6970 ਸੈਨਿਕ, ਐਂਟੀ-ਡਰੋਨ ਸਿਸਟਮ ਤੇ ਸਨਾਈਪਰ ਤਾਇਨਾਤ… ਅਯੋਧਿਆ ਇੱਕ ਕਿਲ੍ਹੇ ‘ਚ ਤਬਦੀਲ, ਪੀਐਮ ਮੋਦੀ ਅੱਜ ਕਰਨਗੇ ‘ਧਵਜਾਰੋਹਣ’

ਅਯੋਧਿਆ 'ਚ ਅੱਜ ਇੱਕ ਇਤਿਹਾਸਕ ਝੰਡਾ ਲਹਿਰਾਉਣ ਦੀ ਰਸਮ ਹੋਵੇਗੀ। ਪ੍ਰਧਾਨ ਮੰਤਰੀ ਮੋਦੀ ਰਾਮ ਮੰਦਰ ਦੇ ਸ਼ਿਖਰ 'ਤੇ ਧਵਜਾਰੋਹਣ ਕਰਨਗੇ। ਸ਼ਹਿਰ 'ਚ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ। ਪੂਰੇ ਅਯੋਧਿਆ ਨੂੰ ਇੱਕ ਕਿਲ੍ਹੇ 'ਚ ਬਦਲ ਦਿੱਤਾ ਗਿਆ ਹੈ, ਸੁਰੱਖਿਆ ਇੰਨੀ ਸਖ਼ਤ ਹੈ ਕਿ ਇੱਕ ਪਰਿੰਦਾ ਵੀ ਪਰ ਨਹੀਂ ਮਾਰ ਸਕਦਾ।

ਪ੍ਰਧਾਨ ਮੰਤਰੀ ਮੋਦੀ ਅੱਜ ਕਰਨਗੇ ‘ਧਵਜਾਰੋਹਣ’

TV9 Punjabi | Published: 25 Nov 2025 07:57 AM IST

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ, ਮੰਗਲਵਾਰ ਨੂੰ ਅਯੋਧਿਆ ‘ਚ ਸ਼੍ਰੀ ਰਾਮ ਜਨਮਭੂਮੀ ਮੰਦਰ ਜਾਣਗੇ ਤੇ ਮੰਦਰ ਦੇ ਸ਼ਿਖਰ ‘ਤੇ ਧਵਜਾਰੋਹਣ ਕਰਨਗੇ। ਇਸ ਸਮਾਗਮ ਦੀਆਂ ਤਿਆਰੀਆਂ ਪੂਰੀਆਂ ਹੋ ਗਈਆਂ ਹਨ। ਅਯੁੱਧਿਆ ‘ਚ ਧਵਜਾਰੋਹਣ ਦੀ ਰਸਮ ਲਈ ਸੁਰੱਖਿਆ ਸਖ਼ਤ ਕਰ ਦਿੱਤੀ ਗਈ ਹੈ। ਪੂਰੇ ਅਯੁੱਧਿਆ ਖੇਤਰ ਨੂੰ ਇੱਕ ਅਭੇਦ ਕਿਲ੍ਹੇ ‘ਚ ਬਦਲ ਦਿੱਤਾ ਗਿਆ ਹੈ। ਏਟੀਐਸ, ਐਨਐਸਜੀ ਤੇ ਸਾਈਬਰ ਟੀਮ ਅਲਰਟ ‘ਤੇ ਰਹੇਗੀ। ਐਂਟੀ-ਡਰੋਨ ਸਿਸਟਮ, ਸਨਾਈਪਰ ਡਿਊਟੀ ਤੇ 90 ਤਕਨੀਕੀ ਮਾਹਰ ਤਾਇਨਾਤ ਕੀਤੇ ਗਏ ਹਨ। ਪ੍ਰਧਾਨ ਮੰਤਰੀ ਮੋਦੀ ਦੀ ਮੌਜੂਦਗੀ ਨੂੰ ਲੈ ਕੇ 6,970 ਸੁਰੱਖਿਆ ਕਰਮਚਾਰੀਆਂ ਦੀ ਸੁਰੱਖਿਆ ਘੇਰਾਬੰਦੀ ਤਿਆਰ ਕੀਤੀ ਗਈ ਹੈ।

ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਸੋਮਵਾਰ ਨੂੰ ਅਯੁੱਧਿਆ ਪਹੁੰਚ ਗਏ ਸਨ। ਉਨ੍ਹਾਂ ਨੇ ਮੰਦਰ ਕੰਪਲੈਕਸ ‘ਚ ਸਮਾਗਮ ਦੀਆਂ ਤਿਆਰੀਆਂ ਦਾ ਨਿਰੀਖਣ ਕੀਤਾ ਤੇ ਮੰਦਰ ਪ੍ਰਸ਼ਾਸਨ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਦੁਆਰਾ ਕੀਤੀਆਂ ਗਈਆਂ ਤਿਆਰੀਆਂ ਦਾ ਵੀ ਜਾਇਜ਼ਾ ਲਿਆ।

ਪ੍ਰਧਾਨ ਮੰਤਰੀ ਮੋਦੀ ਦਾ ਪੂਰਾ ਪ੍ਰੋਗਰਾਮ

ਪ੍ਰਧਾਨ ਮੰਤਰੀ ਮੋਦੀ ਪਹਿਲਾਂ ਸਵੇਰੇ 10 ਵਜੇ ਸਪਤਮੰਦਿਰ ਜਾਣਗੇ ਤੇ ਮਹਾਰਿਸ਼ੀ ਵਸ਼ਿਸ਼ਠ, ਮਹਾਰਿਸ਼ੀ ਵਿਸ਼ਵਾਮਿੱਤਰ, ਮਹਾਰਿਸ਼ੀ ਅਗਸਤਯ, ਮਹਾਰਿਸ਼ੀ ਵਾਲਮੀਕਿ, ਦੇਵੀ ਅਹਿਲਿਆ, ਨਿਸ਼ਾਦਰਾਜ ਗੁਹਾ ਤੇ ਮਾਤਾ ਸ਼ਬਰੀ ਦੇ ਮੰਦਰਾਂ ‘ਚ ਮੱਥਾ ਟੇਕਣਗੇ।

ਉਹ ਸਵੇਰੇ ਲਗਭਗ 11 ਵਜੇ ਮਾਤਾ ਅੰਨਪੂਰਨਾ ਮੰਦਰ ਵੀ ਜਾਣਗੇ। ਇਸ ਤੋਂ ਬਾਅਦ, ਉਹ ਰਾਮ ਦਰਬਾਰ ਦੇ ਪਵਿੱਤਰ ਸਥਾਨ ‘ਚ ਪ੍ਰਾਰਥਨਾ ਕਰਨਗੇ।

ਦੁਪਹਿਰ ਲਗਭਗ 12 ਵਜੇ, ਉਹ ਸ਼੍ਰੀ ਰਾਮ ਜਨਮ ਭੂਮੀ ਮੰਦਰ ਦੇ ਸਿਖਰ ‘ਤੇ ਭਗਵਾਂ ਝੰਡਾ ਲਹਿਰਾਉਣਗੇ।

ਇਹ ਵੀ ਪੜ੍ਹੋ

ਹੋਰਮੁਜ਼ ਜਲਡਮਰੂ 'ਚ ਭਾਰਤੀ ਝੰਡੇ ਵਾਲੇ ਜਹਾਜ਼ਾਂ ਨੂੰ ਨਹੀਂ ਰੋਕੇਗਾ ਈਰਾਨ

ਸਿੱਧੂ ਮੁਸੇਵਾਲਾ ਕਤਲ ਕੇਸ ਦੇ 2 ਮੁਲਜ਼ਮਾਂ ਨੂੰ ਸੁਪਰੀਮ ਕੋਰਟ ਤੋਂ ਮਿਲੀ ਜ਼ਮਾਨਤ

ਕਤਾਰਾਂ 'ਚ ਲੱਗੀ ਲੱਖਾਂ ਦੀ ਭੀੜ... ਕਿਵੇਂ ਖਤਮ ਹੋਵੇਗਾ ਆਲ ਇੰਡੀਆ ਸਿਲੰਡਰ ਸੰਕਟ?

ਵਿਵਾਹ ਪੰਚਮੀ ਦੇ ਅਭਿਜੀਤ ਮਹੂਰਤ ਦੇ ਨਾਲ ਹੋਵੇਗਾ ‘ਧਵਜਾਰੋਹਣ’

ਇਹ ਸਮਾਗਮ ਵਿਵਾਹ ਪੰਚਮੀ ਦੇ ਅਭਿਜੀਤ ਮਹੂਰਤ, ਮਾਰਗਸ਼ੀਰਸ਼ ਮਹੀਨੇ ਦੇ ਸ਼ੁਕਲ ਪੱਖ ਦੀ ਸ਼ੁਭ ਪੰਚਮੀ, ਸ਼੍ਰੀ ਰਾਮ ਤੇ ਮਾਤਾ ਸੀਤਾ ਦੇ ਵਿਵਾਹ ਨਾਲ ਮੇਲ ਖਾਂਦਾ ਹੈ। 10 ਫੁੱਟ ਉੱਚਾ ਤੇ 20 ਫੁੱਟ ਲੰਬਾ ਸਮਕੋਨ ਵਾਲੇ ਤਿਕੋਨਾ ਝੰਡਾ ਲਹਿਰਾਇਆ ਜਾਵੇਗਾ, ਜਿਸ ‘ਤੇ ਚਮਕਦੇ ਸੂਰਜ ਦੀ ਤਸਵੀਰ ਹੋਵੇਗੀ, ਜੋ ਭਗਵਾਨ ਸ਼੍ਰੀ ਰਾਮ ਦੀ ਪ੍ਰਤਿਭਾ ਤੇ ਵੀਰਤਾ ਦਾ ਪ੍ਰਤੀਕ ਹੈ। ਇਸ ‘ਤੇ ਕੋਵਿਦਾਰਾ ਦਰੱਖਤ ਦੀ ਤਸਵੀਰ ਦੇ ਨਾਲ ਲਿਖਿਆ ॐ ਹੈ.। ਪਵਿੱਤਰ ਭਗਵਾਂ ਝੰਡਾ ਰਾਮਰਾਜ ਦੇ ਆਦਰਸ਼ਾਂ ਨੂੰ ਦਰਸਾਉਂਦੇ ਹੋਏ, ਮਾਣ, ਏਕਤਾ ਤੇ ਸੱਭਿਆਚਾਰਕ ਨਿਰੰਤਰਤਾ ਦਾ ਸੰਦੇਸ਼ ਦੇਵੇਗਾ।

