਾਨੂਨੀ ਤਸਕਰੀ ਤੇ ਚਿੱਟੇ ਵਰਗੇ ਨਸ਼ੇ ‘ਤੇ ਰੋਕ ਲੱਗੇਗੀ। ਇਸ ਦੇ ਨਾਲ ਹੀ ਕਿਸਾਨ ਦੇ ਸਰਕਾਰ ਦੇ ਮਾਲੀਆ ਲਈ ਨਵਾਂ ਸਰੋਤ ਤਿਆਰ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਨਿਯੰਤਰਤ ਵਿਵਸਥਾ ਲਾਗੂ ਹੋਣ ਨਾਲ ਪੰਜਾਬ ਦੀ ਅਰਥਵਿਵਸਥਾ ਮਜ਼ਬੂਤ ਹੋਵੇਗੀ ਤੇ ਗ੍ਰਾਮੀਣ ਖੇਤਰਾਂ ‘ਚ ਰੁਜ਼ਗਾਰ ਦੇ ਮੌਕੇ ਵੱਧਣਗੇ।

ਡੱਲੇਵਾਰ ਦਾ ਵਿਰੋਧ

ਦੂਜੇ ਪਾਸੇ, ਕਿਸਾਨ ਆਗੂ ਜਗਜੀਤ ਸਿੰਘ ਡੱਲੇਵਾਲ ਨੇ ਅਫ਼ੀਮ ਦੀ ਵਿਕਰੀ ਵਾਲੇ ਬਿਆਨ ਦਾ ਵਿਰੋਧ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਨਸ਼ੇ ਦੇ ਬਦਲੇ ਨਸ਼ੇ ਦਾ ਵਿਕਲਪ ਦੇਣਾ ਇਹ ਸਹੀ ਨਹੀਂ ਹੈ। ਇਸ ਦਾ ਮਤਲਬ ਹੋਵੇਗਾ ਕਿ ਇੱਕ ਨਸ਼ੇ ਤੋਂ ਹਟਾ ਕੇ ਦੂਸਰੇ ਨਸ਼ੇ ‘ਤੇ ਨੌਜਵਾਨਾਂ ਨੂੰ ਲਗਾ ਦਿਓ। ਅਫ਼ੀਮ ਵੀ ਇੱਕ ਨਸ਼ਾ ਹੈ। ਉਨ੍ਹਾਂ ਨੇ ਕਿਹਾ ਸਾਨੂੰ ਜੜ ‘ਤੇ ਕੰਮ ਕਰਨਾ ਹੋਵੇਗਾ, ਜਿਸ ‘ਚ ਪਤਾ ਲਗਾਇਆ ਜਾਵੇ ਕਿ ਨਸ਼ਾ ਆਇਆ ਕਿਉਂ ਤੇ ਕਿੱਥੋਂ ਆ ਰਿਹਾ ਹੈ।