Haryana Election Result 2024: ਚੌਟਾਲਾ ਪਰਿਵਾਰ ਦੀ ਚੌਧਰਾਹਟ ਜ਼ਮੀਨ ‘ਚ ਧੱਸੀ, ਹਰਿਆਣਾ ਚੋਣਾਂ ‘ਚ ਇਨੈਲੋ ਅਤੇ ਜੇਜੇਪੀ ਪੂਰੀ ਤਰ੍ਹਾਂ ਫੇਲ
Chautala Family in Haryana Election: ਪਹਿਲੀ ਵਾਰ ਚੌਟਾਲਾ ਪਰਿਵਾਰ ਹਰਿਆਣਾ ਦੇ ਚੋਣ ਦੰਗਲ 'ਚ ਬੁਰੀ ਤਰ੍ਹਾਂ ਘਿਰਿਆ ਨਜ਼ਰ ਆ ਰਿਹਾ ਹੈ। ਚੌਟਾਲਾ ਪਰਿਵਾਰ ਦੀਆਂ ਦੋਵੇਂ ਧਿਰਾਂ ਜ਼ਮਾਨਤ ਬਚਾਉਣ ਲਈ ਸੰਘਰਸ਼ ਕਰ ਰਹੀਆਂ ਹਨ। ਪਰਿਵਾਰ ਦੇ ਬਜ਼ੁਰਗ ਮੈਂਬਰ ਦੁਸ਼ਯੰਤ ਚੌਟਾਲਾ ਅਤੇ ਅਭੈ ਚੌਟਾਲਾ ਚੋਣਾਂ ਵਿੱਚ ਹਾਰ ਵੱਲ ਵਧ ਰਹੇ ਹਨ।
ਹਰਿਆਣਾ ਵਿਧਾਨ ਸਭਾ ਚੋਣਾਂ ਵਿੱਚ ਪਹਿਲੀ ਵਾਰ ਚੌਟਾਲਾ ਪਰਿਵਾਰ ਦਾ ਸਫਾਇਆ ਹੁੰਦਾ ਨਜ਼ਰ ਆ ਰਿਹਾ ਹੈ। ਚੌਟਾਲਾ ਪਰਿਵਾਰ ਨਾਲ ਜੁੜੇ ਇੰਡੀਅਨ ਨੈਸ਼ਨਲ ਲੋਕ ਦਲ ਅਤੇ ਜਨਨਾਇਕ ਜਨਤਾ ਪਾਰਟੀ ਖਾਤੇ ਖੋਲ੍ਹਣ ਲਈ ਸੰਘਰਸ਼ ਕਰ ਰਹੇ ਹਨ। ਪਰਿਵਾਰ ਦੇ ਦੋ ਦਿੱਗਜ ਆਗੂ ਦੁਸ਼ਯੰਤ ਚੌਟਾਲਾ ਅਤੇ ਅਭੈ ਚੌਟਾਲਾ ਆਪੋ-ਆਪਣੀ ਸੀਟ ਤੋਂ ਬੁਰੀ ਤਰ੍ਹਾਂ ਹਾਰ ਰਹੇ ਹਨ।
ਚੌਟਾਲਾ ਪਰਿਵਾਰ ਦੇ ਉਮੀਦਵਾਰ ਕੌਣ ਹਨ?
ਦੁਸ਼ਯੰਤ ਚੌਟਾਲਾ– ਹਿਸਾਰ ਦੇ ਉਚਾਨਾ ਕਲਾਂ ਤੋਂ ਚੋਣ ਲੜ ਰਹੇ ਦੁਸ਼ਯੰਤ ਚੌਟਾਲਾ ਦੌੜ ਤੋਂ ਬਾਹਰ ਹੋ ਗਏ ਹਨ। ਦੁਸ਼ਯੰਤ ਇੱਥੋਂ ਛੇਵੇਂ ਨੰਬਰ ‘ਤੇ ਚੱਲ ਰਿਹਾ ਹੈ। ਦੁਸ਼ਯੰਤ ਲਈ ਇੱਥੋਂ ਜ਼ਮਾਨਤ ਬਚਾਉਣਾ ਮੁਸ਼ਕਲ ਨਜ਼ਰ ਆ ਰਿਹਾ ਹੈ।
ਅਭੈ ਚੌਟਾਲਾ- ਸਿਰਸਾ ਦੇ ਏਲਨਾਬਾਦ ਤੋਂ ਚੋਣ ਲੜ ਰਹੇ ਅਭੈ ਚੌਟਾਲਾ ਕਾਫੀ ਪਿੱਛੇ ਹਨ। ਅਭੈ ਵੀ ਇਨੈਲੋ ਤੋਂ ਮੁੱਖ ਮੰਤਰੀ ਅਹੁਦੇ ਦੇ ਦਾਅਵੇਦਾਰ ਹਨ। ਅਭੈ ਦੀ ਸੀਟ ‘ਤੇ ਕਾਂਗਰਸ ਅੱਗੇ ਹੈ।
ਆਦਿਤਿਆ ਚੌਟਾਲਾ– ਡੱਬਵਾਲੀ ਸੀਟ ਤੋਂ ਚੋਣ ਲੜ ਰਹੇ ਅਭੈ ਚੌਟਾਲਾ ਦੇ ਬੇਟੇ ਆਦਿਤਿਆ ਦੂਜੇ ਨੰਬਰ ‘ਤੇ ਹਨ। ਇਸ ਸੀਟ ਨੂੰ ਕਦੇ ਚੌਟਾਲਾ ਪਰਿਵਾਰ ਦਾ ਗੜ੍ਹ ਮੰਨਿਆ ਜਾਂਦਾ ਸੀ। ਇੱਥੋਂ ਕਾਂਗਰਸ ਅੱਗੇ ਚੱਲ ਰਹੀ ਹੈ।
ਦਿਗਵਿਜੇ ਚੌਟਾਲਾ– ਦੁਸ਼ਯੰਤ ਚੌਟਾਲਾ ਦੇ ਭਰਾ ਦਿਗਵਿਜੇ ਡੱਬਵਾਲੀ ਸੀਟ ਤੋਂ ਚੋਣ ਲੜ ਰਹੇ ਹਨ। ਇੱਥੋਂ ਦਿਗਵਿਜੇ ਤੀਜੇ ਸਥਾਨ ‘ਤੇ ਚੱਲ ਰਹੇ ਹਨ। ਦਿਗਵਿਜੇ ਨੂੰ ਜੇਜੇਪੀ ਦਾ ਵੱਡਾ ਨੇਤਾ ਮੰਨਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ
ਅਰਜੁਨ ਚੌਟਾਲਾ– ਅਭੈ ਚੌਟਾਲਾ ਦੇ ਬੇਟੇ ਅਰਜੁਨ ਚੌਟਾਲਾ ਰਾਣੀਆਂ ਸੀਟ ਤੋਂ ਅੱਗੇ ਹਨ। ਉਨ੍ਹਾਂ ਦੇ ਦਾਦਾ ਰਣਜੀਤ ਚੌਟਾਲਾ ਇੱਥੋਂ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜ ਰਹੇ ਹਨ। ਇਸ ਸੀਟ ਤੋਂ ਰਣਜੀਤ ਦੂਜੇ ਸਥਾਨ ‘ਤੇ ਹਨ।
ਜ਼ਮੀਨ ‘ਚ ਧੱਸੀ ਚੌਟਾਲਾ ਪਰਿਵਾਰ ਦੀ ਚੌਧਰਾਹਟ?
