Breakfast Tips: ਹੈਲਦੀ ਹੈ ਜਾਂ ਅਨਹੈਲਦੀ ਸਵੇਰ ਦੇ ਨਾਸ਼ਤੇ ਵਿੱਚ ਪਾਸਤਾ? ਕਹਿੰਦੇ ਹਨ ਮਾਹਿਰ

ਦਿਨ ਭਰ ਐਕਟਿਵ ਰਹਿਣ ਲਈ ਹਰ ਕਿਸੇ ਲਈ ਸਵੇਰੇ ਸਿਹਤਮੰਦ ਨਾਸ਼ਤਾ ਕਰਨਾ ਜ਼ਰੂਰੀ ਹੈ। ਪੋਹਾ, ਉਪਮਾ, ਦਲੀਆ ਅਜਿਹੀਆਂ ਕਈ ਚੀਜ਼ਾਂ ਸਿਹਤਮੰਦ ਨਾਸ਼ਤੇ ਵਜੋਂ ਮਿਲਦੀਆਂ ਹਨ, ਜੋ ਸਵਾਦ ਦੇ ਨਾਲ-ਨਾਲ ਸਿਹਤ ਦਾ ਵੀ ਧਿਆਨ ਰੱਖਦੀਆਂ ਹਨ। ਸਿਹਤ ਮਾਹਿਰਾਂ ਅਨੁਸਾਰ ਨਾਸ਼ਤਾ ਦਿਨ ਦਾ ਸਭ ਤੋਂ ਮਹੱਤਵਪੂਰਨ ਭੋਜਨ ਹੈ। ਇਸ ਲਈ ਨਾਸ਼ਤਾ ਸਕਿਪ ਨਾ ਕਰੋ। ਹੈਲਦੀ ਨਾਸ਼ਤਾ ਨਾ ਸਿਰਫ਼ ਵਜ਼ਨ ਨੂੰ ਬਰਕਰਾਰ ਰੱਖਣ ਵਿਚ ਮਦਦ ਕਰਦਾ ਹੈ ਸਗੋਂ ਸਾਡੀ ਮੈਮੋਰੀ ਪਾਵਰ ਨੂੰ ਵੀ ਵਧਾਉਂਦਾ ਹੈ। ਕੁਝ ਲੋਕ ਨਾਸ਼ਤੇ ਵਿੱਚ ਪਾਸਤਾ ਵੀ ਖਾਂਦੇ ਹਨ। ਹਾਲਾਂਕਿ, ਜ਼ਿਆਦਾਤਰ ਲੋਕ ਪਾਸਤਾ ਨੂੰ ਇੱਕ ਗੈਰ-ਸਿਹਤਮੰਦ ਭੋਜਨ ਸ਼੍ਰੇਣੀ ਮੰਨਦੇ ਹਨ, ਪਾਸਤਾ ਇੱਕ ਹੈਲਦੀ ਨਾਸ਼ਤਾ ਆਪਸ਼ਨ ਵੀ ਹੋ ਸਕਦਾ ਹੈ। ਇਸ ਲਈ ਇੱਥੇ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਕਿਵੇਂ ਅਨਹੈਲਦੀ ਮੰਨਿਆ ਜਾਣ ਵਾਲਾ ਪਾਸਤਾ ਵੀ ਤੁਹਾਡੇ ਲਈ ਫਾਇਦੇਮੰਦ ਹੋ ਸਕਦਾ ਹੈ।

ਨਾਸ਼ਤੇ ਵਿੱਚ ਪਾਸਤਾ

ਲੋਕਾਂ ਨੇ ਕਦੇ ਵੀ ਮੈਦੇ ਤੋਂ ਬਣੇ ਪਾਸਤਾ ਨੂੰ ਹੈਲਦੀ ਨਾਸ਼ਤੇ ਦਾ ਵਿਕਲਪ ਨਹੀਂ ਮੰਨਿਆ। ਪਰ ਹੁਣ ਸਿਰਫ ਆਟਾ ਹੀ ਨਹੀਂ ਸਗੋਂ ਪਾਸਤਾ ਦੀਆਂ ਕਈ ਕਿਸਮਾਂ ਬਾਜ਼ਾਰ ‘ਚ ਆਉਣ ਲੱਗੀਆਂ ਹਨ। ਇਸ ਲਈ ਜੇਕਰ ਤੁਹਾਡਾ ਬੱਚਾ ਪਾਸਤਾ ਦਾ ਸ਼ੌਕੀਨ ਹੈ ਤਾਂ ਤੁਸੀਂ ਵ੍ਹੀਟ ਪਾਸਤਾ ਬਣਾ ਕੇ ਉਸ ਨੂੰ ਖਿਲਾ ਸਕਦੇ ਹੋ। ਵ੍ਹੀਟ ਪਾਸਤਾ ਫਾਈਬਰ, ਆਇਰਨ, ਵਿਟਾਮਿਨ ਬੀ ਅਤੇ ਖਣਿਜਾਂ ਨਾਲ ਭਰਪੂਰ ਹੁੰਦਾ ਹੈ। ਆਮ ਪਾਸਤਾ ਦੇ ਇੱਕ ਕੱਪ ਵਿੱਚ 221 ਕੈਲੋਰੀ ਹੁੰਦੀ ਹੈ, ਪਰ ਵ੍ਹੀਟ ਪਾਸਤਾ ਦੀ ਗੱਲ ਕਰੀਏ ਤਾਂ ਇੱਕ ਕੱਪ ਵ੍ਹੀਟ ਪਾਸਤਾ ਵਿੱਚ 174 ਕੈਲੋਰੀਜ਼ ਪਾਈਂ ਜਾਦੀਆਂ ਹਨ।

