ਕੈਨੇਡਾ ‘ਚ ਗੈਂਗਸਟਰ ਰਵਿੰਦਰ ਸਮਰਾ ਦਾ ਗੋਲੀ ਮਾਰਕੇ ਕਤਲ, ਦੋ ਮਹੀਨੇ ਪਹਿਲਾਂ ਭਰਾ ਅਮਰਜੀਤ ਸਿੰਘ ਸਮਰਾ ਦੀ ਵੀ ਹੋਈ ਸੀ ਹੱਤਿਆ
ਸੰਯੁਕਤ ਰਾਸ਼ਟਰ ਵੱਲੋਂ ਨਾਮਜ਼ਦ ਗੈਂਗਸਟਰ ਰਵਿੰਦਰ ਸਮਰਾ ਦੀ ਕੈਨੇਡਾ ਦੇ ਰਿਚਮੰਡ ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਸਮਰਾ ਕੈਨੇਡਾ ਦੇ 11 ਟਾਪ ਗੈਂਗਸਟਰਾਂ ਵਿੱਚ ਸ਼ਾਮਿਲ ਸੀ। ਰਵਿੰਦਰ ਸਮਰਾ ਦੇ ਭਰਾ ਅਤੇ ਗੈਂਗਸਟਰ ਅਮਰਪ੍ਰੀਤ ਸਮਰਾ ਦੀ ਦੋ ਮਹੀਨੇ ਪਹਿਲਾਂ ਕੈਨੇਡਾ ਦੇ ਵੈਨਕੂਵਰ ਗੋਲੀ ਮਾਰਕੇ ਕਤਲ ਕਰ ਦਿੱਤਾ ਗਿਆ ਸੀ।
ਕੈਨੇਡਾ ਨਿਊਜ। 36 ਸਾਲਾ ਪੰਜਾਬੀ ਗੈਂਗਸਟਰ (Gangster) ਰਵਿੰਦਰ ਸਮਰਾ ਦਾ ਵੀਰਵਾਰ ਦਾ ਕੈਨੇਡਾ ਦੇ ਰਿਚਮੰਡ ਵਿੱਚ ਗੋਲੀ ਮਾਰਕੇ ਕਤਲ ਕਰ ਦਿੱਤਾ ਗਿਆ। ਰਾਯਲ ਕੈਨੇਡੀਅਨ ਮਾਉਂਟੇਨ ਪੁਲਿਸ ਦੇ ਅਧਿਕਾਰੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਜਾਣਕਾਰੀ ਮਿਲੀ ਕਿ ਰਿਚਮੰਡ ਵਿੱਚ ਕਿਸੇ ਨੂੰ ਗੋਲੀ ਮਾਰ ਦਿੱਤੀ ਹੈ ਤੇ ਉਹ ਗੰਭੀਰ ਜਖਮੀ ਹੈ। ਜਿਸਤੇ ਪੁਲਿਸ ਮੌਕੇ ਤੇ ਘਟਨਾ ਵਾਲੀ ਸਥਾਨ ਤੇ ਪਹੁੰਚੀ ਪਰ ਗੰਭਰੀ ਜਖਮੀ ਵਿਅਕਤੀ ਨੂੰ ਨਹੀਂ ਬਚਾ ਸਕੀ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਮ੍ਰਿਤਕ ਵਿਅਕਤੀ ਦੀ ਪਛਾਣ ਪੰਜਾਬੀ ਮੂਲ ਦੇ ਗੈਂਗਸਟਰ ਰਵਿੰਦਰ ਸਮਰਾ ਦੇ ਤੌਰ ‘ਤੇ ਹੋਈ ਹੈ।
ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਦੇ ਕਾਰਪੋਰਲ ਸੁੱਖੀ ਢੇਸੀ ਅਨੁਸਾਰ ਸਮਰਾ ਦੀ ਮੌਤ ਟਾਰਗੇਟ ਕਿਲਿੰਗ ਸੀ। ਉਸਦੇ ਭਰਾ ਅਮਰਜੀਤ ਸਿੰਘ ਸਮਰਾ ਦਾ ਵੀ ਦੋ ਮਹੀਨੇ ਪਹਿਲਾਂ ਵੈਨਕੂਵਰ ਵਿੱਚ ਗੋਲੀ ਮਾਰਕੇ ਕਤਲ ਕਰ ਦਿੱਤਾ ਗਿਆ ਸੀ।
ਕੌਣ ਹੈ ਰਵਿੰਦਰ ਸਮਰਾ