ਇਹ ਝੰਡਾ ਪਰੰਪਰਾਗਤ ਉੱਤਰੀ ਭਾਰਤੀ ਨਾਗਰਾ ਆਰਕੀਟੈਕਚਰਲ ਸ਼ੈਲੀ ‘ਚ ਬਣੇ ਸ਼ਿਖਰ ‘ਤੇ ਲਹਿਰਾਇਆ ਜਾਵੇਗਾ, ਜਦੋਂ ਕਿ ਮੰਦਰ ਦੇ ਆਲੇ ਦੁਆਲੇ 800 ਮੀਟਰ ਲੰਬਾ ਪਰਕੋਟਾ (ਦੱਖਣੀ ਭਾਰਤੀ ਆਰਕੀਟੈਕਚਰਲ ਪਰੰਪਰਾ ‘ਚ ਡਿਜ਼ਾਈਨ ਕੀਤੀ ਗਈ ਇੱਕ ਘੇਰੇ) ਮੰਦਰ ਦੀ ਆਰਕੀਟੈਕਚਰਲ ਵਿਭਿੰਨਤਾ ਨੂੰ ਦਰਸਾਉਂਦੀ ਹੈ। ਮੁੱਖ ਮੰਦਰ ਕੰਪਲੈਕਸ ਦੀਆਂ ਬਾਹਰੀ ਕੰਧਾਂ ‘ਚ ਵਾਲਮੀਕੀ ਰਾਮਾਇਣ ‘ਤੇ ਆਧਾਰਿਤ ਭਗਵਾਨ ਰਾਮ ਦੇ ਜੀਵਨ ਦੇ 87 ਬਰੀਕੀ ਉੱਕਰੀਆਂ ਪੱਥਰ ਦੇ ਪ੍ਰਸੰਗ ਹਨ। ਘੇਰੇ ਦੀਆਂ ਕੰਧਾਂ ‘ਚ ਭਾਰਤੀ ਸੱਭਿਆਚਾਰ ਦੇ 79 ਕਾਂਸੀ-ਢਾਂਚੇ ਵਾਲੇ ਪ੍ਰਸੰਗ ਵੀ ਹਨ।

‘ਧਵਜਾਰੋਹਣ’ ਦੀ ਰਸਮ ਲਈ ਅਯੁੱਧਿਆ ਨੂੰ ਛਾਉਣੀ ‘ਚ ਤਬਦੀਲ ਕਰ ਦਿੱਤਾ ਗਿਆ ਹੈ। ਸੁਰੱਖਿਆ ਡਿਊਟੀਆਂ ਲਈ ਵੱਡੀ ਗਿਣਤੀ ‘ਚ ਪੁਲਿਸ ਬਲ ਤਾਇਨਾਤ ਕੀਤੇ ਗਏ ਹਨ। ਬੰਬ ਡਿਟੈਕਸ਼ਨ ਟੀਮ, ਡਾਗ ਟੀਮ, ਵੀਵੀਆਈਪੀ ਸੁਰੱਖਿਆ ਨਿਰੀਖਣ ਟੀਮਾਂ, ਟ੍ਰੈਫਿਕ ਪ੍ਰਬੰਧਨ ਇਕਾਈਆਂ, ਫਾਇਰ ਯੂਨਿਟਾਂ ਤੇ ਪ੍ਰਤੀਕਿਰਿਆ ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਮਾਈਨ ਟੀਮਾਂ, ਬੀਡੀਐਸ ਯੂਨਿਟ, ਐਕਸ-ਰੇ ਸਕੈਨਿੰਗ ਮਸ਼ੀਨਾਂ, ਸੀਸੀਟੀਵੀ ਮੋਡੀਊਲ, ਉੱਚ-ਪ੍ਰਤੀਕਿਰਿਆ ਵੈਨਾਂ, ਗਸ਼ਤ ਇਕਾਈਆਂ ਤੇ ਐਂਬੂਲੈਂਸ ਯੂਨਿਟ ਤਾਇਨਾਤ ਕੀਤੇ ਗਏ ਹਨ। ਵਿਸ਼ੇਸ਼ ਨਿਰੀਖਣ ਲਈ ਹੱਥ ਵ’ਚ ਫੜੇ ਗਏ ਧਾਤ ਖੋਜ ਯੰਤਰ, ਵਾਹਨ-ਮਾਊਂਟ ਕੀਤੇ ਸਕੈਨਰ ਤੇ ਸਮਾਨ ਐਕਸ-ਰੇ ਸਕੈਨਰ ਪ੍ਰਦਾਨ ਕੀਤੇ ਗਏ ਹਨ।