- 1967 ਵਿਚ ਹਰਿਆਣਾ ਨੂੰ ਵੱਖ ਕਰਕੇ ਪਹਿਲੀ ਵਾਰ ਚੋਣਾਂ ਕਰਵਾਈਆਂ ਗਈਆਂ ਸਨ। ਉਦੋਂ ਤੋਂ ਹਰਿਆਣਾ ਦੀ ਰਾਜਨੀਤੀ ਵਿੱਚ ਚੌਟਾਲਾ ਪਰਿਵਾਰ ਦਾ ਰਾਜਸੀ ਦਬਦਬਾ ਰਿਹਾ ਹੈ। ਉਸ ਸਮੇਂ ਚੌਧਰੀ ਦੇਵੀ ਲਾਲ ਮੁੱਖ ਭੂਮਿਕਾ ਵਿੱਚ ਸਨ। ਦੇਵੀ ਲਾਲ ਨੇ 1967 ਤੋਂ 1989 ਤੱਕ ਹਰਿਆਣਾ ਦੀ ਰਾਜਨੀਤੀ ਕੀਤੀ। ਇਸ ਦੌਰਾਨ ਉਹ ਦੋ ਵਾਰ ਹਰਿਆਣਾ ਦੇ ਮੁੱਖ ਮੰਤਰੀ ਰਹੇ।
- 1989 ਵਿੱਚ ਭਾਰਤ ਦੇ ਉਪ ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ, ਦੇਵੀ ਲਾਲ ਨੇ ਮੁੱਖ ਮੰਤਰੀ ਦੀ ਕੁਰਸੀ ਆਪਣੇ ਪੁੱਤਰ ਚੌਧਰੀ ਓਮ ਪ੍ਰਕਾਸ਼ ਚੌਟਾਲਾ ਨੂੰ ਸੌਂਪ ਦਿੱਤੀ। ਉਸ ਸਮੇਂ ਉਨ੍ਹਾਂ ਦੰ ਛੋਟਾ ਪੁੱਤਰ ਰਣਜੀਤ ਚੌਟਾਲਾ ਵੀ ਮੁੱਖ ਮੰਤਰੀ ਅਹੁਦੇ ਦਾ ਦਾਅਵੇਦਾਰ ਸਨ।
- ਓਮ ਪ੍ਰਕਾਸ਼ ਚੌਟਾਲਾ ਕੁੱਲ 4 ਵਾਰ ਹਰਿਆਣਾ ਦੇ ਮੁੱਖ ਮੰਤਰੀ ਰਹੇ। ਚੌਟਾਲਾ 2005 ‘ਚ ਹਾਰ ਗਏ ਸਨ, ਉਦੋਂ ਤੋਂ ਚੌਟਾਲਾ ਪਰਿਵਾਰ ਸਿੱਧੇ ਤੌਰ ‘ਤੇ ਸੱਤਾ ‘ਚ ਨਹੀਂ ਆ ਸਕਿਆ ਹੈ। ਚੌਟਾਲਾ ਪਰਿਵਾਰ 2018 ਵਿੱਚ ਵੱਖ ਹੋ ਗਿਆ ਸੀ। ਦੁਸ਼ਯੰਤ ਚੌਟਾਲਾ ਨੇ ਦਾਦਾ ਓਮ ਪ੍ਰਕਾਸ਼ ਅਤੇ ਛੋਟੇ ਬੇਟੇ ਅਭੈ ਚੌਟਾਲਾ ਦੇ ਖਿਲਾਫ ਬਗਾਵਤ ਕੀਤੀ ਸੀ।
- ਦੁਸ਼ਯੰਤ ਨੇ ਆਪਣੇ ਪਿਤਾ ਅਜੈ ਸਿੰਘ ਚੌਟਾਲਾ ਨਾਲ ਮਿਲ ਕੇ ਆਪਣੀ ਪਾਰਟੀ ਬਣਾ ਲਈ। 2019 ਦੀਆਂ ਚੋਣਾਂ ਵਿੱਚ, ਜੇਜੇਪੀ ਨੇ 10 ਸੀਟਾਂ ਜਿੱਤੀਆਂ ਅਤੇ ਇਸਦੀ ਭੂਮਿਕਾ ਸਰਕਾਰ ਵਿੱਚ ਕਿੰਗਮੇਕਰ ਦੀ ਸੀ।
- ਇਸ ਵਾਰ ਦੋਵੇਂ ਪਾਰਟੀਆਂ ਵੱਖ-ਵੱਖ ਗਠਜੋੜਾਂ ਨਾਲ ਮੈਦਾਨ ਵਿਚ ਹਨ। ਹਾਲਾਂਕਿ ਇਨੈਲੋ ਪਹਿਲਾਂ ਵਾਂਗ ਇਕ ਸੀਟ ‘ਤੇ ਅੱਗੇ ਹੈ। ਜਦੋਂ ਕਿ ਜੇਜੇਪੀ ਜ਼ੀਰੋ ਵੱਲ ਵਧ ਰਹੀ ਹੈ।
