PAU Visit: ਇਜ਼ਰਾਈਲ ਦੇ ਖੇਤੀਬਾੜੀ ਕਾਊਂਸਲਰ ਵੱਲੋ PAU ਦੇ ਮਾੜੇ ਪਾਣੀ ਪ੍ਰਬੰਧਨ ਪ੍ਰੋਜੈਕਟ ਕੈਂਪਸ ਦਾ ਦੌਰਾ
Bathinda PAU Visit: ਇਸਰਾਈਲ ਦੇ ਖੇਤੀਬਾੜੀ ਕਾਊਂਸਲਰ ਯੇਅਰ ਇਸ਼ੇਲ ਨੇ PAU ਦੇ ਮਾੜੇ ਪਾਣੀ ਪ੍ਰਬੰਧਨ ਪ੍ਰੋਜੈਕਟ ਕੈਂਪਸ ਦਾ ਦੌਰਾ ਕੀਤਾ। ਯੇਅਰ ਇਸ਼ੇਲ ਨੇ ਇਸ ਪ੍ਰਾਜੈਕਟ ਨੂੰ ਸਫ਼ਲਤਾਪੂਰਵਕ ਚਲਾਉਣ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਭਵਿੱਖ ਵਿੱਚ ਪ੍ਰਜੈਕਟ ਨੂੰ ਜਾਰੀ ਰੱਖਣ 'ਤੇ ਜ਼ੋਰ ਦਿੱਤਾ।
ਬਠਿੰਡਾ ਨਿਊਜ਼: ਇਜ਼ਰਾਈਲ ਦੇ ਖੇਤੀਬਾੜੀ ਕਾਊਂਸਲਰ ਵੱਲੋ PAU ਦੇ ਮਾੜੇ ਪਾਣੀ ਪ੍ਰਬੰਧਨ ਪ੍ਰੋਜੈਕਟ ਕੈਂਪਸ ਦਾ ਦੌਰਾ ਕੀਤਾ ਗਿਆ। ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਖੇਤਰੀ ਖੋਜ ਕੇਂਦਰ ਬਠਿੰਡਾ ਵਿਖੇ ਇਜ਼ਰਾਈਲ ਦੂਤਾਵਾਸ (Embassy of Israel) ਦੇ ਖੇਤੀਬਾੜੀ ਕਾਊਂਸਲਰ ਯੇਅਰ ਇਸ਼ੇਲ ਵੱਲੋਂ ਯੂਨੀਵਰਸਿਟੀ ਦੇ ਜੋਧਪੁਰ ਰੋਮਾਣਾ ਵਿੱਚ ਬਣੇ ਫਾਰਮ ਦਾ ਦੌਰਾ ਕੀਤਾ ਗਿਆ ਅਤੇ ਸੈਂਟਰਲ ਆਫ ਐਕਸੀਲੈਸ ਦੇ ਪ੍ਰੋਜੈਕਟ ਨੂੰ ਦੇਖਣ ਲਈ ਪੂਜੇ।
ਦੱਖਣੀ ਪੱਛਮੀ ਪੰਜਾਬ ਵਿੱਚ ਇਹ ਇੰਡੋ ਇਜ਼ਰਾਈਲ ਪ੍ਰਾਜੈਕਟ 2012 ਤੋਂ ਚੱਲ ਰਿਹਾ ਹੈ ਅਤੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਲੁਧਿਆਣਾ ਦੀ ਅਗਵਾਈ ਵਿੱਚ ਇਹ ਇਕਲੌਤਾ ਖੋਜ ਪ੍ਰਾਜੈਕਟ ਹੈ। ਇਸ ਦੌਰੇ ਦੌਰਾਨ ਡਾ ਰਾਕੇਸ਼ ਸ਼ਾਰਦਾ ਮੁੱਖੀ, ਭੂਮੀ ਅਤੇ ਪਾਣੀ ਇੰਜੀਨੀਅਰਿੰਗ ਵਿਭਾਗ, ਪੀ ਏ ਯੂ ਲੁਧਿਆਣਾ, ਡਾ ਜਗਦੀਸ਼ ਗਰੋਵਰ, ਖੇਤਰੀ ਖੋਜ ਕੇਂਦਰ, ਬਠਿੰਡਾ ਦੇ ਡਾਇਰੈਕਟਰ, ਡਾ ਕੇ.ਐਸ ਸੇਖੋ, ਡਾ ਨਵੀਨ ਗਰਗ ਆਦਿ ਮੌਜੂਦ ਸਨ।
