ਕਿਹੜੇ ਸੂਬਿਆਂ ‘ਚ ਖੁਲ੍ਹਣਗੇ ਨਵੇਂ ਕੇਂਦਰੀ ਤੇ ਜਵਾਹਰ ਨਵੋਦਿਆ ਵਿਦਿਆਲਿਆ? 85 ਕੇਵੀ ਤੇ 28 ਜੇਐਨਵੀ ਸਕੂਲਾਂ ਨੂੰ ਦਿੱਤੀ ਮਨਜ਼ੂਰੀ
New Kendriya Vidyalaya School Open: ਕੇਂਦਰ ਸਰਕਾਰ ਨੇ 85 ਨਵੇਂ ਕੇਂਦਰੀ ਅਤੇ 28 ਨਵੇਂ ਜਵਾਹਰ ਨਵੋਦਿਆ ਵਿਦਿਆਲਿਆ ਖੋਲ੍ਹਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਆਓ ਜਾਣਦੇ ਹਾਂ ਕਿ ਕਿਹੜੇ ਸੂਬਿਆਂ ਵਿੱਚ ਇਹ ਨਵੇਂ ਸਕੂਲ ਖੁੱਲ੍ਹਣਗੇ ਅਤੇ ਇਨ੍ਹਾਂ ਵਿੱਚ ਪੜ੍ਹਾਈ ਕਦੋਂ ਸ਼ੁਰੂ ਹੋਵੇਗੀ।
ਕੇਂਦਰੀ ਮੰਤਰੀ ਮੰਡਲ ਨੇ ਦੇਸ਼ ਭਰ ਵਿੱਚ 85 ਨਵੇਂ ਕੇਂਦਰੀ ਵਿਦਿਆਲਿਆ ਖੋਲ੍ਹਣ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਲਈ ਕੇਂਦਰ ਸਰਕਾਰ ਵੱਲੋਂ 8,231 ਕਰੋੜ ਰੁਪਏ ਦੇ ਬਜਟ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। 85 ਨਵੇਂ ਕੇਂਦਰੀ ਵਿਦਿਆਲਿਆ ਦੇ ਨਾਲ, 28 ਨਵੇਂ ਜਵਾਹਰ ਨਵੋਦਿਆ ਵਿਦਿਆਲਿਆ (ਜੇਐਨਵੀ) ਨੂੰ ਵੀ ਮਨਜ਼ੂਰੀ ਦਿੱਤੀ ਗਈ ਹੈ। ਆਓ ਜਾਣਦੇ ਹਾਂ ਨਵੇਂ ਪ੍ਰਵਾਨ ਕੀਤੇ ਕੇਂਦਰੀ ਅਤੇ ਜਵਾਹਰ ਨਵੋਦਿਆ ਵਿਦਿਆਲਿਆ ਕਿਹੜੇ-ਕਿਹੜੇ ਸੂਬਿਆਂ ਵਿੱਚ ਖੁੱਲ੍ਹਣਗੇ।
85 ਪ੍ਰਵਾਨਿਤ ਕੇਂਦਰੀ ਵਿਦਿਆਲਿਆਂ ਵਿੱਚੋਂ, ਸਭ ਤੋਂ ਵੱਧ 13 ਨਵੇਂ ਕੇਂਦਰੀ ਵਿਦਿਆਲਿਆ ਜੰਮੂ ਅਤੇ ਕਸ਼ਮੀਰ ਦੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿੱਚ ਖੋਲ੍ਹੇ ਜਾਣਗੇ। ਜਦੋਂ ਕਿ ਅਰੁਣਾਚਲ ਪ੍ਰਦੇਸ਼ ਵਿੱਚ 8 ਨਵੇਂ ਜਵਾਹਰ ਨਵੋਦਿਆ ਵਿਦਿਆਲਿਆ ਖੋਲ੍ਹੇ ਜਾਣਗੇ। ਨਵੇਂ ਕੇਂਦਰੀ ਵਿਦਿਆਲਿਆ ਦੀ ਸਥਾਪਨਾ 2025-26 ਤੋਂ ਅੱਠ ਸਾਲਾਂ ਦੀ ਮਿਆਦ ਵਿੱਚ ਕੀਤੀ ਜਾਵੇਗੀ, ਜਦੋਂ ਕਿ 28 ਜੇਐਨਵੀ 2024-25 ਤੋਂ 2028-29 ਤੱਕ ਪੰਜ ਸਾਲਾਂ ਵਿੱਚ ਸਥਾਪਿਤ ਕੀਤੇ ਜਾਣਗੇ। ਸਮੂਹਿਕ ਤੌਰ ‘ਤੇ, ਇਹਨਾਂ ਸਕੂਲਾਂ ਤੋਂ ਲਗਭਗ 1 ਲੱਖ ਵਿਦਿਆਰਥੀਆਂ ਲਈ ਵਾਧੂ ਦਾਖਲਾ ਸਮਰੱਥਾ ਪੈਦਾ ਕਰਨ ਅਤੇ ਲਗਭਗ 6,600 ਨਵੇਂ ਰੁਜ਼ਗਾਰ ਦੇ ਅਹੁਦੇ ਪੈਦਾ ਕਰਨ ਦੀ ਉਮੀਦ ਹੈ।
ਕਿਹੜੇ ਸੂਬਿਆਂ ਵਿੱਚ ਨਵੇਂ ਕੇਂਦਰੀ ਵਿਦਿਆਲਿਆ ਖੋਲ੍ਹੇ ਜਾਣਗੇ?
ਨਵੇਂ ਖੋਲ੍ਹੇ ਗਏ 85 ਕੇਂਦਰੀ ਵਿਦਿਆਲਿਆ ਵਿੱਚੋਂ 13 ਜੰਮੂ-ਕਸ਼ਮੀਰ ਵਿੱਚ, 11 ਮੱਧ ਪ੍ਰਦੇਸ਼ ਵਿੱਚ, 9 ਰਾਜਸਥਾਨ ਵਿੱਚ, 8 ਓਡੀਸ਼ਾ ਵਿੱਚ, 8 ਆਂਧਰਾ ਪ੍ਰਦੇਸ਼ ਵਿੱਚ, 5 ਉੱਤਰ ਪ੍ਰਦੇਸ਼ ਵਿੱਚ, 4 ਉੱਤਰਾਖੰਡ ਵਿੱਚ, 4 ਛੱਤੀਸਗੜ੍ਹ ਵਿੱਚ, 4 ਹਿਮਾਚਲ ਪ੍ਰਦੇਸ਼ ਵਿੱਚ ਹਨ। ਕਰਨਾਟਕ ਵਿੱਚ 3 ਨਵੇਂ ਅਤੇ ਇੱਕ ਸਕੂਲ ਨੂੰ ਅਪਗ੍ਰੇਡ ਕੀਤਾ ਜਾਵੇਗਾ। ਜਦੋਂ ਕਿ ਗੁਜਰਾਤ ਵਿੱਚ 3, ਮਹਾਰਾਸ਼ਟਰ ਵਿੱਚ 3, ਝਾਰਖੰਡ ਵਿੱਚ 2, ਤਾਮਿਲਨਾਡੂ ਵਿੱਚ 2, ਤ੍ਰਿਪੁਰਾ ਵਿੱਚ 2, ਦਿੱਲੀ ਵਿੱਚ 1, ਅਰੁਣਾਚਲ ਪ੍ਰਦੇਸ਼ ਵਿੱਚ 1 ਅਤੇ ਅਸਾਮ ਅਤੇ ਕੇਰਲ ਵਿੱਚ 1-1 ਸਕੂਲ ਖੋਲ੍ਹੇ ਜਾਣਗੇ।
ਕਿਹੜੇ ਸੂਬਿਆਂ ‘ਚ ਨਵੇਂ ਜਵਾਹਰ ਨਵੋਦਿਆ ਵਿਦਿਆਲਿਆ ਖੋਲ੍ਹੇ ਜਾਣਗੇ?
ਜੰਮੂ-ਕਸ਼ਮੀਰ ਤੋਂ ਇਲਾਵਾ ਮੱਧ ਪ੍ਰਦੇਸ਼ ‘ਚ 11, ਰਾਜਸਥਾਨ ‘ਚ 9, ਆਂਧਰਾ ਪ੍ਰਦੇਸ਼ ‘ਚ 8 ਅਤੇ ਉੜੀਸਾ ‘ਚ 8 ਨਵੇਂ ਕੇਂਦਰੀ ਵਿਦਿਆਲਿਆ ਖੋਲ੍ਹੇ ਜਾਣਗੇ। ਉੱਤਰ-ਪੂਰਬੀ ਤਿੰਨ ਸੂਬਿਆਂ ਅਰੁਣਾਚਲ ਪ੍ਰਦੇਸ਼, ਅਸਾਮ ਅਤੇ ਮਨੀਪੁਰ ਲਈ ਵੱਡੀ ਗਿਣਤੀ ਵਿੱਚ ਜੇਐਨਵੀ ਸਕੂਲਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਅਰੁਣਾਚਲ ਵਿੱਚ 8, ਅਸਾਮ ਵਿੱਚ 6, ਮਨੀਪੁਰ ਵਿੱਚ 3, ਕਰਨਾਟਕ ਵਿੱਚ 1, ਮਹਾਰਾਸ਼ਟਰ ਵਿੱਚ 1, ਤੇਲੰਗਾਨਾ ਵਿੱਚ 7 ਜ਼ਿਲ੍ਹਿਆਂ ਅਤੇ ਪੱਛਮੀ ਬੰਗਾਲ ਵਿੱਚ 2 ਨਵੇਂ ਜਵਾਹਰ ਨਵੋਦਿਆ ਵਿਦਿਆਲਿਆ ਖੋਲ੍ਹੇ ਜਾਣਗੇ।
ਹੁਣ ਕਿੰਨੇ ਕੇਵੀ ਅਤੇ ਜੇਐਨਵੀ ਸਕੂਲ ਹਨ?
ਇਸ ਸਮੇਂ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਵਿੱਚ ਕੁੱਲ 1253 ਕੇਂਦਰੀ ਵਿਦਿਆਲੇ ਚਲਾਏ ਜਾ ਰਹੇ ਹਨ। ਭਾਰਤ ਵਿੱਚ ਕੁੱਲ 661 ਜਵਾਹਰ ਨਵੋਦਿਆ ਵਿਦਿਆਲਿਆ (JNVs) ਹਨ। ਇਹ ਸਕੂਲ ਭਾਰਤ ਸਰਕਾਰ ਦੇ ਸਿੱਖਿਆ ਮੰਤਰਾਲੇ ਅਧੀਨ ਨਵੋਦਿਆ ਵਿਦਿਆਲਿਆ ਸਮਿਤੀ (NVS) ਦੁਆਰਾ ਚਲਾਏ ਜਾਂਦੇ ਹਨ। ਨਵੇਂ ਸਕੂਲ ਖੁੱਲ੍ਹਣ ਤੋਂ ਬਾਅਦ ਦੇਸ਼ ਵਿੱਚ ਕੇਂਦਰੀ ਵਿਦਿਆਲਿਆਂ ਦੀ ਕੁੱਲ ਗਿਣਤੀ 1338 ਹੋ ਜਾਵੇਗੀ ਅਤੇ ਜਵਾਹਰ ਨਵੋਦਿਆ ਵਿਦਿਆਲਿਆਂ ਦੀ ਗਿਣਤੀ 689 ਹੋ ਜਾਵੇਗੀ।
ਇਹ ਵੀ ਪੜ੍ਹੋ