ਰਵਿੰਦਰ ਸਮਰਾ 36 ਸਾਲਾ ਅਮਰਪ੍ਰੀਤ ਸਮਰਾ ਦਾ ਭਰਾ ਹੈ, ਜੋ ਕੈਨੇਡਾ (Canada) ਦੇ 11 ਟਾਪ ਦੇ ਗੈਂਗਸਟਰ ਵਿੱਚ ਸ਼ਾਮਿਲ ਸੀ। ਅਮਰਪ੍ਰੀਤ ਦੀ ਵੀ 28 ਮਈ ਨੂੰ ਵੈਨਕੂਵਰ ਦੇ ਇੱਕ ਬੈਂਕੁਏਟ ਹਾਲ ਦੇ ਬਾਹਰ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਉਹ ਸਿਰਫ਼ 28 ਸਾਲਾਂ ਦਾ ਸੀ। ਆਈਐਚਆਈਟੀ ਦੇ ਬੁਲਾਰੇ ਸੀਪੀਐਲ ਸੁੱਖੀ ਢੇਸੀ ਨੇ ਸ਼ੁੱਕਰਵਾਰ ਨੂੰ ਜਾਰੀ ਇੱਕ ਬਿਆਨ ਵਿੱਚ ਕਿਹਾ, ਸਮਰਾ ਨੂੰ ਪੁਲਿਸ ਨੂੰ ਜਾਣਦੀ ਸੀ। ਅਤੇ ਰਵਿੰਦਰ ਸਮਰਾ ਦਾ ਜਿਹੜਾ ਕਤਲ ਕੀਤਾ ਗਿਆ ਹੈ ਉਹ ਇੱਕ ਟਾਰਗੇਟ ਕੀਲਿੰਗ ਸੀ। ਜਾਂਚਕਰਤਾ ਹੁਣ ਉਨ੍ਹਾਂ ਗਵਾਹਾਂ ਤੋਂ ਪੁੱਛਗਿੱਛ ਕਰ ਰਹੇ ਹਨ ਜਿਨ੍ਹਾਂ ਕੋਲ ਸਹਾਇਤਾ ਲਈ ਡੈਸ਼ਕੈਮ ਜਾਂ ਸੀਸੀਟੀਵੀ ਫੁਟੇਜ ਹੋ ਸਕਦੇ ਹਨ।
28 ਮਈ ਨੂੰ ਅਮਰਪ੍ਰੀਤ ਸਮਰਾ ਦਾ ਕੀਤਾ ਸੀ ਕਤਲ
ਰਵਿੰਦਰ ਦਾ ਭਰਾ ਅਮਰਪ੍ਰੀਤ ਸਮਰਾ ਕੈਨੇਡਾ ਦੇ ਟਾਪ 10 ਗੈਂਗਸਟਰਾਂ ਵਿੱਚ ਸ਼ਾਮਲ ਸੀ। 28 ਮਈ ਨੂੰ ਕੈਨੇਡਾ ਦੇ ਵੈਨਕੂਵਰ ਵਿੱਚ ਇੱਕ ਵਿਆਹ ਸਮਾਗਮ ਦੇ ਬਾਹਰ ਬ੍ਰਦਰਜ਼ ਗਰੁੱਪ ਦੇ ਗੈਂਗ ਵੱਲੋਂ ਅਮਰਪ੍ਰੀਤ ਦਾ ਕਤਲ ਕਰ ਦਿੱਤਾ ਗਿਆ ਸੀ। ਰਿਪੋਰਟਾਂ ਦੱਸਦੀਆਂ ਹਨ ਕਿ ਸਮਰਾ (ਜੂਨੀਅਰ) ਜਿਸ ਨੂੰ ਚੱਕੀ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ, ਵੈਨਕੂਵਰ ਵਿੱਚ ਇੱਕ ਵਿਆਹ ਸਮਾਗਮ ਸ਼ਾਮਿਲ ਹੋਣ ਆਇਆ ਸੀ। ਰਾਤ ਦੇ ਖਾਣੇ ਤੋਂ ਬਾਅਦ ਜਦੋਂ ਅਮਰਪ੍ਰੀਤ ਸਮਰਾ ਫਰੇਜ਼ਰਵਿਊ ਹਾਲ ਤੋਂ ਬਾਹਰ ਆਇਆ ਤਾਂ ਬ੍ਰਦਰਜ਼ ਕੀਪਰਜ਼ ਗਰੁੱਪ ਦੇ ਗੈਂਗ ਮੈਂਬਰਾਂ ਨੇ ਗੋਲੀ ਮਾਰਕੇ ਉਸਦਾ ਕਤਲ ਕਰ ਦਿੱਤਾ।
ਜਿਸ ਵੇਲੇ ਗੈਂਗਸਟਰ ਅਮਰਪ੍ਰੀਤ ਸਮਰਾ ਦਾ ਕਤਲ ਹੋਇਆ ਉਸ ਦੌਰਾਨ ਉਸਦਾ ਭਰਾ ਰਵਿੰਦਰ ਸਮਰਾ ਵੀ ਉਸਦੇ ਨਾਲ ਸੀ। ਕੈਨੇਡੀਅਨ ਪੁਲਿਸ ਅਧਿਕਾਰੀ ਤਾਨੀਆ ਵਿਸਟਿਨ ਨੇ ਕਿਹਾ ਹੈ ਕਿ ਪੁਲਿਸ ਨੂੰ ਦੁਪਹਿਰ 1.30 ਵਜੇ ਇੱਕ ਕਾਲ ਆਈ। ਇਸ ਤੋਂ ਬਾਅਦ ਮੌਕੇ ‘ਤੇ ਟੀਮ ਭੇਜੀ ਗਈ ਪਰ ਉਹ ਅਮਰਪ੍ਰੀਤ ਨੂੰ ਨਹੀਂ ਬਚਾ ਸਕੀ। ਤੇ ਹੁਣ ਰਵਿੰਦਰ ਸਮਰਾ ਦਾ ਵੀ ਆਪਣੇ ਭਰਾ ਵਰਗਾ ਹੀ ਹਾਲ ਹੋਇਆ ਹੈ। ਜਿਸਨੂੰ ਵੀ ਪੁਲਿਸ ਨੇ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਨਹੀਂ ਬਚ ਸਕਿਆ।
ਇਹ ਵੀ ਪੜ੍ਹੋ
ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ
