TV9 ਫੈਸਟੀਵਲ ਆਫ ਇੰਡੀਆ ‘ਚ ਮਹਾਸਪਤਮੀ ਮੌਕੇ ਮਾਂ ਦੁਰਗਾ ਦੀ ਆਰਾਧਨਾ, ਰਫ਼ਤਾਰ ਦੀ ਲਾਈਵ ਪਰਫਾਰਮੈਂਸ ਨੇ ਬੰਨ੍ਹਿਆ ਸਮਾਂ

TV9 ਫੈਸਟੀਵਲ ਆਫ ਇੰਡੀਆ

ਦਿੱਲੀ ਦੇ ਮੇਜਰ ਧਿਆਨਚੰਦ ਨੈਸ਼ਨਲ ਸਟੇਡੀਅਮ ‘ਚ ਕਰਵਾਏ ਜਾ ਰਹੇ TV9 ਫੈਸਟੀਵਲ ਆਫ ਇੰਡੀਆ ਦੇ ਚੌਥੇ ਸੀਜ਼ਨ ‘ਚ ਉਤਸਵ ਦਾ ਰੰਗ ਛਾਇਆ ਹੋਇਆ ਹੈ। 16 ਤੋਂ 20 ਅਕਤੂਬਰ ਤੱਕ ਚੱਲ ਰਹੇ ਇਸ ਮਹਾਉਤਸਵ ‘ਚ ਸ਼ਨੀਵਾਰ ਨੂੰ ਮਹਾਸਪਤਮੀ ਦੇ ਮੌਕੇ ਭਾਰਤੀ ਸੱਭਿਆਚਾਰ, ਭਗਤੀ ਤੇ ਮਨੋਰੰਜਨ ਦਾ ਸ਼ਾਨਦਾਰ ਸੰਗਮ ਦੇਖਣ ਨੂੰ ਮਿਲਿਆ। ਸਵੇਰ ਤੋਂ ਸ਼ਾਮ ਤੱਕ ਮਾਂ ਦੁਰਗਾ ਦੀ ਪੂਜਾ-ਅਰਚਨਾ ਤੇ ਵਿਸ਼ੇਸ਼ ਧਾਰਮਿਕ ਰਸਮਾਂ ਨਾਲ ਪੂਰਾ ਮਾਹੌਲ ਭਗਤੀਮਈ ਬਣਿਆ ਰਿਹਾ, ਜਦਕਿ ਸ਼ਾਮ ਨੂੰ ਮਸ਼ਹੂਰ ਰੈਪਰ ਰਫ਼ਤਾਰ ਦੀ ਲਾਈਵ ਪਰਫਾਰਮੈਂਸ ਨੇ ਦਰਸ਼ਕਾਂ ‘ਚ ਜ਼ਬਰਦਸਤ ਜੋਸ਼ ਭਰ ਦਿੱਤਾ।

ਮਹਾਸਪਤਮੀ ਵਾਲੇ ਦਿਨ ਪ੍ਰੋਗਰਾਮ ਦੀ ਸ਼ੁਰੂਆਤ ਸਵੇਰੇ ਕਰੀਬ 10:30 ਵਜੇ ਨਵਪਤ੍ਰਿਕਾ ਪ੍ਰਵੇਸ਼, ਸਥਾਪਨਾ, ਸਪਤਮੀ ਕਲਪਾਰੰਭ ਤੇ ਸਪਤਮੀ ਵਿਧੀ ਅਨੁਸਾਰ ਪੂਜਾ ਨਾਲ ਹੋਈ।

ਦੁਪਹਿਰ ਵੇਲੇ ਮਾਂ ਦੁਰਗਾ ਨੂੰ ਭੋਗ ਲਗਾਇਆ ਗਿਆ ਤੇ ਸ਼ਰਧਾਲੂਆਂ ‘ਚ ਪ੍ਰਸ਼ਾਦ ਵੰਡਿਆ ਗਿਆ। ਸ਼ਾਮ ਨੂੰ ਸ਼ਾਨਦਾਰ ਸੰਧਿਆ ਆਰਤੀ ਦਾ ਆਯੋਜਨ ਕੀਤਾ ਗਿਆ। ਢਾਕ ਦੀ ਗੂੰਜ ਤੇ ਧੁਨੁਚੀ ਨ੍ਰਿਤ ਨੇ ਉਤਸਵ ਦੇ ਮਾਹੌਲ ਨੂੰ ਹੋਰ ਵੀ ਖ਼ਾਸ ਬਣਾ ਦਿੱਤਾ। ਇਸ ਦੌਰਾਨ ਕੇਂਦਰੀ ਕਾਨੂੰਨ ਤੇ ਨਿਆਂ ਰਾਜ ਮੰਤਰੀ (ਸੁਤੰਤਰ ਚਾਰਜ) ਅਰਜੁਨ ਰਾਮ ਮੇਘਵਾਲ ਨੇ ਵੀ ਮਾਂ ਦੁਰਗਾ ਦੇ ਦਰਸ਼ਨ ਕਰਕੇ ਆਸ਼ੀਰਵਾਦ ਲਿਆ।

ਰਫ਼ਤਾਰ ਦੀ ਪਰਫਾਰਮੈਂਸ ਤੇ ਝੂਮ ਉੱਠੇ ਦਰਸ਼ਕ

TV9 ਫੈਸਟੀਵਲ ਆਫ ਇੰਡੀਆ’ਚ ਸ਼ਨੀਵਾਰ ਦੀ ਸ਼ਾਮ ਸੰਗੀਤ ਪ੍ਰੇਮੀਆਂ ਲਈ ਖ਼ਾਸ ਰਹੀ। ਮਸ਼ਹੂਰ ਰੈਪਰ ਰਫ਼ਤਾਰ ਦੇ ਲਾਈਵ ਕੰਸਰਟ ਨੇ ਮਹਾਉਤਸਵ ਦੀ ਰੌਣਕ ਹੋਰ ਵਧਾ ਦਿੱਤੀ। ਉਨ੍ਹਾਂ ਦੀ ਦਮਦਾਰ ਐਂਟਰੀ, ਜੋਸ਼ ਭਰੇ ਗੀਤਾਂ ਤੇ ਰੈਪ ਬੈਟਲਜ਼ ਨੇ ਦਰਸ਼ਕਾਂ ਨੂੰ ਝੂਮਣ ਲਈ ਮਜਬੂਰ ਕਰ ਦਿੱਤਾ। ਹਜ਼ਾਰਾਂ ਲੋਕ ਉਨ੍ਹਾਂ ਦੇ ਗੀਤਾਂ ਤੇ ਨੱਚਦੇ ਨਜ਼ਰ ਆਏ। ਭਗਤੀ ਤੇ ਸੰਗੀਤ ਦੇ ਇਸ ਵਿਲੱਖਣ ਸੰਗਮ ਨੇ ਮਹਾਸਪਤਮੀ ਦੀ ਸ਼ਾਮ ਨੂੰ ਯਾਦਗਾਰ ਬਣਾ ਦਿੱਤਾ।

ਰਫ਼ਤਾਰ ਨੇ ਆਪਣੀ ਦਮਦਾਰ ਆਵਾਜ਼ ਨਾਲ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ ਅਤੇ ਆਪਣੇ ਪ੍ਰਭਾਵਸ਼ਾਲੀ ਗੀਤਾਂ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ। ਉਨ੍ਹਾਂ ਨੇ ਕਈ ਹਿੱਟ ਗੀਤ ਗਾਏ। ਜਿਨ੍ਹਾਂ ਨੇ ਦਰਸ਼ਕਾਂ ਨੂੰ ਨਾਲ-ਨਾਲ ਨੱਚਣ ਲਈ ਮਜਬੂਰ ਕਰ ਦਿੱਤਾ।

ਇਸ ਤੋਂ ਪਹਿਲਾਂ ਸ਼ਾਮ 4 ਵਜੇ ਤੋਂ 6 ਵਜੇ ਤੱਕ ਕ੍ਰਿਏਟਿਵ ਕਾਰਨਰ ‘ਚ ਰਵਾਇਤੀ ਡਿਜ਼ਾਈਨਾਂ, ਕਲਾਕ੍ਰਿਤੀਆਂ, ਰਚਨਾਤਮਕ ਹਸਤਕਲਾ, ਕੰਧਾਂ ਤੇ ਸਜਾਉਣ ਵਾਲੀਆਂ ਕਲਾਕ੍ਰਿਤੀਆਂ ਤੇ ਤਿਉਹਾਰੀ ਕਾਗਜ਼ੀ ਸਜਾਵਟ ਵਰਗੀਆਂ ਗਤੀਵਿਧੀਆਂ ਕਰਵਾਈਆਂ ਗਈਆਂ। ਇਨ੍ਹਾਂ ਗਤੀਵਿਧੀਆਂ ਨੇ ਲੋਕਾਂ ਨੂੰ ਕਲਾ ਤੇ ਰਚਨਾਤਮਕਤਾ ਨਾਲ ਜੁੜਨ ਦਾ ਮੌਕਾ ਦਿੱਤਾ।

18 ਤੋਂ 20 ਅਕਤੂਬਰ ਤੱਕ ਡਾਂਡੀਆ ਨਾਈਟਸ ਦੀ ਧੂਮ

TV9 ਫੈਸਟੀਵਲ ਆਫ ਇੰਡੀਆ ‘ਚ 18 ਤੋਂ 20 ਅਕਤੂਬਰ ਤੱਕ ਡਾਂਡੀਆ ਨਾਈਟਸ ਦੀ ਰੌਣਕ ਰਹੇਗੀ। ਹਰ ਰੋਜ਼ ਸ਼ਾਮ 6 ਵਜੇ ਤੋਂ ਰਾਤ 10 ਵਜੇ ਤੱਕ ਵੱਖ-ਵੱਖ ਕਲਾਕਾਰ ਆਪਣੀਆਂ ਪੇਸ਼ਕਾਰੀਆਂ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ। 18 ਅਕਤੂਬਰ ਨੂੰ ਸ਼ਾਮ 6 ਤੋਂ 7 ਵਜੇ ਤੱਕ ਪੰਜਾਬੀ ਗਾਇਕ ਬੀ.ਪੀ. ਸਿੰਘ ਆਪਣੀ ਪੇਸ਼ਕਾਰੀ ਦੇਣਗੇ। ਇਸ ਤੋਂ ਬਾਅਦ ਸ਼ਾਮ 7 ਤੋਂ 8 ਵਜੇ ਤੱਕ ਸੰਗੀਤਕਾਰ ਸ਼੍ਰੇਅਸ ਧਰਮਾਧਿਕਾਰੀ ਮੰਚ ਸੰਭਾਲਣਗੇ। ਉਨ੍ਹਾਂ ਨੇ ਫ਼ਿਲਮ ਹਨੂਮਾਨ ਅੰਸ਼ ਦੇ ਟਾਈਟਲ ਟਰੈਕ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ। ਰਾਤ 8 ਤੋਂ 10 ਵਜੇ ਤੱਕ ਡੀਜੇ ਸ਼ਿਵਲ ਆਪਣੀਆਂ ਧੁਨਾਂ ਨਾਲ ਡਾਂਡੀਆ ਨਾਈਟਸ ਵਿੱਚ ਰੰਗ ਜਮਾਉਣਗੇ।

ਜੇਕਰ ਤੁਸੀਂ ਵੀ ਸੰਗੀਤ, ਸੱਭਿਆਚਾਰ, ਖਰੀਦਦਾਰੀ ਤੇ ਤਿਉਹਾਰਾਂ ਦਾ ਆਨੰਦ ਲੈਣਾ ਚਾਹੁੰਦੇ ਹੋ, ਤਾਂ TV9 ਫੈਸਟੀਵਲ ਆਫ ਇੰਡੀਆ 2026 ‘ਚ ਸ਼ਾਮਲ ਹੋ ਸਕਦੇ ਹੋ। ਇਸ ਮਹਾਉਤਸਵ ਦੀਆਂ ਟਿਕਟਾਂ BookMyShow ਤੇ District by Zomato ਤੇ ਉਪਲਬਧ ਹਨ।