ਸਵੇਰੇ ਹੈਲਦੀ ਨਾਸ਼ਤਾ ਕਰਨਾ ਜ਼ਰੂਰੀ

ਆਮ ਤੌਰ ‘ਤੇ ਇਹ ਮੰਨਿਆ ਜਾਂਦਾ ਹੈ ਕਿ ਸਵੇਰੇ ਉੱਠਣ ਦੇ 2 ਘੰਟੇ ਦੇ ਅੰਦਰ ਨਾਸ਼ਤਾ ਕਰ ਲੈਣਾ ਚਾਹੀਦਾ ਹੈ। ਸਵੇਰ ਦਾ ਨਾਸ਼ਤਾ ਤੁਹਾਡੇ ਪੂਰੇ ਦਿਨ ਲਈ ਬਹੁਤ ਜ਼ਰੂਰੀ ਹੈ। ਇਸ ਲਈ ਇਸ ਗੱਲ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ ਕਿ ਤੁਸੀਂ ਨਾਸ਼ਤੇ ਵਿਚ ਕੀ ਖਾ ਰਹੇ ਹੋ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਸਵੇਰ ਦਾ ਨਾਸ਼ਤਾ ਫਾਈਬਰ, ਪ੍ਰੋਟੀਨ, ਆਇਰਨ ਅਤੇ ਵਿਟਾਮਿਨ ਬੀ ਵਰਗੇ ਕਈ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਹੋਣਾ ਚਾਹੀਦਾ ਹੈ।

ਵ੍ਹੀਟ ਪਾਸਤਾ ਦੇ ਫਾਇਦੇ

ਹੋਲ ਵ੍ਹੀਟ ਦਾ ਪਾਸਤਾ ਆਮ ਪਾਸਤਾ ਨਾਲੋਂ ਬਹੁਤ ਵੱਖਰਾ ਹੁੰਦਾ ਹੈ। ਵ੍ਹੀਟ ਪਾਸਤਾ ਬਣਾਉਣ ਲਈ ਸਾਬੁਤ ਕਣਕ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜਦੋਂ ਕਿ ਆਮ ਪਾਸਤਾ ਪ੍ਰੋਸੈਸਡ ਕਣਕ ਤੋਂ ਬਣਾਇਆ ਜਾਂਦਾ ਹੈ। 100 ਗ੍ਰਾਮ ਹੋਲ ਵ੍ਹੀਟ ਦੇ ਪਾਸਤਾ ਵਿੱਚ 37 ਗ੍ਰਾਮ ਕਾਰਬੋਹਾਈਡਰੇਟ, 6 ਗ੍ਰਾਮ ਫਾਈਬਰ, 7.5 ਗ੍ਰਾਮ ਪ੍ਰੋਟੀਨ, 174 ਕੈਲੋਰੀ ਅਤੇ 0.8 ਗ੍ਰਾਮ ਚਰਬੀ ਹੁੰਦੀ ਹੈ। ਹੋਲ ਵ੍ਹੀਟ ਦਾ ਪਾਸਤਾ ਖਾਣ ਨਾਲ ਬਲੱਡ ਸ਼ੂਗਰ ਲੈਵਲ ਵੀ ਕੰਟਰੋਲ ‘ਚ ਰਹਿੰਦਾ ਹੈ।

ਕੋਲੇਸਟ੍ਰੋਲ ਕਰੇ ਕੰਟਰੋਲ

ਹੋਲ ਵ੍ਹੀਟ ਪਾਸਤਾ ਤੁਹਾਡਾ ਵਜ਼ਨ ਨਹੀਂ ਵਧਾਉਂਦਾ ਅਤੇ ਇਹ ਤੁਹਾਡੇ ਪਾਚਨ ਲਈ ਵੀ ਸਿਹਤਮੰਦ ਵਿਕਲਪ ਹੈ। ਇਸ ਨੂੰ ਖਾਣ ਨਾਲ ਕੋਲੈਸਟ੍ਰੋਲ ਵੀ ਨਹੀਂ ਵਧਦਾ। ਇਸ ਲਈ ਜੇਕਰ ਤੁਸੀਂ ਵੀ ਪਾਸਤਾ ਖਾਣ ਦੇ ਸ਼ੌਕੀਨ ਹੋ, ਤਾਂ ਹੋਲ ਵ੍ਹੀਟ ਪਾਸਤਾ ਤੁਹਾਡੇ ਨਾਸ਼ਤੇ ਲਈ ਹੈਲਦੀ ਆਪਸ਼ਨ ਹੋ ਸਕਦਾ ਹੈ।