ਧਰਤੀ ਹੇਠਲੇ ਪਾਣੀ ਦਾ ਸੋਧ ਕਿਵੇਂ ਵਰਤੋਂ ‘ਚ ਲਿਆਂਦਾ ਜਾਵੇ
ਡਾ ਰਾਕੇਸ਼ ਸ਼ਾਰਦਾ ਨੇ ਇਸ ਪ੍ਰਾਜੈਕਟ ਬਾਰੇ ਦੱਸਿਆ ਕਿ ਕਿਵੇਂ ਧਰਤੀ ਹੇਠਲੇ ਲੂਣੇ ਪਾਣੀ ਨੂੰ ਸੋਧ ਕੇ ਤੁਪਕਾ ਸਿੰਚਾਈ ਪ੍ਰਨਾਲੀ ਰਾਹੀਂ ਫ਼ਲਾਂ ਤੇ ਸਬਜ਼ੀਆਂ (Fruits and Vegetables) ਲਈ ਵਰਤੋਂ ਵਿੱਚ ਲਿਆਂਦਾ ਜਾਂਦਾ ਹੈ। ਉਨ੍ਹਾਂ ਫ਼ਲਾਂ ਦੇ ਉਤਪਾਦਨ ਲਈ ਹੋਰ ਨਵੀਆਂ ਤਕਨੀਕਾਂ ਅਪਨਾਉਣ ਬਾਰੇ ਵੀ ਆਪਣੇ ਵਿਚਾਰ ਸਾਂਝੇ ਕੀਤੇ। ਇਸ ਮੌਕੇ ਮਾਹਿਰਾਂ ਨੇ ਅਜੋਕੀ ਖੇਤੀ ਵਿੱਚ ਲੂਣੇ-ਖਾਰੇ ਪਾਣੀ ਦੀ ਮਹੱਤਤਾ ਬਾਰੇ ਵੀ ਚਾਨਣਾ ਪਾਇਆ।
ਕਾਊਂਸਲਰ ਯੇਅਰ ਇਸ਼ੇਲ ਨੇ ਪ੍ਰਾਜੈਕਟ ਦੀ ਕੀਤੀ ਸ਼ਲਾਘਾ
ਇਸਰਾਈਲ ਦੇ ਖੇਤੀਬਾੜੀ ਕਾਊਂਸਲਰ ਯੇਅਰ ਇਸ਼ੇਲ ਨੇ ਇਸ ਪ੍ਰਾਜੈਕਟ ਨੂੰ ਸਫ਼ਲਤਾਪੂਰਵਕ ਚਲਾਉਣ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਭਵਿੱਖ ਵਿੱਚ ਪ੍ਰਜੈਕਟ ਨੂੰ ਜਾਰੀ ਰੱਖਣ ‘ਤੇ ਜ਼ੋਰ ਦਿੱਤਾ। ਇਸ ਮੌਕੇ ਇਜ਼ਰਾਈਲ ਦੇ ਖੇਤੀਬਾੜੀ ਕਾਊਂਸਲਰ ਨੇ ਡੈਸੈਲੀਨੇਸ਼ਨ ਦਾ ਦੌਰਾ ਕੀਤਾ ਜੋ ਖੇਤੀਬਾੜੀ ਦੀ ਵਰਤੋਂ ਲਈ ਰਿਵਰਸ ਓਸਮੋਸਿਸ ਦੁਆਰਾ ਲੂਣੇ ਪਾਣੀ ਨੂੰ ਸ਼ੁੱਧ ਕਰਕੇ ਵਰਤਣ ਯੋਗ ਬਣਾਉਂਦਾ ਹੈ।
ਉਨ੍ਹਾਂ ਨੇ ਚੈਰੀ ਟਮਾਟਰ ਅਤੇ ਰੰਗਦਾਰ ਸ਼ਿਮਲਾ ਮਿਰਚ ਦੇ ਪੌਲੀ ਹਾਊਸ ਦਾ ਦੌਰਾ ਕੀਤਾ ਤੇ ਸਬਜ਼ੀਆਂ ਦੇ ਗੁਣਾਤਮਕ ਉਤਪਾਦਨ ਬਾਰੇ ਵੀ ਤਜ਼ਰਬੇ ਸਾਂਝੇ ਕੀਤੇ। ਉਨ੍ਹਾਂ ਇਸ ਪ੍ਰੋਜੈਕਟ ਦੀਆਂ ਸਿਫ਼ਾਰਿਸ਼ਾਂ ਨੂੰ ਕਿਸਾਨਾਂ ਦੇ ਖੇਤਾਂ ਤੱਕ ਜ਼ਮੀਨੀ ਪੱਧਰ ਉਪਰ ਜਲਦ ਲਿਜਾਣ ਦੀ ਪੁਰਜ਼ੋਰ ਵਕਾਲਤ ਕੀਤੀ।
ਇਹ ਵੀ ਪੜ੍ਹੋ
